„Зар некој може да верува дека говорот на првата дама на САД, пред таа да го каже во јавноста, оди на рецензија кај некој дипломатски претставник?“

Вака вели премиерот Христијан Мицкоски запрашан да ги коментира наводите во грчки медиуми дека грчки дипломати спречиле Меланија Трамп да ја именува нашата земја како Македонија, по што таа во говорот го употребила името „Северна Македонија“.

– Го читав тој напис во медиумите кај нашиот јужен сосед. Претпоставувам дека се дипломатски извори. Зар некој може да верува дека говорот на првата дама на САД, пред таа да го каже во јавноста, оди на рецензија кај некој дипломатски претставник? Јас не верувам во тоа. Односно, ако тоа се случило, тогаш САД имаат сериозен проблем во безбедносниот протокол – вели Мицкоски.

Според грчки ТВ Стар, Прототема и други грчки медиуми реакцијата дошла од грчкиот амбасадор во САД, Андонис Александридис кој „навреме реагирал да се користи терминот Северна Македонија“.

Мицкоски вели дека е невозможно дипломат да дојде до припремениот говор на првата дама.

– А тоа што, претпоставувам, некој од дипломатите на некоја амбасада сакаат да бидат интересни, можеби за медиумите, па тоа го претставуваат како дипломатски успех, тоа е друга тема. Но, верувајте, од моето искуство, многу е тешко, да не речам, невозможно, некој надворешен да дојде до говорот на првата дама на САД, пред таа да ѝ го соопшти на јавноста. Така што, тие што го смислиле ова, мислам дека направиле неуспешна играна серија – рече Мицкоски.

Веста прв ја објави грчки ТВ Стар со видеоприлог од обраќање на Меланија. Претходно, медиуми како Грик Рипортер објавија дека Меланија веќе го искористила името Македонија во говорот со што предизвикала чувствителни реакции кај грчката страна.

Глобалниот самит „Fostering the Future Together Global Coalition Samit“ беше организиран од Меланија и ги собра првите дами од многу држави во светот. Меѓу нив се најде и сопругата на македонскиот премиер, Рози Мицкоска.

МЕЛАНИЈА СО „МАКЕДОНИЈА“ ГИ РАЗЛУТИ ГРЦИТЕ? Еден збор во планираниот говор предизвика реакција на Атина

The post НE Е ВОЗМОЖНО ДИПЛОМАТ ДА ГО ВИДИ ГОВОРОТ НА МЕЛАНИЈА Мицкоски вели дека приказната на грчките медиуми не држи вода appeared first on plusinfo.mk.

„Лекцијата во СДСМ и целиот систем на СДСМ како партија, како поддржувачи, како поранешни експерти, не е научена. Би требало да се застане да се види до каде е ситуацијата, да се направи едно единство во државата. Мислам дека СДСМ мора да ја научи таа лекција и да престане да биде бомбаш- самоубиец со вакви настапи како на Андреј Жерновски или на други, за евроинтеграциите да бараат да биде променет Уставот. СДСМ нема политика којашто ја креира, не поминува кај Македонците”.

Вака изјави Наум Стоилковски од ВМРО-ДПМНЕ во „Вечерното шоу на Богдан Илиевски”. Зборувајќи за блокадите од страна на Бугарија на нашиот евроинтегративен пат Стоилковски објасни дека Македонија се наоѓа во ваква ситуација поради грешките направени од претходната власт.

– Грешка е направена од страна на претходната власт, којашто одеше отворено без размислување и покрај сите предупредувања дека не треба и дека ќе биде злоупотребено сето тоа и дека летвичката ќе се крева сè погоре и погоре.

Стоилковски претходно посочи дека приговорите и барањата од Бугарија се зголемуваат од времето кога Македонија влезе во НАТО.

–  Кога Македонија требаше да го смени Уставот, да го смени името за да влезе во НАТО и во Европска Унија, Софија немаше никаков проблем со ништо во рамки на добрососедството, кога влегуваше Македонија во НАТО немаше никаков проблем од страна на Бугарија, од тогаш наваму на три пати се појавува. Колку отворањето на Уставот сега понатаму ќе биде решение за тоа, и ќе се остава простор Софија во секои наредни предизборија да имаат нови и нови теми поврзани со национализмот.

