Жена од Скопје пријавила во полиција дека била физички нападната во својот дом од нејзините два сина од претходниот брак, а инцидентот бил сниман со мобилен телефон.

Според информациите од Министерството за внатрешни работи, случајот бил пријавен на 19 јули 2026 година околу 23:40 часот во СВР Скопје.

„Околу 23:00 часот во домот каде што била со нејзиниот 36-годишен партнер и нејзиното малолетно дете, дошле нејзините два сина од претходниот брак и нивните девојки, по што физички ги нападнале, а настанот го снимиле со мобилен телефон. На заминување ѝ го одзеле и мобилниот телефон“, се наведува во полицискиот билтен.

Во моментот на настанот, во домот се наоѓале и нејзиниот партнер и малолетното дете.

Од МВР информираат дека се преземаат мерки за целосно расчистување на случајот и утврдување на сите околности поврзани со пријавениот инцидент.

The post СКОПЈАНКА ТВРДИ ДЕКА БИЛА НАПАДНАТА ОД СВОИТЕ СИНОВИ Насилството било снимано со мобилен телефон appeared first on plusinfo.mk.

Во семеен дом во скопската населба Гази Баба е пријавен случај на семејно насилство, откако 36-годишен скопјанец пријавил дека бил физички нападнат од својата партнерка.

Според информациите од Министерството за внатрешни работи, на 15 јули 2026 година во 13:30 часот, мажот се обратил во СВР Скопје и пријавил дека претходниот ден во домот бил физички нападнат од неговата партнерка А.П.

Од МВР информираат дека се преземаат мерки и активности за целосно расчистување на случајот, по што ќе бидат донесени соодветни законски мерки.

The post ЈА ПРИЈАВИЛ ПАРТНЕРКАТА ДЕКА ГО НАТЕПАЛА Скопјанец тврди дека бил физички нападнат appeared first on plusinfo.mk.

Жена од скопски Аеродром му нанела расекотина на сопругот фрлајќи остар предмет кон него. Oвој случај е само еден од деветте семејни инциденти што полицијата објави дека ги евидентирала во изминатото деноноќие.

Според пријавата, 40-годишен маж од Скопје во полиција пријавил дека неговата сопруга Н.Ѓ. (42) во нивниот дом  фрлила кон него остар предмет и му нанела повреда на раката. Случајот се расчистува.

Во Кавадарци, пак, полицијата привела 37-годишна жена која физички ја нападнала својата 57-годишна мајка и ѝ упатувала закани. При проверката било утврдено дека била под дејство на алкохол, со измерени 1,02 промили.

Во Куманово бил лишен од слобода 71-годишен маж поради напад врз својата 50-годишна сопруга, додека во Дебар бил приведен 58-годишник кој бил агресивен кон својата мајка.

Во Штип полицијата уапсила 30-годишен маж по пријава дека физички ја нападнал својата 24-годишна партнерка, а во Пехчево бил приведен 50-годишен жител кој, според пријавата, ја нападнал сопругата и ѝ упатувал закани.

Во Скопје, на подрачјето на Центар, бил лишен од слобода 42-годишен маж поради закани кон неговиот чичко и членовите на неговото семејство.

Семеен инцидент бил пријавен и во Ранковце, каде жител на едно село физички ја нападнал својата мајка.

Полицијата постапувала и по пријава за конфликт меѓу партнери на „Јадранска магистрала“ во Скопје. Триесет и тригодишна жена пријавила дека била нападната од својот партнер од Косово додека се движеле со автомобил, а и тој возвратил со пријава дека бил физички нападнат од неа.

The post ФРЛИЛА ОСТАР ПРЕДМЕТ КОН СОПРУГОТ И МУ ЈА РАСЕКЛА РАКАТА Девет семејни инциденти за само 24 часа appeared first on plusinfo.mk.

Дваесетгодишен возач бил лишен од слобода откако со четирицикл излетал од локален пат помеѓу охридските села Горно и Долно Коњско, а 16-годишна сопатничка завршила со тешки повреди.

Несреќата се случила на 24 јуни, а девојчето од селото Марино, општина Илинден, било пренесено во болницата „Св. Еразмо“ во Охрид, каде лекарите констатирале тешки телесни повреди.

