31-годишна жена од Скопје пријавила дека подолг период била жртва на закани и следење од нејзиниот поранешен партнер, кој, според пријавата, дури поставил и уред за следење на нејзиниот автомобил.

Како што соопшти полицијата, жената на 5 март го пријавила случајот, наведувајќи дека нејзиниот поранешен партнер З.А. од гостиварско во текот на 2025 година ѝ испраќал закани преку мобилен телефон и преку апликација на социјална мрежа.

Според нејзината изјава, освен заканите, мажот ја следел и ја вознемирувал, а во еден момент било оштетено и нејзиното патничко возило.

Жената пријавила и дека на нејзиниот автомобил бил поставен уред за следење, со кој осомничениот можел да ја следи нејзината локација.

Од Министерството за внатрешни работи информираат дека се преземаат мерки за целосно расчистување на случајот.

The post БИВШИОТ НЕ САКАЛ ДА ЈА ОСТАВИ НА МИР Ја следел со уред во автомобилот и ѝ праќал закани appeared first on plusinfo.mk.

Поранешен партнер физички нападнал жена, удирајќи ја повеќе пати по глава и тело, а потоа ја турнал од автомобил на бетонот меѓу столбчињата на коловозот. Инцидентот се случил на 4 јануари во Скопје како резултат на љубомора, а настанот го пријавил случаен минувач.

Жртвата веднаш била пренесена во болница за укажување на лекарска помош, а од полицијата потврдуваат дека осомничениот веднаш е идентификуван. За време на постапката, судот му забрани на напаѓачот приближување и контакт со жената.

Полицијата и болничкиот персонал ги преземаат сите мерки за заштита на жената, додека случајот е во тек на истрага.

The post ЈА УДИРАЛ БЕЗ МИЛОСТ И ЈА ИСФРЛИЛ ОД КОЛА Скопјанка била жртва на љубоморниот поранешен партнер appeared first on plusinfo.mk.

Полицијата во Гевгелија спречи обид за убиство, информираше Министерството за внатрешни работи. Гевгеличанка пријавила дека на вратата од нејзиниот дом слушнала репетирање на пиштол и дека нејзиниот поранешен партнер Ј.Г, заедно со лицето Л.Г. тропале и се заканувале.

Полицијата веднаш реагирала. При прегледот на местото, во ормар за чевли бил пронајден пиштол без рамка, а алкотестирањето покажало 3,3 промили алкохол во крвта кај Л.Г.

Двајцата осомничени биле уапсени и за нив ќе следува пријава, соопшти МВР.

Според пријавата, лицата затропале на вратата на 25-годишната М.П. на 13 октомври, кај 14:42 часот. Нејзиниот поранешен партнер, кој е уапсен, успеал да дојде користејќи викенд отсуство од казнено-поправна установа.

The post СЛУШНАЛА РЕПЕТИРАЊЕ ПРЕД ВРАТА, ПОРАНЕШНИОТ ПАРТНЕР Ѝ СЕ ЗАКАНУВАЛ Гевгелиската полиција спречи обид за убиство appeared first on plusinfo.mk.