Ново финансирање од странство ќе се реализира до крајот на годината, но не пред септември, рече денеска министерката за финансии Гордана Димитриеска-Кочоска. За колкава сума станува збор, не откри, а понуди веќе се прибираат и ќе се избере најповолната.

Причината за странското финансирање, објасни Димитриеска-Кочоска, е за да се намали притисокот врз некои од домашните банки.

-Се што е планирано, ќе се реализира. Единствената промена е во тоа што еден дел од финансирањето планирано на домашниот пазар, сега, со ребалансот го менуваме со странско финансирање, за да го намалиме притисокот на домашните банки. Состојбата со Блискиот Исток кај одредени банки направи да има поголеми притисоци во однос на ликвидноста. Сметаме дека ние како држава треба во тој дел барем малку да ги растовариме, а имајќи предвид дека и цените на нафтата и нафтените деривати беа повисоки, ги плаќаме во девизи, подобро е да имаме девизен прилив – рече таа.

Министерката соопшти дека се прибираат понуди од стрнаски финансиски институции.

-Прибираме понуди, ќе видиме која ќе биде најповолна. Не сме одлучиле уште колкава ќе биде сумата. Средства се предвидени со ребалнсот, но ќе видиме согласно ликвидноста на Буџетот, како се полни. Да причекаме, да видиме како ќе се одвиваат работите и согласно тоа ќе ги планираме задожувањата, но секако нема да бидат пред септември -реле министерката.

The post ДО КРАЈОТ НА ГОДИНАТА ПОВТОРНО ЌЕ СЕ ЗАДОЛЖИМЕ КАЈ СТРАНСКИ БАНКИ Почната е постапката за прибирање понуди appeared first on plusinfo.mk.

Клиничката болница, медицинскиот факултет и студентскиот дом во Штип ќе се градат, изјави денеска премиерот Христијан Мицкоски.

Тој рече дека веќе се собрани понуди за трите проекти од светски реномирани финансиски институции.

-Така што следната недела има состанок со министерката за финансии, а потоа заеднички состанок и со министерот за здравство и очекувам како дел од онаа стратешка соработка со Велика Британија и овој процес конечно да почне да се движи, бидејќи има некои законски норми коишто мораше да бидат завршени и очекувам дека сето тоа ќе биде ставено на шини и ќе можеме многу скоро денеска да сведочиме на рестартирање на изградбата на овие објекти, од почеток, но и она коешто треба да биде продолжено- рече Мицкоски.

The post ВЛАДАТА ДОБИ ПОНУДИ ЗА ИЗГРАДБА НА КЛИНИЧКАТА БОЛНИЦА ВО ШТИП Следната недела средби пред донесување конечна одлука appeared first on plusinfo.mk.

На вчерашната затворена седница, Владата донела заклучок да се формира Меѓуресорска работна група откако била разгледана информација во однос на доставените податоци од меѓународните финансиски институции и комерцијални банки за финансирање на брзата пруга, соопшти Министерството за финансии.

На барањето од Министерството за финансии одговориле 16 меѓународни финансиски институции и комерцијални банки меѓу кои: Светска банка, Европската банка за обнова и развој, Европската инвестициска банка, Италијанската развојна банка, јапонската МУФГ, британската Стандард чартерд, Банка на Америка, Ерсте банка, Сосиете женерал, Дојче банка, ЏП Морган, Сити банк, Уни кредит, Каргил и НЛБ и Рајфајзен банка.

Содржината на документацијата која што е доставена од меѓународните финансиски институции и комерцијални банки е со нaзнака доверлива (confidential).

Меѓуресорска работна група ќе работи во рамки на Владата.

The post 16 ФИНАНСИСКИ ИНСТИТУЦИИ ПРАТИЛЕ ПОНУДИ ЗА БРЗАТА ПРУГА Владата формира Меѓуресорска работна група да ги разгледа податоците appeared first on plusinfo.mk.

