посебен режим на сообраќај Archives - plusinfo.mk

ПОСЕБЕН РЕЖИМ ВО ОХРИД ПОРАДИ ПРЕТСЕДАТЕЛКАТА НА ИНДИЈА Засилени полициски мерки и ограничувања во сообраќајот

плусинфо — Mon, 20 Jul 2026 15:35:53 +0000

Поради претстојната посета на претседателката на Индија на Охрид, Секторот за внатрешни работи Охрид воведува засилени безбедносни мерки и посебен режим на сообраќај во градот.

Од денеска па сè до 22 јули 2026 година, кога индиската претседателка ќе престојува во Охрид, полициските служби ќе спроведуваат активности за физичко и сообраќајно обезбедување на улиците, сообраќајниците и објектите поврзани со посетата.

Од СВР Охрид информираат дека за спроведување на мерките веќе се остварени контакти со локалната самоуправа, службите задолжени за одржување на патиштата и улиците, јавните претпријатија, како и со други надлежни институции.

„Активностите се насочени кон обезбедување на сообраќајниците и другите објекти, со цел посетата да помине безбедно и непречено“, информираат од СВР Охрид.

Посебно внимание ќе биде посветено на регулирањето на сообраќајот, при што Полициската станица за безбедност во патниот сообраќај Охрид веќе започна со засилени контроли, особено по булеварот „Туристичка“, но и на други улици и патишта каде што ќе има ограничувања за запирање и паркирање возила.

Мерките ќе ги опфатат и магистралните, регионалните и локалните патишта од Охрид кон Свети Наум, заштитниот појас покрај патиштата, улиците во населените места, како и паркиралиштата во централното градско подрачје и стариот дел на Охрид.

Од полицијата апелираат до граѓаните да ги почитуваат наредбите на полициските службеници и да покажат разбирање за привремените ограничувања.

„Ги повикуваме граѓаните да ги почитуваат мерките што се преземаат за безбедност на сите учесници во сообраќајот. Се препорачува моторните возила да се користат само во неопходни случаи, а каде што е можно да се користат алтернативни превозни средства“, велат од СВР Охрид.

The post ПОСЕБЕН РЕЖИМ ВО ОХРИД ПОРАДИ ПРЕТСЕДАТЕЛКАТА НА ИНДИЈА Засилени полициски мерки и ограничувања во сообраќајот appeared first on plusinfo.mk.

ПОСЕБЕН СООБРАЌАЕН РЕЖИМ ВО СКОПЈЕ На Водно ќе се одржи трка

плусинфо — Sat, 28 Mar 2026 21:00:37 +0000

Во Скопје утре од 10 часот ќе има посебен режим на сообраќај поради атлетска трка.

„Утре со почеток во 10 часот, во Скопје, ќе се одржи атлетска трка на 10 километри со траса на движење од Средно Водно по регионалниот пат Р2138 до паркингот на манастирот Св. Пантелејмон и обратно“, соопшти МВР.

Министерството за внатрешни работи посочува дека Единицата за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

The post ПОСЕБЕН СООБРАЌАЕН РЕЖИМ ВО СКОПЈЕ На Водно ќе се одржи трка appeared first on plusinfo.mk.

ПОСЕБЕН РЕЖИМ НА СООБРАЌАЈ ВО СКОПЈЕ Протест пред Владата од 11 часот

плусинфо — Tue, 17 Feb 2026 09:23:38 +0000

Денеска во Скопје ќе има посебен режим на сообраќај поради протест што ќе го организира Сојузот на синдикати на Македонија.

Протестот ќе започне во 11:00 часот пред Владата, на булеварите Илинден и Свети Климент Охридски“. Од полицијата информираат дека, доколку има потреба, сообраќајот ќе биде пренасочен по околните улици.

Поради настанот, Единицата за безбедност на патниот сообраќај ќе преземе мерки за регулирање на движењето во централното градско подрачје.

Од надлежните апелираат до граѓаните да ги почитуваат насоките и наредбите на полициските службеници, со цел непречено и безбедно одвивање на сообраќајот.

The post ПОСЕБЕН РЕЖИМ НА СООБРАЌАЈ ВО СКОПЈЕ Протест пред Владата од 11 часот appeared first on plusinfo.mk.

УТРЕ НИЗ СКОПЈЕ МИНУВААТ БАДНИКОВИТЕ ПОВОРКИ Еве кои улици ќе бидат затворени за сообраќај

плусинфо — Mon, 05 Jan 2026 21:19:45 +0000

Утре во Скопје ќе има променет режим на сообраќај поради „Бадникова манифестација“ – Бадникови поворки, информира МВР.

