Во скопската Зоолошка градина викендов настана непријатна ситуација откако група деца се качија на оградата на едно од живеалиштата, иако јасно е истакнато дека тоа е забрането. Настанот го забележа и го објави со видео на социјалните мрежи еден од негувателите – Војо Иванов.

На снимката се гледа како Иванов им приоѓа на децата и ги предупредува да слезат од оградата. Во тој момент реагираат и дел од родителите кои наместо да помогнат, му возвраќаат со забелешки.

– Господо! Господо, доле! Доле господо – вели Иванов, по што еден од присутните родители му возвраќа: „Полека бе, полека“. Кога негувателот укажува дека „децата ви се горе“, родителот одговара: „Ако де, што има врска? Да не се внатре?“

Дијалогот продолжува со инсистирање на Иванов дека мора да се симнат од оградата, на што родителот реплицира: „Понашај се малку покултурно“.

– Јас култура, а вие сте на ограда? – му враќа негувателот, а родителот пак возвраќа: „Ако, мое право“.

Под самото видео, Иванов напиша коментар: „Ризик јак, недела со гостите“, додека во реакциите на јавноста доминираа критики за недоличното однесување на посетителите.

The post 🎥 НЕПРИЈАТНА СИТУАЦИЈА ВО СКОПСКАТА ЗООЛОШКА ГРАДИНА Родители се расправаат со негувателот додека децата им висат на ограда appeared first on plusinfo.mk.

Ист Гејт Мол ја лансираше новата верзија на својата мобилна апликација, која од денеска е достапна за преземање на сите Android и iOS уреди. Апликацијата е специјално дизајнирана за посетителите на трговскиот центар и има за цел да го олесни и унапреди шопинг искуството со низа новитети.

„Со лансирањето на оваа мобилна апликација, ние ја поставуваме новата димензија на шопинг и искуство во нашиот трговски центар, особено за нашите лојални потрошувачи и посетители. Нашата цел е да го подобриме секој аспект на искуството на посетителите, додека тие уживаат во шопингот, вкусни гастрономски искуства и фантастични настани“, велат од Ист Гејт Мол.

Ова иновативно дигитално решение овозможува лесна навигација низ продавниците, информации за најновите промоции, попусти и настани, како и интегрирана програма за лојалност – прва од ваков вид на македонскиот пазар во оваа индустрија.

Апликацијата вклучува и интерактивна мапа, која на посетителите им овозможува брзо и едноставно да го пронајдат секој локал и контакт во трговскиот центар. Без разлика дали некој бара конкретна продавница или сака да дознае повеќе за тековни настани, сите информации се достапни на едно место.

Особено внимание е посветено на програмата за лојалност – иновативен систем кој овозможува на посетителите да добиваат поени при секое купување. Со едноставно скенирање на фискалната сметка, корисниците собираат поени кои потоа автоматски се претвораат во ваучери. Овие ваучери може да се искористат во една од селектираните продавници во трговскиот центар.

Апликацијата е достапна веднаш за преземање преку следниот линк: https://qrco.de/bftUmPв, како и на Android на Apple. За повеќе информации и дополнителни објаснувања, посетителите може да ја посетат официјалната веб-страница на трговскиот центар – eastgatemall.mk.

The post ИСТ ГЕЈТ МОЛ СО НОВА МОБИЛНА АПЛИКАЦИЈА Лојалните посетители ќе добијат полесна навигација, попусти, ваучери и поени appeared first on plusinfo.mk.

„Д фестивал“ од оваа година ќе се одржува во Штип. Градоначалникот на Општина Штип, Иван Јорданов, потврди дена во јули во подножјето на тврдината „Исар“, кај реката Брегалница, ќе се одржи „Д фестивал“. Фестивалот ќе трае три дена, со што сите сместувачки капацитети ќе бидат на располагање на посетителите.

– Верувам дека „Д фестивал“ ќе ја зголеми културата во нашиот град, можностите, но и од аспект од јакнење на локалната економија. Многу е важно шти три дена во месец јули во градот Штип ќе дојдат илјадници посетители, ќе го закупат целиот град, целиот сместувачки капацитет, градот ќе живее во ритамот на фестивалот – рече Јорданов.

Фестивалот ќе се одржи на отворено како и сите години претходно, во подножјетот на тврдината Исар, на пешачката патека покрај река Брегалница. Дополнително, ќе има соодветна кампинг зона за посетителите и неколку бини.

