Во Кочани, полициски инспектор е обвинет за попречување на правдата, откако, како што се тврди, го оневозможил правилното прибирање на докази во случај за измама.

Според пријавата, Б.Б., кој работи како помлад инспектор за малолетничка деликвенција и семејно насилство при СВР Штип, намерно го одложил извршувањето на наредба на јавен обвинител за прибирање докази. При лишувањето од слобода на осомниченото лице и неговото спроведување во полициска станица, тој не му го одзел мобилниот телефон, што на осомничениот му овозможило да го користи и подоцна да го изнесе, со што доказот станал неприфатлив.

Одделот за внатрешна контрола најави дека ќе поднесе предлог за поведување постапка за утврдување дисциплинска одговорност на инспекторот.

The post ИНСПЕКТОР ПРИЈАВЕН ЗА ПОПРЕЧУВАЊЕ НА ПРАВДАТА Oвозможил осомничениот да манипулира со докази и да ги уништи appeared first on plusinfo.mk.

Пет полициски службеници од Полициско одделение Чегране, меѓу кои и командирот Б.И., се соочуваат со кривична пријава за попречување на правдата, објави МВР. Постапката е започната по основ на сомнение дека тие ја прикривале фактичката состојба во случаи на бесправно градење, со што го отежнале докажувањето пред суд или друг надлежен орган.

Според МВР, во текот на 2025 година, пријавените во повеќе наврати измениле службени материјали и ги преквалификувале поплаките за бесправно градење во прекршоци за лажно пријавување, без да ја констатираат фактичката состојба. На тој начин, подносителот на поплаките бил незаконски доведен во ситуација на кривично прогонување, а реалната состојба на бесправните објекти била прикриена.

„Станува збор за сериозно кршење на службената должност и злоупотреба на овластувањата од страна на полициските службеници. Се работи за инциденти кои директно го попречуваат утврдувањето на вистината и нанесуваат штета на довербата во институциите“, соопшти МВР.

Одделот за внатрешна контрола, криминалистички истраги и професионални стандарди при МВР, по добиена согласност од Јавното обвинителство за ГОКК, ќе поднесе предлог за поведување на постапка за утврдување на дисциплинска одговорност, која вклучува одземање на службеното оружје и муниција, како и задолжителни психолошки и психијатриски прегледи.

Од МВР велат дека мерките се дел од обидите на Министерството за внатрешни работи да го зачува интегритетот на институцијата и да обезбеди отчетност на сите полициски службеници.

The post КОМАНДИР И 4 ПОЛИЦАЈЦИ ПРИКРИВАЛЕ БЕСПРАВНА ГРАДБА Се товарат за попречување на правдата, a ќе одат и на психијатриски преглед!? appeared first on plusinfo.mk.

Адвокатка од Штип и четворица полициски службеници од Штип и Кочани се под истрага поради сомнение дека намерно ја попречувале кривичната постапка и го отежнале прибирањето докази.

Од Министерството за внатрешни работи соопштија дека Одделот за внатрешна контрола поднел кривична пријава до надлежното јавно обвинителство против адвоката Е.П. од Штип, како и против полициските службеници Д.Д., И.А., Г.Т. и Х.С.

Според наводите во пријавата, осомничените во текот на септември 2025 година преземале конкретни дејствија со кои било попречено и отежнато собирањето докази во рамки на кривична постапка, што претставува сериозно кршење на законот и злоупотреба на службената положба.

Од МВР информираат дека, покрај кривичната постапка, против четворицата полициски службеници ќе биде поведена и дисциплинска постапка.

Надлежното јавно обвинителство ќе одлучува за натамошниот тек на постапката и евентуалните мерки против осомничените.

The post СКАНДАЛ ВО ШТИП И ВО КОЧАНИ Адвокатка и четворица полицајци осомничени за прикривање докази appeared first on plusinfo.mk.

Одделот за внатрешна контрола при Министерството за внатрешни работи поднесе кривична пријава против Ф.Н., вработен во криминалистичката полиција во СВР Тетово, под сомнение за „попречување на правдата“. Случајот е доставен до Обвинителството за гонење на организиран криминал и корупција.

Според истрагата, на 4 октомври годинава, за време на полициска акција во која биле уапсени две лица осомничени за производство и трговија со дрога, пријавениот техничар — тогаш дежурен во крим-техника — му овозможил на свој колега, О.С., кој тој ден не бил на работа, но бил татко на еден од уапсените, да пристапи до службената документација и доказите.

Не само што му дозволил да разгледува и преместува службени материјали, туку и да присуствува при собирањето биолошки траги од приведените. Според наодите, токму тогаш билe заменети примероците на урина — оној што требало да го даде синот, всушност го дал таткото. Вештачењето подоцна ја потврдило замената.

Со овие постапки, пријавениот Ф.Н. се обидел да го прикрие вистинскиот доказ и да го отежне докажувањето на случајот. Министерството најави дека против него ќе биде поведена дисциплинска постапка и ќе биде отстранет од работа до нејзино завршување.

The post ЈА ЗАМЕНИЛ УРИНАТА ЗА ДА СПАСИ СИН НА КОЛЕГА, УАПСЕН ЗА ДРОГА Техничар во МВР сакал да „учини“, па доби кривична пријава appeared first on plusinfo.mk.