Премиерот Христијан Мицкоски нјави деја денеска ќе се знае која финансиска институција дала најдобра понуда за финансирање на брзата пруга Табановце – Гевгелија.

-Да има понуди за брзата пруга. Набргу денеска по анализата ќе излеземе со податокот која е најдобра понуда за брзата пруга. Задоволни сме со тоа што големи финансиски институции кои не биле присутни овде сега пројавуваат интерес за финансирање кај нас – рече премиерот Христијан Мицкоски.

Тој рече дека се добиени голем број понуди.

The post ДЕНЕСКА ЌЕ СЕ ЗНАЕ КОЈА Е НАЈДОБРАТА ПОНУДА ЗА ФИНАНСИРАЊЕ НА БРЗАТА ПРУГА Понуда дале големи финансиски институции кои досега не биле присутни во регионот appeared first on plusinfo.mk.

До овој момент нема пристигнато понуда за изградба на брзата пруга од Коридорот 10 бидејќи целиот проект е комплексен и на банките им треба време да може да ги анализираат сите работи, изјави денеска министерката за финансии Гордана Димитриеска-Кочоска.

На прес-конференција во Владата, каде даде отчет за сработеното во првата година од Владата, министерката рече дека рокот за достава на понудите е 7 јули кога ќе се знаат повеќе детали.

– Интересот е многу голем. Ние пуштивме барање за понуда до 22 институции, а дополнително ни се јавија уште две кои побараа да пуштиме понуди до нив. Нормално дека во интерес на државата треба да обезбедиме понуди и што е можно пониска цена за железничката пруга така што пуштивме дополнително барање и до тие две институции. Има многу прашања и заради тоа го продолживме рокот до 7 јули. Станува збор за комплексен проект и мора да ги разбереме и банките дека имаат потреба од појаснувања. Во постојана комуникација сме, истакна Димитриеска-Кочоска.

Министервото за финансии има испратено барање за понуди до 24 банки за изградба на брзата пруга долж Коридорот 10.

The post ДО 7 ЈУЛИ ЌЕ СЕ ЧЕКААТ ФИНАНСИСКИТЕ ПОНУДИ ЗА БРЗАТА ПРУГА Досега се испратени понуди до 24 банки appeared first on plusinfo.mk.

– Воедно ги имаме сите неопходни материјални средства и немаме потреба од било какви донации. Има понуди за помош од повеќе држави. Се вршат подготовки за транспорт на тешко повредените лица во врвни болници од оваа област во неколку европски држави. Немаме зборови со кои може да се опише тагата од оваа ужасна несреќа. Сочувство до семејствата кои ги изгубија своите најблиски – додаде Ангелов.

The post ТЕШКО ПОВРЕДЕНИ ЌЕ СЕ НОСАТ НА ЛЕКУВАЊЕ ВО СТРАНСТВО Стојанче Ангелов вели дека има понуди за помош од повеќе земји appeared first on plusinfo.mk.

– Првиот тендер после девет месеци беше неуспешен, направивме сето тоа да бидe многу бргу, добивме 5 понуди од коишто првата најдобра понудена е за 11 милиони евра поевтина од претходниот пат. Процедурата за финализирање на постапката е следна. Нома гас ја заврши евалуацијата, вчера се испратени процедурите, понатаму треба ЕИБ и ЕБДР да ги прегледаат сите документи и се надеваме да нема приговори, меѓутоа следува католички Божик и се надеваме дека до крај на јануари ќе биде се завршено, што значи дека очекуваме потпишување на крај на јануари. Крај на јануари ќе биде се финализирано, се што беше до нас, до Нома гас, е завршено – рече денеска Божиновска, одговарајќи на новинарски прашање, по потпишување на договоrот за грант од ЕБОР.

Таа дополnи дека и останатите четири понуди на повикот се пониски од минатите. Фирмите се од Италија, Турција, Србија, како и една локална.

