Градоначалничката Данела Арсовска ги тргна портретите на досегашните градоначалници на Скопје кои над 20 години стоеја во салата за состаноци до нејзиниот кабинет, објави порталот СДК.мк.

Според порталот, неколку месеци по доаѓањето на функцијата, Арсовска наредила портретите да се тргнат од салата и да се закачат во ходникот каде што се вецињата и бифето. Така, сега портретите на Петре Шилегов, Коце Трајановски, Трифун Костовски, Ристо Пенов, Јове Кекеновски, Горан Николовски и Милан Талевски висат над вецињата, во ходник каде што не поминува Арсовска.

Уште од времето на Ристо Пенов, а можеби и пред тоа, портретите од сите досегашни градоначалници стоеја во салата за состаноци, која се наоѓа и е дирекно поврзана со канцеларијата на Градоначалникот на Град Скопје. Во оваа сала, градоначалниците одржуваат работни состаноци, примаат поголеми делегации и гости. Исто така, во салата каде беа досега портретите повеќе од 20 години сите досегашни градоначалници одржуваа прес-конференции и брифинзи со новинари, новогодишни приеми за медиумите и работни средби со нив.

The post ЌЕ ВИСИТЕ КАЈ ВЕЦИЊАТА И БИФЕТО Данела ги тргна портретите од поранешните градоначалници appeared first on plusinfo.mk.

Џони Деп заработи околу 3,5 милиони евра само неколку часа откако објави продажба на своите слики на Инстаграм.

Холивудскиот актер денеска објави дека својата дебитантска колекција „Пријатели и херои“ ќе ја пушти во продажба преку лондонската галерија „Castle Fine Art“.

Сликите се посветени на луѓето кои најмногу го инспирирале во неговата кариера: гитаристот на „Ролинг стоунс“, Кит Ричардс, оскаровецот Ал Пачино, иконскиот пејач и текстописец Боб Дилан и дивата од златното доба на Холивуд Елизабет Тејлор.

Сите 780 дела беа продадени за само неколку часа, по цени кои се движеа од 4.000 долари за индивидуални слики до 16.000 долари за колекција.

 

View this post on Instagram

 

A post shared by Johnny Depp (@johnnydepp)

„Отсекогаш сум ја користел уметноста за да ги изразам моите чувства, да размислувам и да им се оддолжам на оние кои ми значат – семејството, пријателите и луѓето на кои им се восхитувам“, истакна актерот.

Како што вели, сликите секогаш го опкружувале, но тој ги чувал за себе.

„Никој никогаш не треба да се ограничува“, рече Деп.

ФОТО: Инстаграм

The post ПРЕКУ НОЌ Џони Деп продаде колекција портрети за 3,5 милиони евра (ФОТО) appeared first on plusinfo.mk.

Според традицијата на Белата куќа, портретите на неодамнешните претседатели треба да бидат изложени на влезот во зградата, така што тие ќе бидат видливи за гостите за време на официјалните настани.

Портретите на Клинтон и Џорџ Буш помладиот се преместени во старата трпезарија, мала просторија што ретко се користи и не ја гледаат многу посетители.

Портретот на Буш е заменет со портрет на 25-от претседател Вилијам Мекинли, а портретот на Клинтон е заменет со Теодор Рузвелт.

Во својата книга, поранешниот советник за национална безбедност, Џон Болтон, пишува дека Трамп ги презира Буш постариот. и Буш помладиот. Според некои извештаи, Трамп го критикувал Бил Клинтон и сметал дека тој бил лош претседател.

The post Портрети на Рузвелт и Мекинли на местото на Клинтон и Буш во Големото фоаје во Белата куќа appeared first on plusinfo.mk.

Спикерот на претставничкиот дом, Ненси Пелоси, синоќа нареди да се симнат четири портрети на конфедеративни спикери на Претставничкиот дом.

Протретите висеа во лобито пред влезот на кабинетот на спикерот, составено од голем коридор со сликите на сите досегашни спикери.

Чекорот доаѓа во пресрет на празникот Џунтин, кој го одбележува крајот на робовладетелството во САД.

– Холовите на Конгресот се срцето на нашата демократија. И отсега нема да постои место во светите холови на Конгресот за одавање почит и сеќавање на луѓе кои отелотворуваат насилен фанатизам и гротескен расизам – напиша спикерката во писмо, оправдувајќи ја својата постапка.

Пелоси можеби има надлежност да прави измени во Претставничкиот дом, но нејзиното барење да се отстранат 11 споменици на официјални политичари и воени лица на Конфедерација поставени во салата со статуи во американскиот Капитол, беше спречено од Мич Меконел, спикер на Сенатот.

Меконел не дозволи симнување на статуите на Џеферсон Дејвис и Александар Стивенс, претседател и потпретседател на Конфедеративните држави на Америка. Неделава, статуа на Џеферсон, сепак, беше отстранета, од холот на Конгресот на Кентаки.

Инаку, синоќа и државата Мисисипи го напушти своето конфедеративно минато, со менување на знамето на државата, што соддржи конфедеретивни симболи, а секогаш се вееше заедно со знамето на САД.

Наместо конфедеративното, сојузната држава го врати старото, таканаречено Магнолија знаме, што се веело на почетокот на создавањето на државата Мисисипи.

The post Пелоси нареди симнување на четири портрети на спикери на Претставничкиот дом кои биле расисти appeared first on plusinfo.mk.