Управата за хидрометеоролошки работи издаде портокалов метеоаларм за источна и за западна Македонија и жолт аларм за централна Македонија за силен дожд и силен ветер.

Времето утре ќе биде нестабилно, на повеќе места со пороен дожд, грмежи и со засилен ветер. Локално процесите ќе бидат поинтензивни во форма на невреме, со пообилен пороен дожд во количини над 20 литри на квадрат, грмежи и услови за појава на град. Ќе дува засилен до силен ветер, со брзина над 70 километри на час.

Најстуденото утро ќе биде во Маврово, каде температурата ќе изнесува 6 степени, а најтопло ќе биде во Гевгелија, со дневна температура до 23 степени Целзиусови.

И во Скопје утре се очекуваат поинтензивни процеси. Ќе има услови за појава на краткотрајно невреме, со интензивен пороен дожд, засилен ветер и со грмежи. Температурата ќе се движи од 10 до 21 степен.

Потоа следува период на променливо облачно време, со сончеви периоди во текот на денот. Локално ќе има развој на нестабилна облачност со пороен дожд, грмежи и засилен ветер.

Во недела ќе дува засилен до силен ветер, кој наместа ќе надминува брзина од 60 километри на час.

Во вторник повторно ќе биде нестабилно со пороен дожд, грмежи и со силен ветер.

Алармите за предупредување на населението од временски непогоди се издаваат во жолта, портокалова и во црвена боја и се дел од системот за метеопредупредувања во Европа.

Жолт аларм значи умерена опасност од временските прилики, со можност за умерени последици по околината, портокалов значи дека опасноста е голема, а црвениот аларм предупредува за екстремна опасност, со можност за катастрофални последици по луѓето, нивните имоти и по околината.

Алармите се издаваат за различни временски прилики и појави: за ветер, дожд, горештина, студ, снег, мраз, грмотевици, крајбрежни настани, шумски пожари, лавини, поплави, порои, опасности на море и за суша.

За утрешниот ден се издадени аларми за целиот Балкан.

The post ВНИМАВАЈТЕ, СЛЕДУВА НЕВРЕМЕ СО ПОРОЕН ДОЖД И СО СИЛЕН ВЕТЕР Издадени портокалов и жолт аларм од УХМР, еве што значи тоа appeared first on plusinfo.mk.

Претпладне ќе дува слаб до умерен југоисточен ветер. Попладне и во текот на ноќта кон сабота ќе дува засилен северен ветер, со брзина над 60 километри на час, особено вдолж Повардарието.

Најстудено ќе биде во Маврово, со утринска температура од 5 степени. Дневните температури значително ќе опаднат. Најтопло ќе биде во Гевгелија, со 16 степени Целзиусови.

Во Скопје, времето ќе биде oблачно и свежо со повремени врнежи од дожд, кои повремено ќе бидат пообилни. Ќе дува слаб до умерен југоисточен ветер, а попладне повремено засилен ветер од северен правец.

Во сабота ќе има повремени локални врнежи од дожд. На повисоките планини во утринските часови ќе има услови за слаб снег.

Дневните температури во следните денови ќе растат.

The post ПОТРОКАЛОВО ПРЕДУПРЕДУВАЊЕ ЗА СИЛЕН ВЕТЕР И МНОГУ ДОЖД Попладневен виор од север ќе донесе заладување appeared first on plusinfo.mk.

Во Скопје се очекува сончево и многу топло, попладне со умерен развој на нестабилна облачност.

Во следните денови во попладневните и вечерните часови ќе има локална појава на нестабилност со пороен дожд, грмежи и услови за краткотрајно невреме.

За време на викендот и во почетокот на следната седмица нестабилно ќе биде на повеќе места, локално во форма на невреме со интензивен пороен дожд, грмежи, силен ветер и град.

The post УШТЕ ПЕКОЛ, НО НАМЕСТА УСЛОВИ ЗА ДОЖД Времето ќе се расипе за викендот appeared first on plusinfo.mk.

Во Скопје се очекува сончево и многу топло со мала до умерена облачност.

Денеска ќе се задржи многу топло време со максимална температура наместа над 40°C и ќе биде активно портокаловото ниво за опасност од високи температури.

Од утре и во следните денови во попладневните и вечерните часови ќе има локална појава на нестабилност со пороен дожд, грмежи и услови за краткотрајно невреме.

За време на викендот и во почетокот на следната седмица нестабилно ќе биде на повеќе места, локално во форма на невреме со интензивен пороен дожд, грмежи, силен ветер и град.

The post УШТЕ ДЕНЕСКА И УТРЕ ПЕКОЛ Поројните дождови ќе стигнат за викендот appeared first on plusinfo.mk.

