Македонскиот раскол, благодарение на Божјата љубов и промисла е исцелен, па сега таму имаме браќа и сестри во потполната смисла на зборот, изјави српскиот патријарх Порфириј во интервју за рускиот теолошки портал Богослов.ру, дадено за време на неговата неодамнешна посета на Русија.

Осврнувајќи се на надминатите недоразбирања и признавањето на Македонската православна црква, Порфириј истакнува дека одлуката во СПЦ била донесена едногласно, со полнотата на Соборот, водејќи се од црковниот етос, а не од земските интереси, исклучиво за спасението на луѓето кои живеат и на територијата на Северна Македонија.

– Многу луѓе тоа не можат да го разберат, па некој од нашата црква вели: ‘Направивте компромис, ги предадовте интересите на српската црква, на српскиот народ, продадовте српски земји’ итн. Меѓутоа, историски гледано, дури и во канонската смисла на зборот, црковните територии, епархиите на просторот на денешна Северна Македонија, припаѓале на јурисдикцијата на нашата црква само од 1920 до 1966/67 г. А, во сите други историски периоди, дури и во времето на свети Сава, епархиите, во црковната смисла на тој збор, од територијата на денешна Северна Македонија, не ѝ припаѓале на Српската православна црква. Значи, дури и да погледнеме во контекстот кој всушност не постои за нас, да речеме дека е ’легитимен’, дури и во таа смисла не направивме нешто што е спротивно на ’интересите на Српската православна црква’. Друго нешто е тоа што во политичката смисла на тој збор, тие територии некогаш им припаѓале на владетели на српските држави. Понекогаш српските владетели имале свои територии длабоко во Грција, некои дури имале амбиции и биле толку моќни, да станат цареви на Византиското царство. Меѓутоа, како црковни луѓе никогаш не смееме да ги мешаме политичките параметри и контексти со црковните контексти, но дури ниту тоа не е суштински важно за Црквата. За Црквата е суштински важна грижата за спасението на конкретниот човек. Црквата ги има сите можности, право и обврска, размислувајќи за спасението на секој човек, да донесува одлуки кои му служат на тоа спасение и во овој конкретен случај, како што тоа е случај и во принцип кога зборуваме за начинот и за одлучувањето и за структурата и природата на православната Црква, посочува српскиот патријарх.

Нагласува дека СПЦ на Собор одлучува соборно и ниту една одлука не е одлука на еден, дури и ако тој е патријарх.

– Кај нас црквата функционира според принципот на соборност, каде што првиот е прв меѓу еднаквите на себе – primus inter pares, а не прв кој нема рамноправни меѓу своите браќа. Оваа одлука во нашата црква е донесена едногласно, со полнотата на Соборот, токму затоа што, благодарение на Бога, со Божјата благодат и Неговата промисла, сите отци на Соборот размислуваа молитвено, исклучиво за спасението на луѓето кои живеат и на територијата на Северна Македонија и ја донесоа одлуката која ја сметаа за најспасоносна и најдобра и за нив, но и за сите нас, наведува патријархот Порфириј.

За поделбите и недоразбирањата во православната црква, тој вели таквите искушенија отсекогаш постоеле низ историјата кога доминирала човечката логика и индивидуалистичката свест, а не соборниот интерес.

– Денес кога имаме некои недоразбирања и кризи во нашата православна Црква, нив ги гледам како можности и повик – секој од нас пред Христа да се испита себеси, своето срце и своите причини. Сигурен сум дека, така да речеме, кризата во која како православна Црква се наоѓаме во овој момент, на крајот ќе биде причина за триумф на единството, на љубовта, на меѓусебното разбирање и на сведочењето на Црквата како една, света, соборна и апостолска Црква, која е дар, голем дар за секој од нас и не е наша лична сопственост со која располагаме и со која имаме право да се коцкаме, за кој било од нас да се наметне себеси како поважен од другиот – вели српскиот патријарх Порфириј во интервјуто за порталот Богослов, што го пренесува „Лирургија.мк“.

The post ОДЛУКАТА ЗА МПЦ-ОА БЕШЕ НАЈДОБРА ЗА СИТЕ Српскиот патријарх Порфириј отворено зборуваше за македонското црковно прашање appeared first on plusinfo.mk.

Светиот архиерејски синод на Српската православна црква (СПЦ) ги повика „сите кои на кој било начин се вклучени во актуелните настани во Србија“ да ги прекинат поделбите и да иницираат братски дијалог.

„Црквата ги повикува сите оние кои на кој било начин се вклучени во актуелните настани, да размислат за сопствените гревови и да ги покажат плодовите на покајанието за време на Велигденскиот пост, време на покајание и простување, за секој од нас да биде подобар и Христовите зборови ‘Како што би сакале луѓето да ви прават, така правете со нив’ да бидат нашето златно правило“, се вели во соопштението на СПЦ.

