Тениската легенда Борис Бекер ужива во семеен одмор во Португалија со сопругата Лилијан де Карваљо Монтеиро (36) и своите синови од претходните врски. На педесет и осумгодишниот поранешен шампион на Вимблдон, кој во ноември минатата година доби ќерка со Лилијан, на патувањето му се придружија и неговите синови Ноа (32), Елиас (26) и Амадеус (16).

Бекер на социјалните мрежи објави фотографија на која позира со синовите, а покрај неа напиша: „Заедно создаваме спомени“.

 

View this post on Instagram

 

A post shared by Boris Becker (@borisbeckerofficial)

Семејството престојува во луксузниот хотел со пет ѕвезди Spatia Comporta, јужно од Лисабон, а најголемиот дел од времето го поминуваат на плажа.

Бекер зад себе има три брака и пет деца. Со сопругата Барбара Фелтус во 1994 година го доби синот Ноа Габриел, а пет години подоцна и Елиас Балтазар. Двојката се раздели откако Бекер ја имаше аферата со руската манекенка Анџела Ермакова, со која подоцна по судски спор го призна татковството на ќерката Ана.

 

View this post on Instagram

 

A post shared by Boris Becker (@borisbeckerofficial)

Поранешниот тениски ас во 2002 година беше осуден во Германија за даночна измама и обид за даночна измама. Седум години подоцна се сврши со холандската манекенка Шарли „Лили“ Керсенберг, со која во 2010 година го доби синот Амадеус. Нивниот брак заврши во 2018 година.

Новиот почеток за Бекер започна со Лилијан, со која се венча во септември 2024 година во Портофино, на тридневна прослава со 150 гости. Во ноември минатата година, непосредно пред неговиот 58. роденден, двојката ја доби ќерката Зои.

Бекер тогаш сподели и фотографија од болница на која ја држи малата Зои додека таа дува свеќичка на роденденска торта, како и слика на која неговиот најстар син Ноа ја држи својата полусестра.

– Сè уште ги собирам впечатоците од оваа емотивна недела… Ви благодарам на сите за убавите пораки – напиша тој.

Во интервју за „The Sunday Times“ минатиот септември, Бекер зборуваше за сопругата која ја запознал преку пријател во Франкфурт во 2018 година, а врската ја започнале една година подоцна.

– Таа, секако, е многу привлечна жена, но уште првиот ден, кога сами отидовме на ручек, почувствував дека веднаш интелектуално се поврзавме. Иако е 20 години помлада, имам чувство дека има стара душа, а јас сакам да мислам дека мојата е малку помлада, па се најдовме некаде на средина – изјави Бекер.

Лилијан останала покрај него и во периодот кога тој прогласи банкрот и заврши во затвор поради финансиска измама. Бекер призна дека нејзината поддршка многу го изненадила.

– Ме изненади тоа што една жена останува покрај тебе и кога немаш ништо. Тоа порано не ми се случуваше често – рекол тој.

The post БОРИС БЕКЕР СО СОПРУГАТА И СИНОВИТЕ ОД ПРЕТХОДНИТЕ ВРСКИ Бившиот шампион на Вимблдон покажа како изгледа неговиот семеен одмор во Португалија appeared first on plusinfo.mk.

Додека Роналдо со солзи го напушташе теренот по последниот мундијалски натпревар, илјадници километри подалеку неговата Мадеира подготвуваше збогување достојно за легенда. Стотици дронови го осветлија небото над островот и испратија порака на благодарност до фудбалерот кој со својата игра го прослави родниот крај низ целиот свет.

Светлосниот спектакл беше организиран во чест на најголемото име во историјата на португалскиот фудбал. Дроновите создаваа препознатливи силуети и симболи поврзани со кариерата на Роналдо, додека жителите на островот го следеа шоуто со аплаузи и емоции.

