Силното невреме што попладнево го зафати Скопје предизвика огромен број пријави од граѓани, а службите на Центарот за управување со кризи (ЦУК) одговорија на повеќе од 8.300 повици за само четири часа.

Од 17 до 21 часот, на Единствениот број за итни случаи 112 биле регистрирани илјадници повици поврзани со последиците од силниот ветер, дождот и материјалните штети низ главниот град.

Директорот на ЦУК, Мухамед Али, информира дека операторите работат со полн капацитет, а по зголемениот број повици веднаш биле активирани дополнителни смени.

– Операторите на 112 работат во полн капацитет, а уште во првиот час беа ангажирани и дополнителни смени со цел да се одговори на зголемениот број повици. И во моментов сè уште има зголемен интензитет на повици од граѓаните, а сите примени пријави континуирано се процесуираат и се проследуваат до надлежните институции и служби – изјави Али.

Тој апелираше до граѓаните за трпение, поради исклучително големиот број пријави, и посочи дека доколку не успеат веднаш да воспостават контакт со 112, пријавите за материјални штети можат да бидат доставени и во текот на утрешниот ден.

– Пријавите за материјални штети ќе бидат навремено евидентирани и проследени до надлежните служби – информира директорот на ЦУК.

Силното невреме што го зафати Скопје попладнево остави зад себе паднати дрвја, оштетени возила, откорнати кровни конструкции, прекини на електрична енергија и поплавени објекти, а екипите на надлежните институции остануваат на терен за отстранување на последиците.

The post НАД 8.300 ПОВИЦИ НА 112 ПО НЕВРЕМЕТО ВО СКОПЈЕ Операторите работат со полн капацитет, велат од ЦУК appeared first on plusinfo.mk.

Градоначалникот на Скопје, Орце Ѓорѓиевски вечерва најави дека наскоро ќе има тендерска постапка за целосно сервисирање на жичницата на Водно. Тој уште еднаш нагласи дека до крајот на сезоната, жичницата нема да биде ставена во функција.

– Ќе има постапка објавена за скоро време, тендерска, во која ќе треба да се сервисира целосно. Јас кажав дека до крајот на сезоната нема да биде ставена во функција. Ако ревитализацијата биде целосно  завршена и кога јас ќе бидам безбеден со моето дете да се возам во неа, тогаш ќе дозволам да работи. Во спротивно, нема да дозволам ничиј живот да биде загрозен, на кој било скопјанец или на кое било дете во Скопје, поради несовесноста на службите во минатото – напомена Ѓорѓиевски во дневникот на ТВ Сител.

Во врска со дивиот пешачки премин во Чаир, Ѓорѓиевски повтори дека разговарал со градоначалникот на Чаир, Изет Меџити, како и дека има две опции: да се обезбедат лифтови за надпатникот или тој да се  отстрани и да се направи регуларен пешачки премин, со семафори. Граѓаните кои биле консултирани, се за поставување регуларен пешачки премин, по сите стандарди.

Во врска со минатонеделното невреме во Скопје, поплавените булевари и подвозници, како и капацитетот на атмосферската канализација, рече дека се генерално мапирани критичните точки. Суштината, според Ѓорѓиевски, е да се биде подготвен и брзо да се реагира.

– За брзо време се справивме со предизвикот, со оглед дека беше огромна количината на дожд. За 40 минути веќе беше овозможено нормално функционирање. Беа стационирани повеќе цистерни на „Водовод и канализација“, но и на нашата Противпожарна бригада помогн да го решиме предизвикот. Влеговме подготвени во процесот. Факт е дека неколку точки се критични: булеварот Србија, каде што е извесно дека скоро ќе имаме решение, како и булеварот Христијан Тодоровски Карпош. Тоа беа две од трите точки каде што имавме сериозен проблем. И третата точка каде што реално не постои можност да најдеме решение зашто толкав е капацитетот на излезот на атмосферската канализација, е делот кај Ист Гејт што се поплави – објасни Ѓорѓиевски и оцени дека проблемот е во тоа што, кога се изработувале одредени проекти, неплански и неодговорно се пристапувало.

The post ЖИЧНИЦАТА ЛЕТОВО ОСТАНУВА ЗАТВОРЕНА, СЕ СПРЕМА ТЕНДЕР ЗА СЕРВИС Ѓорѓиевски вели дека нема да дозволи работа без целосна безбедност appeared first on plusinfo.mk.

