Според информациите до кои дојде Плусинфо, сменети се седум раководни лица од СВР Штип и Кочани, вклучително и началници и командири од клучните сектори.

Oд функциите се разрешуваат:

– Началникот на Секторот за внатрешни работи Штип

– Помошник началникот на СВР Штип

– Началникот на Одделението за полиција Штип

– Началникот на Одделението за криминалистичка полиција Штип

– Началникот на Одделението за внатрешни работи Кочани

– Командирот на Полициската станица од општа надлежност Кочани

– Началникот на Надворешната канцеларија за криминалистички работи Кочани

Од Министерството најавуваат повеќе детали во текот на денот, кога ќе се одржи официјална прес-конференција на која Тошковски ќе ја образложи својата одлука.

The post ЧИСТКА ВО ПОЛИЦИЈАТА ВО КОЧАНИ И ВО ШТИП Паѓаат командири и началници appeared first on plusinfo.mk.

– Се вратив во „Вардар“ бидејќи имав цврсти ветувања дека ќе добијам помош од високи функционери во државата, но тоа не се случи. Си наоѓав оправдување, за несреќа влетавме во пандемија и во целиот свет, па така и кај нас приоритет беше здравството, спортот остана некако на последно место. Оваа трета година, кикснавме, освоивме трето место. За мене е тажно што на свој терен загубивме од „Алкалоид“ кој го победивме претходно девет разлика. Така дојдовме во ситуација да одиме во ждребот, каде што како знаете го добивме „Рајн Некар Левен“ кој беше најнепосакуван. Минатата година најавив дека сакам да се повлечам, но чекав да најдам вистински луѓе. Сега верувам дека најдов луѓе кои можат да го водат „Вардар“. Јас во иднина нема да имам никаква функција, тука ќе бидам ако треба да дадам некој совет – рече Михајловски.

Борко Ристовски ќе биде новиот извршен директор на „Вардар 1961“, додека Стојанче Стоилов ќе биде во улога на помошник на тренерот Владо Недановски, но и координатор на младинските категории.

– Чест ми е што ќе бидам на ваква одговорна функција во „Вардар“, благодарен сум на претседателот Михајловски за укажаната доверба. Сите мои контакти кои ги стекнав низ годините ќе се обидам да ги искористам да му помогнеме на „Вардар“. За мене ова ќе биде еден нов чекор и верувам дека ќе бидеме успешни. Наша цел во првата сезона ќе биде да го стабилизираме клубот, како на финансиски, така и на играчки кадар. До овој момент имаме потпишано договори со шест играчи кои Недановски и Стоилов проценија дека им се потребни. Оставаме простор, доколку се укаже шанса да доведеме и ново име, но сега почнуваме со овие играчи – изјави Борко.

Функција ќе има и директорот на „Неуромедикa“, Емил Угриновски кој ќе биде претседател на неизвршните директори.

Нови играчи на „Вардар 1961“ се: Стефан Петриќ, Марко Срдановиќ, Матија Николиќ, Кеисуке Јакусира, Нилтон Мело и Хансен Родригез.

Вардарци со многу новајлии и без ланските носители на играта ќе ја започнат подготвителната фаза. Освен настапот на домашната сцена, македонскиот тим ќе игра во квалификациите за Лигата на Европа, а го доби најтешкиот ривал „Рајн Некар Левен“. Засега не е познато дали и кога би стартувала новата сезона на СЕХА лигата, која треба да биде трет фронт за „Вардар 1961“.

The post МИХАЈЛО ЗАМИНУВА, БОРКО ИЗВРШЕН ДИРЕКТОР, СТОИЛОВ ПОМОШНИК ТРЕНЕР! Големи промени во раководството на РК „Вардар 1961“ appeared first on plusinfo.mk.

Вака ќе изгледа подновениот тим на вицепремирот за борба против корупцијата Љупчо Николовски откако Владата објави оглас за нови 10 вработувања.

Се бараат осум Македонци и двајца Албанци. Раководителите ќе земаат 30.000 денари плата, а новајлиите 22.000 денари. Но, што точно ќе работат не е наведено во огласот. Да бидат со високо образование, да знаат англиски јазик, и да имаат желба за борба против корупцијата им порача нивниот иден шеф.