Cristiano Ronaldo’s drone farewell over Madeira, Portugal pic.twitter.com/OSL8F4iUKD

— Oyindamola (@dammiedammie35) July 7, 2026

Роналдо зад себе остава 233 настапи за португалската репрезентација и неверојатни 146 голови. Со Португалија го освои Европското првенство во 2016 година и два трофеи во Лигата на нации.

Светската титула остана неостварен сон, но почитта што ја доби од Мадеира покажа колку е големо неговото наследство.

The post 📽️ РОДНАТА МАДЕИРА ГО ОСВЕТЛИ НЕБОТО ЗА РОНАЛДО Стотици дронови за збогум за португалскиот мајстор appeared first on plusinfo.mk.

Елиминацијата на Португалија од Шпанија не значеше само крај на уште едно Светско првенство за Португалците. Таа означи и крај на една од најголемите кариери во историјата на светскиот фудбал. Со солзи во очите, Кристијано Роналдо го одигра својот последен натпревар на Мундијалите, оставајќи зад себе рекорди што тешко ќе бидат надминати, но и една голема неостварена желба – светската титула.

За да бидеш дел од вечната дебата за најдобриот фудбалер на сите времиња, многумина велат дека мора да ја освоиш и титулата светски шампион со својата репрезентација. Тоа им успеа на Пеле, Диего Марадона и Лионел Меси, но не и на Роналдо.

Иако направи сè за да настапи и на својот шести Мундијал, надевајќи се дека токму ова ќе биде неговиот „последен танц“ и патот до најголемиот трофеј, Португалија застана во осминафиналето. По последниот судиски свиреж, камерите го уловија 41-годишниот капитен како не може да ги задржи солзите, свесен дека повеќе никогаш нема да има можност да го исполни својот најголем сон.

Пред точно две децении Роналдо првпат настапи на Светско првенство. Во следните 20 години одигра дури шест Мундијали и испиша историја како првиот и засега единствен фудбалер што постигнал гол на шест различни светски шампионати.

 

View this post on Instagram

 

A post shared by Plusinfo.mk (@plusinfo.mk)

Иако трофејот остана недостижен, неговото наследство е неспорно.

– Тажен сум поради начинот на кој испаднавме. Дадов сè од себе и си заминувам со мирна совест. Имаше многу емоции, но немам за што да жалам. Да се игра за репрезентацијата беше посебно чувство. Тоа беа 23 години исполнети со гордост и незаборавни моменти – изјави Роналдо по натпреварот.

Тој потсети дека со Португалија освои три големи трофеи, нешто што генерациите пред него не успеале да го направат.

– Пред Роналдо, Португалија немаше освоено ниту една титула. Најголемиот успех за мене останува европската титула во 2016 година. Тој трофеј има иста тежина како да сум освоил Светско првенство. Заминувањето без светската титула нема да ме направи помалку Кристијано. Утре е нов ден, а животот продолжува – порача легендарниот напаѓач.

Неколку часа пред натпреварот против Шпанија, Роналдо уште еднаш зборуваше за критиките што го следат речиси целата кариера.

– Ништо не ми недостасува во животот. Бог беше дарежлив кон мене и ми даде повеќе отколку што некогаш сум сонувал. Затоа денес само сакам да уживам во секој момент. Нема да бидам поголем Кристијано ако го освојам Светското првенство, ниту помал ако не успеам. Научив дека треба да уживаме во животот и да не размислуваме постојано за утрешниот ден. Ги гледам сите критики, но тие само ме прават посилен. Ви благодарам за нив, затоа што токму така растам – рече Роналдо.

Иако никогаш не ја подигна најпосакуваната фудбалска титула, неговото име останува испишано со златни букви во историјата. За милиони навивачи ширум светот, Кристијано Роналдо ќе остане симбол на истрајност, дисциплина и бескомпромисна желба за победа – фудбалер кој освои речиси сè, освен единствениот трофеј што најмногу го посакуваше.

The post 📽️ СОЛЗИТЕ НА РОНАЛДО ГО ОБИКОЛИЈА СВЕТОТ Заврши последниот танц на легендата без светската титула appeared first on plusinfo.mk.