– Концептот е променет делумно, но она кое е белег на фестивалот е кампинг зона, неколку стејџови. Ова лето илјадници посетители ќе бидат дел од фестивалот и сите сместувачки капацитети ќе бидат ставени на располагање – изјави Јорданов.

„Д Фестивал“ годинава ќе се одржи по 15 пат, а за првпат во Штип. Неговите почетоци и 14 годишно одржување до сега беше во Дојран.

The post „Д ФЕСТИВАЛ ЈА МЕНУВА ЛОКАЦИЈАТА“ Журката од Дојран се сели во Штип appeared first on plusinfo.mk.

Сите жители на Мавровско Леуново се евакуирани поради неповолните услови, соопштија надлежните служби. Евакуацијата е успешно спроведена, а службите кои беа ангажирани за поддршка и логистика ја покажаа својата подготвеност и координираност.

Жителите и посетителите на хотелот „Радика“ користеле автомобили и џипови за да стигнат до Маврово, каде патот е прооден и безбедноста е загарантирана. Според информациите, само неколку лица одлучиле да останат, по своја желба.

Евакуацијата помина без проблеми благодарение на брзата реакција на локалните власти и службите кои ја надгледуваа операцијата. Надлежните апелираат граѓаните да се придржуваат до препораките за да се избегнат несакани последици.

Останува ситуацијата да се следи, а службите се подготвени за дополнителни активности ако тоа е потребно.

The post СЛУЖБИТЕ НА ВИСИНА НА ЗАДАЧАТА Евакуирани сите лица од Леуново appeared first on plusinfo.mk.

По тринеделна пауза, Зоолошката градина во Скопје повторно ќе ги отвори вратите за посетителите од оваа сабота, 9 ноември, со работно време од 9 до 17 часот. Веста беше соопштена преку официјалната страница на Зоо Скопје.

„Ве известуваме дека од оваа сабота Зоолошката градина ќе биде отворена за посетители со редовно работно време. Да уживаме заедно во убавите есенски и сончеви денови, ве очекуваме“, објавија од Зоо Скопје на Фејсбук.

Зоолошката градина беше привремено затворена на 21 ден, откако беше потврден случај на птичји грип кај дива гуска која долетала во нејзиниот простор.

„Од страна на надлежен официјален ветеринар спроведен е надзор во Зоолошката градина и наредени се мерки за надзор на болеста. Извршено е хумано убивање и нештетно отстранување на следните видови птици: 24 патки, 6 гуски, 5 кокошки и една чавка, која била присутна на локацијата“, соопштија тогаш од АХВ.

Негативни на птичји грип беа вработените во Зоо Скопје, како и една посетителка која се пријавила за тестирање.

The post ЗОО СКОПЈЕ СЕ ОТВОРА В САБОТА По паузата поради птичји грип, градината пак ќе прими посетители appeared first on plusinfo.mk.

Демонстрантите рекоа дека прекумерниот туризам ги зголемува цените на становите, забрзува гентрификација и ги прави поретки и онака оскудните залихи на вода. Во урбаните центри погодени од суша, како Барселона, туристите користат значително повеќе вода од просечниот жител.

Во исушената Сицилија, бројни градови почнаа да ги одбиваат туристите поради недостиг на вода.
Владите, од своја страна, се помалку склони да спроведуваат трајни мерки.

За многу земји од ЕУ, особено оние во јужна Европа, туризмот е клучен столб на економијата: 11,3 отсто за Хрватска и меѓу 6 и 8 отсто за Португалија, Грција, Шпанија и Италија, покажува анализата на Алијанц.

Откако пандемијата речиси го запре туризмот на две години, луѓето желни за патување се впуштија во таканаречениот „одмазднички туризам“ – враќајќи ги патувањата што ги пропуштија.

Делумно поради туризмот, Шпанија, Португалија и Грција – долго заостанати меѓу главните европски економии – го надминаа остатокот од ЕУ во 2023 година. Додека БДП низ целиот блок порасна за 0,5 отсто, економиите на Португалија, Грција и Шпанија забележаа стапки на раст над 2 проценти.

– Она што го гледаме во медиумите е она што почнавме да го гледаме уште пред пандемијата – изјави за Сандра Карвао, директор за пазарна интелигенција, политика и конкурентност во Агенцијата за туризам на ОН.

– Уште тогаш видовме движење и протести против туризмот на дестинациите и гледаме дека се враќаат – рече таа.

На крајот на јули, околу 20.000 антитуристички активисти се собраа во Палма де Мајорка, барајќи промена на туристичкиот модел за кој велат дека им штети на Балеарските Острови, чии три главни острови се Мајорка, Менорка и Ибица.

