Хрватската група Лелек настапи трета по ред во првата полуфинална вечер на Евровизискиот натпревар, носејќи ја на големата сцена песната „Андромеда“, со која ја освоија овогодинешната Дора.
Хрватиците се претставија со настап кој комбинира етно-поп звук, современа продукција и силен визуелен идентитет.

А колку воодушевија од својот настап најдобро покажува реакцијата на публиката на крајот, кога Хрватите беа поздравени со гласен аплауз и овации.

Првата полуфинална вечер на Евровизискиот натпревар во Виена донесе голема прослава за Хрватска, но и уште еден силен регионален момент. Заедно со Лелек, кои се пласираа во саботното финале со „Андромеда“, се пласираше и Србија, претставувана оваа година од метал бендот Лавина со песната „Крај Мене“.
Србија настапи последна во првата полуфинална вечер и ја затвори програмата со настап кој јасно се издвои од поголемиот дел од евровизискиот поп. Лавина донесе поцврст звук, силна енергија на бендот и сценски настап дизајниран да го максимизира впечатокот на крајот од вечерта.

Нивниот настап брзо стана жешка тема меѓу фановите на Евровизија, а некои од коментарите на социјалните мрежи ги посочуваат како можни скриени фаворити на овогодинешниот натпревар.

Пласманот на Србија значи дека регионот ќе има два силни претставници во финалето. Хрватска и Србија се пласираа од истата полуфинална вечер, во конкуренција од 15 земји, а за финалето се квалификуваа и Грција, Финска, Белгија, Шведска, Молдавија, Израел, Литванија и Полска.

Големото финале на Евровизискиот натпревар ќе се одржи во сабота, 16 мај.

The post 🎥 СРБИТЕ И ХРВАТИТЕ СЕ ПЛАСИРАА ВО ФИНАЛЕТО НА ЕВРОСОНГ Погледнете ги настапите на регионалните претставници кои ја освоија сцената на Евровизискиот натпревар appeared first on plusinfo.mk.

Првото полуфинале на Евровизија ќе се одржи вечерва, 12 мај, во Виена. Шпанија, Ирска, Холандија, Словенија и Исланд го бојкотираат годинешниот натпревар за песна на Евровизија во знак на протест против одлуката на организаторите да му дозволат на Израел да се натпреварува.

Оваа недела во австриската престолнина се планирани неколку пропалестински демонстрации, а безбедносните мерки се засилени. Полициски службеници од цела Австрија се распоредени во Виена, со поддршка на сили од соседна Германија.

Дополнителна загриженост предизвика и случајот со 21-годишен Австриец кој се изјасни за виновен за планирање напад на концертот на Тејлор Свифт во Виена во 2024 година.

За победата ќе се натпреваруваат 35 земји. Во првото полуфинале во Виенер Штадхале учествуваат 15 изведувачи, вклучувајќи го израелскиот пејач Ноам Бетан, кој се обидува да обезбеди место во финалето со песната „Мишел“.

Првите 10 од првото полуфинале и уште 10 од второто полуфинале, кое ќе се одржи во четврток, 14 мај, ќе се пласираат во финалето.

Велика Британија, Франција, Германија и Италија веќе го обезбедија своето место во финалето како најголеми финансиери на натпреварот, додека Австрија е директно во финалето како минатогодишен победник и домаќин.

Меѓу фаворитите за висок пласман се издвојува Финска со песната „Liekinheitin“, додека грчкиот претставник Akylas, португалската група Bandidos do Cante и Senhit од Сан Марино исто така привлекуваат внимание.

По минатогодишните обвинувања за манипулација со гласовите, Европската радиодифузна унија ги промени правилата за гласање и го преполови максималниот број гласови по лице на 10, со дополнителни мерки против сомнително или координирано гласање.

Шпанија, Ирска, Исланд, Холандија и Словенија се земјите што одлучија дека по тензиите што траеја во изминатите три години, сега јасно ќе ѝ кажат „не“ на Европската радиодифузна унија и оваа година тие немаат свој претставник на најголемото европско музичко натпреварување.

Тензиите започнаа за време на Евровизија 2024, која се одржа шест месеци по почетокот на војната на Блискиот Исток. И потоа имаше големи пропалестински протести во Малме, тензиите траеја во текот на целиот натпревар, а израелскиот претставник беше чуван од посебно обезбедување.

Слично беше и во Базел 2025, кога израелските натпреварувачи беа исвиркувани за време на нивниот настап, додека се велеше дека ова во преносот се стивнува. Имаше и протести, можеа да се видат палестински знамиња иако беа официјално забранети, како и ЛГБТ или други знамиња кои не се официјални симболи на земјите учеснички.