Српската православна црква наведува дека слуша гласини за можни конфликти меѓу народот и оти е многу загрижена поради тоа.

„Ајде сите да се запрашаме: дали има малку поделеност и раздор меѓу нашиот народ? Затоа, драги духовни чеда, ви се обраќаме и денес, како и секогаш, ве молиме на свиткано колено да направите сѐ што е во ваша моќ за да го одржите мирот во нас и меѓу нас“, се нагласува во соопштението.

Повикувајќи се на името Господово и на молитвите на Свети Сава миротворец, СПЦ ги повикува „сите, без исклучок, целосно да го отфрлат насилството од секаков вид, без разлика од кого и од која страна доаѓа“.

„Насилството само го умножува насилството и не внесува во маѓепсан круг во кој сите сме губитници, ги урива темелите на општеството и создава нови поделби, подлабоки од веќе наследените. Тоа го знаеле нашите мудри предци кои еднаш засекогаш рекле: злото не може да донесе добро. А сепак: силата не му угодува на Бога, но Бог не ја сака ниту силата“, се наведува во соопштението.

Како што се нагласува, слободата и правдата се непроценливи вредности, но недостижни без љубов и меѓусебно почитување.

„Ги повикуваме сите да се погрижат на секое место – од семејството, преку работните колективи и образовни институции, до општествените и политичките организации – упорно и непоколебливо да градиме меѓусебна доверба и разбирање преку добронамерен дијалог“, се наведува во соопштението.

Српската православна црква потсетува дека Црквата ја носи духовно докажаната вистина и историската свест дека ничиј посебен интерес не е поважен од општото добро на народот и државата и ширум ги отвора вратите, повикувајќи ги сите одговорни општествени чинители на братски дијалог.

„Со цврста вера и надеж дека Бог нема да не остави на безумие и нови страдања, страдања што самите ги направивме, извикуваме од длабочината на нашите срца: Господи, спаси! Господи, води добро“, се заклучува во соопштението потпишано од српскиот патријарх Порфириј, митрополитот браничевски Игнатиј, митрополитот зворничко-тузлански Фотиј, митрополитот рашко-призренски Теодосиј и епископот горњокарловачки Герасим.

The post СИНОДОТ НА СПЦ ЗАГРИЖЕН ОД МОЖНИ КОНФЛИКТИ ВО БЕЛГРАД Српските владици повикуваат на покајание во Велигденскиот пост appeared first on plusinfo.mk.

Пако сега е дел од одредот за специјални намени на воената полиција на Србија.

@jasamaleksandar Upoznajte Paka! On je moj verni čuvar. #jasamaleksandar #srbija ♬ original sound – Ja sam Aleksandar

The post 📽️ ПОРФИРИЈ МУ ПОКЛОНИ ШАРПЛАНИНЕЦ НА ВУЧИЌ Пако редовно го посетува српскиот претседател appeared first on plusinfo.mk.

„Со длабоко жалење ја примивме веста за упокојувањето на митрополитот дебарско-кичевски Тимотеј, со кого пред нешто повеќе од еден месец служевме света Литургија во манастирот Џуниса. Епископот блажен Тимотеј, како верен Христов сведок, копнееше за единство и, кога дојде полнотата на времето, вдахновен од Светиот Дух, решително придонесе за воспоставување на нарушеното единство на Црквата, служејќи лично божествена служба, среќавајќи се и соработувајќи со нас и со браќата архиепископи на Српската Православна црква, ги залечи раните што постоеја поради децениското разделување. Така стекна голема почит меѓу свештенството и верниот народ на Пеќката патријаршија. Накратко и најточно кажано, владиката Тимотеј го видовме како наш најблизок Христов брат“, пишува српскиот патријарх г. Порфириј.

Затоа, додава тој, бидете уверени, блажени, дека ќе се погрижиме молитвено да го чуваме споменот на незаборавниот митрополит Тимотеј како наш постар брат и искрен пријател кој не се двоумеше да нè заштити, надвор од дворските манири, со искрена братска љубов.

„Те замолуваме, драг наш брате и сослужител во Христа, за загубата на големиот архиереј и пастир, блажениот митрополит Тимотеј, да ги примиш изразите на нашето најискрено сочувство, но и да ги пренесеш до полнотата на Македонската православни црква. Му се молиме на Воскреснатиот Господ неговата праведна душа да престојува во небесната населба каде што Божјите пријатели се вечно блажени! Со љубов кон Исус Господ“, се вели во соопштението со сочувство од српскиот патријарх г. Порфириј.

ВЛАДИКАТА ТИМОТЕЈ ЌЕ БИДЕ ПОГРЕБАН НА ПЛАОШНИК Погребот е веќе закажан

The post ВЛАДИКАТА ТИМОТЕЈ ИСКРЕНО КОПНЕЕШЕ ПО ЕДИНСТВОТО Сочувство од српскиот патријарх Порфириј appeared first on plusinfo.mk.

