полов напад врз дете Archives - plusinfo.mk

ПЕТМИНА МОНСТРУМИ ВО ТЕТОВО СИЛУВАЛЕ 15-ГОДИШНО ДЕВОЈЧЕ Им следува најмалку по 8 години затвор за трговија со дете

плусинфо — Wed, 24 Dec 2025 15:51:10 +0000

Ужасно злосторство се случило во Тетово, петмина мажи силувале 15-годишно девојче.

Одделот за сузбивање организиран и сериозен криминал при БЈБ на МВР, конкретно Националната единица за сузбивање на криумчарење мигранти и трговија со луѓе, поради постоење основани сомненија за сторени кривични дела до Основното јавно обвинителство за гонење на организиран криминал и корупција (ОЈОГОКК) денеска поднесе кривична пријава против 5 лица, сите од Тетово, и тоа: против лицето Ф.М.(25) – за кривично дело Трговија со дете (член 418-г ст.1 и ст.2 од Кривичниот законик), против лицата И.Д.(56), А.С.(30) и Л.С.(28) за сторено кривично дело – Трговија со дете (член 418-г ст.3 од КЗ) и против лицето – Р.М.(31) за кривично дело Полов напад и силување (член 186 , ст.1 и ст.2).

Според документираните сознанија од истрагата првопријавениот Ф.М. во временскиот период од мај 2023 година до крајот на 2024 година, доведувајќи го во заблуда детето жртва, тогаш на 15 годишна возраст, дека ќе почнат љубовна врска, преку сериозна закана и уцена ја принудил жртвата на користење опојни дроги и на сексуална експлоатација.Притоа, со цел стекнување на противправна имотна корист Ф.М., по претходен договор со пријавените И.Д., А.С. и Л.С. како и со инволвирање на други непознати лица, овозможил вршење на полови дејствија врз детето жртва од нивна страна, на повеќе локации на подрачје на Тетово.

Петопријавениот Р.М. по претходен договор со Ф.М., како лице задолжено за безбедноста на детето, ја искористил неговата улога и присилно, спротивно на волјата на детето извршил полов однос врз детето.

Врз основа на издадени наредби од Судија на претходна постапка од Основен кривичен суд Скопје, на четири локации на подрачјето на Тетово извршени се претреси во дом и други простории при што се пронајдени и привремено одземени мобилни телефонски апарати, СИМ картички и лишени се од слобода кривично пријавените 5 лица, соопшти полицијата.

The post ПЕТМИНА МОНСТРУМИ ВО ТЕТОВО СИЛУВАЛЕ 15-ГОДИШНО ДЕВОЈЧЕ Им следува најмалку по 8 години затвор за трговија со дете appeared first on plusinfo.mk.

ПЕДОФИЛ НАПАДНАЛ ДЕТЕ, ТОА ВИКНАЛО ПОЛИЦИЈА Поднесено обвинение за полов напад врз малолетник

плусинфо — Tue, 06 May 2025 09:47:24 +0000

Основното јавно обвинителство Скопје по спроведена претходна постапка поднесе обвинение против 59-годишник, кој се товари за полов напад врз малолетник. Кривичното дело го извршил минатото лето.

Како што информира Јавното обвинителство, обвинетиот на 24 август 2024 година во парк во населбата Чаир извршил полови дејствија врз дете кое во тој момент имало наполнети 15 години. Започнал да го допира детето, но тоа му ја фатило раката и се заканило дека ќе повика полиција. Во тој момент обвинетиот се обидел да избега и да се сокрие во влез од зграда. Детето ја затворило вратата од влезот и повикало полиција која го привела обвинетиот.

За обезбедување на обвинетиот во текот на постапката на сила се мерки на претпазливост определени од Основниот кривичен суд Скопје, кои вклучуваат забрана за напуштање на живеалиште/престојувалиште, обврска за јавување кај надлежен државен орган, одземање на патна и друга исправа за преминување на државната граница и забрана за воспоставување контакт со оштетениот, информира Јавното обвинителство.

The post ПЕДОФИЛ НАПАДНАЛ ДЕТЕ, ТОА ВИКНАЛО ПОЛИЦИЈА Поднесено обвинение за полов напад врз малолетник appeared first on plusinfo.mk.

УЖАС ВО ПЕХЧЕВСКО Дедо монструм извршил полов напад врз неговата внука

плусинфо — Sun, 30 Jul 2023 14:35:29 +0000

Полицијата во Пехчево уапси 56-годишен маж од пехчевско, осомничен дека извршил грозоморен чин, полов напад врз неговата внука.

„На 29.07.2025 во 19.05 часот полициски службеници го лишиле од слобода У.К.(56) од пехчевско поради постоење основи на сомнение дека извршил полов напад врз неговата внука. По целосно документирање на случајот ќе следи соодветен поднесок“ – известуваат од МВР.

The post УЖАС ВО ПЕХЧЕВСКО Дедо монструм извршил полов напад врз неговата внука appeared first on plusinfo.mk.

15 ГОДИНИ ЗАТВОР ЗА ПОЛОВ НАПАД ВРЗ ДЕТЕ Пресудата ја изрече Основниот суд во Кавадарци

МИА — Tue, 09 Nov 2021 13:39:10 +0000

Затвор од 15 години за полов напад врз дете, пресуди денеска Основниот суд во Кавадарци.

– Поради интересот на јавноста, Основниот суд Кавадарци известува дека петчлениот кривичен совет со кој претседаваше судијата Лазар Нанев, како претседател на кривичниот совет, спрема обвинетиот В.Т. за кривично дело „Полов напад врз дете кое не наполнило 14 години“, по член 188 став 1 вв член 45, донесе пресуда со која на обвинетиот му изрече казна затвор од 15 години, соопшти Судот попладнево со објава на нивната официјална страница на Фејсбук.

The post 15 ГОДИНИ ЗАТВОР ЗА ПОЛОВ НАПАД ВРЗ ДЕТЕ Пресудата ја изрече Основниот суд во Кавадарци appeared first on plusinfo.mk.

Дебранец приведен за полов напад врз дете

МИА — Sun, 23 May 2021 11:23:47 +0000

Полициските службеници од Одделението за внатрешни работи во Дебар, привеле дебранец како можен сторител на полов напад врз дете.

– Денеска во ОВР-Дебар, приведен е Б.Ф.(40) од Дебар кој претходно е пријавен како можен сторител на казнените дела „полов напад врз дете кое не наполнило 14 години“ и „прикажување порнографски материјал на дете“. По целосно расчистување на случајот, ОВР Дебар ќе поднесе соодветна пријава – изјави Стефан Димоски, портпарол на Секторот за внатрешни работи од Охрид.

The post Дебранец приведен за полов напад врз дете appeared first on plusinfo.mk.