Во 2023 година, вкупниот број на туристи на островите се искачи на 14,4 милиони – огромна бројка за островите со население во текот на целата година од околу 1,2 милиони.

Во Барселона, активисти ги испрскаа странските посетители со водени пиштоли на протест.

Шпанскиот министер за туризам ја осуди акцијата, нагласувајќи дека таа не ја претставува културата на гостопримството во земјата. На улиците и јавните простори низ цела Шпанија, налепници и графити кои упатуваат на „guiris“, благ погрден колоквијален термин за туристите кои имаат проблеми со почитувањето на локалните закони и култура.

Слични антитуристички протести се одржаа летово во градовите низ Шпанија, вклучувајќи ги Мадрид, Малага, Гранада и Аликанте. Надвор од Шпанија, туристичките жаришта како Португалија, Италија и Грција доживуваат протести од различен степен.

Поголем проблем од забраната за селфи

Градовите се борат против прекумерниот туризам со казни, такси и забрани – со различен степен на успех.

Некои воведоа мали правила за да ги одвратат туристите: нема селфи во областите на италијанскиот град Портофино, нема седење на Шпанските скали во Рим, нема големи бродови за крстарење во хрватски Дубровник или грчки Санторини и нема носење апостолки во Чинкве Тере.

Во Венеција властите воведоа симболична влезница од 5 евра за ограничување на бројот на туристи.

Мерката, сепак, имаше контраефект, наместо тоа, предизвика дополнителни протести од локалното население кои тврдеа дека градот е претворен во тематски парк.

Некои се обложуваат повисоко: градоначалникот на Барселона во јуни објави дека градот ќе стави крај на краткорочните изнајмувања на туристи до 2028 година, во обид да се избегне најлошото од растечкиот недостиг на станови во Европа. Во изминатата деценија, Канарските Острови, заедно со градовите Берлин и Лисабон, одобрија слични мерки.

Според Карвао, успешна туристичка стратегија треба да се фокусира на рамнотежата на економското, социјалното и влијанието врз животната средина и мора да го земе предвид нивото на побарувачка, како и носивоста на дестинацијата (во однос на големината на градот, инфраструктурата или ресурсите).

Карвао го наведе Амстердам како пример за град кој е на пат да го стави туризмот под контрола.

Градот, кој се здоби со репутација како главен град на партиите во Европа, го забрани пушењето трева во својот кварт на црвените фенери и започна кампања за излегување наменета за младите, бурни

Британци кои ги посетуваат само за забава. Неодамна најави забрана за изградба на нови хотели.

За разлика од другите дестинации кои ги ограничуваат патниците, некои избраа поотворен пристап: Копенхаген нуди награди за да го поттикне климатски прифатливо однесување на туристите. Оние кои возат велосипед, возат јавен превоз или собираат ѓубре низ градот, можат да добијат се – од бесплатна шолја кафе до бесплатен влез во музеј.

– Стратегијата треба да биде комбинација од три аспекти. Потребни ви се податоци за движење, управување со активно слушање на жителите, а третото е комбинација од различни политики – рече Карвао.

The post НА ЈУГОИСТОЧНА ЕВРОПА Ѝ СЕ ГАДИ ОД ТУРИСТИТЕ Рим, Барселона и Атина „завршија“ со ордите посетители кои им одат на нерви appeared first on plusinfo.mk.

Шолц беше ограден од народот со големо бело јаже и се слушаа извици на огорченост од неговото присуство.

Посетата се одвиваше со високо ниво на безбедност.

Покрај полицијата, ангажиран е и кучешки одред за да се исклучи можноста за внесување експлозив.

The post 📽️ ШОЛЦ ОГРАДЕН СО ЈАЖЕ Погледнете како обезбедувањето го чува германскиот канцелар appeared first on plusinfo.mk.

Илјадници жители на шпанскиот град Малага излегоа на протест против масовниот туризам, кој според нив е причина за високите наеми и недостигот на станови, пренесе ДПА.

Многу од демонстрантите носеа плакати со натписи: „Малага не се продава“ и „Ова не е туризам, ова е инвазија“.

Според организаторите, на вчерашниот митинг учествувале околу 25.000 лица, иако шпанскиот весник Паис објави дека протестирачите биле околу 15.000.

Малага е само уште еден шпански град во кој се одржуваат вакви протести. Демонстрации против масовниот прилив на туристи имаше и во Мајорка, Барселона и на Канарските Острови.