По извршениот увид, полицијата утврдила дека четирициклот го управувал И.П.(20) од кривопаланечкото село Узем и дека воопшто немал возачка дозвола.

Поради тоа, тој бил лишен од слобода по налог на јавен обвинител. Екипа на СВР Охрид извршила увид на местото на несреќата.

The post ЧЕТИРИЦИКЛ ИЗЛЕТАЛ ВО ОХРИДСКО, ДЕВОЈЧЕ Е ТЕШКО ПОВРЕДЕНО Mладиот возач немал дозвола, завршил во станица appeared first on plusinfo.mk.

Во последното деноноќие полицијата евидентирала шест случаи на семејно насилство низ земјава, при што едно лице е лишено од слобода, а во неколку од случаите жртви биле жени, малолетно девојче и повозрасен маж.

Најсериозниот случај завршил со апсење во Тетово.

На 12 јуни во 20:30 часот, полициски службеници од Одделението за криминалистичка полиција при СВР Тетово го лишиле од слобода Б.А. (37) од Тетово, постапувајќи по пријава од неговата поранешна 40-годишна партнерка од тетовско.

Според пријавеното, по прекинувањето на нивната врска во април годинава, тој континуирано ја следел низ градот и телефонски ја вознемирувал од различни броеви. Откако таа одбила да ја обнови врската, почнал да ѝ упатува закани не само нејзе, туку и на членовите на нејзиното семејство.

Во Скопје, 28-годишна жена пријавила дека околу 09:50 часот на подрачјето на Центар, нејзината 56-годишна свекрва С.О. го оштетила нивното возило „Пежо Боксер“, а потоа со употреба на физичка сила ја извлекла од автомобилот и ја турнала на земја. Жената се здобила со тешка телесна повреда, констатирана во ЈЗУ „Св. Наум Охридски“.

Полицијата извршила службен разговор и со Ѓ.А.К. (53) и А.А.Р. (56), откако било пријавено дека на 10 јуни околу 23 часот во семеен дом на Бит Пазар физички ја нападнале својата 16-годишна ќерка и внука. Според пријавата, малолетничката и претходно била физички и психички малтретирана од нејзината мајка, но случаите досега не биле пријавувани.

Во друг случај, 37-годишен скопјанец пријавил дека неговата тетка А.Н. му упатувала закани пред станот на Бит Пазар и се обидела насилно да влезе во домот. Кога не успеала, истурила боја пред влезната врата. За случајот е известен јавен обвинител.

Триесет и четиригодишна жена од скопско пријавила дека околу 19 часот била физички нападната од нејзиниот сопруг С.Ш., иако веќе подолг период не живеат заедно.

Последниот случај бил пријавен од 71-годишен маж, кој информирал дека поради нерасчистени имотно-правни односи бил физички нападнат од својот 42-годишен внук С.О. на подрачјето на Кисела Вода.

Од Министерството за внатрешни работи информираат дека се преземаат мерки за целосно расчистување на сите случаи и дека по нивното документирање ќе бидат поднесени соодветни пријави против сторителите.

The post СВЕКРВА ЈА ИЗВЛЕКЛА СНААТА ОД ВОЗИЛО И ЈА ТУРНАЛА НА ЗЕМЈА Полицијата интервенирала во шест случаи за само 24 часаслучаи appeared first on plusinfo.mk.

Тројца се повредени при судар на мотоцикл и патничко возило што се случил на крстосница од улиците Васил Ѓорѓов и Народен фронт во Скопје, ноќеска после полноќ.

Како што соопшти полицијата, на 13.05.2026 во 00:30 часот во СВР Скопје е пријавено дека на крстосница од улиците Васил Ѓорѓов и Народен фронт во Скопје се случила сообраќајна несреќа помеѓу патничко возило „дачиа“ со италијански национални ознаки, управувано од Џ.Ч.(27) од Италија, со привремен престој во Скопје и мотоцикл „кавасаки“ со скопски регистарски ознаки, управуван од Х.А.(23) од Скопје.