Шумски пожари денеска беснеат во јужна Европа принудувајќи илјадници луѓе да се евакуираат од своите домови и поттикнувајќи ги властите да им забранат на гледачите пристап до етапата на познатата велосипедска трка „Тур де Франс“.

Стотици пожарникари се борат со пожарите кои уништија повеќе од 19.000 хектари земја во Португалија, Шпанија, Франција и Грција. Температурите повторно растат, а се предвидува дека ќе достигнат 40 Целзиусови степени во делови од Европа, која сè уште страда од последиците на рекордниот топлотен бран.

Во југозападна Франција, во близина на градот Перпињан, 700 пожарникари со поддршка на специјални авиони се бореа да стават под контрола огромен пожар, кој се ширеше во тешко пристапно подрачје, при што беа евакуирани повеќе од 10.000 жители. Разгоруван од ветерот, интензивната жештина и исклучително сувиот воздух, пожарот речиси трипати се зголемил од неделата наутро и досега изгорел 4.600 хектари.

Пожарите избувнаа бргу по топлотниот бран во јуни, еден од најлошите во Европа, за време на кој беа забележани илјадници смртни случаи и кој би бил речиси невозможен без климатските промени, според група научници од организацијата World Weather Attribution. Со оглед на тоа што живата во термометрите во наредните денови повторно ќе се покачи, властите изразија загриженост дека годишната летна сезона на шумски пожари почнала еден месец порано.

– Сезоната ќе биде долга, мора да ни помогнете – изјави полковникот на француската противпожарна служба Ерик Белџоино апелирајќи до луѓето во близина на пожарот во Пиринеите да преземат мерки на претпазливост.

Во Франција локалните власти соопштија дека третата етапа од велосипедската трка „Тур де Франс“ на Пиринеите денеска ќе се одржи без гледачи. Етапата, на која велосипедистите денеска ќе возат од Шпанија во Франција, „ќе биде ограничена само на поминување на возачите и на возилата клучни за организација на трката“.

– Јавноста се замолува да не се приближува до рутата или до целното подрачје – изјави регионалниот функционер Пјер Рењо дела Мот.

Во текот на викендот во пламен исчезнаа две фабрики во грчкиот град Солун принудувајќи ги властите да го евакуираат околното подрачје, а домаќинствата да ги држат прозорците затворени.

Во Шпанија пожар во близина на североисточниот брег Коста Брава уништи повеќе од 2.200 хектари за два дена, а пожарникарите изјавија дека нивните напори ќе бидат комплицирани од порастот на температурите и многуте чадливи жаришта во близина на пожарот.

На други места големи пожари уништија стотици хектари шуми, лозја и грмушки на хрватскиот остров Хвар и во Тале во Албанија.

Регионите во Португалија, Шпанија и јужна Франција ги засилија предупредувањата за високи температури за наредните денови. Се очекува денеска најновиот топлотен бран да се помести на север, а синоптичарите велат дека би можел да трае до следниот викенд.

The post ИЛЈАДНИЦИ ЛУЃЕ БЕГААТ ОД ПОЖАРИТЕ ШТО БЕСНЕАТ НА ЈУГОТ НА ЕВРОПА „Тур де Франс“ ќе се одржува без публика appeared first on plusinfo.mk.

Светското првенство во 2026 година ќе биде последното за Кристијано Роналдо. Капитенот на Португалија потврди дека ова СП навистина ќе биде негово последно. Пред осминафиналниот натпревар со Шпанија, закажан за в понеделник, Роналдо застана пред медиумите. За време на прес-конференцијата, 41-годишниот напаѓач ја искористи можноста да стави крај на сите шпекулации за неговата иднина со репрезентацијата.
– Сакам да уживам во моментот колку што е можно повеќе, бидејќи ова ќе биде моето последно Светско првенство, да. Но, се надевам дека утрешниот натпревар нема да биде мој последен на ова Светско првенство – рече тој категорично.