– Ги бараме најдобрите, најдобрите млади, но и искусни луѓе, кои имаат кредибилитет, имаат капацитет, кои ги имаат сите вештини, компетенции, кои се целосно растоварени, кои сакаат заеднички со нас најнеселективно и најодговорно да се зафатиме со работа и да одработиме и да ја вратиме довербата на граѓаните, на младите во институциите и да се избориме против ова зло – изјави вицепремиерот задолжен за борба против корупцијата и криминалот, одржлив развој и човечки ресурси, Љупчо Николовски во одговор на новинарско прашање за ангажирањето десет нови луѓе во неговиот кабинет.

Тој истакна дека неговиот кабинет во Владата не е паралелен систем, ниту пак тој води ресор, туку има само координативна улога на институциите и се исклучитечно мал тим од кој граѓаните имаа големи очекувања.

– Овој тим го донесе Планот за борна против корупцијата со 18 системски мерки и политики за кој ќе правиме постојан притисок врз институциите во рамки на роковите да ги имплементираат обврските. Планот за борба против корупцијата е правен на база на сите меѓународни извештаи, пред се Извештајот за напредокот на Република Северна Македонија од страна на ЕК, извештаите што ги имаме од САД, од „Транапаренси“. За креирање на тој план отворивме широк фронт со невладините организации, регулаторните тела и сите останати, новинарите, медиумите, буквално се што сметавме дека е битно и значајно во оваа битка, бидејќи е генерациска и е историска и неа не можеме сами да ја добиеме – подвлече вицепремиерот Николовски по средбата со градоначалникот на Валандово, Перо Костадинов.

Николовски додаде дека во тимот се само неколку луѓе и не се Министерство и не е целта да прераснат во Министерство, туку бараат десет луѓе кои се најдобри, кои имаат најдобри резултати и просеци од студирањето и кои имаат серизона желба и порив да направат нешто добро за оваа македонска земја.

– Ветувам дека ќе ги избереме најдобрите и заеднички ќе направиме се во мандатот којшто ни е даден од граѓаните да покажеме сериозни резултати и да ја вратиме довербата – потенцираше Николовски.

На крајот во одгворот на прашањето рече дека битката против корупцијата треба да се води доколку се одработи чесно, одговорно, посветено и така како што се обврзале пред граѓаните.

The post Николовски вработува четворица раководители, тројца советници и тројца „новајлии“ – плата од 22.000 денари па нагоре appeared first on plusinfo.mk.

Додека тоа се прави, Трамп ќе отпатува во новиот дом во Мар-а-Лаго, кој е веќе подготвен за него, кој специјално за таа пригода купи нов 60-инчен телевизор и симулатор вреден 50.000 американски долари. Покрај тоа, за Флорида е испратена колекција на костуми како и багажот на Меланија Трамп спакуван во луксузни куфери од Луј Витон.

Секоја промена на станарите во Белата куќа е комплицирана операција, но оваа сега е уште поголема затоа што семејството Трамп не ја следеше вообичаената процедура. Имено, вообичаено е семејството кое ја напушта Белата куќа да ги покани оние кои се пред влез на разгледувње, а тоа особено важи за првите дами. Меланија Трамп не го следеше тој обичај, па затоа нема покана за г-ѓа Бајден да го разгледа нејзиниот иден дом.

Предметите на Доналд Трамп и Меланија се веќе спакувани и чекаат пред Белата куќа да бидат пренесени до Палм Бич. Кога се ќе биде извадено, а тоа ќе биде денеска наутро, започнува голема акција за чистење, така што Џо и Џил Бајден ќе може да влезат во чистите простории и да ја стават храната во фрижидер. Ова е вообичаена процедура на секои четири или осум години, во зависност од тоа колку долго претседателот е во Белата куќа, а се пресметува дека на тим што го прави ова и во кој има 90 луѓе, му требаат неколку часа за темелно чистење.

Оваа година, сето тоа е уште покомплицирано поради посебните мерки околу коронавирусот, а Анита МекБриџ, која беше шеф на кабинет на Лора Буш, рече дека тоа е секогаш хаотично, без разлика што се се знае однапред. Работите што доаѓаат со семејството Бајден ќе стојат во комбиња се додека новиот претседател не положи заклетва. Дотогаш нема истоварување, иако многу е веќе донесено пред Белата куќа. Некои од работите се чуваат во магацини, а некои ќе бидат донесени во следните денови кога Бајден веќе ќе се пресели. Пресметано е дека г-ѓа и господин Бајден ќе можат да кажат дека се „во нивната куќа“ веќе денеска доцна попладне, бидејќи вработените ќе се обидат целосно да организираат барем неколку соби.