И додека тензиите на Блискиот Исток продолжуваат, барањата на Израел да му биде забрането учество на натпреварот, како што беше со Русија пред пет години, не престанаа, а со оглед на тоа што ЕБУ не донесе таква одлука, овие пет земји одлучија да не бидат дел од Евровизискиот натпревар оваа година.

The post ВЕЧЕРВА ЌЕ СЕ ОДРЖИ ПРВОТО ПОЛУФИНАЛЕ НА ЕВРОВИЗИЈА Пет земји бојкотираат поради учеството на Израел appeared first on plusinfo.mk.

Ракометарите на Охрид и во реванш-натпреварот од четвртфиналето на ЕХФ Европскиот куп одигран вечерва на домашен терен го совладаа атинскиот клуб Олимпијакос со резултат 25:24 (14:12 полувреме).

Пред три илјади гледачи во целосно исполнетата сала „Билјанини извори“ во Охрид домаќините за нијанса беа подобриот тим и на крајот заслужено се радуваа.

Натпреварот беше доста тврд, гостите од Грција беа нешто поефикасни во вториот дел, дури и водеа еден гол разлика на неколку минути пред крајот, но сепак охриѓани не дозволија никакви изненадувања и со победа на радост на своите навивачи само го повтрдија успехот посгинат во Атина.

Најдобри во редовите на македонскиот претставник беа голманот Филиповиќ со десет одбрани, Иванковиќ постигна девет, Јагуриноски четири гола.

Тренерот на ГРК Охрид, Борис Роевиќ, по натпреварот рече дека тој и играчите очекувале тежок меч, дека Челенџ-купот никогаш не бил посилен од оваа година…Она што е проблем е што како што посочи, играчите се веќе на истек на силите, мал е ростерот…

– Пред крајот малку го смиривме натпреварот, по тајм-аутот, на крајот оствариме уште една победа, што ми е мене мошне мило. Знаете, иако минуваме, сепак, поинаку е да се оди натаму со победа, сепак да ја израдуваме оваа прекрасна публика. На момците им честитам на феноменална борба, огремен успех за нас, ќе се обидеме да не останеме на ова, рече Роевиќ.

Со вечерашната победа ГРК Охрид се пласира во полуфиналето на Европскиот ЕХФ куп, каде ќе вкрсти со словенечекиот клуб Целје Пивоварна Лашко. Првиот натпревар ќе се игра во гости.

Капитенот Гоце Ојлески за престојното полуфинале и гоствувањето Словенија рече дека ќе биде интересно, знаејќи дека противникот е одличен тим, познат во европскиот ракомет…

– Целје знаеме каков клуб е и што бил во европскиот ракомет. Имаат добри, млади момци што играат брз, модерен ракомет. Нам ни останува да одмориме, да се стабилизираме и да се подготвиме што подобро за тој дуел, рече Ојлески.

Анте Иванковиќ за вечерашниот натпревар рече дека пред ваква публика, вакви навивачи секогаш е полесно да се игра, дека самодовербата во такви услови кај играчите е далеку поголема пред секој натпревар.

За дуелот со Целје, тој рече дека клучен ќе е првиот натпревар таму.

– Гостувањето таму ќе ни покаже, каде сме, какви сме, Тоа е екипа што игра доста тркачки, напаѓачки…Ние пак сме одлични во одбрана, пе ќе видиме тој сооднос што ќе донесе, рече Иванковиќ.

Натпреварот во „Билјанини извори“ коректно го водеше судиската двојка Мандак – Рудински од Словачка. На трибините на салата во Охрид немаше навивачи на грчкиот клуб, исто како што немаше македонска публика на претходниот меч одигран пред шест дена во Пиреја.

И публиката во Охрид на нивото на задачата, добри домаќини, без провокации, неумесни скандирања, со аплаузи и спортско бодрење ги понесоа своите ракометари до победата до овој голем успех за охридскиот ракомет. аб/зс/

The post РАКОМЕТАРИТЕ НА ОХРИД ОДАТ ВО ПОЛУФИНАЛЕ НА ЕВРОПСКИОТ КУП По втор пат го победија Олимпијакос appeared first on plusinfo.mk.

Завршните натпревари од главната фаза во кои Данска вечерва ја совлада Норвешка со 38-24, а Шведска триумфираше над Швајцарија со 34-21 ги комплетираа полуфиналните двојки на Европското првенство во ракомет.

Данска со вечерашниот триумф го освои првото место во групата 1 и во полуфиналето ќе игра против Исланд, како второпласирана репрезентација во групата 2, додека Хрватска како првопласирана репрезентација во групата 2 во полуфиналето ќе игра против Германија.