Во несреќата со тешки телесни повреди се здобил мотоциклистот, додека со телесни повреди се здобиле возачот на патничкото возило „дачиа“ и неговиот сопатник И.А.(27) од Скопје. Повредите биле констатирани во Ургентен центар при комплекс клиники „Мајка Тереза“ Скопје и во Јавна здравствена установа „Св. Наум Охридски“ Скопје.

По наредба на јавен обвинител, Џ.Ч. е лишен од слобода во врска со член 300 од Кривичниот законик. Увид извршила увидна екипа на СВР Скопје.

The post ТРОЈЦА ПОВРЕДЕНИ ПРИ СУДАР ВО СКОПЈЕ Приведен е италијански државјанин appeared first on plusinfo.mk.

Скопјанка е тешко повредена откако паднала во шахта на булеварот Партизански одреди во Скопје.

Како што соопшти полицијата, на 12.05.2026 во 16:15 часот во СВР Скопје, од Ургентен центар при комплекс клиники „Мајка Тереза“било пријавено дека кај нив со тешки телесни повреди била донесена С.Д.(47) од Скопје.

Според пријавеното, таа се здобила со повредите при пад во шахта на булеварот. Извршен бил увид на местото.

The post СКОПЈАНКА ПАДНАЛА ВО ШАХТА НА ПАРТИЗАНСКА Добила тешки повреди appeared first on plusinfo.mk.

Седум лица се приведени, а со уште две се извршени службени разговори поради семејно насилство во текот на изминатото деноноќие во повеќе градови низ Македонија. Полицијата регистрирала вкупно десет пријави во Скопје, Охрид, Тетово, Куманово, Струмица, Прилеп, Кавадарци и Велес.

Во Скопје, 42-годишен маж бил уапсен откако, според пријавата, ја нападнал својата сопруга во домот во општина Аеродром. Жената пријавила дека и претходно била физички и психички малтретирана.

Во охридско, полицијата привела 44-годишен маж откако физички го нападнал нивниот 10-годишен син, иако претходно имал изречени заштитни мерки со забрана за насилство кон семејството. Според пријавата, тој и порано се заканувал на сопругата и нејзината мајка. Во уште два одделни случаи во Охрид биле извршени службени разговори со мажи на возраст од 37 и 60 години, по пријави дека физички ги нападнале сопругите.

Во Тетово бил приведен 39-годишник од гостиварско село, кој агресивно се однесувал и ја вознемирувал сопругата во стан. Тој е задржан во полициска станица.

Во Струмица бил уапсен 29-годишник, пријавен дека пред неколку дена ја нападнал сопругата во семејниот дом. За случајот е известен јавен обвинител.

Во прилепско село, жена пријавила дека била нападната од сопругот со тврд предмет во нивниот дом, по што се преземаат мерки за расчистување на случајот.

Во Кавадарци бил приведен 19-годишник кој, според пријавата, во повеќе наврати се заканувал на неговата поранешна малолетна девојка.

Во Велес бил уапсен 57-годишен маж по пријава од сопругата дека физички ја нападнал, а подолг период ја малтретирал и неа и нивните деца.

Во Куманово, пак, полицијата привела 50-годишна жена која, според пријавата од сопругот, физички го нападнала во семејниот дом.

Од полицијата информираат дека се преземаат мерки за целосно расчистување на сите случаи и дека против сторителите ќе бидат поднесени соодветни пријави.

The post СЕМЕЈНО НАСИЛСТВО ВО ПОВЕЌЕ ГРАДОВИ Седуммина приведени поради напади врз сопруги и деца appeared first on plusinfo.mk.

Според полицискиот билтен, на 23.03.2026 во 16:30 часот во охридско село, полициски службеници од СВР Охрид го лишиле од слобода А.П.(54). Тој бил пријавен дека на 21.03.2026 во семејниот дом физички ја нападнал неговата 76-годишна мајка, при што употребил и тврд предмет.

На 23.03.2026 во СВР Охрид, полициски службеници извршија службен разговор со А.Т.(29) од Битола, со престој во охридско село,. Тој околу 13:30 часот во семејниот дом физички ја нападнал неговата 27-годишна вонбрачна партнерка.