Поворката ќе тргне од пред општинската зграда на општина Кисела Вода и ќе се движи по улица Борис Трајковски, па лево по булевар Македонија и по улицата Св. Кирил и Методија до пред Музеј на град Скопје, потоа на улица Македонија се до плоштад „Македонија“ каде што ќе се одржува централната манифестација.

Од тие причини Единицата за безбедност на патниот сообраќај при СВР Скопје ќе преземе мерки за пренасочување на сообраќајот како и мерки за посебен режим на сообраќај на сообраќајниците каде што ќе се движат Бадниковите Поворки и околу верските објекти.

The post УТРЕ НИЗ СКОПЈЕ МИНУВААТ БАДНИКОВИТЕ ПОВОРКИ Еве кои улици ќе бидат затворени за сообраќај appeared first on plusinfo.mk.

ВО СКОПЈЕ СЕ МЕНУВА СООБРАЌАЈОТ Полицијата воведува специјален режим за Задушница кон Бутел, Драчево и Ѓорче Петров

плусинфо — Fri, 31 Oct 2025 14:32:20 +0000

Секторот за внатрешни работи – Скопје информира дека во сабота и недела (1 и 2 ноември 2025) ќе биде воведен посебен режим на сообраќај во главниот град, поради верскиот празник Задушница, кога се очекува зголемен број посетители на градските гробишта.

Според соопштението на полицијата, сообраќајот кон Градските гробишта Бутел ќе се одвива по еднонасочен кружен режим со почеток од 06:00 часот наутро, со цел да се овозможи побезбедно и непречено движење.

Возилата ќе се упатуваат по улицата Бутелска, потоа лево по улицата Александар Урдаревски, лево по Боца Иванова и десно до влезот на гробиштата Бутел.

Излезот од гробиштата ќе се одвива десно по улицата Боца Иванова, потоа до кружниот тек на Бутелска, лево по Бутелска и десно по Кемал Сејфула.

Освен кон Бутел, посебен режим ќе има и на гробиштата Камник, Драчево и Ѓорче Петров, каде што полицијата ќе го регулира сообраќајот на терен.

Од СВР Скопје апелираат граѓаните да бидат внимателни и да ги почитуваат наредбите на полициските службеници, за да се избегнат застои и инциденти.

– Ги замолуваме сите возачи да бидат трпеливи, да не паркираат непрописно и да ги следат насоките на униформираните полициски службеници. Целта е празникот да помине мирно, без сообраќајни гужви и безбедносни ризици – порачаа од полицијата.

The post ВО СКОПЈЕ СЕ МЕНУВА СООБРАЌАЈОТ Полицијата воведува специјален режим за Задушница кон Бутел, Драчево и Ѓорче Петров appeared first on plusinfo.mk.

СЛЕДЕТЕ ГИ УПАТСТВАТА НА ПОЛИЦАЈЦИТЕ! Денеска и утре има посебен режим на сообраќај поради важни гости

плусинфо — Thu, 13 Jun 2024 06:23:17 +0000

Посебен режим на сообраќај денеска и утре ќе има во Скопје поради одржување министерскиот состанок во рамките на Процесот за соработка на Југоисточна Европа (ПСЈИЕ) и Самит на шефови на држави и влади во рамките на овој процес, соопшти Министерството за внатрешни работи.

Како што се наведува во соопштението СВР Скопје – Единицата за безбедност на патниот сообраќај двата дена ќе преземе мерки за посебен режим на сообраќајот на поширокото централно подрачје на Градот Скопје.

„Секторот за внатрешни работи – Скопје апелираат сите граѓани, учесници во сообраќајот, да ги почитуваат наредбите кои ќе ги издаваат полициските службеници“, се вели во соопштението.

The post СЛЕДЕТЕ ГИ УПАТСТВАТА НА ПОЛИЦАЈЦИТЕ! Денеска и утре има посебен режим на сообраќај поради важни гости appeared first on plusinfo.mk.

УТРЕ ЌЕ ИМА ПОСЕБЕН РЕЖИМ НА СООБРАЌАЈ НА ДВЕ ЛОКАЦИИ ВО СКОПЈЕ Се одржуваат две рекреативни трки

плусинфо — Sat, 18 May 2024 11:45:46 +0000

Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.

Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.

Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.

„Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).

The post УТРЕ ЌЕ ИМА ПОСЕБЕН РЕЖИМ НА СООБРАЌАЈ НА ДВЕ ЛОКАЦИИ ВО СКОПЈЕ Се одржуваат две рекреативни трки appeared first on plusinfo.mk.

