Претседателката на Либерално-демократската партија (ЛДП), Моника Зајкова, денеска даде јавна поддршка за кандидатот на СДСМ и актуелен градоначалник на Општина Центар, Горан Герасимовски, за негов втор градоначалнички мандат.

Зајкова порача дека граѓаните треба да се определат за луѓе кои носат резултати, одговорност и отчетност, а не за оние што нудат празни ветувања.

– Одејќи накај Собрание, бидејќи работиме на новиот Предлог-закон за комунална полиција, наидов на предизборните активности на кандидатот за градоначалник на општината во која живеам. Водејќи се од визијата дека на граѓаните им се потребни искусни луѓе кои испорачуваат резултати, а не изговори, упатувам особен повик до сите граѓани кои во првиот круг гласаа за кандидати кои не влегоа во вториот круг – поддржете кандидат кој ги разбира вашите потреби, кој со своето искуство и посветеност ќе испорача повеќе резултати и веднаш ќе започне со работа – порача Зајкова во објава на Фејсбук.

Таа нагласи дека со поддршката на Герасимовски сака да испрати порака дека Центар заслужува продолжување на проектите кои веќе се започнати, но и реализација на нови решенија во интерес на сите граѓани.

– Затоа давам поддршка за луѓе како Горан, кои ја препознаваат граѓанската визија, имаат искуство и се подготвени да работат посветено за доброто на заедницата. Сега е моментот да избереме резултати, одговорност и отчетност, а не празни ветувања – додаде Зајкова.

The post „СЕГА Е ВРЕМЕ ЗА РЕЗУЛТАТИ, НЕ ЗА ПРАЗНИ ВЕТУВАЊА“ Моника Зајкова со поддршка за Герасимовски во вториот круг appeared first on plusinfo.mk.

Познатиот говорник Чарли Кирк кој беше застрелан во САД во мај оваа година му напишал писмо од 7 страници на израелскиот премиер Бенјамин Нетанјаху со клучна поента дека Израел доживува пораз на информативниот фронт и дека мора итно да ја ревидира својата стратегија.

„Њујорк Пост“ го објави целиот текст на писмото за кое, Нетанјаху, по смртта на Кирк, изјави:

– Тој беше извонреден пријател. Ми испрати писмо на 2 мај, каде што напиша дека една од неговите најголеми радости како христијанин е да застанува во одбрана на Израел и да гради сојузи за заштита на јудео-христијанската цивилизација.

Тој додаде дека го поканил Кирк да го посети Израел неколку недели пред трагедијата, но дека посетата „за жал нема да се случи“.

Што навел Кирк во писмото до Нетанјаху?

„Антиизраелските и антисемитските трендови се на рекордно ниво на социјалните мрежи. Овие негативни чувства потоа се прелеваат на универзитетските кампуси, па дури и се провлекуваат во конзервативната МАГА-заедница“.

Кирк продолжува велејќи дека Израел се урива на социјалните мрежи и ја губи поддршката од младите Американци, па дури и меѓу најверните поддржувачи на Трамп, кое, како што вели, треба да биде аларм од петто ниво за Израел.

„Ме обвинуваат дека сум платен апологет за Израел кога ја бранам оваа држава. Но, кога нема доволно силно да ја бранам, ме нарекуваат антисемит. Знам дека имате војна на 7 фронтови и моето жалење изгледа безначајно во споредба со тоа. Но, се обидувам да ви пренесам дека Израел ја губи поддршката дури и во конзервативните кругови“, додал Кирк.

Притоа го повикал Нетанјаху:

„Да се ангажирате во ефективна медиумска стратегија со која ќе се прикаже Израел како близок сојузник на Америка. Би било силна порака ако израелски авион со Давидова ѕвезда слета во САД со помош по некој ураган“.

Кирк го прашува Нетанјаху и дали Израел понудил некаква помош за американската граница или за „одбранбениот систем што го спомнуваше Трамп?“

„Потрошувачите на социјални мрежи се свесни за милијардите што ги испраќаме кон Израел, но многу помалку се информирани што добиваме за возврат“, заклучил Кирк.

Тој нагласил дека сѐ што е напишано е од љубов кон Израел и кон еврејскиот народ.

„Мислам дека е важно да бидеш брутално искрен со оние што ги сакаш“, вели познатиот говорник и конзревативец чие убиство ги потресе САД и ги разбранува поделбите меѓу поддржувачите на левицата и на десницата.

The post ЈА ГУБИТЕ ПОДДРШКАТА, МУ НАПИШАЛ КИРК НА НЕТАНЈАХУ Позната е содржината на долгото писмо на конзервативниот говорник appeared first on plusinfo.mk.