Силно невреме и поројни дождови предизвикаа сериозни поплави во турската провинција Самсун, објави државната агенција „Анадолија“. Најмалку 12 лица биле повредени, додека спасувачките служби извлекувале жители од поплавените домови и улици.

Обилните врнежи што ја погодија областа Хавза, во близина на турското црноморско крајбрежје, довеле до излевање на реките и нагло слевање вода низ улиците. Автомобили биле носени од поројот. Поплавени останале подруми, приземја и деловни објекти.

Extreme rainfall triggers terrifying floods across Samsun, Turkey, causing widespread panic and destruction.

Follow Us
Facebook: Khabar Rojana
Instagram: https://t.co/XIzYxlrpiW
YouTube: https://t.co/DE93Bus7t8
Twitter (X): https://t.co/W7e4fYn64r pic.twitter.com/0VDJ3FwWk6

— Khabar Rojana (@khabar_24x7news) May 13, 2026

Според „Анадолија“, дел од повредените сами побарале лекарска помош, додека други биле пренесени во болница од медицински екипи. Нема тешко повредени. Но, штетите се големи.

At least 12 people were injured in devastating floods and torrents in Havza district following heavy rains in Samsun, Turkey .#Turkey #Flood #Samsun #Havza #BREAKING #NEWS pic.twitter.com/6NPdsxoXqx

— Globe Wire 24 (@Globewire24) May 13, 2026

На терен биле распоредени пожарникари, полиција и служби за управување со катастрофи, кои работеле на спасување на заглавените жители и на расчистување на последиците од невремето.

The post 📽️ ПОТОП ВО САМСУН ВО ТУРЦИЈА Автомобили пловеа низ улиците, 12 лица повредени appeared first on plusinfo.mk.

Некои потоци и реки веќе се излеаја, а експертите предупредуваат дека патиштата, подвозниците и полињата би можеле да бидат поплавени во наредните денови.

Според Германската метеоролошка служба, јужните и источните делови на земјата се особено изложени на ризик, каде што количината на истекување би можела да достигне до 80 литри на квадратен метар.

Метеоролозите велат дека кон крајот на минатата недела во некои региони паднале големи количини снег, кој сега брзо се топи поради поблагите температури, додека новиот систем со низок притисок носи дополнителни врнежи од запад.

Особено големи количини на дожд се очекуваат во подножјето на Алпите, што ќе го забрза топењето на снежната покривка. Збиениот, стар снег содржи големи резерви на вода, па затоа се стравува од ненадејно зголемување на нивото на водата.

Каде е ризикот од поплави најголем?

Предупредувањата првенствено се однесуваат на подножјето на Алпите, источните делови на Баварија и Франконија, делови од Баден-Виртемберг, границата помеѓу Хесен, Рајнска област-Пфалц и Северна Рајна-Вестфалија, како и поединечни региони во Саксонија и Тирингија.

Меѓудржавниот портал за поплави наведува дека комбинацијата од топење на снегот и врнежите ќе доведе до понатамошно зголемување на нивото на водата. Жолто предупредување за поплава веќе е издадено во некои делови од Баварија и околу Висбаден, додека неколку мерни станици се во состојба на тревога поради зголемувањето на нивото на водата.

Нивото на водата се зголемува и на големите реки, вклучувајќи ја и Рајна, каде што некои крајбрежни области се веќе под вода.

Експертите ги советуваат граѓаните да избегнуваат престој во близина на водотеци и да ги отстрануваат возилата од областите за кои се знае дека се изложени на ризик од поплави.

Метеоролозите предвидуваат дека временските услови би можеле да се стабилизираат до средината на неделата, кога се очекува врнежите да престанат и времето постепено да се разведри.

Под влијание на висок притисок, температурите на запад и југозапад од земјата би можеле да достигнат 20 степени Целзиусови, додека североистокот ќе остане малку постуден.

The post ВОДОСТОЈОТ РАСТЕ ОД ЧАС ВО ЧАС Делови од Германија под закана од поплави appeared first on plusinfo.mk.

Во Хрватска синоќа имаше големо невреме. Најтешко беше погодена Истра – каде што во Умаг и околината падна град со големина на орев и за кратко време наврна 100 литри дожд на квадратен метар. Поплавени се улици, а метеоролозите предупредуваат на нови обилни врнежи и денес и утре.

