Еден чувар е повреден во пожар што утринава избувна во породилиште во источниот дел на Москва, соопшти руската служба за итни случаи.

– Според ажурираните податоци, евакуирани се 224 лица, спасени се 37. Повреден е чуварот на зградата – изјави извор од службата за итни случаи, пренесоа руските медиуми.

Претходно прес-службата на руското Министерство за вонредни ситуации соопшти дека 39 лица се евакуирани поради пожарот што утринава избувна на седмиот кат од родилиштето во источниот дел на Москва.

Во меѓувреме пожарот е изгаснат, а пациентите и персоналот се сместени во друга зграда на болницата.

The post ПОЖАР ИЗБУВНА ВО ПОРОДИЛИШТЕ ВО МОСКВА Евакуирани 224 лица, чуварот е повреден appeared first on plusinfo.mk.

The post РУСИТЕ ГРАНАТИРАЛЕ ПОРОДИЛИШТЕ, ЗАГИНАЛО БЕБЕ „Тага ни ги исполнува срцата“, вели гувернерот на Запорожје appeared first on plusinfo.mk.

Украинката е во киевското породилиште и чека да се породи, но во градот кој е под опсада на ракети и гранати, нејзините нерви се на работ на пукање.

– Не треба да бидам под стрес сега и да се обидувам да се „оладам“, но она што се случува е страшно – изјави таа за Ројтерс.

– Живееме во вистински пекол. Никогаш не замислував дека вакво нешто е возможно во 21 век – вели Алена.

До неа е жена која штотуку се породила со царски рез и итно била пренесена во подземниот ходник бидејќи почнало бомбардирањето.

Ходникот е полн со млади мајки со новороденчиња во рацете. Јула, која на 28 февруари роди син, ги пофали вработените во болницата.

– Ние сме безбедни овде. Лекарите и медицинските сестри се најдобри во светот и ние сме многу горди на нив – вели Јула.

Директорот Дмитриј Говсеев вели дека поголемиот дел од персоналот не го напуштил породилното одделение од почетокот на инвазијата.

– Околу 70 отсто од персоналот е тука цело време. Тие работат во смени. Единствената разлика е во тоа што раѓањата кои вообичаено траат подолго можат да започнат во одделението и да завршат во прифатилиштето – вели директорот.

Алена се сеќава на почетокот на нападот. Таа пред инвазијата била во породилиште поради одржување на бременоста.

– Се разбудив во пет наутро поради ракетен удар. Слушнав експлозија и вресок на жени. Така почна. И не можев да верувам. Мислев дека е кошмар, но не е, тоа е сега со нас сега – рече таа.

– Се надевам дека тоа ќе живее во мир – рече таа, галејќи се по стомакот и мислејќи на своето дете кое треба да дојде на свет.

The post РОДЕНИ ПОД БОМБИТЕ Како изгледа киевското породилиште под руска опсада (ВИДЕО) appeared first on plusinfo.mk.