Здружението на наемателите во Малага вели дека постојано растечкиот број на посетители кои изнајмуваат апартмани за одмор е причина за недостигот на станови во градот. – Градот страда, незадоволството е големо. Пред сè, проблемот со станбениот простор требаше да биде ставен на маса, изјави портпаролот на протестирачите за весникот „Паис“.

Во Малага има повеќе од 12.000 законски регистрирани станови за одмор и по овој показател, градот се наоѓа на трето место во Шпанија по Мадрид и Барселона. Освен тоа, многу приватни имоти во Малага и други градови примаат гости незаконски.

The post „ОВА НЕ Е ТУРИЗАМ, ОВА Е ИНВАЗИЈА“ Жителите на Малага на протест, тие се незадоволни од масовниот број на гости appeared first on plusinfo.mk.

Во истражувањето „Кој каде оди? Колку долго останува? Колку троши?“, ИНСЕТЕ ги анализира официјалните податоци на Банката на Грција за туризмот и туристите во земјата во 2023 година, а поконкретно се фокусира на секој од 13-те грчки региони.

Македонија и овој пат е меѓу првите 15 држави според бројот на туристи и останува без промени на 11-та позиција, иако драстично е зголемен бројот на посетители од нашата земја.

Првите 15 земји со најголем број посети и посетители на Грција се Германија, Велика Британија, Бугарија, Италија, Франција, САД, Романија, Холандија, Полска, Албанија,  Македонија, Турција, Австрија, Белгија и Србија.

Конкретно за Македонија, минатата година, за 46,5% се зголемил бројот на посетители споредбено со една година претходно, односно имало 1.128.000 посетители во 2023 година, наспроти 770.000 во 2022 година.

Во однос на посетите од нашата земја, во 2023 имало 1.132.000 посети, а пред две години 771.000, додека пак мнозинството посети се во северниот дел на Грција.

Во однос на перифериите, што е и предмет на анализата, најпосетена е областа Атика, поширокиот регион на Атина, потоа се островите во јужниот дел на Егејското море, а на третата позиција е централниот дел од северна Грција – регионот во кој спаѓаат Солун и Халкидики, каде што посетителите од Македонија се меѓу првите три земји.

-На трето место е регионот централна Македонија со 6.566.000 посети, а мнозинството посети се од Бугарија (1.821.000). Потоа следат посети од Македонија (1.079.000) и од Германија (917.000), пишува во анализата.

Сепак, иако Македонија е меѓу првите три земји по бројот на посети во конкретниот регион, сепак не е во топ трите држави според бројот на ноќевања и според направените трошоци за време на престојот.

The post ПОЛА МАКЕДОНИЈА ЛАНИ БИЛА ВО ГРЦИЈА! Над милион македонски туристи го посетиле јужниот сосед appeared first on plusinfo.mk.

Регионалниот претседател Џим Бредли прогласи вонредна состојба поради, како што рече, поголема претпазливост.

„Прогласувањето на вонредна состојба ги зајакнува алатките што регионот ги има на располагање за да го зачува здравјето и безбедноста на жителите и посетителите и да ја заштити нашата критична инфраструктура во секое сценарио што може да се појави“, се вели во соопштението за печатот од регионот Нијагара.

Водопадите, лоцирани долж границата меѓу Канада и САД, се на патот на затемнувањето, а многу луѓе однапред резервираат сместување и не штедат пари за да го искусат феноменот во едно од природните чуда на Северна Америка.

A #SolarEclipse is happening April 8 and #Niagara will be one of the best places in Canada to see it.

Learn about the eclipse and how to view it safely at https://t.co/MbAK1iP3vV. pic.twitter.com/P5N5FfAEbt

— Niagara Region (@NiagaraRegion) March 26, 2024

Градоначалникот на градот Нијагарини водопади во Онтарио, Џим Диодати, предвиде дека тие ќе имаат најголема посетеност што некогаш ја имале на канадската страна за затемнување на Сонцето. Диодати процени дека на затемнувањето на Сонцето ќе има околу еден милион луѓе, во споредба со 14-те милиони што обично ги посетуваат во текот на годината.

Регионот, исто така, ќе измени некои од своите програми и услуги и ќе затвори некои објекти за да го задржи сообраќајот надвор од патиштата на 8 април.

The post НА 8 АПРИЛ ДОАЃА ЦЕЛОСНО ЗАТЕМНУВАЊЕ НА СОНЦЕТО Прогласена вонредна состојба во регионот на Нијагара appeared first on plusinfo.mk.