– Да замолам за решение на прагамтични основи, знаејќи дека никој не сака да погази врз нашиот македонски јазик и македонски идентитет. Така и ќе биде, но сепак решението мора да го најдеме ние двете пријателски земји – изјави Заев денеска одговарајќи на новинарско прашање.

Бугарија во 2018 година, посочи Заев, свика Европски самит за Западен Балкан и навистина, како што рече, треба да помолиме Бугарија да остане предводник на евроинтеграциите на Западен Балкан, вклучително и на Северна Македонија.

– Политиката што ја водиме во моментот со целосна почит на нашата историја како појдовна основа за гаранција на сегашноста и иднината. Тоа молиме. Европски манири. Молиме европски однос на сите наши соседи. Жалам што во моментот е техничка влада, не е политичка, да понесе одговорност и затоа, сме со резерва и не знаеме дали ќе има одлука, но треба да работиме и успееме – изјави Заев.

Компромисот, појасни тој, е дека секоја страна има право на своите ставови и да остави времето да ги решава.

– Компромисот е патна карта, каде што секој секторски ќе си земе обврска. Ние со железницата кон Бугарија, а тие кон преминот Клепало. Тоа е компромисот. Македонскиот јазик и македонски народ, ако е за преговори, не преговараме. Појасно од тоа, не знам како да кажам – нагласи Заев и додаде се прават сѐ за врз основа низ португалскиот предлог да најдат решение со Бугарија.

Ако успеат преговорите, на 23 јуни треба да ја се одржи првата меѓувладина седница.

На прашањето за ТВ дуел со лидерот на опозицијата Христијан Мицкоски за спорот со Бугарија, Заев рече:

– Секогаш во текот на преговорите, принципиелно ние ги соопштуваме сите детали и претседателот на ВМРО-ДПМНЕ го има португалскиот предлог кај него во раце. Така сум информиран. Не гледам во моментов причина зошто да седнам, но прва прилика кога тоа нема да наштети на преговарачкиот процес, веднаш и во секое време сум за дуел за било кои теми.

Според него, португалското претседателство изработило изненадувачки позитивно, инвентивно и креативно решение.

– Не само за нас, туку и за бугарската страна, кое што е согласно праксата на Европската Унија и навистина може да биде решение. Да посветиме, овие уште 20 дена, колку што останаа до Советот на министри. Ако успее, веднаш на 23 јуни треба да ја имаме првата меѓувладина седница – додаде Заев.

Не сакам, нагласи тој, да ги поткревам очекувањата, и ја повика ЕУ, вклучително и Бугарија, да испорачаат, затоа што ни должат.

– Деновиве имам многу средби. Имам средби во Тирана, во Виена, во Истанбул, во Париз и на многу дестинации сѐ со конечна цел и билатерално да ги зајакнуваме односите и да ги јакнеме нашите односи со ЕУ. Се надевам дека ќе има средба и со бугарскиот премиер. Тоа е возможно да се случи во Софија. Но, отворено е дали во Скопје, Софија, Охрид или било каде да седнеме да се видиме – изјави Заев.

The post Заев е спремен да оди во Софија и да замоли за решение appeared first on plusinfo.mk.

Според анализата на БГНЕС, документот предвидува бугарските предлози да се префрлат во рамки на Процесот за стабилизација и асоцијација (ПСА), во кој не се носат никакви оперативни решенија. За разлика од пристапните преговори во рамките на ПСА на Бугарија ѝ се одзема можноста да реагира ако Македонија не ги исполни обврските. Од документот станува јасно дека властите во Скопје треба да изготват план чие исполнување треба да се следи во рамките на ПСА, но тоа има апсолутно козметички и неоперативен карактер. Во следните 4 години РСМ многукратно прави програмски документи, кои потоа демонстративно и арогантно не ги исполнува, се наведува во текстот на БГНЕС.

Во предлогот од португалското претседателство на Советот е предвидено да има паралелни еднострани декларации на Бугарија и на Македонија. Тоа, според БГНЕС, е целосно апсурдно зашто двете држави имаат билатерален Договор за добрососедство потпишан на 2 август 2017 година, кој е депониран во ООН.

„Сведоци сме дека властите во Скопје три години не го исполнуваат тој договор, кој ќе поверува дека еден нов декларативен и правно необврзувачки договор ќе довде до негово исполнување?“, прашува БГНЕС.

Документот од Португалија предлага РСМ „да признае дека македонскиот јазик е кодифициран во 1945 г.“, но тоа одамна е признат факт од властите во РСМ. Спорното тука е за потеклото на тој јазик а не датата на неговата кодификација и тој клучен момент е пропуштен во предлогот на Претседателството. Во него се предвидува двете држави да донесат еднострани декларации за краткото и долго име на РСМ, а РСМ веќе трета година одбива да го направи тоа со Вербална нота до ООН. Предлогот за „потврдување“ на значењето на чл. 11 од Договорот преку едностраните декларации на никаков начин не ја обврзува РСМ да ја смени политиката за постоење на таканареченото „македонско малцинство“ во Бугарија и неговото промовирање на меѓународен план, наведува БГНЕС.

БГНЕС наведува дека во предлогот се зборува и за „црвените линии“ на Македонија што според агенцијата, е преседан.

„Декларацијата на Советот на ЕУ би требало да ги потврди едностраните декларации на Бугарија и на РСМ што би значело дека ги израмнува на едно ниво државата-членка – Бугарија и земјата-кандидат – Македонија. Никогаш досега при преговорите за членство земјите-кандидатки немале право на вето во преговарачките рамки. Предлогот за вклучување на ’странски експерти‘ во историската комисија е исто така необјасниво откако тоа е отфрлено од бугарските претставници уште пред две години“, заклучува бугарската агенција.

Агенцијата нагласува дека документот ги повторува предлозите од германското претседателство кои се отфрлени на крајот на минатата година.

The post БГНЕС: Преседан се „црвените линии“ на Македонија што ги предлага Лисабон appeared first on plusinfo.mk.