Суперѕвездата коментираше и за неговата напредна фудбалска возраст и за темата за неговото пензионирање воопшто. Важно е да се напомене дека Португалија се потпираше на Роналдо како стартер во сите четири натпревари од почетокот на кампањата, при што беше заменет само еднаш.

– Секогаш сум посветен, со тело и душа, да му помогнам на националниот тим. Без разлика дали играм или не, секогаш ќе имам важна улога. Ќе се пензионирам кога сакам јас. Губење време е постојано да го одговарам ова прашање. Не сакам да привлекувам внимание кон тоа – рече Роналдо.

The post РОНАЛДО ОБЈАВИ ДЕКА ОВА МУ Е ПОСЛЕДНО СВЕТСКО ПРВЕНСТВО До следното првенство ќе се пензионира? appeared first on plusinfo.mk.

Фудбалскиот Мундијал влегува во најжешката фаза – осминафиналето, каде веќе нема поправен испит. Големите фаворити се уште во игра, но секој натпревар носи нова драма, а неколку од нив ветуваат вистински спектакл.

Вечерта отвора дуелот меѓу Канада и Мароко, каде домаќинот на турнирот се соочува со цврстата и тактички дисциплинирана мароканска селекција. Веднаш потоа следува вистински фудбалски блокбастер – Франција против Парагвај во Филаделфија, меч што веќе се најавува како еден од најнеизвесните во оваа фаза.

Французите доаѓаат по сигурен настап во претходната рунда, додека Парагвај веќе покажа дека знае да казнува и најмала грешка. Токму затоа, овој дуел се гледа како класична „нула-милиметарска“ битка, каде ситници можат да решат сè.

Во следните денови програмата не застанува. Бразил ќе се судри со Норвешка, додека Англија и Мексико носат дополнителна тежина со оглед на тоа што и двете селекции играат под голем притисок од очекувањата на јавноста.

Потоа следуваат уште неколку вистински дербија: Португалија против Шпанија – ибериска класика која секогаш носи висок интензитет, САД против Белгија, како и дуелите Аргентина – Египет и Швајцарија – Колумбија, кои комплетираат една од најсилните осминафинални рунди во последните изданија на турнирот.

Од овој момент па натаму, нема калкулации – само победа значи останување на Мундијалот. Една грешка е доволна за враќање дома, а токму тоа ја прави оваа фаза најнепредвидлива и највозбудлива.

The post ФРАНЦУЗИТЕ СЕ НАВИКНАА НА ПЕЧЕЊЕ ДОМА, ПА ЌЕ СЕ ПЕЧАТ И ВО ФИЛАДЕЛФИЈА Еве што нè очекува вечерва на Мундијалот appeared first on plusinfo.mk.

Со три натпревари вечерва продолжуваат осминафиналните пресметки на Светското првенство во фудбал, а најголемо внимание на Балканот привлекува дуелот меѓу Хрватска и Португалија. Покрај ова дерби, на програмата се и пресметките Шпанија – Австрија и Швајцарија – Алжир, по кои ќе бидат познати уште три патници во осминафиналето.

Хрватска ја очекува исклучително тешка задача против селекцијата на Португалија, која според повеќето анализи влегува како благ фаворит. Натпреварот носи и силна симболика, бидејќи најверојатно ќе биде последен мундијалски нокаут-дуел меѓу двете легенди – Лука Модриќ и Кристијано Роналдо.

За Хрватите најголем адут повторно ќе биде токму Модриќ, кој и на 40 години останува моторот на средниот ред. Голема улога се очекува и од Јошко Гвардиол во одбраната, како и од напаѓачите кои ќе треба да ја искористат секоја шанса против искусната португалска одбрана. Хрватска до осминафиналето стигна по воведниот пораз од Англија, а потоа со две победи над Панама и Гана ја обезбеди елиминациската фаза.