Слична нестабилност се очекува и во Србија. РХМЗ најавува дека во петок ќе има поројни дождови, грмежи и локална појава на град, а на поедини места и силен или олуен ветар. Најризична ќе биде зоната од западна и југозападна Србија преку Шумадија и Поморавје до истокот на земјата.

Босна и Херцеговина веќе од денес ќе биде зафатена од облачност и врнежи, особено во западните и југозападните делови, додека во петок речиси целата земја ќе има дожд и грмежи со пад на температурите за десетина степени.

Во Македонија, топлиот бран кулминира денес со температури и до 37 степени, но од викендот следува освежување – во сабота умерено до претежно облачно со врнежи на север и запад, а дневните температури ќе паднат на 20 до 26 °C.

Метеоролозите за целиот регион предупредуваат на можни краткотрајни поплави, оштетување од град и проблеми во сообраќајот. За конкретни локации ќе се издаваат навремени предупредувања.

Од недела се очекува стабилизација на времето и пријатни температури – меѓу 22 и 28 степени, додека на југот на Балканот до 31 °C.

The post 📽️ ВКЛУЧЕН ЦРВЕНИОТ МЕТЕОАЛАРМ НА БАЛКАНОТ Невреме со дожд, град и грмотевици го зафати регионот appeared first on plusinfo.mk.

До крајот на оваа седмица времето ќе биде сончево и многу топло со мала до умерена локална облачност.

Особено топло ќе биде денеска и во среда, кога дневната температура наместа ќе надминува 40°C и ќе биде активирано портокалово ниво за опасност од високи температури.

Од четврток во попладневните и вечерните часови ќе има локална појава на нестабилност со пороен дожд и грмежи, особено во деновите од викендот кога ќе има услови за изолирано невреме со интензивен пороен дожд, грмежи, силен ветер и град.

The post МНОГУ ТОПЛО, НАМЕСТА И НАД 40 СТЕПЕНИ Поројните дождови ќе почекаат до викендот appeared first on plusinfo.mk.

Властите во баварскиот округ Аугсбург соопштија дека попуштиле насип и вештачка брана, што предизвикало одвоени операции за евакуација.

Поради поплавите откажани се железничките линии меѓу главниот град на баварската покраина Минхен, австрискиот град Брегенц и швајцарскиот град Цирих. Погодена е и линијата меѓу Улм и Аугсбург, а возовите меѓу Штутгарт и Минхен се пренасочени.

Во баварскиот град Фишах, западно од Минхен, хеликоптер бил користен за спасување на луѓето од нивните домови откако реката Шмутер се излеа од коритото. Според полицијата, биле испратени и чамци и спасувачки екипи за да помогнат луѓето да излезат од поплавените куќи.

Неколку соседни окрузи прогласија вонредна состојба бидејќи дождот продолжи да врне до доцна во денот, а нивото на водата продолжи да расте.

Во покраината Баден-Виртемберг, западно од Баварија, ситуацијата ненадејно се влоши откако реката Ротум почна да се излева, поплавувајќи неколку села. Во градот Рајнштетен, 150 спасувачи работеа повеќе од 22 часа за да ја спречат надојдената вода од попуштена брана, изјави градоначалникот Филип Буркл.

Според него, пожарникарите од околината црпеле вода од подрумите и делеа вреќи со песок. Досега е евакуиран само еден дом за стари лица, во кој имало 15 лица.

На околу 55 километри северно, властите во туристичкиот град Визенштајн им наредиле на жителите да ја зовриваат водата пред употреба, откако поплавите го зафатија и локалниот систем за водоснабдување.

На југ, во близина на езерото Констанц, училиште во селото Мекенбеурен, Баден-Виртемберг, морало да биде евакуирано кога водата од локалната река ги пробила насипите од вреќи со песок поставени околу него.

Германската метеоролошка служба предвидува дополнителни грмотевици и до 80 литри дожд на метар квадратен во јужна Германија. Невремето најверојатно ќе продолжи и утре, забележува ДПА.

The post ПОПУШТИЛЕ НАСИП И ВЕШТАЧКА БРАНА Поројни дождови и поплави во Баварија appeared first on plusinfo.mk.

Службите за итни случаи користат гумени чамци за да ги спасат луѓето од нивните домови.

Гувернерот на провинцијата Венето го опиша времето во текот на ноќта како „водена бомба“.

Југот на Италија се соочува со топлотен бран невообичаен за овој период од годината, а на Сицилија се забележани температури до 35 Целзиусови степени.