The post ЛЕКЦИЈАТА ВО СДСМ УШТЕ НЕ Е НАУЧЕНА Погубните политики од минатото ѝ отворија простор на Бугарија да блокира appeared first on plusinfo.mk.

Недозволиво е Артан Груби да биде во куќен притвор, оцени вечерва претседателот на Движењето ЗНАМ, Максим Димитриевски.

Во гостување на Телевизија Сител, Димитриевски истакна дека ЗНАМ има одлични односи со коалициските партнери и дека со премиерот сè уште не разговарал за евентуална реконструкција на Владата, ниту за ресори или конкретни имиња. Тој додаде дека е апсолутно задоволен од двајцата свои министри, за правда и за јавна администрација, кои, како што нагласи, се максимално посветени на реформите.

Лидерот на ЗНАМ е дециден дека партијата нема да прифати учество во влада во која би била дел, како што рече, „нереформираната“ Демократска унија за интеграција.

– Граѓаните мора да бидат исти пред законот, а Македонија како држава треба да се постави многу сериозно пред сите предизвици и не смееме да гледаме репризи. За преседанот со Груби министерот испрати јасна порака до судско-обвинителската власт, зашто видовме дека се случи реприза на многу такви случаи во минатото. Ако имате личност која побегнала од државата, а во меѓувреме известувала дека отишла да се прошета и ви се враќа по месеци, недозволиво е да ја ставите во куќен притвор, а од друга страна да гледате луѓе во притвор за многу мали квалификации на кривични дела – порача Димитриевски, осврнувајќи се на барањето на министерот за правда, Игор Филков, до МВР и АНБ да објават како процениле дека Груби не е безбеден во притвор.

Според него, имало недоразбирање на релација меѓу институцијата за извршување притвор и безбедносните служби и тие треба да дадат јасен одговор, додека министерот постапил согласно своите овластувања.

– Видовме само една реприза, играње тенис пред јавноста, судот се повика на обвинителството, а обвинителството на судот. Груби моментно е во куќен притвор, седи дома и си пие чај. Дали јавноста се согласува со такво нешто или не? Ако ние сме држава што не може да обезбеди безбедност на некој граѓанин, тогаш се поставува сериозен знак прашалник дали можеме да гарантираме безбедност на поединец што е на функција. Неприфатлив е ваков одговор. Груби требаше да оди таму каде што е пропишано во истражниот затвор Шуто Оризари, но не сакам да се впуштам во коментирање судска одлука. Во државата мора да има правда и за Груби и за секој друг поединец. Груби побегна во странство за да си даде луфта од 14 месеци, па се врати. Првично обвинителот предложил и доставил докази за одлуката куќен притвор, тука се и безбедносните служби. Јас немам увид во документацијата, но постојат институции и личности кои можат да ги добијат доказите, едни од нив се РСС и Советот на јавни обвинители – рече Димитриевски.

На прашањето за евентуални предвремени избори, тој посочи дека тоа треба да се адресира до премиерот.

– Ние сме секогаш подготвени за избори, но ќе си ја премериме нашата тежина – порача Димитриевски.

Во однос на случувањата на Блискиот Исток, претседателот на ЗНАМ оцени дека веќе има и допрва ќе има економски последици.

– Ние треба да се држиме до партнерите во НАТО и нашите стратешки партнери и да ги заштитиме нашите граѓани во регионот на Блискиот Исток, со кои јас, како градоначалник, одржувам редовни контакти – истакна Димитриевски.

The post „СЕДИ ДОМА И СИ ПИЕ ЧАЈ“ Димитриевски вели дека куќниот притвор за Груби е преседан appeared first on plusinfo.mk.

Скапо платените опозициски пратеници на Левица, како што веќе станува правило, повторно ги немаше во Собранието додека носевме клучни измени на Кривичниот законик, обвинува пратеникот на ВМРО-ДПМНЕ Бране Петрушевски.

Петрушевски вели дека „Фејсбук-политиката со видеа и рилсови и седењето дома, не носи подобар живот за граѓаните, потребна е вистинска работа“.

