Северна Македонија добила оценка 3.86 за демократски прогрес, а во претходниот извештај оваа оценка била 3.82. Во категоријата национално демократско владеење државата добила оценка 3.50, за изборен процес 4.50, за граѓанско општество 4.75, за независни медиуми 3.50, за локално демократско управување 4.25, за судска рамка и независност 3.25, додека за корупција била оценета со 3.25.

Во извештајот е наведено дека во Северна Македонија се нотира силна политичка поларизација и парламентарните блокади, го попречиле усвојувањето на законодавството на национално ниво, но оти прогресот на локалните власти во однос на транспарентноста, граѓанското учество и меѓуопштинската соработка, имал забележително позитивно влијание врз демократијата и исполнувањето на јавни услуги.

Земјите од Западен Балкан искажале разочарување во однос на пристапувањето во Европската Унија.

„Граѓаните на Западен Балкан се чувствуваат напуштени од домашните елити кои се спротивставуваат на демократските реформи и од меѓународните елити кои немаат решеност да го следат процесот на пристапување“, пишува во извештајот.

Демократските институции на Западен Балкан продолжиле да слабеат во 2022 година, со скромни подобрувања во Северна Македонија, Албанија и во Косово.

Од земјите во Западен Балкан, Северна Македонија е најдобро рангирана. Србија во моментов го дели второто место на Западен Балкан со Црна Гора и Албанија.

The post ДЕМОКРАТСКА, НО ПОЛИТИЧКИ ПОДЕЛЕНА ЗЕМЈА „Фридом Хаус“ ни дава 3,86 поени за напредок appeared first on plusinfo.mk.

„Тужбата на Русковска за видеоспот од кампањата за парламентарните избори која ја загуби во прв степен, Апелацискиот суд ја враќа на повторно одлучување. Апелацискиот суд очигледно ја уважува „душевната болка и претрпен страв“ од спот, во исто време кога кај народот душевна болка е тоа што наместо вакцини бркаа провизии, тоа што светски мафијаши сè уште пустошат низ светот со пасошите на Спасовски, тоа што парите од рекетот никогаш не се дозна каде завршија, тоа што нема пари за лекување на граѓаните, а има за милионска противпожарна скала на Шилегов.

Ако мислат дека ќе нè исплашат, се лажат.

Ако мислат дека ќе победат, дебело ќе загубат!

Правдата ќе ги стигне и нив“, напиша Мицкоски.

The post Мицкоски: Наместо со сузбивање на организираниот криминал, се занимаваат со политички прогон appeared first on plusinfo.mk.

Премиерот и лидер на владејачката СДСМ повтори дека не гледа никакви причини за одложување на пописот, а очекува на почетокот на неделата Пендаровски по експертските консултации да го потпише указот за Законот за попис. Во однос на ставот на опозицијата му е драго што повеќе не го слуша повикот за бојкот и потсетува дека ВМРО-ДПМНЕ нема потреба да собира потписи, бидејќи само еден пратеник може да поднесе нов или измена на друг закон.

– Не гледам ниту промил за негово одложување. Мене ми е драго што претседателот на државата уште еднаш со експерти, со едно непристрасно око да се види, да не испадне власта тврди едно, опозицијата, мал дел, македонската опозиција, условно кажано тврди друго заради тоа што албанската опозиција гласаше за законот. Тоа ќе биде уште еден коректив. И претседателот Пендаровски ќе соопшти, веројатно почетокот на наредната недела, веќе за неговиот став – рече вчера Заев.

Премиерот верува дека на сите им е јасно колку е значајна оваа статитичка операција и колку е голема должноста на сите граѓани за негово спроведување.

Во интервју за локална телевизија, лидерот на ДУИ, Али Ахмети, на темата попис посочи дека сите кои живеат во земјава и имаат имот ќе бидат попишани. Тој уверува дека институциите ќе си ја вршат нивната работа, па така сите кои живеат во земјава и надвор од неа ќе бидат опфатени со пописот. Ахмети појасни и како ќе се попишува дијаспората.

