На денешната прес-конференција во Собранието, пратеникот од редовите на Левица, Борислав Крмов рече дека неговата партија го оспорува и начинот на кој беа соопштени податоците во присуство на дипломатскиот кор, оценувајќи го тоа како „обид да се бара легитимитет кај странскиот фактор“.

– Овој процес не беше ништо освен една политичка операција изведена под палката на ДУИ, а одобрена од СДСМ. Имавме многу говори и гостувања по емисии каде образложуваме зошто е проблематичен Законот за попис. Прво Законот го шверцуваа со европско знаменце, што не е случај во ниту една држава. Потоа имавме попис на дијаспора што не е случај во ниту една држава, имавме попишување со само давање на матичен број, што ги крши сите меѓународни стандарди. Имавме ситуација да може трети лица да даваат лични податоци што е забрането со меѓународни конвенции коишто Република Македонија ги има ратификувано. Имаме ситуација документи за идентификација да бидат насловени како „соодветни документи“, значи намерно не се прецизирани за да може да имаме манипулации. И на крај секако, врзаниот потпис на заменик директорот на ДУИ, за да може да ги добиеме овие, би ги нарекол, буквално фалсификувани и штелувани резултати коишто ги добивме – вели Крмов.

Тој додаде дека ДЗС и самиот признале оти некаде околу 132.000 луѓе внеле само од базите.

– Доколку има таква ситуација тоа значи дека тие луѓе бојкотирале, што значи нема валиден попис – рече Крмов.

Левица смета дека еден од најголемите проблеми е попишувањето на дијаспората, за што, според партијата, со еднострано лобирање на министрите на ДУИ, како и користењето на државјанство како главен критериум за попишување, дошло до помешување на резидентното население и иселениците.

Според Крмов, од резултатите призлегува дека непопишани се 300.000 државјани.

– Левица нема да го признае овој фингиран попис – рече Крмов, посочувајќи дека целиот овој случај ќе биде детално истражен и „ќе следуваат кривични пријави“, што, ќе биде и услов на партијата за влез во идна влада.

The post ЛЕВИЦА НЕ ГО ПРИЗНАВА ПОПИСОТ Крмов вели резултатите се штелувани и фалсификувани appeared first on plusinfo.mk.

Можноста за самопопишување на лица во странство, пак, досега ја искористиле – 199.819 граѓани од дијаспората.

Денеска е 25-тиот, претпоследен ден од пописот 2021.

Освен во своите домови, граѓаните можат да се попишат и на одредени пунктови во нивните општини, што ги отвори Државниот завод за статистика. Локациите за попишување се достапни на линкот на ДЗС: https://popis2021.stat.gov.mk/Upatstva/SpisokNaKPRzaPopisuvanje.pdf

Од Државниот завод за статистика велат дека во последните денови од пописот на населението, домаќинствата и становите, пописните активности на терен се одвиваат непречено и во одредени пописни реони со зголемен интензитет. Помалите пописни реони низ државата веќе завршуваат со попишување на населението и се прават последни завршни проверки. Во одредени урбани средини интензитетот на попишување се зголемува, се вклучуваат дополнителни попишувачи за да може да се посети секое домаќинство и никој да не биде пропуштен. Со сиот расположлив потенцијал се работи непрекинато и според утврдените рокови предвидени во Законот за попис, истакнуваат од ДЗС.

Засега нема официјални најави ниту барање за евентуално продолжување на пописот.

Претседателот на Собранието, Талат Џафери, вчера порача дека нема пречка да се свика итна седница за продолжување на пописот, но треба да се достави предлог од Владата или група пратеници.

Доколку би се побарало продолжување, според Џафери, тоа треба да биде направено денеска или утре имајќи предвид дека пописот законски треба да заврши на 30 септември.

Повик да се одржи итна седница за десетдневно продолжување на пописот, вчера дојде од Алијанса за Албанците. Бараат пратениците да донесат измени на Законот за попис со кои ќе се овозможи продолжување на пописните активности, а воедно апелираа до граѓаните да ја искористат секоја можност да се попишат во своите домови или во центрите што ги одреди Државниот завод за статистика.