Oслободување од работни обврски за најранливите групи на населението: бремените жени и лица на возраст над 60 години за ден 15.08.2024 година (четврток).

Во истиот период, работодавачите да ги реорганизираат работните активности на градежните работници и на работниците кои работат на отворено, со тоа што ќе се избегне вршење градежни и други работни активности на отворено во периодот од 11 до 17 часот.

Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област.

Во установите за згрижување на децата (градинки) да не се практикува физичка активност и да не ги изнесуваат децата на отворено во периодот од 11 до 17 часот.

Единиците на локалната самоуправа, Црвениот крст и Центрите за социјални работи во регионите зафатени со топлотниот бран да пружаат помош на осамени, стари, изнемоштени лица и бездомници.

The post МЕРКИТЕ ЗА ТОПЛОТНИОТ БРАН ЌЕ ВАЖАТ И В ЧЕТВРТОК Владата ја усвои одлуката appeared first on plusinfo.mk.

Во Скопје времето ќе биде сончево и многу топло со мала до умерена облачност и слаб до умерен југоисточен ветер.

До четврток ќе се задржи сончево и многу топло време со мала до умерена локална облачност и со максимална температура наместа и над 40°C поради што ќе биде активно портокаловото ниво за опасност од високи температури.

За време на викендот нестабилно ќе биде на повеќе места, локално во форма на невреме со интензивен пороен дожд, силен ветер и град.

The post ПОПЛАДНЕ МОЖЕ ДА ИМА КРАТОК ПОРОЈ За викендот ќе истури appeared first on plusinfo.mk.

До крајот на оваа седмица времето ќе биде сончево и многу топло со мала до умерена локална облачност.

Особено топло ќе биде денеска и во среда, кога дневната температура наместа ќе надминува 40°C и ќе биде активирано портокалово ниво за опасност од високи температури.

Од четврток во попладневните и вечерните часови ќе има локална појава на нестабилност со пороен дожд и грмежи, особено во деновите од викендот кога ќе има услови за изолирано невреме со интензивен пороен дожд, грмежи, силен ветер и град.

The post МНОГУ ТОПЛО, НАМЕСТА И НАД 40 СТЕПЕНИ Поројните дождови ќе почекаат до викендот appeared first on plusinfo.mk.

Продолжува периодот на сончево и многу топло време со дневни температури кои наместа надминуваат и 40 степени.

Од Управата за хидрометеоролошки работи најавија дека од денеска до средината на следната седмица на повеќе места ќе биде активирано портокалово ниво за опасност од високи температури. Исклучок ќе има в недела, кога, според синоптичарите, во попладневните часови ќе има изолирана појава на нестабилност со пороен дожд и грмежи.

Доктор Рихад Реџепи, шеф на смена во Итната медицинска помош во Скопје за МИА изјави дека поради топлото време деновиве е зголемен бројот на интервенции при колапси на јавни места.

– Колабираат и помлади и повозрасни граѓани. Дневно имаме пријави за околу десетина колапси. Дали во автобус, дали на работно место… Имаме и пораст на повици од лица кои бараат совети телефонски – рече Реџепи.

Претседателката на Здружението на приватни лекари, Лилија Чолакова Дервишова во изјава за МИА информираше дека поради топлото време, деновиве само во нејзината ординација биле однесени две лица со инфаркт.

– Забележително е дека луѓето имаат проблеми, особено оние со хронични заболувања. Нашите апели се да не се движат по горештините, сите обврски да ги завршуваат во раните утрински часови. Препорачуваме многу лесна храна, да се избегнува јадење количински во топлите часови. Граѓаните да внесуваат многу течности преку ден – вели Чолакова Дервишова.

Од Институтот за јавно здравје препорачуваат граѓаните во овие ексремно толи денови со себе да носат шише вода, да имаат на себе лесна, светла и комотна облека, да се тушираат со посвежа или млака вода кога чувствуваат дека им е топло, да се носи капа, шешир или чадор за заштита, доволно да се спие, да се јаде овошје и салати, да се избегнуваат алкохол, кафе, чај, како и топла, зачинета и солена храна што може да дехидрира.

Надлежните советуваат активностите на отворено да се спроведуваат пред 11 и по 17 часот. При престој на отворено, да се биде во сенка. Доколку се престојува во затворен простор со вклучено ладење од клима уред, препорачливо е да се исклучи климата барем половина час пред да се излезе надвор на топло. Тоа, со цел човекот полесно да се адаптира на температурната разлика.

The post НОСЕТЕ ЗАШТИТА ОД СОНЦЕ И ШИШЕ СО ВОДА, АКО ОДИТЕ НА ОТВОРЕНО Делови од земјава се во портокалова фаза на опасност од високи температури appeared first on plusinfo.mk.