– Во врска со пописот имаше дебати, вклучително и јавни дебати. Тоа е статистичко прашање, а не политичко претпријатие, а таа операција мора да се заврши. Тоа од нас го бараат и релевантни меѓународни институции, како ООН и од ЕУ. Мора да имаме попрецизна статистика за економијата на земјата, за имотот на земјата, за населението во земјата и никој нема да биде исклучок. Прво ќе се регистрираме тука, а потоа оние кои се во странство преку валидни документи од нивните роднини, тука или преку Државниот завод за статистика. Да се знае колку постојано живеат тука, а колку надвор. Но сепак, сите се жители на оваа земја – подвлече претседателот на ДУИ.

За очекувањата од резултатите, тој напомена дека Албанците не може да бидат помалку од 25 проценти, колку што биле и во 2002 година. Бројката ја образложи со констатацијата дека Албанците во Македонија имаат стапка на наталитет кој последниве години е зголемен.

Опозициската ВМРО-ДПМНЕ, чии пратеници не го поддржаа законот, од своја стана, го повикаа претседателот трезвено и професионално да постапи и да одлучи за прашањето за попис, иако сметаат дека Пендаровски и после консултациите ќе го потпише указот.

Според пратеникот на ВМРО-ДПМНЕ, Тимчо Муцунски влезено е во политички, а не во статистилки процес. Доказ за ваквото тврдење, според него, е тоа што заменик директорот на Државниот завод за статистика има право на вето на резултатите од пописот.

– И ајде да си ја поставиме дилемата, ако ова е статистички процес врз што ќе стави вето заменик директорот на ДЗС – праша Муцунски.

Муцунски смета дека Пендаровски ќе го потпише указот за Законот за попис, и оти нивната порака до него е тој да се консултира со објективни и независни експерти, за кои верува дека „ќе ги дадат голем дел од забелешките што ги дала ВМРО-ДПМНЕ“.

Тој посочи дека во земјава постојат соодветни дата бази со кои може да се спроведе електоронски попис, кој, според него, може да биде поверодостоен по резултатите, но и многу поевтин и поефикасен.

Амбасадорката на САД во земјава Кејт Мари Брнз го поддржа носењето на Законот за попис во Собранието и во интервју за Гласот на Америка оцени дека тоа е важен чекор напред, бидејќи во земјава населението и имотот не е попишан речиси 20 години, а оваа статистичка операција е клучна за креирањето на идните развојни политики.

– Пред сè, многу сум среќна што Законот за попис помина во Парламентот. Уште повеќе што помина со поддршка на два опозициски партнери, и владината коалиција. Ова е важен чекор. Северна Македонија немала попис речиси 20 години, а тоа се одрази врз процесот на водење на политиките, бидејќи точните податоци за населението се важен дел во планирање на иднината. Очекуваме дека Владата ќе осигури пописот да го направат професионалци, што ќе обезбеди информации кои ќе ѝ помогнат на државата во однос на иднината – изјави Брнз.

The post Пендаровски ќе пресече дали ќе има попис оваа пролет appeared first on plusinfo.mk.

„Иако неколку извори објавија проекции за победникот на претседателските избори во САД, сепак веруваме дека е важно да се спречи забуна или злоупотреба на нашата платформа“, наведува компанијата во имејл испратен до огласувачите.

Портпарол на Фејсбук одби да ја коментира објавата.

Фејсбук претходно соопшти дека забраната ќе биде во сила најмалку една недела по претседателските избори во САД, но дека тој период може да биде продолжен.

The post На Фејсбук Американците нема да поставуваат политичка реклама уште еден месец appeared first on plusinfo.mk.

Тој рече дека тоа била стара идеја на СДСМ, промовирна пред неколку години но дека за жал опозицијата имала неконструктивен однос кон соработката во клучните процеси во изминативе години, дури во еден момент се откажаалаод таа идеја.

– Имавме прилика кога се создаваше Законот за јавно обвинителство, да најдеме заедничко решение за обвинителот за гонење на висока корупција и организиран криминал, но и тогаш не се договоривме. Нашиот принцип е политиката да биде што подалеку од изборот на обвинителите и тоа го утврдивме во Законот за јавно обвинителство. Јавниот обвинител се избира според процедура утврдена во Уставот. За да се промени таа процедура треба промена на Уставот. Сметам дека сега не е време за тоа. Имаме професионален државен јавен обвинител којшто си ја врши својата работа согласно законот. Опозицијата ќе има прилика да учествува во спроведување на атикорипциските политики доколку тоа го сака. Но политичарите не треба да бираат обвинители со политички договор – рече Маричиќ.