Професорот Марко Марани, експерт за ефектите од климатските промени од Универзитетот во Падова, за весникот „Кориере дел Венето“ изјави дека „екстремните настани стануваат се почести и ќе се интензивираат со зголемувањето на глобалното затоплување“.

Бреговите на реката Мусон деи Саси во областа Падова попуштија поради обилните врнежи од дожд во раните утрински часови, кои предизвикаа поплави.

Товарен воз во градот Борго Мантовано во провинцијата Ломбардија бил превртен од налетите на ветерот со брзина меѓу 150 и 200 километри на час.

The post 📽 ПОТОП ВО СЕВЕРНА ИТАЛИЈА Луѓето од Падова и Виченца се спасуваат со гумени чамци appeared first on plusinfo.mk.

Но, што точно се случи вчера? Како дојде до вакво страшно невреме?

Плусинфо го контактираше метеорологот Славчо Попоски и од него побара објаснување.

– Нашата територија се наоѓа под влијание на изразено влажна и нестабилна воздушна маса. Вчера во Скопје се случи судир на две воздушни маси. Потоплата од југ и постудената од север. Токму поради ова дојде до формирање на олуен систем и истиот го зафати Скопскиот регион и доведе до интензивен пороен дожд, силен ветер, силни електрични празнења и појава на град – вели Попоски за Плусинфо.

Тој додава дека олујниот систем бил толку моќен што успеа да поплави голем дел од Скопската котлина.

Според прогнозата на Попоски, слично време, поточно опасност од ново невреме, има и денес, како и во следните неколку денови.

– Поради најавите дека вакво невреме може да се случи денеска и во следните денови, ги повикувам граѓаните да бидат крајно претпазливи. Исто така, ги повикувам и надлежните да бидат подготвени за евентуална временска непогода и навреме да реагираат и да им излезат во пресрет на скопјани – апелира Попоски.

Од УХРМ за Плусинфо информираат дека во текот на вчерашниот ден во Скопската котлина беа регистрирани значително високи количества на врнежи проследени со олуен ветер, грмотевици и локална појава на град и суградица, кои предизвикаа штети и поплави во градското подрачје.

– На автоматските и дождомерните метеоролошки станици во Скопје и во околината, кои се дел на метеоролошкиот набљудувачки систем на Управата за хидрометеоролошки работи (Главна метеоролошка станица – Скопје Зајчев Рид, Гази Баба, Карпош, Црешево и дождомерните станици Лисиче и Ѓорче Петров) вкупното количество на измерени врнежи изнесува: Гази Баба 35 литри на 1 метар квадратен, Црешево 25 литри, Лисиче 20 литри , Скопје Зајчев Рид 8литри, Карпош 6 литри, Ѓорче Петров 3 литри – велат од Управата.

Оттаму додаваат дека локално врнежите беа со силен интензитет, така што во Гази Баба за два часа наврнаа 33 литри на 1 метар квадратрен, во Лисиче 20 литри и во Црешево 25 литри  Во прилог е график со десетоминутни количини на врнежи регистрирани на автоматските метеоролошки станици.

Максималната брзина на ветер е регистрирана на Скопје Зајчев Рид во 16:10 часот од источен правец и изнесува 18,7 метри во секунда или повеќе од 65 километри на час.

Според историските мерења и статистички истражувања на интензивните врнежи со кусо траење, изработени во УХМР, просечната повторливост на ваков настан е еднаш во две до пет години.

The post НЕ СПИЈТЕ, НЀ ПОГОДИ СИЛНА ОЛУЈА И ПАК МОЖЕ ДА НЀ ПОГОДИ! Славчо Попоски предупредува денеска и во следните денови да бидеме на штрек appeared first on plusinfo.mk.

Во Скопје, времето ќе биде сончево и топло со мала до умерена облачност. Ќе дува слаб до умерен северен ветер. Минималната температура ќе се спушти до 17, а максималната ќе достигне до 34 степени.

Времето и утре ќе биде многу топло, попладне со локална појава на пороен дожд и грмежи, како и услови за изолирана појава на град.

Во текот на следната работна седмица на повеќе места ќе биде нестабилно со пороен дожд и грмежи. Локално процесите ќе бидат во форма на невреме со интензивен пороен дожд (за кратко време поголема количина), силни електрични празнења, силен ветер со над 70 км/час и со појава на град. Температурата ќе биде во опаѓање, информираат од УХМР.

The post ТРОПСКИ ТЕМПЕРАТУРИ ДО 37 СТЕПЕНИ Попладне пороен дожд и грмежи appeared first on plusinfo.mk.