Од ноќеска по полноќ граѓаните ќе плаќаат повисоки цени за горивата, откако Регулаторната комисија за енергетика донесе нова одлука за максималните малопродажни цени.

Според одлуката, моторниот бензин ЕУРОСУПЕР БС-95 ќе се продава по најмногу 86,5 денари за литар, додека ЕУРОСУПЕР БС-98 ќе достигне 88,5 денари. Цената на дизелот ќе изнесува 92 денари за литар, а екстра лесното масло за домаќинство ќе чини 89,5 денари. Цената на мазутот, пак, се утврдува на 47,453 денари за килограм.

Од Регулаторната комисија објаснуваат дека поскапувањето е резултат на растот на цените на нафтените деривати на светските берзи, како и на зајакнувањето на американскиот долар во однос на денарот во изминатите денови.

Бензините и екстра лесното масло поскапуваат за седум денари по литар, додека дизелот ќе биде поскап за 6,5 денари. Мазутот ќе се продава по повисока цена за речиси пет денари по килограм.

И покрај зголемувањето, од РКЕ посочуваат дека трговците можат да ги формираат цените и пониско од утврдените максимуми. Воедно, им се укажува на нафтените компании да ги намалат цените за два денари по литар, согласно договорениот попуст со Владата и главниот снабдувач, со цел граѓаните директно да го почувствуваат олеснувањето.

Според пресметките, новата одлука носи просечно зголемување на цените на горивата од речиси девет проценти во однос на претходната недела. Од Комисијата тврдат дека и покрај тоа, горивата во земјава остануваат меѓу поевтините во регионот и Европа.

The post БЕНЗИНИТЕ ПОСКАПЕА ЗА 7, А ДИЗЕЛОТ ЗА 6,50 ДЕНАРИ Од полноќ ќе точиме гориво по нови повисоки цени appeared first on plusinfo.mk.

Од ноќеска на полноќ, цените на горивата повторно се менуваат. Бензините поскапуваат за еден денар по литар, а дизелот се зголемува за половина денар, соопшти Регулаторната комисија за енергетика, водни услуги и услуги за управување со комунален отпад (РКЕ).

Со новата одлука се врши зголемување на малопродажните цени на нафтените деривати во просек за 0,64 отсто во однос на претходната корекција.

„Новата цена на ЕУРОСУПЕР БС-95 изнесува 75 денари за литар, ЕУРОСУПЕР БС-98 ќе се продава за 77 денари, ЕУРОДИЗЕЛ БС (Д-Е V) за 68 денари, додека Екстра лесното масло за горење (ЕЛ-1) ќе чини 67,5 денари за литар“, информираат од РКЕ.

Од Комисијата појаснуваат дека, и покрај зголемувањето кај бензините и дизелот, цената на мазутот бележи намалување.

„Малопродажната цена на Мазутот М-1 НС се намалува за 0,378 денари по килограм и ќе изнесува 38,265 денари“, велат од РКЕ.

Причините за новите цени се должат на светските берзански движења. „Референтните цени на нафтените деривати на светскиот пазар во споредба со претходната пресметка бележат раст кај бензините за просечни 1,985 отсто, кај дизелот за 1,915, а кај екстра лесното масло за 1,244 отсто. Кај мазутот, пак, е регистрирано намалување за 1,246 отсто“, појаснуваат од Регулаторната комисија.

Дополнително, курсот на денарот во однос на американскиот долар е понизок за 0,123 отсто, што исто така влијаело врз пресметката на цените.

The post НОВ УДАР ЗА ВОЗАЧИТЕ, ГОРИВОТО ПОСКАПУВА Од полноќ нови цени на бензините и дизелот appeared first on plusinfo.mk.