На 23.03.2026 во 21:45 часот во СВР Битола, 24-годишна битолчанка пријавила дека во семејниот дом била физички нападната од нејзиниот сопруг Д.А..

На 23.03.2026 во 20:35 часот, полициски службеници од СВР Куманово го лишија од слобода Џ.А (59) од Куманово затоа што физички ја нападнал неговата 63-годишна сопруга.

На 23.03.2026 во 18:00 часот, полициски службеници од СВР Куманово го лишија од слобода Б.А.(38) од кумановско село затоа што физички го нападнал неговиот малолетен син.

На 23.03.2026 во 21:20 часот во СВР Скопје, 41-годишна жена од Скопје пријавила дека околу 20:30 часот во продажен објект на подрачјето на Бит-пазар, на нејзината 17-годишна ќерка ѝ биле упатени закани од нејзиниот поранешен партнер В.Б.(20), а откако  излегла од објектот ѝ покажал дека носи огнено оружје. Според пријавеното, тој и претходно ѝ се заканувал и ја присилувал да биде со него.

На 24.03.2026 во 06:30 часот во СВР Скопје, 50-годишна жена пријавила дека на 23.03.2026 околу 23:00 часот во домот на подрачјето на општина Аеродром била физички нападната од нејзината ќерка А.М.К.(21), која претходно агресивно се однесувала и растурила дел од покуќнината.

На 23.03.2026 во 14:30 часот во СВР Скопје, 43-годишна жена пријавила дека на 21.03.2026 околу 18 часот во домот на подрачјето на Бит-пазар била физички нападната од нејзиниот сопруг И.К.(42) од Скопје, кој ѝ го одзел мобилниот телефон.

На 23.03.2026 во 21:00 часот, полициски службеници од СВР Скопје го лишија од слобода А.Б.(47) од Скопје, постапувајќи по претходна пријава дека околу 14:40 часот во домот се заканувал на неговата 66-годишна мајка, откако не му го дала мобилниот телефон. Според пријавеното, тој и претходно ѝ се заканувал на неговата мајка, и ѝ оштетил неколку телефони.

На 23.03.2026 во 17 часот во Полициската станица Кисела Вода, полициски службеници од СВР Скопје го лишија од слобода З.М.(51) од Скопје затоа што на 22.03.2026 во домот во Скопско упатил закани на неговата 47-годишна сопруга и нејзините родители. Според пријавеното, тој и претходно ѝ се заканувал на сопругата.

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

The post СО ПИШТОЛ Ѝ СЕ ЗАКАНУВАЛ ДА МУ БИДЕ ДЕВОЈКА Син ѝ искршил неколку мобилни телефони на мајка си appeared first on plusinfo.mk.

Три лица се приведени за семејно насилство, а во изминатите 24 часа се евидентирани вкупно седум пријави за напади врз партнери и членови на семејството, информираше Министерството за внатрешни работи.

Најтежок случај е пријавен во Скопје, каде 48-годишна жена тврди дека нејзиниот сопруг ја оттурнал по скалите во нивниот дом. Таа завршила на лекување во Комплексот клиники „Мајка Тереза“, а за случајот е известен јавен обвинител и се работи на негово расчистување.

Во Гостиварско, полицијата привела 43-годишен маж откако сопругата пријавила дека ја нападнал во домот. Во Неготино, пак, 73-годишник бил уапсен бидејќи ја тепал сопругата со тврд предмет и ѝ се заканувал на нивната ќерка. Полицијата утврдила дека бил под дејство на алкохол.

Во Скопје е приведен и 37-годишник, пријавен од неговата 19-годишна партнерка дека ја нападнал и ѝ се заканувал.

Покрај овие случаи, пријави за насилство има и во Гевгелија, Струмица и повторно во Скопје, каде жени пријавиле физички напади од нивните сопрузи во семејните домови.

Од МВР велат дека сите случаи се расчистуваат и најавуваат соодветни кривични пријави.

The post ЈА ФРЛИЛ ПО СКАЛИ, ЈА ТЕПАЛ СО ПРЕДМЕТ Серија брутални напади низ Македонија, уапсени три лица appeared first on plusinfo.mk.