Шведска со вечерашниот триумф го освои третото место во групата 2 и ќе игра против третопласираната репрезентација од групата 1, Португалија, во дуелот за петтото место.

Завршницата на Европското првенство ќе се игра во Хернинг. Полуфиналињата се закажани за 30 јануари со почеток во 17:45 и 20:30 часот, а претходно, натпреварот за петтото место ќе се игра од 15 часот.

По ден одмор, ќе следат натпреварите за медали. Пресметката за бронзен медал ќе се игра на 1 февруари од 15:15 часот, а европскиот шампион ќе биде крунисан по финалето, кое ќе се игра на 1 февруари со почеток во 18 часот.

The post ДАНСКА ПРОТИВ ИСЛАНД, ХРВАТСКА ПРОТИВ ГЕРМАНИЈА Следуваат полуфиналните натпревари во Европското првенство во ракомет appeared first on plusinfo.mk.

Германскиот тенисер Александар Зверев рано утрово го победи Американецот Лернер Тиен во четвртфиналниот натпревар на Австралија опен со 6:3, 6:7 (5:7), 6:1 и 7:6 (7:3).

Мечот траеше 3 часа и 13 минути.

Зверев сервираше 24 аса, направи една двојна грешка и реализираше три од осум брејк топки. Тиен сервираше 11 аса, направи девет двојни грешки и не реализираше ниту една од три брејк топки.

Германецот стана првиот полуфиналист на Австралија опен. Во следната рунда, тој ќе се соочи со победникот од натпреварот помеѓу Карлос Алкараз (Шпанија) и Алекс Де Минаур (Австралија).

Вкупниот награден фонд на Грен слемот во Мелбурн изнесува 74,9 милиони долари.

The post ЗВЕРЕВ Е ПРВ ПОЛУФИНАЛИСТ НА АВСТРАЛИЈА ОПЕН Ќе се соочи или со Карлос Алкараз или со Алекс Де Минаур appeared first on plusinfo.mk.

Јаник Синер му зададе тежок удар на Новак Ѓоковиќ во полуфиналето на турнирот „Шест кралеви“ во Ријад. Италијанецот го совлада српскиот ас со убедливи 6:4, 6:2. По мечот, Ѓоковиќ застана пред камерите и со невообичаена искреност ја отвори душата.

– Искрено, се чувствував како да ме прегази воз. Погодуваше од сите агли, се обидував да издржам, беше предобар. Му честитам и му посакувам среќа во финалето. Ријад, ви благодарам за поддршката, навистина ја чувствуваме љубовта кон тенисот“,  -изјави Ѓоковиќ пред публиката, која го испрати со аплаузи.

Меѓутоа, тој не застана тука. Кога водителот Ендру Касл го праша што го мотивира да продолжи да се бори против младите ѕвезди како Синер и Карлос Алкараз, Ѓоковиќ се насмеа и одговори со шармантна самоиронија:

– Секогаш вреди, затоа што го сакам тенисот. Никогаш не е убаво кога некој ти го испраши задникот на теренот. Но, неверојатно е што сè уште можам да се натпреварувам на највисоко ниво и да бидам меѓу најдобрите – рече тој.

Притоа, Новак не ја пропушти шансата да се пошегува на своја сметка.

– Имам тело какво што имам. Благодарен сум на сè што ми дал Бог. Ако некој помлад сака да ми го позајми телото за една година, би го прифатил со задоволство, само да ги победам овие момци – додаде со насмевка.

Сепак, зад хуморот се почувствува и тивка решителност.

– Ќе продолжам да ги предизвикувам, колку и да е тешко. Страста сè уште е тука, и тоа е она што ме движи – заклучи Ѓоковиќ.

The post КАКО ДА МЕ ПРЕГАЗИ ВОЗ, ВЕЛИ ЃОКОВИЌ ЗА ПОРАЗОТ ОД СИНЕР „Некој помлад да ми го позајми телото“ appeared first on plusinfo.mk.

Чешката тенисерка Маркета Вондрушова се откажа од Отвореното првенство на САД поради повреда, објави прес-службата на турнирот.

Таа требаше да се соочи со првата светска тенисерка Белорусина Арина Сабаленка во четвртфиналето на Грен слемот во Њујорк.

Вондрушова се извини за откажувањето од четвртфиналето.

– Се потрудив најдобро што можев да излезам на теренот, но за време на загревањето повторно почувствував болка во коленото и по консултација со докторот на турнирот решив да не ризикувам и да не ја влошувам повредата. Благодарна сум на сите за поддршката на овој турнир и им се извинувам на навивачите кои со нетрпение го очекуваа натпреварот – изјави Вондрушова за „ЕСПН“.

Во полуфиналето 27-годишната Сабаленка ќе игра против Американката Џесика Пегула.