Свечен пречек на патријархот Порфириј и на архиепископот Стефан во Ниш беше организиран вчера во Соборниот храм „Слегувањето на Светиот Дух на апостолите“, а по тој повод во соборниот храм во Ниш се служеше свечен чин на доксологија.

Митрополитот Нишки г. Арсеније ја изрази својата голема радост затоа што првпат архиепископот Охридски и Македонски официјално ги посетува Ниш и Нишката епархија, донесувајќи го благословот на светите Климент и Наум Охридски, Гаврил Лесновски и Јоаким Осоговски, а воедно и братски љубовта на македонскиот народ.

– Силно ја чувствуваме љубовта на Вашиот народ, но и со сето срце возвраќаме – рече митрополитот Арсеније, се наведува на порталот на СПЦ.

Архиепископот Стефан потоа одржа беседа исполнета со благодарност за топлиот и братски пречек во Нишкиот соборен храм.

– Колку е убаво и прекрасно кога сите браќа живеат заедно! Денеска не ми паѓа друга мисла освен оваа. Ви благодариме за љубовта и гостопримството што секогаш ни ги покажувате. Овде се чувствувам како дома, бидејќи служев војска во Ниш, кога го посетував овој храм, кој денес е поубав и повеличенствен од тогаш, во 1983 година – рече архиепископот Стефан, благословувајќи ги многубројните граѓани на Ниш кои дојдоа во Соборниот храм да ги поздрават драгите гости, се наведува во соопштенеито на СПЦ.

На вчерашниот свечен чин на доксологија, чиноначалствуваше архимандрит Серафим, игумен на Суковскиот манастир, а присуствуваа и Високопреосветените митрополити дебарско-кичевскиот Тимотеј, преспанско-пелагонски Петар, како и пакрачкиот и славонски епископ Јован, никшиќкиот Методиј и хераклејскиот Климент.

The post СЕ ЧУВСТВУВАМ КАКО ДОМА, ОВДЕ СЛУЖЕВ ВОЈСКА Поглаварот Стефан на гости кај српскиот патријарх Порфириј во Ниш appeared first on plusinfo.mk.

– Автокефалноста на МПЦ, барана и добиена на канонски и на начин според светото предание, во дијалог на братска љубов лишена од политички притисоци и скриени еднострани, утилитарни цели од било која страна, никогаш не треба да не плаши, туку треба да го радува секој од нас – истакнува поглаварот на Српската православна црква во интервјуто што го пренесува Тивериопол.мк.

За тоа, според патријархот Порфириј, постојат многу причини.

– Првата и најважна причина е тоа што, по добиеното канонско и ефхаристиско единство кое претходеше на давањето автокефалност, а потоа и со самиот чин на давање на таквиот статус, не се оддалечивме и не се раздвоивме, туку на многу подлабок содржаен и егзистенцијален начин се зближивме и се обединивме. Живеејќи и општејќи во полнотата на црковното искуство и заедништво, како членови на Едната, Света, Соборна и Апостолска Црква, со радост и со надеж гледаме како од меѓусебните односи меѓу МПЦ и СПЦ се развиваат и се раѓаат првите плодови. Нашите клирици заедно богослужат, нашите просветни институции развиваат активна соработка, се создаваат и се продлабочуваат лични пријателства, се обединуваат силите за поактивна и делотворна мисија во современиот свет како и на трусното балканско подрачје на кое што живееме заедно – вели српскиот патријарх.

Сепак, како што посочува, сето ова не поминува и без злонамерни критики, како и различни обиди работите да се искомплицираат, а односите да се обременат.

– Никогаш не смееме да заборавиме дека недоразбирањата меѓу Србите и Македонците би им одговарале на многумина. А добрите односи им одговараат на македонскиот и на српскиот народ. Затоа, останува на сите нас, со големо внимание и грижа ваквите односи да ги развиваме и во иднина сѐ повеќе и сѐ поуспешно. Сакам да го додадам уште и мојот личен впечаток. Колку пати и да сум бил во Македонија во последно време, пречекан и примен сум така што да не се почувствувам дека сум гостин. Сугурен сум дека така се чувствува и Архиепископот Стефан, неговите епископи, но и сите наши браќа Македонци кои доаѓаат во Србија. Поблиски немаме. Ги негуваме, а не ги расипуваме, пријателските и братските односи со сите, а особено со оние кои по сѐ ни се најблиски – нагласува поглаварот на СПЦ.

The post АВТОКЕФАЛНОСТА НА МПЦ НЕ ТРЕБА ДА НЀ ПЛАШИ, ТУКУ ДА НЀ РАДУВА Српскиот патријарх Порфириј оцени дека односите меѓу двете цркви се братски appeared first on plusinfo.mk.

