Благодарение на брзата и пожртвувана реакција на храбрите велешки пожарникари во четвртокот избегната е голема трагедија во кругот на поранешна велешка „Порцеланка“ во Велес, објави Центарот за управување со кризи.

– Огнот беше сопрен на само стотина метри оддалеченост од цистерни и склад со повеќе од 80 тони гас. Благодариме на храбрите велешки пожарникари кои веднаш излегоа на терен, побара и воздушна поддршка, но немаше време таа да стигне. Пред да стигне поддршката тие воспоставија контрола – рече директорот на ЦУК, Стојанче Ангелов.

Ангелов информираше дека денеска, до 14 часот, се активни вкупно осум пожари на отворено низ цела Македонија.

Според Ангелов, најсериозен и натаму е пожарот на планината Серта, во делот над селата Драгоево и Селце на територијата на Општина Штип.

The post 📽 ИЗБЕГНАТА ГОЛЕМА КАТАСТРОФА ВО „ПОРЦЕЛАНКА“ ВО ВЕЛЕС Пожарникарите го сопреле огнот на стотина метри од цистерните appeared first on plusinfo.mk.

„Денеска  во 12.01 часот во СВР Велес било пријавено дека на железничкиот премин кај фабриката „Порцеланка“ во Велес се случила железничка незгода помеѓу железничко возило и такси возило – комбе „мерцедес” со велешки регистарски ознаки, сопственост на такси компанија од Чашка, а управувано од 52 годишниот  Д.Ј. од Чашка. Во незгодата со повреди се здобиле 10 патници кои биле пренесени во Општа болница Велес за укажување лекарска помош. Увид извршила увидна екипа од СВР Велес, информира Ристе Самарџиев портпарол на СВР Велес.

Од ЈП МЖ Инфраструктура за МИА велат дека нивното возило удрило во задниот дел на комбето.

– Возило сопственост на Инфраструктура се враќало од извршување работни задачи од станица во Богомила кон станица Велес, при што на патен премин Порцеланка пред Велес удрило во задниот дел на патничко комбе, во кое се превезувале работници. Нашето возило кочело колку што му дозволувале техничките услови, неговиот запирен пат е околу 500 метри, дало сигнални знаци за опасност, но патничкото возило не застанало и поминало директно и било удрено на задниот дел – изјави Никола марков, помошник  директор за сообраќај во МЖ Инфраструктура.

Увид на местото на несреќата вршат екипи на Комисијата за вонредни настани на ЈП МЖ Инфраструктура  и на Министерството за внатрешни работи.

The post ВОЗ УДРИЛ ВО КОМБЕ КАЈ „ПОРЦЕЛАНКА“ ВО ВЕЛЕС Повредени се 10 лица во тешка несреќа appeared first on plusinfo.mk.