Пописот на населението, домаќинствата и становите во Македонија, кој официјално започна на 5 септември ќе трае до 30 септември.

The post ПРЕТПОСЛЕДЕН ДЕН ОД ПОПИСОТ Статистика тврди дека ќе стаса да ги попише сите appeared first on plusinfo.mk.

Попишувањето од странство преку електронската апликација започна на 1 март, а опфатени се вработените во дипломатско-конзуларните претставништва и членовите на нивните семејства, како и македонските граѓани кои престојуваат во странство поради работа или други причини подолго од 12 месеци. Попишувањето на овие граѓани ќе се врши до 21 април.

До апликацијата за попишување наменета за дијаспората може да се пристапи само со ИП адреса од странство, а секое нарушување на процесот на прибирање на податоци е казниво со закон.

Предвидено е собраните податоци преку апликацијата да се споредат со податоците од претпописната база на податоци. Бројот на самопопишани лица преку апликацијата, како што велат од ДЗС, не значи по автоматизам број на резидентно население на Република Северна Македонија.

The post Попис 2021: Од дијаспората досега се попишани над 22.000 лица appeared first on plusinfo.mk.

Повеќемина го протолкуваа ова како избор на „глава на семејството“, за што велат дека е глупаво и дискриминаторски семејството да се води на едно лице. Освен тоа, јавноста се прашува кому и за што му е потребен таков податок и дека станува збор за чиста глупост.

Во Упатството за пописот, кој треба да почне во април во земјава, а е објавено од страна на Државниот завод за статистика се вели дека Референтно лице во домаќинството е првото лице (државјанин на РС Македонија), кое прво се самопопишува и апликацијата автоматски му ја доделува шифрата 01/статус референтно лице. Лицата кои сами престојуваат во странство и претставуваат самечко домаќинство, задолжително ја добиваат шифрата 01.

Прашањето Однос кон лицето на кое се води домаќинството/референтното лице се однесува на релациите помеѓу референтното лице (првопопишаното лице) и лицата членови на домаќинството кои се попишуваат.

За ова прашање побаравме одговор од директорот на Државниот завод за статистика, Апостол Симовски, кој ни одговори дека ова прашање отсекогаш било дел од пописите во нашата земја и дека воопшто не е дискриминаторско или е нешто што е сега воведено.

– Реферетно лице може да биде кој било полнолетен член од домаќинството и не мора да значи дека тоа е лицето на чие име е куќата/станот во кој живеат. Тоа е лицето кое ќе биде првопопишано и се користи чисто да се спроведе релација или однос со останатите членови и во каква врска се, пример, мајка, татко, син, сопруга, дете и слично. Не гледам ништо збунувачко во ова прашање и сѐ е објаснето во Упатството за пописот – ни одговори Симовски.

Тој додава дека ова прашање е дел од сите пописи, не само кај нас, туку и сите земји во светот го имаат во своите пописни листови и служи за одредување на релациите на референтното лице и лицата членови на домаќинството кои се попишуваат.

The post Да почнеме со „главата на семејството“, кој живее тука? appeared first on plusinfo.mk.

Портпаролот на Владата Душко Арсовски вчера на прес-конференција порача дека на државата и е неопходен попис и секој граѓанин треба да придонесе да се спроведе оваа значајна статистичка операција која ќе даде податоци важни за проектирање стратешки планови за натамошен развој на државата.

– Методологијата е дефинирана, сите подготовки се во тек. Од 1 април почнува попишувањето на нерезидентното население, така што она што е извесно е дека оваа статистичка операција ќе се спроведе – изјави Арсовски одговарајќи на новинарско прашање.

Министерот за правда Бојан Маричиќ соопшти дека вчера бил информиран од Државниот завод за статистика дека подготовките за пописот одат во најдобар ред и дека за помалку од една недела започнува првата фаза од попишувањето на населението.

