За тоа што вие го оставивте како влада во енергетскиот сектор, зборот „катаклизма“ е комплимент, но затоа оставивте позади себе десетици, стотици милионери, политички профитери и лешинари коишто се талогот на општеството – рече претседателот на Владата Христијан Мицкоски, одговорајќи на пратеничко прашања од опозицијата за состојбата во енергетскиот сектор.

– Ќе ве потсетам, август 2017 година нула долгови, 25 милиони евра депозити, милијарда ипол денари и некаде околу 380 милиони денари на сметка на тогашната АД ЕЛЕМ и нула долгови, исплатени плати, отприлика дата на пресек 7-8 август 2017. Во 2024, август месец 7% состојба на акумулации на електрична енергија, нула откривка во РЕК Битола нула откриен јаглен, на депонија околу 20-30 илјади тони, неремонтирани блокови во Битола, неремонтирани во Осломеј, една катаклизмична состојба и долгови од 150 милиони евра. Јас не знам како се оперира глава срце итн., но знам кого да прашам. Другпат кога ќе ви ги постават овие прашања и кога ќе ве носат повторно во длабоко, бидејќи не е ова ваша тема, барем прашајте некој којшто ги разбира овие работи – рече Мицкоски, одговарајќи на пратеничкото прашање на Венко Филипче. Лидерот на СДСМ праша зошто не е направено ништо за зајакнување на енергетскиот сектор и производството на струја и зошто сега мора да има поскапување на струјата.

Што се однесува на поскапувањето на струјата Мицкоски го упати Филипче да го праша новиот член на раководството на СДСМ, кој е брат на претседателот на РКЕ, кое пак е независно тело.

– Зошто поскапување на струјата? Ова прашање господине Филипче можеби најдобро ќе ви го одговори новиот член на вашиот Извршен комитет, господинот Бислимоски којшто е брат на претседателот на Регулаторната комисија Марко Бислимоски. РКЕ по закон, по Устав е независно тело. Не знам зошто мене ми го поставувате ова прашање. Претпоставувам треба да му го поставите на Марко Бислимоски чијшто брат сега ви е соработник во Извршниот комитет или како и да ви се вика Одбор на СДСМ, и се надевам дека тој ќе ви даде попрецизен одговор од мене. А зошто ја манипулиравте јавноста со поскапување над 5%, над 10%, па не излезе толку, излезе 2 запирка нешто проценти претпоставувам дека тие исто така можат да ви дадат одговор – рече Мицкоски.

Што се однесува на обвинувањето на Филипче дека ништо не се направило за година ипол во енергетскиот сектор и дека истиот се уништува, Мицкоски го потсети Филипче дека 50 луѓе се под истрага или се водат судски процеси за уништување на тоа што било оставено од поранешната влада на ВМРО-ДПМНЕ, а поранешниот директор на ЕСМ и висок функционер на СДСМ е во бегство.

– Е сега околу енергетските капацитети. Изминативе година ипол повеќе од 50 луѓе коишто го уништувале тоа коешто е оставено од претходната влада на ВМРО-ДПМНЕ, односно од времето кога јас бев директор на тогашното ЕЛЕМ се или под истрага или се водат судски процеси, а поранешниот директор, висок поранешен функционер на СДСМ е во бегство. Ако е невин, ако е чесен ќе дојде тука и ќе се соочи со органите, ќе даде исказ и ќе каже зошто е така. Е сега, дали можеби кога зборувате за енергетските капацитети мислите и на компании коишто во минатото добиваа ексклузивно право да увезуваат јаглен и за тоа одредени јавни личности и политичари беа наградувани со скапи џипови коишто ги возеа со полномоштво на такви фирми и се префрлаа средства во соседството? Дали на тоа мислите кога зборувате за уништување на енергетскиот систем или мислите за уништување на енергетскиот систем кога се купуваа хемикалии и останати средства коишто не се потребни за да се делат провизии за високи поранешни функционери од редовите на СДСМ во Вардарскиот Регион во Пелагонискиот Регион итн. – праша Мицкоски.

The post „КАТАКЛИЗМА“ Е МАЛ ЗБОР ЗА ОНА ШТО ГО ОСТАВИВТЕ ВО ЕНЕРГЕТСКИОТ СЕКТОР Мицкоски, во одговор на пратеничко прашање од Филипче appeared first on plusinfo.mk.

Евтината тарифа во текот на ноќта и во недела остануваат, а според образложението на Регулаторната комисија за енергетика доколку не се укинеше дневната евтина тарифа од 14-16 часот, цената на струјата ќе требаше да се зголеми за 14,23 отсто.