Португалија, пак, повторно се потпира на искуството на Кристијано Роналдо, но и на извонредната генерација околу него. Бруно Фернандеш, Бернардо Силва, Витиња, Рафаел Леао, Нуно Мендеш и Рубен Диаш се дел од составот кој располага со огромен квалитет. Аналитичарите очекуваат Португалците да имаат поголем посед на топката, додека Хрватска ќе се обиде со дисциплинирана игра и брзи контранапади да го изненади фаворитот.

Во Лос Анџелес, Шпанија ќе се соочи со Австрија во натпревар во кој „црвената фурија“ важи за еден од главните кандидати за титулата. Најголемо внимание ќе привлекува младиот Ламин Јамал, кого австрискиот селектор Ралф Рангник го означи како најголемата опасност за неговата екипа. Покрај Јамал, клучни фигури во шпанскиот тим ќе бидат Педри, Микел Ојарсабал и Родри.

Австријците, сепак, не доаѓаат со бело знаме. Тимот на Рангник игра агресивен пресинг и веќе покажа дека знае да им создава проблеми и на најсилните репрезентации. Давид Алаба, Конрад Лајмер и Марсел Сабицер ќе бидат носителите на играта, а Австрија ќе се надева дека може да приреди едно од најголемите изненадувања во оваа нокаут-фаза.

Последниот натпревар на програмата е дуелот меѓу Швајцарија и Алжир. Швајцарците влегуваат со улога на фаворити благодарение на стабилната игра во групната фаза, но Алжир покажа дека поседува карактер и знае да се врати и во најтешките ситуации. Во центарот на вниманието ќе бидат Брил Емболо од швајцарската селекција и искусниот Ријад Марез кај Алжирците.

Вечерта, сепак, ќе биде обележана од спектаклот меѓу Хрватска и Португалија. Дуелот меѓу Модриќ и Роналдо носи посебна тежина, а победникот ќе добие дополнителна самодоверба во продолжението на борбата за светската титула. Очекувањата се за неизвесен и тактички натпревар, во кој една инспирација или еден момент на генијалност може да го реши патникот во следната рунда.

The post РОНАЛДО ПРОТИВ МОДРИЌ Вечерва почнува вистинската нокаут-драма, Хрватска пред најголемиот предизвик на Мундијалот appeared first on plusinfo.mk.

Кристијано Роналдо повторно влезе во фудбалската историја. Португалската ѕвезда вечерва во Хјустон постигна два гола во убедливата победа на Португалија над Узбекистан од 5-0 и стана првиот играч кој се запишал меѓу стрелците на шест различни Светски првенства.

Португалија дојде во водство веќе во 6 минута преку Роналдо, кој до крајот на полувремето го постигна и својот втор гол на натпреварот во 39 минута откако претходно Мендеш беше прецизен од слободен удар во 17 минута.

По еден час игра Португалија имаше водство од 4-0, кога Нематов ја затресе сопствената мрежа, а конечниот резултат го постави Леао во 87 минута.

Роналдо вечерва дојде до бројката од десет голови на светските првенства од кои првиот го постигна на 17 јуни 2006 година против Иран.

Португалија води на табелата во групата К со четири бодови пред дуелот од последното коло против Колумбија, која претходно утре рано наутро ќе се соочи со третопласираната Гана.

The post 📽️ РОНАЛДО ГО НАПРАВИ НЕВОЗМОЖНОТО Светот сведочеше на рекорд кој може да трае со децении appeared first on plusinfo.mk.

Бони Тајлер, пејачката на „Total Eclipse of the Heart“ (75), се разбуди од медицински предизвикана кома и нејзиниот тим објави дека „иако нејзината состојба се подобрува, процесот на закрепнување е бавен“.

Тајлер е на интензивна нега во Фаро, Португалија.

– Бони е ставена во предизвикана кома од нејзините лекари за да ѝ помогнат во закрепнувањето. Знаеме дека сите ѝ посакувате се најдобро и ве молиме за приватност во ова тешко време, ве молам – пишуваше во соопштението од менаџерот на Тајлер во тоа време.