Според последните промени, Франција и Грција ќе вклучат речиси целосно портокалов аларм поради ширењето на ковид-19. Неколку региони во Италија исто така се менуваат од зелена во портокалова боја на мапата на ЕЦДЦ.

Во Франција, регионите кои ќе се променат ќе бидат: Долна Нормандија, Горна Нормандија, Норд-Па-де-Кале, Пикардија, Алзас, Шампањ-Арден, Лорен, Лоара, Бретања, Аквитанија, Лимузен, Поату-Шарант, Оверн и Рона-Алпи.

Јужна Корзика вклучи црвен аларм од минатата среда, како и прекуморскиот дел на Гваделупе на Карибите. Монако исто така ќе биде во црвено од среда.

Во Грција промената ќе се одрази на островите на Северен Егеј, централна Македонија и централна Грција, што значи дека речиси целата земја е портокалова. Атика и Крит остануваат црвени, додека островите во Јужен Егеј, Епир, Тесалија и Јонските Острови исто така ќе станат црвени.

Италијанските региони Сицилија, Сардинија, Венето и Лацио стануваат портокалови. Ватикан е исто така портокалов.

Во Чешка, Прага е портокалова. Северозападна Швајцарија и источна Швајцарија се менуваат од зелена во портокалова.

Ирска во моментов е цела портокалова, но северните, западните, јужните, источните и централните региони ќе станат црвени од среда. Шведскиот главен град Стокхолм станува портокалов.

ЕЦДЦ признава дека делта мутацијата на ковид-19 е доминантна во повеќето од 28-те земји кои пријавиле доволно целосни информации за генетско секвенционирање. Од 19 земји, просечното учество покажува дека делта сојот е застапен 68,3 отсто, пред досега доминантната алфа варијанта – 22,3 отсто во регионот.

Врз основа на тековните трендови, делта варијантата ќе биде глобално доминантен вид во следните месеци и веќе е идентификувана во речиси сите европски земји и ќе продолжи да се шири.

– За жал, во многу земји во нашиот регион, забележуваме значително зголемување на преваленцијата на многу заразната делта мутација. И покрај огромните напори на земјите-членки да ги вакцинираат луѓето низ целиот регион, уште милиони остануваат невакцинирани и затоа се изложени на ризик од хоспитализација – вели д-р Ханс Хенри Клуге, регионален директор на СЗО за Европа.

– Добрата вест е дека податоците јасно покажуваат оти целосната вакцинација значително го намалува ризикот од сериозни болести и смрт. Кога ќе бидат повикани да го сторат тоа, луѓето треба да се вакцинираат – наведува Клуге.

– Ние мора да останеме будни и да продолжиме да користиме здрав разум за да спречиме ширење на вирусот. Ова значи да се добие целосен тек на вакцинација веднаш штом се појави можност и да се одржува физичка дистанца, да се мијат рацете, да се избегнат преполни простори и да се носи маска кога е потребно. Овие се мерки за кои знаеме дека делуваат за да се заштитиме себеси и другите. Треба да мислиме на нив како „антиблокирачки мерки“ бидејќи тие можат да помогнат да се спречи ширењето на болеста без да мора да се затвораат големи делови од општеството, вели Андреа Амон, директор на ЕЦДЦ.

СЗО и ЕЦДЦ ги повикуваат приоритетните групи како што се возрасни лица, лица со хронични болести и здравствените работници да бидат вакцинирани против ковид-19 со цел да ги заштитат ранливите луѓе со кои контактираат од сериозни болести.

Покрај тоа, се препорачуваат брзи вакцинации за сите групи. Со ширењето на делта варијантата, ќе се бара интензивно спроведување на тековните мерки за јавно здравје, вклучително и засилен пристап до тестови, за следење на пренесувањето на ковид-19, особено затоа што напредокот на вакцинацијата е низок во многу земји.

Потврдените случаи на коронавирус се зголемуваат низ Европа секоја недела во последните четири седмици. Процентот е зголемен во сите возрасни групи, но најбрз меѓу 15 до 24-годишници, каде што во последниот месец има пет пати поголемо зголемување на регистрираните случаи.

Д-р Клуге има јасна порака до тие земји за олеснување на социјалните мерки во европскиот регион: „СЗО препорачува земјите да го зголемат пристапот до бесплатни тестови, да промовираат карантин за контакт и изолација за потврдени случаи и да го зајакнат следењето на контактите“.

Патувањето не е без ризици. Патувања и групни собири може да го зголемат ризикот од инфекција и ширење на Ковид-19. Ако сакате да патувате, размислете за потребата и разгледајте ги вашите ризици, наведува ЕЦДЦ.

The post Европа го вклучува портокаловиот аларм поради ковид-19 appeared first on plusinfo.mk.