Сопствениците и менаџерите на хотелот, заедно со неколку општински функционери, добија доживотни затворски казни за пожарот во Карталкаја во кој загинаа 78 лица, меѓу кои и 34 деца.

По девет месеци судење, Турција конечно ја доби пресудата за еден од најсмртоносните пожари во својата понова историја. Судот во северозападниот дел на земјата денеска изрече единаесет доживотни затворски казни за трагедијата што во јануари го зафати луксузниот хотел „Гранд Картал“ во скијачкиот центар Карталкаја, при што загинаа 78 лица, од кои 34 беа деца.

Трагедијата што ја потресе јавноста се случи на 21 јануари, кога пожар избувнал во кујната на 12-катниот хотел и за неколку минути се проширил низ зградата поради дрвената фасада и слабата противпожарна заштита. Повеќе од 137 лица беа повредени, а јавноста бурно реагираше поради недостатокот на безбедносни стандарди во туристичките објекти.

На доживотен затвор со строг режим се осудени сопственикот на хотелот, Халит Ергјул, неговата сопруга Емине Ергјул, нивните ќерки Елиф Араз и Џејда Хаџибекироглу, кои биле дел од управата, како и главниот менаџер Емир Арас, управителот Зеки Јилмаз, заменик-градоначалникот на Болу Седат Ѓуленер, и уште четворица општински и хотелски службеници.

Покрај доживотните казни, сите осудени добија и дополнителни затворски казни од по 24 години и 11 месеци за секоја од преостанатите жртви, без право на намалување на казната.

Според обвинителството, сопствениците и менаџерите биле свесни за сериозните безбедносни пропусти, но не презеле мерки за нивно отстранување. Дел од осудените беа обвинети за „убиство со веројатна намера“, а други за „свесна небрежност што довела до смрт и повреди“.

Поради големиот број обвинети и медиумскиот интерес, судењето се одржа во специјално адаптирана сала во локално училиште во провинцијата Болу, под строги безбедносни мерки. Објавувањето на пресудата било дочекано со аплауз во судницата, но дел од јавноста смета дека одговорност треба да сносат и државни функционери од Министерството за туризам, кои го дозволиле функционирањето на хотелот и покрај утврдените нерегуларности.

„Оваа пресуда е победа за семејствата на жртвите, но и опомена дека безбедноста мора да биде на прво место“, коментираа турските медиуми по објавувањето на одлуката.

The post ПЕКОЛОТ ВО ЛУКСУЗНИОТ ХОТЕЛ ДОБИ ЕПИЛОГ Единаесет доживотни казни за пожарот што однесе 78 животи appeared first on plusinfo.mk.

Серија закани, навреди и агресивно однесување го донесоа 33-годишен скопјанец пред лице на правдата, откако Јавното обвинителство поведе постапка против него за продолжено загрозување на сигурноста.

Како што соопштуваат од Основното јавно обвинителство Скопје, во периодот од 5 до 30 октомври, осомничениот со умисла повеќепати ѝ се заканувал на својата поранешна партнерка преку писмени и говорни пораки на социјалните мрежи. Наместо да престане, неговото насилно однесување се засилило откако таа го напуштила заедничкиот дом, поради континуираните закани и навреди што ги трпела.

Кулминацијата се случила на 30 октомври, кога осомничениот ја пречекал девојката пред една клиника во Скопје, каде таа била на лекување. Според пријавата, тој почнал агресивно да се однесува, ја тегнел за рака и ја принудувал да се врати во неговиот дом. Притоа, ѝ се заканил и дека ќе го нападне нејзиниот брат, со што кај неа предизвикал сериозен страв и чувство на загрозеност.

„Обвинителството постапува со најголема сериозност кога станува збор за закани и семејно насилство. Во овој случај, беше побарана мерка притвор поради опасност осомничениот да го повтори делото или да влијае врз оштетената“, велат од Основното јавно обвинителство Скопје.

Јавниот обвинител до судијата на претходна постапка поднесе предлог за определување притвор за осомничениот, кој се товари за продолжено загрозување на сигурноста, дело казниво според член 144 став 3 во врска со став 2 и став 1 од Кривичниот законик.

The post ЉУБОВТА СЕ ПРЕТВОРИЛА ВО ТЕРОР Скопјанец ја напаѓал поранешната девојката и ѝ се заканил дека ќе му наштети на брат ѝ appeared first on plusinfo.mk.

43-годишен маж од Скопје бил приведен од полицијата по жесток напад врз неговата поранешна 27-годишна партнерка, што се случил вечерта на 9 јули на подрачјето на Карпош. Според информациите од МВР, напаѓачот ѝ се заканувал со пиштол и физички ја нападнал, одземајќи ѝ го мобилниот телефон.

Инцидентот бил пријавен истиот ден, а полицијата спровела потрага која резултирала со лишување од слобода на осомничениот со иницијали Ф.А., во раните утрински часови на 10 јули.

„На 10.07.2025 во 02:30 часот во Полициската станица Кисела Вода, полициски службеници од СВР Скопје го лишија од слобода Ф.А. (43) од Скопје, по претходна пријава за напад со огнено оружје“, соопшти Министерството за внатрешни работи.

При апсењето, од Ф.А. биле одземени еден пиштол и повеќе куршуми. Полицијата најавува дека по целосно документирање на случајот, против него ќе биде поднесен соодветен поднесок до надлежното обвинителство.

The post Ѝ СЕ ЗАКАНИЛ СО ПИШТОЛ, ЈА НАПАДНАЛ И Ѝ ГО ЗЕЛ МОБИЛНИОТ Приведен 43-годишен скопјанец по напад врз поранешната партнерка appeared first on plusinfo.mk.

Скопјанец на 43-годишна возраст пријавил во полиција дека веќе девет месеци е жртва на постојани напади и закани од неговата поранешна вонбрачна партнерка. Според изјавата поднесена во СВР Скопје на 8 јули 2025 година, жената со иницијали З.С. (47) во повеќе наврати го вознемирувала и го напаѓала физички и психички, почнувајќи од октомври 2024 година па сè до денот на пријавата.

„На 08.07.2025 во 17.00 часот во СВР Скопје, 43-годишен маж од Скопје пријавил дека во временскиот период од месец октомври 2024 до 08.07.2025, неколку пати бил нападнат од неговата поранешна вонбрачна партнерка З.С.(47), која му упатувала и закани. Се преземаат мерки за расчистување на случајот“, соопштија од Министерството за внатрешни работи.

Од полицијата велат дека работат на целосно расчистување на случајот, а можно е против жената да бидат поднесени соодветни кривични пријави, доколку се утврди насилно и заканувачко однесување.

The post СКОПЈАНЕЦ ЖИВЕЕЛ ВО СТРАВ ЦЕЛИ ДЕВЕТ МЕСЕЦИ Маж пријавил тепања и закани од страна на поранешната партнерка appeared first on plusinfo.mk.

Мажот потоа сам се пријавил во полиција. Според написите, станува збор за поранешни партнери.

По убиството. мажот сам се пријавил во полиција.

За настанот бил известен виш јавен обвинител во Пирот кој ќе изврши увид на местото на настанот, а ќе следи понатамошна истрага.

The post ЈА УБИЛ НА УЛИЦА ВО ПИРОТ Сам се пријавил во полиција appeared first on plusinfo.mk.