Апелациониот суд во Париз го прифати барањето на поранешниот француски претседател Никола Саркози, кој издржува затворска казна во затворот Ла Санте во Париз, да биде условно ослободен.

Поранешниот претседател на Франција е ставен под судски надзор.

– Судот го прогласува барањето за ослободување за прифатливо и ве става под судски надзор – рече претседателот на Апелациониот суд.

Саркоси (70) треба да го напушти затворот Ла Санте во текот на попладнето.

Судот објави дека на поранешниот претседател му е забрането да ја напушти француската територија и да контактира со клучните лица во случајот, вклучувајќи ги и кообвинетите и сведоците. Судењето по жалбата се очекува подоцна, веројатно напролет.

Саркози побара од судот да биде условно ослободен во исчекување на одговорот по жалбата, само неколку недели откако почна да ја отслужува 5-годишната затворска казна за заговор за собирање пари за изборна кампања од Либија.

Зборувајќи на сослушувањето преку видеоврска од затворот, Саркози рече дека ќе ја почитува секоја одлука на судот доколку биде ослободен.

– Јас сум Французин. Ја сакам мојата земја. Се борам вистината да победи. Ќе ги почитувам сите обврски што ми се наметнати, како што отсекогаш сум правел – рече Саркози.

Поранешниот претседател беше прогласен за виновен за нелегално собирање средства за кампањата за претседателските избори во 2007 година, што ги добил од починатиот либиски лидер Моамер Гадафи. Саркози беше ослободен од сите други обвиненија, вклучително и оние за корупција и примање нелегално финансирање на кампањата.

ТЕШКО Е В ЗАТВОР, ГОСПОДИНЕ СУДИЈА, РЕКОЛ САРКОЗИ Екс-лидерот ќе излезе од зад решетки, ама под надзор?

The post НИКОЛА САРКОЗИ Е ОСЛОБОДЕН ОД ЗАТВОР Поранешниот претседател на Франција ќе биде под судски мерки appeared first on plusinfo.mk.

Некогаш најмоќен човек во земјата, поранешниот француски претседател Никола Саркози ќе оди на отслужување на казната во парискиот затвор Ла Санте во вторник (21. октомври), објавува „Ле Фигаро“.

Кога ќе го напушти својот дом во 16. арондисман во Париз, ќе го следи колона сниматели на мотоцикли.

Автомобилот на Саркози ќе вози директно до затворскиот комплекс. Поранешниот француски претседател ќе го пречека директорот на затворот, по што чуварите ќе го придружат до крилото со висок степен на обезбедување каде што се наоѓа неговата ќелија.

Саркози ќе ја отслужи казната во изолациониот оддел на затворот Ла Санте, објави BFMTV, повикувајќи се на свои извори.

Тој беше осуден во септември за криминален заговор во врска со финансирањето на неговата претседателска кампања во 2007 година со средства од Либија, во замена за дипломатски услуги на тогашниот лидер на земјата, Моамер Гадафи, кој беше погубен од бунтовниците во 2011 година. Тој е првиот поранешен лидер на земја-членка на Европската Унија кој отслужува казна затвор.

Саркози ја нарече пресудата „неправда“ и поднесе жалба, но ќе биде задржан во парискиот затвор Ла Санте, каде што, според француските медиуми, ќе биде сместен во посебна самица од девет квадратни метри за да нема контакт со други затвореници.

– Ако сакаат да спијам во затвор, ќе спијам во затвор – но со крената глава – рече тој по пресудата на 25 септември.

Неговиот син Луј Саркози ја повика јавноста да „дојде и да покаже поддршка“ за неговиот татко пред неговиот дом во Париз во вторник наутро.

Саркози е во брак со поранешната манекенка Карла Бруни, која е 12 години помлада од него. Нивната љубов започна недолго по неговиот развод, а многумина не веруваа дека нивниот брак ќе трае.

Саркози ја запозна Карла во 2007 година по разводот од политичарката Сесилија Атијас (64), со која го има синот Луј (27). Тоа беше љубов на прв поглед, а тие се запознаа благодарение на заеднички пријатели.

Нивната врска „крена многу прашина“ бидејќи многумина сметаа дека Бруни е недостојна да биде прва дама на Франција, но тие ги игнорираа критиките и преживеаја сè. Некои им се потсмеваа и затоа што Карла е девет сантиметри повисока од Саркози. Тие не се разделија дури ни кога Никола беше осуден на три години затвор за корупција и злоупотреба на влијание.

Карла со Саркози ја има ќерката Џулија, а од седумгодишната врска со радио водителот Рафаел Ентховен, го има синот Орелиен, кој физички наликува на неа од времето кога таа сè уште не го имаше променето лицето со естетски зафати.

Орелиен ја започна својата кариера како модел и веќе прошета на Неделата на модата во Милано. Додека не влезе во модните води, тој ги избегнуваше рефлекторите и се занимаваше со својата друга страст, науката. Имено, тој го водеше YouTube каналот Motorsport Gigantoraptor каде што објаснуваше научни теории, а љубовта кон неа ја наследи од својот татко.

Некои се на мислење дека тој добил „билет“ за светот на модата благодарение на неговата мајка, исто како што велат за Лила Мос, Каја Гербер и Хелен Клум, сестрите Хадид, Кендал Џенер и многу други „непо бебиња“.

Интересно е и тоа што неговата мајка го сакала таткото на Рафаел, новинарот Жан-Пол Ентовен. Жан-Пол јавно се откажа од Рафаел поради објавувањето на неговиот автобиографски роман „Заштедено време“ пред две години.

The post НИКОЛА САРКОЗИ ОДИ ВО ЗАТВОР Кога поранешниот француски претседател ќе го напушти својот дом, ќе го следи колона камермани на мотоцикли appeared first on plusinfo.mk.