Во изјава за медиумите, Лончар Велкова нагласи дека сите мерки што ги презема Државниот пазарен инспекторат се одлични, но граѓаните треба да пријавуваат доколку забележат аномалии.

– Алармиравме дека ќе има големо покачување на цените, посебно тогаш кога се укина одлуката за гарантирана цена и тогаш трговците ги вивнаа цените. Ние укажувавме дека пред донесување и стапување во сила на законот за фер трговски практики кој се однесува на трговци и добавувачи, односно посочивме дека сѐдодека 2.500 производи не поевтинат одлуката да не се отстранува, но ја тргнаа и гледаме сега што сѐ се случува. Во овој момент имаме информации од Државниот пазарен инспекторат дека секојдневно на терен се наоѓаат производи на кои грамажата е променета, а со намалување на грамажата на производите тие уште повеќе поскапуваат. Има производи од 900 грама а треба да се еден килограм. Сите мерки што ги презема Државниот пазарен инспекторат се одлични, но граѓаните треба да пријавуваат доколку забележат аномалии – рече Лончар Велкова.

Претпоставуваме, рече таа, дека пријавите одат директно до ДПИ бидејќи имаат доверба и дека веднаш излегуваат на терен бидејќи се екипирани за брзи мерки, казни и за времени мерки.

The post СЀ ПОЛЕСНИ И СЀ ПОСКАПИ Секој си игра со грамажата како што му одговара на профитот appeared first on plusinfo.mk.