Денови претходно, беше објавено соопштение во кое се споделуваше дека Тајлер „е примена во болница во Фаро, Португалија, каде што живее, за итна операција на цревата.

– Операцијата помина добро и таа сега се опоравува.

Според „The Sun“, во април, Тајлер почнала да чувствува „интензивна болка во стомакот кратко по пристигнувањето во Португалија, каде што е нејзиниот втор дом, по неуверливите тестови во Лондон“.

Таа била итно однесена во болница со сериозна пукнатина на цревата и морала да се подложи на итна операција.

Следниот месец, Тајлер била ставена во индуцирана кома поради компликации од операцијата.

Португалските медиуми тврдеа дека Тајлер доживеала срцев удар кога лекарите првпат се обиделе да ја извлечат од кома пред неколку недели.

Сите планирани концерти на пејачката до крајот на август се откажани.

Нејзиниот менаџмент објави соопштение во кое им се заблагодарува на обожавателите за нивната поддршка.

Во него се вели: „Сакаме да им се заблагодариме на сите за огромната симпатија и поддршка од целиот свет“.

The post БОНИ ТАЈЛЕР СЕ РАЗБУДИ ОД КОМА Пред 1 месец пејачката имаше сериозна операција на цревата, а потоа доби инфаркт appeared first on plusinfo.mk.

Португалија и Англија со победи ги заокружија последните проверки пред почетокот на Светското првенство и покажаа дека во добро расположение го чекаат најголемиот фудбалски спектакл.

Португалците ја совладаа Нигерија со 2-1 во натпревар во кој имаа повеќе од играта и создадоа поголем број шанси. Педро Нето го отвори резултатот во 23. минута и донесе предност за европската селекција. Нигерија возврати преку Акор Адамс во 37. минута и на одмор се замина со израмнет резултат.

Продолжението донесе нов притисок од Португалија. Тимот создаваше шанси пред противничкиот гол, а наградата пристигна во 75. минута. Франциско Консеисао ја затресе мрежата и ги постави конечните 2-1.

Кристијано Роналдо беше стартер и играше до 65. минута. Искусниот капитен неколкупати се најде во добра позиција, но не успеа да го совлада нигерискиот голман.

„Трите лава“ напаѓаа и доминираа

Англија, пак, остави уште посилен впечаток на последниот тест пред Мундијалот. Избраниците на Томас Тухел ја совладаа Костарика со убедливи 3-0 и во текот на целиот натпревар ја контролираа играта.

Средбата во Орландо почна со едночасовно задоцнување поради невреме, но тоа не го наруши ритамот на Англичаните. Деклан Рајс погоди уште во 10. минута по добро проигрување од Ентони Гордон и ја најави доминацијата на својот тим.

До крајот на првиот дел Хари Кејн, Џуд Белингам и Нони Мадуеке создадоа неколку опасни ситуации, но резултатот остана непроменет.

Свежите сили влегоа и удрија силно

Во второто полувреме Англија продолжи со истото темпо. По еден час игра Еберечи Езе изнуди пенал, а Гордон сигурно реализираше за 2-0.

Конечниот резултат беше поставен во 87. минута. Морган Роџерс учествуваше во акцијата, а по одбраната на резервниот голман на Костарика, Оли Воткинс најдобро се снајде и со удар со глава ја испрати топката во мрежата.

За Англија ова беше најефикасниот настап во 2026 година. Тимот на Тухел така доби дополнителна самодоверба пред премиерниот мундијалски дуел против Хрватска, додека Португалија покажа дека и без гол од Роналдо има доволно оружја за висок дострел на турнирот.

The post 📽️ РОНАЛДО ПРОМАШУВАШЕ, КОНСЕИСАО ПРЕСУДИ Португалија со победа ја затвори генералната проба пред Мундијалот appeared first on plusinfo.mk.