Тој повтори дека не верува дека е добар начин на избор на обвинител со политички договор.

The post Власта го одби Мицкоски: Политичарите не треба да бираат обвинители со политички договор appeared first on plusinfo.mk.

Народна банка денеска повика сите субјекти да ги почитуваат нејзината самостојност и независност а нејзините  одлуки да не ги ставаат во политички контексти. Оваа реакција на Централната банка дојде по пропаѓањето на Еуростандард банка  кое се користи и за политички обвинувања меѓу партиите .

– Народната банка е институција со уставно и законски гарантирана самостојност и независност, којашто при остварување на своите законски утврдени цели и задачи се води исклучиво од законите, притоа штитејќи го интересот на граѓаните.Токму ваквата независност и професионалноста во остварувањето на целите и задачите на Народната банка е она што со години наназад ги гарантира одржувањето на стабилноста на денарот, банкарскиот систем, односно финансиската и севкупната макроекономска стабилност – велат од Народната банка.

Оттаму, повикуваат сите субјекти да ги почитуваат самостојноста и независноста на Народната банка и нејзините одлуки да не ги ставаат во политички контексти.

The post Народна банка: Нашите одлуки да не се ставаат во политички контексти appeared first on plusinfo.mk.

Од Управниот суд за МИА информираат дека освен официјално заведените две, пристигнале уште 75 тужби од Алијанса и Алтернатива.

– Во тек се заведува на тужби од Алијанса за Албанците и Алтернатива по што ќе биде објавено на веб страницата, информираат од Управен суд.

Во Управниот суд во тек е јавна расправа по поднесената тужба од Живка Арсовска, од Куманово, за поништување на решението на Општинската изборна комисија за повреда на избирачкото право.

Претходно денеска во 14:50 часот во Управниот суд е поднесена и заведена уште тужба од подносителот ИНТЕГРА Македонска Конзервативна Партија за заштита на избирачко право на подносителите на листи.

Од Управниот суд, посочуваат дека за одржување на јавна седница дополнително ќе информираат.

The post Две политички партии и граѓанин поднеле тужби до Управниот суд до 18 часот, а стасале уште 75 appeared first on plusinfo.mk.

Државната изборна комисија (ДИК) утре ќе организира симулација на безбедно гласање со примена на сите мерки и здравствени препораки на едно избирачко место на коешто ќе бидат поканети сите медиуми. Ќе биде опфатен целиот избирачкиот процес во реални услови.

– Почнувајќи од доаѓањето на граѓаните на избирачкото место, чекањето, влегувањето, дезинфекцијата, идентификација, се што е по закон, со посебно напоменување на сите здравствени мерки кои треба да ги почитуваат граѓаните, но и самите изборни органи и домашните и странските набљудувачи – најави Борис Кондарко, член на ДИК.

На настанот ќе бидат поканети медиумите, домашни и странски меѓународни мисии, посебно мисијата на ОБСЕ/ОДИХР, од Министерството за здравство, како и претставници на амбасадите. Ќе бидат поканети и учесниците на изборите, односно политичките партии.

На денешната седница на ДИК беше најавено, исто така дека граѓаните ќе можат да гласаат на изборите на 15 јули со пасоши чија важноста истекла од 18 март наваму, за време на вонредната состојба, имајќи предвид дека тие ќе имаат важност до 31 јули.

Кондарко информираше дека на гласање граѓаните нема да смеат да одат со маски на кои што ќе има амблеми на политички партии, бидејќи тоа ќе се третира како агитирање на избирачкото место што е забрането со закон.

На 13 и 14 јули, кога гласаат лицата со Ковид-19, во изолација, болни, немоќни и хронично болни, членови на ОИК и на ИО, ќе можат да бидат ослободени од работа доколку има потреба да бидат ангажирани и овие два дена.

Елизабета Постолоска член на ВМРО-ДПМНЕ и Дитмире Шеху потпретседателка на ДИК и член на Комисијата предложена од ДУИ, побараа дополнување на дневниот ред,  односно менување на упатството на ДИК за гласање на лицата со Ковид-19 и во самоизолација.

Постолoска побара нова точка на дневен ред односно менување на упатството за гласање за овие лица, за да се овозможи за гласање да се пријават лица со позитивен тест со Ковид-19 кои не добиле решение од Државниот здравствен и санитарен инспекторат.