Нам ни е најважно, нагласи таа, да се запазат сите легални процедури за да нема како минатиот пат неправилности и да добиеме  забелешки отпосле.

Македонскиот национален оператор „Номагас“ го објави новиот повик  на 21 октомври годинава, со сума на финансирање од 83.653.000 евра. Македонскиот дел од гасоводот е во должина од 67 милиони евра.

The post 5 ФИРМИ ВО ТРКАТА ЗА ИЗГРАДБА НА ГАСНИОТ ИНТЕРКОНЕКТОР КОН ГРЦИЈА На крајот на јануари ќе се знае која од нив ќе го гради appeared first on plusinfo.mk.

Измамниците ги таргетираат македонските корисници со испраќање линкови до сомнителни веб-страници и апликации, на кои се ветува лесна заработка преку исполнување на едноставни задачи. По регистрацијата и оставените лични податоци, корисниците добиваат кориснички профил и можат да изберат различни пакети за инвестиции во криптовалути.

Како што наведуваат од МВР, по иницијалната инвестиција, корисниците добиваат задачи што вклучуваат преглед на видеа или посета на веб-страни за кои добиваат надомест во зависност од нивниот инвестирани пакет. Овој процес води до сѐ поголема вклученост на граѓаните во криптовалутните пазари, но многумина немаат доволно знаење за безбедно инвестирање, што ги прави лесна цел за измама.

Од МВР напоменуваат дека граѓаните често остануваат без значителни суми во евра и криптовалути поради овие измами. Експертите редовно ги предупредуваат да внимаваат на понуди што ветуваат нереално високи приноси за краток период, што е најочигледен знак за измама.

Совети за избегнување на измами:

– Бидете претпазливи кон понуди што ветуваат високи приходи за краток период.

– Не давајте доверливи лични податоци, фотографии од лични документи или банкарски информации преку Интернет.

– Барајте независни финансиски совети пред да инвестирате.

– Не одговарајте на неочекувани повици за инвестирање.

– Ако се сомневате дека сте инвестирале во измама, контактирајте ја полицијата и спречете понатамошни оштетувања.

Полицијата апелира и до правните субјекти да не отвораат сомнителни линкови и документи што не доаѓаат од познати и проверени извори и да преземат мерки за заштита од потенцијален малициозен софтвер.

The post РАСТАТ ИЗМАМИТЕ СО КРИПТОВАЛУТИ, ПАЗЕТЕ ДА НЕ ОСТАНЕТЕ БЕЗ ПАРИ! Полицијата предупредува на нови тактики и објаснува како да се заштитите appeared first on plusinfo.mk.

Според сведоштвата на оштетените, измамниците, кои се претставуваат како странци и зборуваат на српски јазик, тврдат дека им се потребни пари за да го платат сместувањето во хотел.

Измамникот им пристапува на случајни минувачи и им објаснува дека не може да извади пари од банкомат со својот телефон, на кој се наоѓа неговата банкарска картичка. Тој тврди дека му се потребни парите за да го плати хотелот во кој престојува, а граѓаните, убедени дека му помагаат на странец, му даваат 2.000 денари со очекување дека ќе им бидат вратени.

– Ми се обрати млад човек, облечен во спортска облека. Ми кажа дека е од Италија и дека не може да извади пари од својата картичка која му е во телефонот, а му требаат пари за хотел. Побара од мене, ако имам 2.000 денари, да му дадам, а за возврат ќе ми префрли 40 евра (2.400 денари) на мојата сметка. Му поверував бидејќи изгледаше многу убедливо. Ми побара трансакциска сметка, пред мене се правеше дека извршува уплата преку телефонот, а потоа ми испрати и принтскрин од наводната трансакција – вели скопјанката Ивана М.

Откако ќе добие пари, измамникот испраќа фотографии преку Вибер или Ватсап како доказ за извршената уплата. На фотографиите се прикажани името и презимето на жртвата, трансакциската сметка и износот од 40 евра, означен како благодарност за „услугата“.