ИЛИНДЕНСКА УТРЕ ЌЕ БИДЕ ЗАТВОРЕНА ЗА СООБРАЌАЈ Ќе се одржи „Женска трка 2023“

плусинфо — Sat, 08 Apr 2023 18:59:35 +0000

Посебен режим во сообраќајот на булеварот Илинден утре (недела, 9 април 2023) со почеток во 10 часот поради одржување на улична трка на три километри насловена како „Женска трка 2023“ во организација на Сојуз на спортови на Скопје, соопшти Министерството за внатрешни работи.

Како што информираат од МВР, единицата за безбедност на патниот сообраќај при СВР Скопје ќе преземе мерки за посебен режим на сообраќајот- велат од МВР.

The post ИЛИНДЕНСКА УТРЕ ЌЕ БИДЕ ЗАТВОРЕНА ЗА СООБРАЌАЈ Ќе се одржи „Женска трка 2023“ appeared first on plusinfo.mk.

РОДЕНДЕНОТ НА ГОЦЕ „ГИ ЗАТВОРИ“ ОКОЛНИТЕ УЛИЦИ Полицијата воведува посебен сообраќаен режим уште вечерва

плусинфо — Thu, 02 Feb 2023 11:46:08 +0000

Поради најавениот настан за организирано чествување на раѓањето на македонскиот револуционер Гоце Делчев на 04. февруари, в сабота, во црквата „Св. Спас” во Скопје, уште вечерва во 18:00 часот Секторот за внатрешни работи Скопје ќе преземе засилени активности и мерки за подигнување на безбедноста околу местото на одржување на настанот, при што ќе се преземат мерки за посебен режим на сообраќајот.

Притоа, од денеска за сообраќај ќе биде затворена ул.„Самоилова”, на потегот од ул.„Иљо Војвода” (виадукт Самоилова) до крстосницата со ул.„Прохор Пчински”, а на 04.02.2023 година (сабота) посебен режим на сообраќај ќе се спроведе на ул.„Лазар Личеновски” и ул.„Самоилова”.

Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива настанот со цел безбедност на сите учесници во сообраќајот.

Министерот за внатрешни работи Оливер Спасовски, денеска во утринската програма „Македонија наутро” на МТВ одговарајќи на прашањето околу капацитетите на МВР за мирно чествување на годишнината од раѓањето на Гоце Делчев на 4 февруари, потенцираше дека македонската полиција има капацитети во било какви услови да ја задржи безбедноста и мирот и спокојот на граѓаните.

– Граѓаните воопшто не треба да се грижат. Ќе бидат преземени сите мерки за достоинствено чествување, без никакво нарушување на јавниот ред и мир. На основа на проценките, ќе биде активиран план кој ќе придонесе за мирно чествување. Присуството на полицијата треба да биде на наше задоволство дека ќе се осигура мирно и достоинствено чествување, а не да се вознемируваме дека има присуство на полицајци. Тие се тие коишто нѐ штитат и ни создаваат атмосфера во којашто сите ние безбедно живееме и работиме – рече министерот Спасовски.

Министерот Спасовски, исто така, истакна дека најавите за некакви „ноќни стражи” се едноставно неприфатливи, а полицијата е таа која ја гарантира безбедноста на граѓаните.

Министерот Спасовски за време на гостувањето во утринската програма уште еднаш испрати апел за достоинствено чествување, порака до сите дека секој поединец ја носи својата лична одговорност за заедничката безбедност, за демократско однесување и дека македонската полиција е целосно подготвена да обезбеди услови за достоинствено чествување на годишнината од раѓањето на Гоце Делчев без никакви нарушувања на јавниот ред и мир.

The post РОДЕНДЕНОТ НА ГОЦЕ „ГИ ЗАТВОРИ“ ОКОЛНИТЕ УЛИЦИ Полицијата воведува посебен сообраќаен режим уште вечерва appeared first on plusinfo.mk.

УТРОВО ВО ЦЕНТАР ИМА ПРОМЕНЕТ РЕЖИМ НА СООБРАЌАЈ Следете ги полициските инструкции

плусинфо — Mon, 14 Nov 2022 07:29:39 +0000

Во Скопје денеска ќе има посебен режим на сообраќај по сообраќајниците во поширокото централно подрачје.

Како што информира Министерството за внатрешни работи, ќе бидат преземени мерки за посебен режим на сообраќајот поради делегацијата од Република Албанија, која е во официјална посета на земјава.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе биде воспоставен посебен режим на сообраќајот.

The post УТРОВО ВО ЦЕНТАР ИМА ПРОМЕНЕТ РЕЖИМ НА СООБРАЌАЈ Следете ги полициските инструкции appeared first on plusinfo.mk.