Како доказ дека се позитивни на Ковид 19 овие лица, како што предложи таа, да можат до Комисијата, односно до ОИК  да го достават резултатот од тестот.

Потпретседателката на ДИК Шеху рече дека бара дополнување на дневниот ред. Владата, додаде таа, со указ утврди и им даде право да гласаат на лицата кои се со Ковид-19 и лицата кои се во изолација.

-Врз основа на информациите од општинските изборни комисии, тие само доставуваат известувања, но затоа што имаат само еден смс или добиле повик од матичниот лекар или од Инспекторатот дека истата личност треба да остане во изолација, додека решенијата ќе им бидат подготвени за кратко време. Досега, тие не успеале да добијат решенија од Инспекторатот дека се во самоизолација, додека крајниот рок за поднесување е 8 јули, појасни Шеху.

Ова не беше прифатено од страна на членовите на ДИК, предложен од СДСМ Кондарко и Јанаќие  Витанов  кои сметаат дека на ден пред завршување на рокот на пријавување на овие лица не може да се менува упатство за гласање на лицата со Ковид-19 и во самоизолација.

Рокот за пријавување на гласање на лицата со Ковид 19 и во самоизолација  или во карантин завршува утре на полноќ. Освен со полномошник, тие ќе можат да се пријават за гласање и преку апликацијата за пријавување за гласање на овие лица поставена на веб страната на ДИК https://izolacija.sec.mk/.

ДИК на денешната седница вршеше избор на нови членови  на местата на оние лица кои барале изземање од ОИК или од избирачките одбори.

До ДИК има пристигнато голем број барања за изземање од здравствените работници кои ќе бидат ангажирани на 13 јули за гласањето на лицата со Ковид и во самоизолација. Во овие посебни избирачки одбори се избрани 300 здравствени работници. Имало 80 оправдани барања за изземање и 20 неоправдани.

Членот на ДИК, Елизабета Постолоска,  како што рече, ги замолува здравствените работници на разбирање, додавајќи дека сите сме свесни колку се тие на удар и ангажирани последниве месеци поради пандемијата со Ковид-19.

-Ако продолжиме со ваков интензитет на изземање ние нема да можеме да формираме избирачки одбори, рече Постолоска.

Државната изборна комисија на денешната седница го отфрли приговорот на Никола Димитров, носител на кандидатска листа во ИЕ 1 на СДСМ поднесен за попречување на изборна кампања за портпаролот на ВМРО-ДПМНЕ Наум Стоилкоски, со барање тој да биде парично казнет за тоа, како што предидува законот и тоа меѓу шест и две илјади евра. ДИК, како што нагласи, Постолоска е ненадлежна за ова и упати Димитров приговорот да го поднесе до Основниот суд.

На 9 јули истекува рокот на за пријавување на набљудувачи на предвремените парламентарни избори на 15 јули. Барања за акредитирање домашни и странски набљудувачи до ДИК пристигнуваат секојдневно. Денеска има уште три нови. ДИК досега акредитирала набљудувачи од Амбасадата на Унгарија (10), Асошиејтед Прес (2), од Здружението за Национален Ромски Центар (38), од Амбасадата на Австрија (3), од Ал Џезира (1) , од Амбасадата на Швајцарија (3) и од Здружението Анкциоз 2017 година (796) набљудувачи.

До денеска беа акредитирани 1.183 домашни набљудували, од кои МОСТ има 905 и Цивил 278. Вкупната бројка на меѓународните набудувачи е 110, меѓу кои има и од ​​Канадската амбасада во Белград, од ОБСЕ/ОДИХР, и амбасадите на Франција, Албанија, Холандија и на САД.

The post ДИК: На гласање нема да смеe да се оди со маски со политички симболи appeared first on plusinfo.mk.

– Со одлуката за прераспределба помеѓу буџетските корисници и фондовите која беше усвоена пред еден месец имаше кратење на ставката за финансирање на политичките партии и таа ставка сега со ребалансот  на буџетот нема претрпено никаква промена- рече Ангеловска.

Таа додаде дека за финасирање на политичките партии се планирани околу 1,7 милиони евра кај Министерството за правда.

The post Не се кратат парите и за политичките партии од буџетот appeared first on plusinfo.mk.