Бидејќи било недела, кога банките не работат, таа не можела веднаш да ја провери трансакцијата преку банкарската апликација. Оваа тактика им овозможува на измамниците да делуваат без страв дека нивната измама ќе биде брзо откриена.

На овој начин веќе неколкумина граѓани во Скопје останале без пари, бидејќи и по неколку денови и недели, парите не им легнале на нивните сметки.

– Се чувствувам измамен. Бев привлечен од неговата приказна и сакав да му помогнам. Не размислив дали станува збор за измама. Мислев дека, бидејќи е недела и ништо не работи, човекот нема каде да се обрати. Но, откако се јавив во банката, ми рекоа дека нема никаква уплата на мојата сметка од странство. Искрено, дури ми е срам да го пријавам случајот во полиција – ни раскажа Петар.

Од МВР велат дека немаат регистрирано ваков случај на измама во Скопје, но нешто слично му се случило на кумановец на плоштадот Македонија. Во тој случај, две лица измамиле граѓанин, претставувајќи се дека се од Кочани и дека им се потребни 800 евра поради сообраќајна незгода.

„Настанот се случил на подрачјето на град Скопје, односно на плоштадот Македонија, каде на лице од Куманово две непознати лица му се претставиле дека се од Кочани и поради наводно случена сообраќајна незгода, за која било потребно да побараат лекарска помош, им биле потребни 800 евра, бидејќи едниот од нив бил странски државјанин. Откако оштетениот извадил 800 евра од банка, наведената сума им ја дал на лицата кои како гаранција му дале три парчиња како бижутерија кажувајќи му дека се дијаманти и дека парите ќе му ги вратат за два часа, по што заминале и не се вратиле“, велат од МВР за Плусинфо.

Безбедносните експерти предупредуваат дека вакви форми на измама се во пораст и граѓаните треба да бидат внимателни и да не се потпираат на визуелни докази без соодветна проверка. Тие нагласуваат дека измамниците се свесни за слабостите на банкарскиот систем во периоди кога не работат банките и тоа го користат за свои цели.

Од полицијата апелираат до граѓаните да пријавуваат вакви случаи и да бидат внимателни ако некој им предложи ваква „зделка“.

The post МИСЛЕЛ ДЕКА МУ ПОМАГА НА СТРАНЕЦ АМА БИЛ ОЛЕСНЕТ Еве како може да бидете намамени и да останете без пари appeared first on plusinfo.mk.

Клоп ја напушти клупата на „црвените“ по 9 години минати на „Енфилд“ и освои сè што можеше да се освои. По 30 години чекање на „Енфилд“ го врати трофејот во Премиер лигата, ја донесе Лигата на шампионите со уште две изгубени финалиња, но и ФА Купот, Карабао купот и Светското клупско првенство.

Германецот по повлекувањето од клупата на Ливерпул истакна дека му е потребен одмор и дека сака да се посвети на семејството, но сега на маса има две примамливи понуди.

Првата е од Фудбалска федерација на САД која сака максимално да го подготви тимот за настап на Светското првенство во 2026 година, а Клоп на клупата на оваа селекција би го наследил Грег Берхалтер.
Сепак, „The Normal One“ ја одби оваа понуда и рече дека сè уште не е подготвен да се врати.

Оваа откажување би можело да се поврзе со втората селекторска понуда која е многу попримамлива, онаа на германската репрезентација.

Клоп се споменува како потенцијален наследник на Јулијан Нагелсман, доколку ДФБ и младиот специјалист се разделат.

Покрај Ливерпул, Клоп од клупата ги водеше и Мајнц и Борусија Дортмунд.

The post КЛОП ГИ ОДБИ АМЕРИКАНЦИТЕ Втората селекторска понуда е многу попримамлива appeared first on plusinfo.mk.