Обвинителството синоќа поведе постапка против нив  за кривично дело – узурпација на недвижности согласно Кривичниот законик.

Како што е соопштено, двајцата осомничени, на возраст од 45 и 42 години, на особено дрзок начин, со багер урнале дел од оградата на поликлиниката „Бит Пазар“ и почнале да го рамнат и тампонираат земјиштето, кое не било во нивна сопственост, со намера да го претворат во паркинг, иако за тоа немале соодветна дозвола од општината.

„Надлежниот јавен обвинител предложи мерка притвор оценувајќи дека во конкретниот случај постои опасност осомничените да го повторат делото, бидејќи кривично-правните дејствија ги презеле преку исклучителен волунтаризам и самоволие, со нарушување на имотот на објект кој е во општа употреба. Двајцата манифестирале огромна упорност за реализирање на својот потфат и за само два часа успеале да ја урнат оградата и бетонските столбови со цел да овозможат пристап на градежна механизација на локацијата, започнале да носат камиони со тампон и истуриле огромно количество песок за да го тампонираат просторот. Во ноќни услови, на особено фреквентно место од градот, со своите ископувања стигнале до ѕидовите на болницата, при што го загрозиле пристапот до болницата и спроводот на пациентите во итни случаи“, се наведува во соопштението.

Според Обвинитлството, намерата на осомничените била во најкраток можен период за време на викендот да го заокружат криминалниот потфат со ставање сопствена рампа со која во иднина би го узурпирале просторот и би профитирале од наплата на паркинг без дозвола.

„Ова за обвинителството укажува дека тенденцијата на осомничените била и понатаму да се занимаваат со казниви дејствија што го оправдува стравот дека постои опасност тие да го повторат кривичното дело“, се вели во соопштението..

The post ПРИТВОР ЗА ЕДЕН ОД УЗУРПАТОРИТЕ НА ЗЕМЈИШТЕТО КАЈ ПОЛИКЛИНИКА „БИТ ПАЗАР“ Обвинителството поведе постапка за случајот appeared first on plusinfo.mk.

Телевизија Канал 5 побарала информација од директорот на Здравствен дом Скопје, Виктор Исјановски, но тој не знае кој гради и со чија дозвола.

Исјановски пријавил во полиција, но од таму нема реакција.

„Некој сакал да гради противправно без дозвола од општина и од поликлиниката при што оштетил дел од оградата, излезени на лице место полициски службеници од ЕВР Центар и Бит Пазар и известен е дежурен ЈО“, било наведено во пријавата на МВР, објави Канал 5.

фото: Канал 5

The post КОЈ ГРАДИ ВО ТЕМНО И НА ДИВО? Раскопано е околу поликлиниката Бит Пазар appeared first on plusinfo.mk.