– Тоа што е многу важно е дека Евростат и директно потврди дека Законот за попис и методологијата се во согласност со ЕУ законодавството, односно највисоките стандарди за спроведување на ваква статистичка операција – објави министерот Маричиќ на Фејсбук.

Маричиќ апелираше да престанат сите деструктивни обиди за саботирање на пописот, бидејќи како што нагласи потребно е да се обединиме и конечно да почнеме заеднички да работиме за доброто на државата.

– Апелирам сите чинители својата политичка енергија да ја трошат во развојот и просперитетот на земјата. Тоа им го должиме на граѓаните – порача Маричиќ.

Државниот завод за статистика во вторникот го објави јавниот конкурс за ангажирање 5.055 реонски попишувачи и 506 реонски инструктори, кои ќе учествуваат во спроведувањето на пописот и кои во текот на март ќе бидат обучени за пополнување на апликацијата за попис, од страна на 150 државни инструктори, кои први ќе поминат низ обука наредната недела.

Директорот на Заводот, Апостол Симовски вели дека тоа што критичниот момент за пописот ќе биде на полноќ меѓу 31 март и 1 април значи дека починатите граѓани и родените бебиња по овој критичен момент нема да влезат во статистиката.

– Ние имаме критичен момент и ја гледаме состојбата заклучно со тој датум. Ако лицето било живо до тој момент, но починало пред да пристигнат попишувачите, тогаш тоа лице ќе се брои и ние ќе земеме податоци за тој човек. Од друга страна, ако се роди дете по критичниот момент, тогаш тоа бебе нема да влезе во статистиката. Тоа се прави за да се утврди точната состојба до одреден датум. Тој момент е полноќ помеѓу 31 март и 1 април, па сите податоци се собираат само до тој ден – вели Симовски.

Од 1 март започнува самопопишувањето, како и попишувањето на лицата во Армијата и во дипломатско-конзуларните претставништва. При пописиот ќе се почитуваат пропишаните здравствени протоколи, при што попишувачите ќе добијат маски и друга заштитна опрема, а кај болните и кај лицата во изолација ќе влегуваат со мантили и визири. Според Државниот завод за статистика, добро би било доколку сите инструктори и попишувачи бидат во приоритената група за вакцинирање.

Во врска со пописот вчера се огласи пратеничката на ВМРО-ДПМНЕ, Гордана Силјановска Давкова, која изрази резерви околу безбедност во спроведувањето на пописот од здравствен аспект.

– Јас имам дилема дали во ваква кризна состојба каде можеби 15-тина држави, далеку поорганизирани од нас, го одложија пописот, некој ми гарантира за моето здравје или дали јас можам да му гарантирам на оној кој ќе дојде кај мене дека ќе остане здрав – изјави Силјановска Давкова.

Таа оцени дека во ниту една европска држава нема ваков попис, забележувајќи зошто не се попишува само резидентното население кое има постојано живеалиште во земјава, туку и оние кои што се надвор од државата повеќе од 12 месеци.

– Замислете ваков попис во Ирска или во соседна Грција, или во соседна Бугарија, или во Италија колкав ќе биде бројот на жителите, односно на вкупното население – речe Силјановска Давкова, додавајќи дека статистиката е потребна за утре да планираме здравство, образование, култура, социјална заштита, а не за политика.

Во исто време, блокот „Не отворам врата“ вчера до Уставниот суд поднесе Иницијатива за уставна оценка на одредби од Законот за попис на населението, домаќинствата и становите. Јанко Бачев, лидер на партијата Единствена Македонија, која е дел од Националниот блок „Не отворам врата“, изјави дека со иницијативата се оспоруваат член 8 став 1, член 34 став 1 и член 51 од Законот за попис, кои според него не се во согласност со член 7, член 8 став 1 алинеа 1, 2 и 3, член 9 став 1 и 2, член 16 став 1, член 19 став 1 и 2, член 39 став 2 и член 51 од Уставот на државата.

The post Попис ќе има, првата фаза почнува следната недела appeared first on plusinfo.mk.