Од ВМРО-ДПМНЕ реагираа дека резултатите од локалните избори претставуваат, како што велат, „историски пораз на СДСМ и доказ за нивното целосно губење на довербата од граѓаните“.

„Филипче, клонот на Заев, ја руинира СДСМ. Ова е историски дебакл на некогаш големата партија“, стои во реакцијата на ВМРО-ДПМНЕ.

Според партијата, СДСМ на локалните избори освоила околу 126 илјади гласови на советничките листи, што, како што наведуваат, е „најлош резултат во историјата на партијата“.

„Или, во број на советници, СДСМ има само 230 – што е два и пол пати помалку од ВМРО-ДПМНЕ. Во споредба со 2021 година, СДСМ изгуби околу 110 илјади гласови и речиси 170 советнички места“, се вели во соопштението.

Од ВМРО-ДПМНЕ додаваат дека социјалдемократите забележале пад и во традиционално силните општини.

„На неколку места СДСМ е трета, четврта или дури петта партија. Такви се случаите во Битола, Брвеница, Бутел, Карпош, Кочани, Кисела Вода, Куманово, па дури и во градот Скопје“, посочуваат од партијата.

Во реакцијата се наведува дека СДСМ го изгубила и бастионот Струмица, уште во првиот круг, а според ВМРО-ДПМНЕ, тенденцијата е дека ќе ги изгубат и речиси сите општини каде што се оди во втор круг.

„Време е Филипче да си поднесе оставка. Срамни се овие резултати за некогаш големиот Социјалдемократски сојуз. Нам ни е потребна опозиција која ќе биде коректив, а не опозиција водена од човек без кредибилитет како Венко Филипче“, велат од ВМРО-ДПМНЕ, додавајќи дека државата заслужува опозиција со кредибилитет.

The post „КЛОНОТ НА ЗАЕВ ГО УНИШТИ СДСМ“ Време е Филипче да си замине, велат од ВМРО-ДПМНЕ appeared first on plusinfo.mk.

ВМРО-ДПМНЕ остро реагира на изјавите на СДСМ за економските политики на Владата, обвинувајќи ја опозицијата за лицемерие и потсетувајќи на состојбата во која, според нив, ја оставиле државата.

„Кога СДСМ зборува за економија, треба да ги потсетиме дека тие ја доведоа државата на раб на банкрот. Платите стагнираа, пензионерите секојдневно протестираа, а јавниот долг достигна историски највисоки 60%“, стои во соопштението од партијата.

Од ВМРО-ДПМНЕ велат дека инвестиции како „Фејсбук“, „Гугл“ и стаза за Формула 1 останале само во „фантазијата на Заев и Филипче“. Тие бараат од поранешните функционери да одговорат од каде им се средствата за, како што тврдат, висококатници во Дубаи, акции во индиска авиокомпанија и јахти вредни околу еден милион евра.

„Ако граѓаните живееле тешко, како тогаш Заев и Филипче со министерски и премиерски плати успеале да купат јахти, акции и облакодери низ светот?“, прашуваат од владејачката партија.

Во однос на сегашните резултати, ВМРО-ДПМНЕ наведува зголемување на пензиите за 7.000 денари, раст на платите во повеќе сектори, нова мерка за училишен прибор што ќе заштеди од 800 до 2.000 денари по семејство, како и стабилна цена на струјата во последните 12 месеци.

„Се направени инвестиции од 1,5 милијарди евра во енергетиката, што значи отворање на нови работни места. Македонија е четврта во Европа по раст на БДП во првиот квартал и шеста во светот по привлекување на странски инвестиции“, нагласуваат од партијата.

„Ова се резултатите на чесно и транспарентно работење. Фактите говорат за раст, развој и искрена грижа за граѓаните“, додаваат од ВМРО-ДПМНЕ.

The post „СДСМ ГИ ОСТАВИ ГРАЃАНИТЕ СО 150 ДЕНАРИ НА ДЕН“ Жестока офанзива на ВМРО-ДПМНЕ appeared first on plusinfo.mk.