„Собранието денес гласаше за потребата од заострување на казните за злоупотреба на службената положба и злосторничко здружување, преку корекција на штетните измени од 2023 година и проширена конфискација, за посилна заштита на жените и децата од семејно насилство, за заштита на приватноста од злоупотреба на интимни снимки и за усогласување со европските стандарди преку проектот „Безбеден град“, пишува Петрушевски.

The post ПРАТЕНИЦИТЕ НА ЛЕВИЦА ПАК ГИ НЕМАШЕ ДА ГЛАСААТ ЗА КЛУЧНИТЕ ИЗМЕНИ НА КЗ Водат Фејсбук-политика, обвини Петрушевски appeared first on plusinfo.mk.

Премиерот и претседател на ВМРО-ДПМНЕ, Христијан Мицкоски, не ѝ се извини на обвинителката Ленче Ристоска, образложувајќи дека во интервјуто не ја спомнал со име и презиме.

Од Владата велат дека им е чудно како обвинителката Ристоска се препознала во интервјуто.

– Во врска со Вашето новинарско прашање, ве информираме дека Претседателот на Владата, Христијан Мицкоски, во интервјуто не ја спомна Ленче Ристоска со име и презиме. Тој говореше за медиокритети, и чудно е како Ленче Ристоска се препозна во тоа интервју – велат од Владата.

Обвинителката побара извинување по неговото интервју за „Вечер“, во кое Мицкоски зборуваше за измените на Кривичниот законик предложени од пратеници на ВМРО-ДПМНЕ. Тој посочи дека најгласни коментари по измените имало од поединци од поранешното СЈО.

– Недостасуваат измените на Кривичниот законик бидејќи некој претходно направил авантура (зборувам за измените на претходната влада) и добро, поднесовме измени до Собранието на Кривичниот Законик. Веднаш излегоа поединци, и тоа најгласен коментатор беше еден поранешен припадник на поранешното СЈО, кој вели дека со овие нови измени се намалувале казните (а претходно немаше никакви казни, ама тогаш не ги слушнавме кога оние ги бришеа комплетно од КЗ) и овозможувале да се досудат, значи тие веќе ги осудија луѓево – да се досудат условни казни. Замислете каква им е матрицата на размислување. Пазете, обвинител коментира веќе досудена работа. Бидејќи обвинителот и адвокатот се две спротиставени странки во процесот… – рече Мицкоски.

Новинарката коментираше дека ова е „клиентелистичко-политички“, на што Мицкоски одговори: „Да, и сега јас ја слушам и просто не можам да верувам со каков тип на медиокритети ние имаме работа. Но, во ред, тоа е тоа“.

Ристоска, обвинителка од поранешното Специјално јавно обвинителство, е единствената која јавно ги критикуваше поднесените измени, предупредувајќи дека тие се подеднакво лоши, дури и полоши од измените од 2023 година. Таа аргументираше дека со предложените измени се санкционираат само конкретни дејствија во постапките за јавни набавки и се отвора простор за неказнивост каде што злоупотребите се најчести. Исто така, се брише одговорноста на службените лица од органите на државната управа, министри и други функционери.

– Измените на Кривичниот законик и тоа како влијаат на културата на неказнивоста која некако се протержира во изминатите години. И Обвинителството, по мое мислење, е ставено пред една неблагодарна и тешка задача. Имаме кратки рокови, таму каде што не е застапена застареноста, тоа експресно да се заврши. Од друга страна, ресурсите се такви какви што се, не ни се унапредени состојбите – изјави Ристоска во 2023 година.

ВМРО-ДПМНЕ, чиј имот е во рацете на обвинителката Ристоска, не ѝ се извини откако Мицкоски ја нарече „тажен симбол за неправда со државни бонуси во служба на Заев и Груби“. Премиерот на брифинг со новинарите истакна дека таа земала повисока плата отколку што требало.

The post МИЦКОСКИ НЕМА ДА Ѝ СЕ ИЗВИНИ НА ЛЕНЧЕ РИСТОВСКА Не ја спомнал по име и презиме, самата се препознала во изразот „медиокритет“ appeared first on plusinfo.mk.