Силно невреме проследено со пороен дожд попладнево го зафати Скопје, предизвикувајќи поплавени улици и отежнат сообраќај во повеќе делови од градот. На фотографии што граѓани ги објавуваат на социјалните мрежи може да се забележат целосно поплавена сообраќајница, каде возилата и мотоциклистите со тешкотии се движат низ надојдената вода.

Поради обилниот дожд, поплавена е улицата Јордан Мијалков во Центар, една од пофреквентните улици во овој дел од градот. Сообраќајот на оваа локација се одвива отежнато, поради што возачите треба да бидат внимателни и, доколку можат, да го избегнуваат овој потег.

Интензивните врнежи веднаш предизвикаа сериозни проблеми во одвивањето на сообраќајот на критичните точки низ Скопје. Возачите се соочуваат со огромни потешкотии при движењето, а на некои места сообраќајот е во целосен прекин. Во Чаир има кола заглавена во вода. Силното невреме ги поплави и улиците во скопксата населба Бутел.

Поплавена е и улицата зад стадионот.

Градоначалникот на Град Скопје, Орце Ѓорѓиевски, информираше дека Кризниот штаб, заедно со екипите на јавните претпријатија, е целосно мобилизиран и подготвен за брза интервенција на терен.

Тој посочи дека градските служби се во постојана координација со Центарот за управување со кризи, Министерството за внатрешни работи, ЕВН, Противпожарната бригада на Град Скопје и останатите надлежни институции, со цел навремено да се реагира при евентуални поплави, штети или други последици од невремето.

Според Ѓорѓиевски, сите расположливи капацитети се ставени во функција, а екипите ќе останат на терен во текот на целата ноќ и ќе интервенираат секаде каде што ќе има потреба.

Воедно, тој упати апел до граѓаните да бидат внимателни, смирени и да соработуваат со надлежните служби, нагласувајќи дека, иако невремето не може да се спречи, со навремена и организирана реакција може да се намалат неговите последици.

The post 📽️ ПОПЛАВЕНИ УЛИЦИ И КОЛОНИ НИЗ СКОПЈЕ, АВТОМОБИЛ Е ЗАГЛАВЕН Градските служби целосно мобилизирани на терен appeared first on plusinfo.mk.

По обилните поројни врнежи од дожд и силниот ветер од 70 километри на час, што вчера попладне го зафатија Скопје, досега се сумирани податоци од над 1.000 повици за итни ситуации на единствениот телефонски број за итни ситуации 112 во Центарот за управување со кризи (ЦУК). Од нив 180 до 200 повици ги координираше ЦУК, а другите 800 пријави ги реализираа субјектите од Системот за управување со кризи.

Како што информира ЦУК, до 13 часот регистрирани се вкупно 95 паднати дрвја и 121 поплавена просторија од објекти. Според повиците, до 13 часот има пријави за 23 оштетени возила, 20 улици и подвозници се поплавени, а 27 оштетени и поплавени гаражи.

Регистрирани се вкупно 47 оштетени и паднати покривни конструкции, има пет скинати проводници, навалени бандери дуги проблеми со струја и еден поплавен дуќан и машини.

– Сите овие пријави и проблеми за нивно решавање по приоритет беа проследени до БППЗ, Град Скопје, ДЗС, Општините и Јавните претпријатија во Градо – соопшти ЦУК.

БППЗ на Град Скопје, како што се наведува, по невремето со нивни екипи интервенирале во 10 случаи за испумпување на навлезена вода од објекти и критичните места на скопските сообраќајници.

Од ЈП „Водовод и канализација“ – Скопје информираа дека вечерта и ноќта со цистерни и вакуум цистерни работеа на исцрпување на насобраната вода и на одзатнување на атмосферската канализација на критичните места (подвозници и главни сообраќајници ) и исто така по пријави на граѓани на уште четириесетина други места. Според нив, утрово состојбата е нормализирана.

Од ЕВН соопштија дека дефектите во електросистемот настанати од атмосферските празнења и силниот ветер во повеќе реони од градот и околината во текот на ноќта се отстранети.

Според известувањето од Сообраќајната полиција како и ЈСП „Скопје“ од околу полноќ состојбата на сите сообраќајници е нормализирана и утрово сообраќајот и јавниот градски превоз се одвивива нормално

The post НЕВРЕМЕТО ГО ВЖЕШТИ БРОЈОТ 122 Повеќе од 1.000 повици за помош до ЦУК appeared first on plusinfo.mk.