Досега, Бајден не го обиколи вториот кат, кој има 16 соби и шест бањи, каде што ќе живеат во иднина. Секако, Бајден добро ја познава Белата куќа уште од времето кога беше потпретседател и кога таму живееше семејството на Барак Обама, но сега се е поинаку. Секое претседателско семејство ги прилагодува просториите на Белата куќа за себе, а така беше и со Трамп-ови. Доколку односите не беа напнати и Трамп не беснееше од моментот кога ги загуби изборите, ќе беше логично Бајден да биде поканет да ги види просториите во кои ќе живее, како што Мишел Обама, на покана на г-ѓа Буш, двапати ја разгледа Белата куќа пред да се пресели во таму.

Традиционалното кафе на поранешната и идна прва дама годинава недостасува. Така, нема состанок на г-ѓа Бајден со готвачите и постојаниот персонал, ниту пак тој љубезен разговор на две жени. Единствено што е познато е дека Меланија веќе подолго време се подготвуваше да се исели, заедно со нејзиниот син Барон, додека Трамп им кажуваше на сите дека е победник и дека нема да се отсели.

Сепак, преодниот тим на Џо Бајден бил во контакт со соработниците на Трамп, но не се познати детали за тоа што разговарале и за што се договориле.

Постои и голем страв од вирусот, па дури имаше и предлози претседателот да не се пресели веднаш во Белата куќа, туку просториите да бидат темелно исчистени со денови. Така, советниците на новиот претседател сакаа семејството Бајден да ги помине своите први денови во блискиот пансион, но тоа на крајот беше одбиено затоа што ќе беше комплицирано и од безбедносни причини.

Отпрвин, Бајден ќе ги донесат само најважните работи во Белата куќа, а вистинското уредување на собите ќе започне подоцна. Г-ѓа Бајден ќе го каже главниот збор тука, бидејќи претседателот ќе се занимава со многу други работи. Њујорк Тајмс цитира многумина кои инаку се грижеа за аранжманот на Белата куќа и сега тврдат дека на сите им требаат денови, да направат кревети, да наместат спални соби, а потоа да следат детален аранжман што вклучува и поставување уметнички предмети.

Бидејќи инаугурацијата ќе трае пократко оваа година, се очекува семејството Бајден да дојде порано во Белата куќа.

Оваа година нема парада или празничен ручек, па сето ова ќе го скрати времето за реновирање на Белата куќа.

Самиот Трамп дополнително го комплицираше сето ова, бидејќи не толку одамна се сметаше дека ќе се забарикадира во Белата куќа. Претседателите кои имаа два мандата точно знаеја кога заминуваат, можеа да планираат се порано, а овојпат тоа не беше случај.

Трамп не сакаше ниту да учествува во процесот на пакување, за разлика од Бил Клинтон кој ги состави работите заедно со неговите батлери на последниот ден. Активно учествуваше во иселувањето и Барак Обама, кој заедно со неговата сопруга Мишел стави се што остава од Белата куќа во кутии.

Не е јасно дали Трамп ќе се збогува со вработените во Белата куќа, бидејќи е познато дека тој немал хармоничен однос со нив. Сите само се надеваат дека ќе излезат и пред осум часот, така што ќе има повеќе време за расчистување.

Со Бајден ќе биде полесно, бидејќи тие добро ги познаваат персоналот и Белата куќа и тие се многу помалку комплицирани од оние со Трамп.

Бајден исто така имаше многу добри односи со персоналот додека беше потпретседател, и со неговиот и со персоналот што се грижеше за претседателот Обама, така што ова сигурно ќе продолжи и сега.

Овој пат нема да има разговори меѓу претседателот во заминување и претседателот што доаѓа, исто како што Трамп нема да биде на инаугурацијата. Кога се пресели во Белата куќа, тој имаше долг разговор со Барак Обама во Овалната канцеларија, што траеше 90 минути.

The post Се „гланца“ Белата куќа за новите станари appeared first on plusinfo.mk.