Три лица загинаа во трагичен инцидент во градот Угарчин во Бугарија, во објект за сместување на лица во тешка социјална положба.

Според првичните информации од истрагата, на крвавиот настан му претходела жестока расправија која наводно била поврзана со нарушени односи и љубовен триаголник.

Истражителите наведуваат дека маж, кој и претходно бил познат на полицијата, нападнал со нож маж и повозрасна жена. Двајцата починале од здобиените повреди.

Девојчето се обидело да се спаси

Во моментите на хаосот во објектот се наоѓало и 15-годишно девојче. Според информациите од истрагата, таа во обид да избега од опасноста скокнала од терасата на зградата.

Кај неа не биле пронајдени траги на физичко насилство, но починала од тешките повреди здобиени при падот.

Едно лице е приведено

По пријавата, на местото веднаш пристигнале полициски и медицински екипи.

Еден осомничен е приведен и се наоѓа во полициски притвор, додека истрагата треба да ги утврди точните околности и мотивите за трагедијата.

Локалните власти соопштија дека објектот функционирал како дом за лица кои се соочуваат со тешки животни и социјални околности.

The post КРВАВА ДРАМА ВО БУГАРИЈА ЗАВРШИЛА СО СКОК ОД ТЕРАСА Тројца загинаа, причината е љубовен триаголник? appeared first on plusinfo.mk.

Крвава пресметка меѓу мигранти предизвика хаос на Тајмс Сквер во Њујорк, откако на еден маж му бил пресечен гркланот, додека 17-годишен тинејџер отворил оган кон групата, пренесува Индекс.

Настанот повторно ја отвори дебатата за безбедноста на Тајмс Сквер, една од најпосетените туристички локации во светот.

Инцидентот се случил околу 15:30 часот по локално време на Бродвеј, една од најпрометните локации во светот.

Според њујоршката полиција, сè започнало со судир меѓу поголема група мигранти. За време на пресметката, 26-годишен маж бил тешко повреден откако му бил пресечен гркланот.

Кратко потоа, 17-годишен мигрант извадил оружје и почнал да пука кон истата група луѓе. Осомничениот е приведен, но засега не се соопштени обвиненијата против него.

EarthCam’s Times Square cameras captured today’s shooting incident and the immediate crowd response in the heart of New York City. pic.twitter.com/2ycU02zhZT

— EarthCam (@EarthCam) June 18, 2026

Набргу следувало и второ пукање во близина на местото на инцидентот.

И покрај драматичните сцени, полицијата соопшти дека никој не бил погоден во двете престрелки. Повредениот маж бил пренесен во болница и се наоѓа во стабилна состојба.

„Само легнав на подот“

Звуците од истрелите предизвикале масовна паника меѓу туристите и минувачите.

Луѓе трчале во сите правци барајќи засолниште, додека дел од нив влегувале во ресторани и продавници за да се скријат.

– Звучеше како да се крши стакло затоа што луѓето панично влегуваа внатре – изјавил сведокот Мајкл Рид.

Друг очевидец, Ајдан Спенсер, раскажал дека децата лежеле на подот додека луѓето барале засолниште.

– Беше многу гласно. Како да беше веднаш зад мене. Само легнав на подот – рекол тој.

Потрага по уште осомничени

Десетици полицајци пристигнале на местото на настанот и започнале истрага.

Истражителите прегледуваат автомобил „Хјундаи“, чиј сопственик пријавил дека возилото било погодено за време на хаосот.

A 17-year-old firing shots into the middle of a crowded Times Square…also one of the largest “Gun Free Zones” in the nation. Police recovered a weapon and took the teen into custody. pic.twitter.com/zcfVdppoF1

— Guns&Gadgets (@Guns_Gadgets) June 19, 2026

На местото било пронајдено и оружје, а полицијата трага по уште неколку лица кои би можеле да бидат поврзани со инцидентот.

Втор инцидент од февруари

Во февруари годинава турист беше убиен во сличен инцидент, кога тинејџер мигрант отвори оган во близина на плоштадот.

По тој случај, властите го засилија полициското присуство и воведоа дополнителни безбедносни проверки во делови од метрото.

The post 📽️ ПРЕСЕЧЕН ГРКЛАН И ПУКАЊЕ НА ТАЈМС СКВЕР Мигранти се пресметаа во туристичкото срце на Њујорк appeared first on plusinfo.mk.

Три малолетни деца – 15-годишно девојче и нејзините двајца браќа на возраст од 12 и 9 години – биле пронајдени без реакција на допир на улицата Професор Мијалковиќ во Куманово, информираа денеска од СВР Куманово.