Ова го рече митрополитот преспанско-пелагониски г. Петар, откако на храмовата слава во Соборниот храм „Свети Великомаченик Димитриј“ во Битола, со благослов на српскиот патријарх Порфириј, гостуваше хорот „Прво белградско пејачко друштво“.

– Исто така се заблагодарувам на овој хор кој приреди радост со убавото пеење – изјави, меѓу другото, митрополитот преспанско-пелагониски и администратор австралиско-новозландски г. Петар.

The post СРПСКИОТ ПАТРИЈАРХ ПОРФИРИЈ ПОКАЖА НАЈГОЛЕМА СМЕЛОСТ ОД СИТЕ ДОСЕГАШНИ ПАТРИЈАРСИ Ја призна нашата црква под уставното име, рече владиката Петар appeared first on plusinfo.mk.

– Да не се случи веќе толку време да чекаме. Нашите врати се секогаш отворени за вас, а верувам и вашите за нас. Да сослужуваме насекаде во светот, онаму каде што има наш православен народ. Ви благодарам на можноста да служам денеска во овој храм. Македонскиот народ нека биде благословен – рече патријархот.

Тој рече дека денеска е роденден на црквата, но исто така се одбележува една година од ланското доделување Томос за автокефалност од СПЦ за МПЦ-ОА.

– Кога очите ни се отворени и кога имаме смирение во душата, Господ делува во нас и околу нас. А кога во нашето срце ќе се појави себичност, колку и да се обидуваме, колку и да живееме во подвиг, тоа не делува. Или во најмала рака, неговото дејство не може да се почувствува. Денеска е роденден на православната црква. А не постојат повеќе цркви, туку постои само една апостолска православна црква, со Исус Христос на чело. Во секоја црква во којашто се служи литургија, присутен е Христос и затоа црквата е над сите поделби и граници. Тоа не значи дека не постојат поединечни дарби и таленти, секој народ си има свој печат, но тој печат треба да се доживее како дар од Бога – рече патријархот Порфириј.

По завршувањето на говорот, тој го повика македонскиот поглавар г.г. Стефан и му подари златен жезол.

– Знам дека веќе имате жезол, но јас би сакал да ви подарам уште еден – му рече патријархот на архиепископот.

Претходно, пак, токму г.г. Стафан му го додели на српскиот патријарх највисокиот орден „Свети Климент Охридски од прв ред“.

„СВЕТИ КЛИМЕНТ ОХРИДСКИ ОД ПРВ РЕД“ Поглаварот Стефан му додели орден на српскиот патријарх Порфириј

The post ЗНАМ ДЕКА ВЕЌЕ ИМАТЕ, АМА ЈАС ВИ ПОДАРУВАМ УШТЕ ЕДЕН Патријархот Порфириј му подари златен жезол на архиепископот Стефан appeared first on plusinfo.mk.

Според информациите на порталот Религија, на заедничката богослужба ќе чиноначалствува српскиот патријарх Порфириј, а единствениот владика од ПОА кој ќе учествува во службата ќе биде новиот дељадровско-илинденски епископ г. Јоаким.

На патријархот Порфириј ќе му сослужуваат архиепископот г.г. Стефан и тројцата владици на МПЦ-ОА кои отстапуваат делови од своите епархии за новите владици, а тоа се преспанско-пелагонискиот г. Петар, кумановско-осоговскиот г. Григориј и брегалничкиот г. Иларион. Со нив ќе служи и дебарско-кичевскиот г. Тимотеј, како домаќин.

Од страна на СПЦ, гости ќе бидат морачкиот епископ Сава и топличкиот Петар.

Целиот настан ќе биде пренесуван во живо на државната телевизија МТВ.

Интеграцијата на ПОА во МПЦ-ОА ќе финишира со заеднички ручек во Хотелот „Изгрев“ во Струга.

The post ЦРКВИТЕ ЌЕ СЕ ПОМИРАТ НА „СВЕТА СОФРА“ ВО „ИЗГРЕВ“ Српскиот патријарх в понеделник ќе ја интегрира ПОА во МПЦ-ОА appeared first on plusinfo.mk.

Порфириј ќе дојде на Косово како дел од подготовките за прославата на православниот Божиќ.

Според соопштението, српскиот патријарх првично рекол дека сакал да влезе во Косово без телохранител и посетата не ја барал според одредбите на постоечките договори меѓу Косово и Србија.

На 26 декември на патријархот Порфириј му беше забранет влез во Косово.

The post КОСОВО МУ ДОЗВОЛИ НА ПОРФИРИЈ ДА БОГОСЛУЖИ ЗА БОЖИК Курти го прифатил барањето на министерот Рашиќ appeared first on plusinfo.mk.