Барањето на Трамп за изземање на Мерчан е заснована на тоа што неговата ќерка која е исто така судија, работи во политичка консaлтинг фирма со клиенти демократи па тоа, според експретседателот, создава конфликт на интереси.

Така, процесот синоќа продолжи со избор на порота од Њујорк која ќе го разгледува случајот на Трамп во кој тој е обвинет за фалсификување деловна документација со цел да се прикријат исплати извршени пред изборите во 2016 година во висина од 130.000 долари, а за неразгласување на наводна вонбрачна врска меѓу него и Дениелс.

Изборот на поротата може да трае неколку денови, и засега оди тешко – од 96 кандидати за поротници, половината беа отфрлени бидејќи се смета дека не можат да бидат фер и независни.

Судијата разреши десетици потенцијални поротници кои рекоа дека не можат непристрасно да одлучат дали поранешниот претседател на САД е виновен или невин.

На првиот ден од историското судење против поранешниот претседател, судијата Хуан Мерчан им порача на стотината потенцијални поротници дека мора да ги остават настрана сите предрасуди или лични ставови за обвинетиот или случајот, вклучително и „политичката ориентација“.

Најмалку 50 беа отпуштени откако рекоа дека не можат да бидат непристрасни во судењето на Трамп. Судењето го напуштија и оние кои рекоа дека не можат да ја извршуваат таа должност од други причини. Адвокатите на двете страни ќе се обидат да изберат дванаесет поротници и шест заменици во она што веројатно ќе биде единственото кривично дело со кое се соочува Трамп пред изборите на 5 ноември.

По изборот на поротници ќе следуваат воведни изјави и сведочења на сведоци. Дениелс и поранешниот адвокат на Трамп, Мајкл Коен, кои сведочеа за тоа дека тој вршел исплати на Дениелс, се исто така некои од сведоците во процесот.

Трамп изјави дека е невин и планира да сведочи во своја одбрана.

На рочиштето синоќа окружното обвинителство побараа од Мерчан да изрече казна за Трамп бидејќи овој ја нарушил наредбата да зборува за сведоците во овој случај, за самото обвинителство и вработените во него. За тоа ќе се решава на посебна седница идната недела. Со ова обвинителството бара начин да го развлечат судењето.

Тој е првиот поранешен претседател на САД кој е кривично гонет во граѓанска парница и во случај да биде прогласен за виновен може да добие затворска казна, сметаат познавачите.

Судскиот процес се очекува да трае месец и пол.

Трамп е претседателски кандидат од републиканците на изборите закажани за во ноември и поради судењето тој највеојатно ќе ја паузира својата кампања.

Според вториот обвинителен акт, бившата манекенка Карен Мекдугал откри дека имала повеќемесечна врска со Трамп и побарала објава за тоа. Шест месеци пред изборите, еден американски таблоид и исплатил 150.000 долари да молчи за наводите дека имала врска со Трамп. Оваа исплата не е дел од тужбите, но обвинителите сметаат дека со тоа ќе докажат таквите исплати се случувале редовно.

Од синоќешното рочиште победа за Трамп беше одлуката на судијата да не се пушта снимката на „Аксес Холивуд“ со назнака дека била непристрасна. Тој побара да не се изнесуваат повеќе други наводи за сексуални напади од страна на Трамп појавени по објавувањето на снимката во октомври 2016 година.

Експретседателот ги отфрла сите 34 точки покренати против него во њујоршкиот случај, вклучително и тоа дека му наредил на Коен да изврши исплати на Дениелс а потоа му платил како за адвокатски судски услуги.

Трамп се соочува со  казна до 4 години затвор доколку биде прогласен за виновен, иако е можна и незатворска казна. Се очекува и Трамп да поднесе жалба на секоја пресуда.

The post ТРАМП СЕ СООЧУВА СО ЗАТВОР ОД 4 ГОДИНИ На првиот ден од судењето отпуштени се 50 поротници кои рекоа дека не можат да бидат непристрасни appeared first on plusinfo.mk.

Судијата одвои само три недели да избере поротници, знаејќи за потенцијалните потешкотии во наоѓањето на непристрасни жители на Минеаполис во случајот што ја подели државата и чија жртва Џорџ Флојд стана меѓународен симбол на борбата за расна правда.

Прашалник до потенцијалните поротници

Судот минатата година испрати прашалник на 16 страници до потенцијалните поротници, испитувајќи го нивното знаење за смртта на Флојд на 25 мај минатата година, по апсењето пред продавница.

Прашалникот содржи прашања како што се „дали ги видовте снимките од неговата смрт“, „дали учествувавте во протестите што следуваа?“ или „што мислите за движењето „Црните животи се важни“.

Смртта на Флојд е снимена на мобилен телефон од минувач, а на снимката се гледа како Шовин со колено го притиска вратот на Флојд скоро девет минути, додека 46-годишникот вели дека не може да дише.

Снимката се рашири на Интернет за неколку часа и доведе до еден од најмасовните протести во американската историја.

Се очекува реакција на одбраната

Адвокатите на Шовин се очекува да го оспорат изборот на поротници кои го поддржуваат анти-институционалното расистичко движење во американскиот правосуден систем.

Одбраната на Шовин петнаесет пати може да го отфрли изборот на поротник без да даде причина, а обвинителите може да го сторат тоа девет пати. Ако која било од страните се сомнева дека член на поротата е разрешен поради раса, етничка припадност или пол, тие можат да побараат од судијата да се произнесе поинаку.

Дел од судските експерти се загрижени дека нема да има црнци меѓу последните 12 поротници и четири замени и дека ова може да ја наруши довербата на јавноста во идната пресуда. Околу една петтина од жителите на Минеаполис се црни.

– Потребно ни е жири кое претставува спектар на ставови и мислења и демографски карактеристики на нашата заедница – рече Валери Ханс, професор по право на Универзитетот Корнел.

– Треба да бидат вклучени и луѓе кои можеби биле на протест и имаат различни ставови во врска со поврзани прашања – додава тој.

На Шовин му се заканува затворска казна од 40 години

На Шовин му се заканува затворска казна од 40 години, а од страв од протести ќе му се суди во добро заштитена судница. Неговите адвокати тврдат дека тој ги користел методите што ги научил на обука во справувањето со Флојд.

Флојд беше уапсен под сомнение дека користел фалсификувана банкнота од 20 долари. Аутопсијата покажа дека неговата смрт е делумно предизвикана од полицијата, но и дека тој го употребил опијатот фентанил непосредно пред трагедијата, поради што адвокатите на Шовин тврдат дека смртта е резултат на предозирање, пишува „Ројтерс“.

The post Почнува судењето за убиството на Флојд, судијата три недели ќе ја избира поротата appeared first on plusinfo.mk.