The post САБАЛЕНКА БЕЗ БОРБА СЕ ПЛАСИРАШЕ ВО ПОЛУФИНАЛЕТО НА УС ОПЕН Еве што ѝ се случило на противничката Вондрушова appeared first on plusinfo.mk.

Српскиот тенисер Новак Ѓоковиќ ноќеска го победи Американецот Тејлор Фриц во четвртфиналето на турнирот на Отвореното првенство на САД со 6:3, 7:5, 3:6 и 6:4.

Мечот траеше 3 часа и 27 минути. Триесет и осумгодишниот Србин сервираше 10 аса, направи осум двојни грешки и реализираше четири од девет брејк топки. Неговиот противник имаше 12 аса, пет двојни сервис грешки и реализираше две брејк топки од 13 шанси.

Следниот противник на Ѓоковиќ ќе биде Шпанецот Карлос Алкараз кој вчеравечер го победи Јиржи Лехечка од Чешка со максимални 3:0.

Вкупниот награден фонд на Грен слемот УС Опен изнесува 90 милиони долари. 

The post ТУРНИРОТ СТАНУВА НАПНАТ Ѓоковиќ и Алкараз во полуфинале на УС Опен appeared first on plusinfo.mk.

Српскиот тенисер Новак Ѓоковиќ доцна синоќа го победи Германецот Александар Зверев во четвртфиналето на Ролан Гарос со 4:6, 6:3, 6:2, 6:4.

Натпреварот траеше 3 часа и 20 минути. Триесет и осумгодишниот Србин сервираше шест пати асови и реализира 4 од 8 брејк топки. Неговиот противник имаше 4 асови, 1 двојна грешка и 1 конвертирана брејк топка (од 3).

Ѓоковиќ во полуфиналето ќе игра против Италијанецот Јаник Синер.

Другото полуфинале го сочинуваат Мусети (Италија) и Алкараз (Шпанија).

Вкупниот награден фонд на Грен слемот во Париз изнесува 56,4 милиони евра.

The post ЃОКОВИЌ ОДИ ВО ПОЛУФИНАЛЕ НА РОЛАН ГАРОС Го победи Зверев, а сега ќе се соочи со Синер appeared first on plusinfo.mk.

Во 21 часот вечерва започнува првото полуфинале од 69. издание на Евровизискиот песна натпревар – „Евросонг 2025“, кој годинава се одржува во Базел, Швајцарија. Настанот е во организација на Европската радиодифузна унија (ЕБУ) и Швајцарската радиодифузна корпорација.

Водителки на овогодинешното издание се швајцарските ѕвезди Хејзел Бругер и Сандра Студер.

Во првото полуфинале ќе се натпреваруваат 15 земји, а како дел од традицијата, на сцената ќе настапат и претставниците на трите директно финансирачки земји: Италија, Шпанија и Швајцарија.

Големиот настан е веќе обвиен со политичка сенка. Повеќе од 70 поранешни натпреварувачи, меѓу кои и победници на Евросонг, испратија отворено писмо до ЕБУ со барање Израел да биде исклучен од годинешното натпреварување, поради актуелниот судир на Блискиот Исток.

ЕБУ одговори со официјално соопштение:

„Ја разбираме загриженоста и длабоко вкоренетите мислења околу актуелниот судир на Блискиот Исток. ЕБУ не е имуна на глобалните случувања, но заедно со нашите членки, нашата улога е да обезбедиме натпреварот да остане универзален настан којшто промовира врски, различност и вклученост преку музиката. Сите ние се стремиме да ја одржиме Евровизија позитивна и инклузивна и да му покажеме на светот што би можело да биде, а не нужно она што е.“

Дополнителни тензии се појавија викендов кога израелската претставничка Јувал Рафаел беше пречекана со демонстрации при нејзиното пристигнување во Базел. Израелската телевизија „Кан“ веќе поднела пријава до швајцарската полиција. Рафаел ќе настапи во второто полуфинале, в четврток.

Јувал Рафаел, која го преживеала нападот на Хамас врз Израел, се пласираше на Евросонг преку победа на израелскиот фестивал „Нова“.

Овој викенд, 37 делегации од земјите учеснички продефилираа по традиционалниот тиркизен тепих, кој оваа година е најдолгиот досега – дури 1,3 километри.

За македонската публика, МРТВ ќе обезбеди директен пренос на натпреварот.

The post НИКОГАШ ПОДОЛГ ТЕПИХ, НО НАЈКОНТРОВЕРЗЕН „ЕВРОСОНГ“ ДОСЕГА Во Базел вечерва ќе се одржи првата полуфинална вечер appeared first on plusinfo.mk.