Ноќта во Демир Капија почнала со драматична интервенција. Околу 02:00 часот, полицајци од ОВР Неготино привеле 39-годишен жител на градот. Претходно бил пријавен дека во семејниот дом му се заканувал на својот 57-годишен татко и кршел предмети.

При интервенцијата било утврдено дека бил под дејство на алкохол. Кај него биле измерени 1,95 промили алкохол во крвта.

Неколку часа претходно, во Куманово, полицијата го лишила од слобода А.Д.(44).

Според пријавата, тој подолг временски период физички и псих ички ја малтретирал својата 46-годишна сопруга.

Полицијата интервенирала и во Гостивар. Во 11:30 часот бил приведен Р.Џ.(43) од едно гостиварско село. Според пријавата, во семејниот дом физички ја нападнал својата 44-годишна сестра.

Во Скопје, полицајци од Полициската станица Кисела Вода го лишиле од слобода А.Р.(29).Неговата 27-годишна сопруга пријавила дека на подрачјето на Чаир физички ја нападнал.

Во друг случај, во Кавадарци, полицијата разговарала со 38-годишен маж.Тој бил пријавен дека преку социјална мрежа испраќал закани и навреди кон својата 34-годишна сопруга, со која бил во бракоразводна постапка.

Сличен разговор бил извршен и со Н.С.(47) од Скопје. Неговата сопруга, со која подолго време биле разделени, пријавила дека ја следел, ја вознемирувал и ја снимал со мобилен телефон.

Во Тетово бил пријавен и случај во кој 31-годишен маж тврдел дека бил нападнат во своето возило. Според неговата пријава, нападот го извршила неговата 35-годишна невенчана сопруга.

Во Гостивар биле пријавени и два роднински конфликта.75-годишен жител на градот пријавил дека пред семејниот дом бил физички нападнат од роднина. 65-годишен гостиварец, пак, пријавил дека во дворот од домот бил нападнат од друг роднина по претходно недоразбирање.

Во Скопје, 29-годишна жена пријавила дека во семејниот дом на подрачјето на Бит Пазар била физички нападната од својот сопруг Б.Р.(34).

Уште една пријава била поднесена истата вечер. Ѓ.Р.(29) од Скопје пријавил дека во селото Љубанци негов роднина му упатувал закани.

Полицијата соопшти дека се преземаат мерки за расчистување на сите случаи. По целосното документирање, против сторителите ќе бидат поднесени соодветни пријави.

The post БРАН ОД 11 ПРИЈАВИ ЗА СЕМЕЈНО НАСИЛСТВО ВО ЕДНО ДЕНОНОЌИЕ Полицијата приведе четворица, двајца повикани на разговор appeared first on plusinfo.mk.