РКЕ по носењето на одлуката за поскапување на струјата најави дека кон крајот на месецов или почетокот на следниот месец ќе воведе блок тарифи со кои ќе се обезбеди потрошувачка на струја по пониска цена. Оттаму порачаа дека рестрикциите не се опција. Паралелно со одлуката на РКЕ Владата усвои Програма за ранливи потрошувачи на енергија за 2022 година, со која се предвидува најранливите категории  лица со ниски примања кои не се приматели на гарантирана помош, да добијат намалување на месечната сметка за потрошена електрична енергија од 600 или 800 денари месечно, во зависност од големината на домаќинството.Со Програмата треба да бидат опфатени околу 7.500 домаќинства во времетраење од 12 месеци. Финансиска поддршка ќе се доделува на лица доколку нивните редовни месечни примања не го надминуваат нето приходот и тоа, за самец до минимална плата, за домаќинство со два члена до 18.000 денари, за домаќинство со три члена до 21.000 денари, за домаќинство со четири члена до 25.000 денари и за домаќинство со пет или пак повеќе члена до 30.000 денари.

Основен критериум за формирање на цената на парното греење, како што објави вчера претседателот на РКЕ Марко Бислимовски, е цената на природниот гас која лани просечно се движела околу 240 долари за нормален кубен метар, а годинава на БЕГ производство му е понудена цена од 1480 долари. При формирањето на цената за крајните потрошувачи РКЕ вкалкулирала цена на гасот од 340 до 350 долари за нормален кубен метар, бидејќи цената што му е понудена на БЕГ е досега највисока откако се користи природниот гас во земјава.

-РКЕ не може да прифати ценовни шокови и значително зголемување на цената на топлинската енергија и не може товарот да го префрли само врз потрошувачите. Доколку ја вкалкулиравме ваквата цена на природниот гас од 1480 долари во крајната цена за топлинската енергија ќе требаше да има зголемување од околу 190 отсто, но тоа не е опција и решение само ќе ги влоши состојбите и во секторот за топлинска енергија и во секторот за природен гас. Затоа се одлучивме да побараме помош од Владата, Град Скопје и скопските општини да помогнат да се надмине разликата во цената и високиот трошок за набавка на гас – рече Бислимовски и додаде дека проблемот со цената на природниот гас не е наш и го има во цела Европа.

Според Бислимовски, Владата веќе презема одредени чекори, кои, како што рече, ќе ги објави во наредниот период со цел да најде начин како да се покрие трошокот за парно греење кој што не е покриен со одлуката на РКЕ за цената.

-Барам и апелирам до Градот Скопје и до општините на Градот Скопје да помогнат за покривање на дел од трошоците за топлинска енергија во Градот Скопје – рече Бислимоски.

Просечниот трошок за набавка на природен гас во 2021 година изнесува околу 2 милиони евра, а за јануари 2022 година  е 13,8 милиони евра. Со одлуката на РКЕ се признава трошок од околу 4 милиони евра. Разликата во цена од околу 9 милиони евра, како што кажаа од РКЕ, ќе ја надополнат сите чинители, Владата и општините на Град Скопје.

Бислимовски информираше дека е набавен гас за ЕСМ Енергетика и за топланата Скопје Север, како и за  работењето на БЕГ, но се бара начин како да се плати гасот кој вообичаено авансно се плаќа за две недели. За наредните 10-тина дена обезбеден е природен гас, прецизира тој, а ќе се најде начин да се плати и преостанатитот дел и додаде дека не е опција граѓаните на Скопје да останат без парно греење.

Во системот на БЕГ има околу 60 000 корисници, во Скопје Север околу 500, а кај ЕСМ Енергетика околу 4000 потрошувачи.

The post СКАПО, ПОСКАПО, НАЈСКАПО Во 2022 година ќе се живее скромно appeared first on plusinfo.mk.

„Заев и СДСМ без тронка срам на подмолен и шверцерски начин ја покачија цената на струјата во сред епидемија. Поради Заев и СДСМ граѓаните плаќаат 13-та сметка за струја.

Неспособноста на СДСМ се докажа и увиде и во извештајот на Европската комисија за енергетика, која им препорача дека треба да се инвестира во нови ресурси и дека се потребни поголеми инвестиции во енергетската ефикасност.

Заев и СДСМ пред да дојдат на власт на граѓаните ветуваа гасификација и природен гас до сите домаќинства во државата, но на СДСМ побитно им беше за четири години да ја задолжи државата со рекордни 7 милијарди евра, од кои пари граѓаните не видоа ниту денар. 

Енергетиката за оваа неспособна влада е црна дупка“, реагира ВМРО – ДПМНЕ.

The post ВМРО-ДПМНЕ: Заеви јадат од златни вилушки и лажици, a народот плаќа поскапа струја appeared first on plusinfo.mk.