По повеќе од една деценија, во училиштата во САД повторно ќе се служи полномасно млеко како дел од училишните оброци. Одлуката дојде веднаш по објавувањето на новите американски нутриционистички препораки за периодот до 2030 година, кои во голема мера го менуваат досегашниот пристап кон мастите во исхраната.

Една од најголемите промени се однесува токму на млекото и млечните производи, кои во новата прехранбена пирамида се препорачуваат во нивната природна, полномасна форма. Ова претставува значаен пресврт во однос на претходните препораки, кои со години им даваа предност на „лајт“ и обезмастени верзии на млеко, сирење и јогурт.

Хрватскиот нутриционист Марко Шимиќ за Јутарњи.хр вели дека ваквите промени се дел од поголема трансформација во разбирањето на исхраната.

– Долго време се веруваше дека калоријата е само калорија и дека мастите, бидејќи се енергетски најгусти, се главниот виновник за дебелеењето. Но биологијата на нашето тело не функционира како едноставна математика. Денес се знае дека храната не е само гориво, туку и информација што им ја испраќаме на нашите хормони – објаснува тој.

Повеќе за ова на порталот „Арт кујна“.

The post НОВИ НУТРИЦИОНИСТИЧКИ ПРЕПОРАКИ Се враќаат полномасните млечни производи appeared first on plusinfo.mk.

Роберт Ф. Кенеди Џуниор, внук на легендарниот претседател Џон Ф. Кенеди и актуелен шеф на здравството на САД, се појави во теретана во своите шеесетти години. Рамо до рамо со рок-ѕвездата Кид Рок, испрати порака за активен живот и за „вистинска храна“.

„Ги здружив силите со Кид Рок за да им пренесам две едноставни пораки на американскиот народ: БИДЕТЕ АКТИВНИ + ЈАДЕТЕ ВИСТИНСКА ХРАНА“, напишал Кенеди на својот профил споделувајќи ја снимакта.

Освен на фитнес-машини, Кенеди и Рок пливаат во базен. Кенеди влегува и во ледена бања. На крајот пијат чаша полномасно млеко.

BawitMAHA https://t.co/npFlS2NxTo

— HHS (@HHSGov) February 17, 2026

Кид Рок е американски музичар кој стекна слава кон крајот на 1990-тите. Тој е познат по мешавина од рок, рап, кантри и јужен рок. Последниве години јавно ги поддржува политиките на претседателот на САД Доналд Трамп и на десничарската Републиканска партија. Често учествува и во политички кампањи.

Кенеди неодамна признал дека во минатото шмркал кокаин од тоалетна школка. Во декември направил и склекови на аеродром, потег кој предизвикал реакции на социјалните мрежи.

Видеото доаѓа во период кога здравствените политики повторно стануваат тема на јавна дебата во САД.

The post 📽️ ОТКАКО ПРИЗНА ДЕКА ШМРКАЛ КОКАИН НА ДАСКА…. Кенеди „се подмлади“ во теретана и во ледена бања appeared first on plusinfo.mk.