Според полицијата, случајот бил пријавен вчера околу 10:40 часот. По добиената пријава, децата веднаш биле пренесени во Општата болница во Куманово, каде што им била укажана лекарска помош.

Според првичните сознанија, постои сомнение дека малолетниците се затруле по вдишување лепак, но точните околности и причините за нивната состојба сè уште се утврдуваат.

Од СВР Куманово информираат дека се преземаат мерки за целосно расчистување на случајот.

The post СОМНЕЖ ЗА ВДИШУВАЊЕ ЛЕПАК Три деца пронајдени во бессознание во Куманово appeared first on plusinfo.mk.

Триесет и шестгодишен жител на скопско пријавил во полиција дека бил физички нападнат, а потоа и грабнат и однесен на друга локација.

Според информациите од Министерството за внатрешни работи, Д.Е. пријавил дека околу 14 часот на подрачјето на Карпош, додека се движел со патничко возило „мерцедес“, бил пресретнат од три патнички возила.

Како што навел во пријавата, едно од лицата, идентификувано како Р.Б., физички го нападнало и му нанело тешки телесни повреди. Потоа, според неговите тврдења, бил внесен во едно од возилата и однесен најпрво на автоплац во Карпош, а потоа бил оставен во селото Шишево.

Од МВР информираат дека се преземаат мерки и активности за целосно расчистување на случајот и утврдување на сите околности поврзани со настанот.

The post „МЕ НАПАДНАА, МЕ ВНЕСОА ВО ВОЗИЛО И МЕ ОДНЕСОА“ Скопјанец тврди дека бил тепан, грабнат и оставен во Шишево appeared first on plusinfo.mk.

Осумдесетгодишен жител на гевгелиско се соочува со кривична пријава под сомнение дека извршил полови дејствија врз 14-годишно дете во валандовско село.

Од Министерството за внатрешни работи информираа дека Надворешната канцеларија за криминалистички работи Валандово поднела кривична пријава против Р.Ј. (80) од гевгелиско, поради основано сомнение за сторено кривично дело „силување на дете кое не наполнило 15 години“.

Според информациите од полицијата, на 31 мај годинава во село во валандовскиот регион, пријавениот извршил полови дејствија врз 14-годишник од истото подрачје.

За случајот е известено надлежното обвинителство, а против осомничениот е поднесена кривична пријава. Надлежните институции продолжуваат со преземање мерки за целосно расчистување на случајот.

The post 80-ГОДИШЕН МАЖ СИЛУВАЛ 14-ГОДИШНО ДЕТЕ Вознемирувачки случај во Валандовско, кривична за осомничениот appeared first on plusinfo.mk.

Дваесет и двегодишна скопјанка пријавила во полиција дека била физички нападната на своето работно место во здравствена установа во општина Аеродром.

Според информациите од Министерството за внатрешни работи, на 2 јуни во 13:30 часот во СВР Скопје, З.Х. (22) од Скопје пријавила дека ден претходно, на 1 јуни, по претходно недоразбирање, лицето З.Ј. агресивно се однесувало кон неа и физички ја нападнало.

Инцидентот, како што е наведено во пријавата, се случил во здравствена установа на подрачјето на општина Аеродром.

Од МВР информираат дека се преземаат мерки и активности за целосно расчистување на случајот.

The post ИНЦИДЕНТ ВО ЗДРАВСТВЕНА УСТАНОВА ВО АЕРОДРОМ Вработена пријавила агресивно однесување и физички напад appeared first on plusinfo.mk.

Страшно убиство го потресе Белград откако 26-годишен маж е осомничен дека со секира усмртил 92-годишен старец во семејна куќа во центарот на градот.

Трагедијата се случила утрово околу 7 часот во куќа која се наоѓа зад старата зграда на БИП, кога полицијата добила пријава за убиство.

Според српските медиуми, осомничениот бил уапсен веднаш по пристигнувањето на полицијата, а осомничениот признал „Убив човек со секира“.

Екипа на Итната помош пристигнала на местото на настанот, но лекарите можеле само да ја констатираат смртта на постариот маж.

 

View this post on Instagram

 

A post shared by Mladen Mijatović (@mmijatovic_official)

Првичните информации од истрагата укажуваат дека жртвата во моментот на нападот лежела во кревет и била во беспомошна состојба. Станува збор за лице со оштетен вид, кое, според неофицијалните информации, било нападнато со удар од секира во пределот на главата.

Дополнителен шок предизвика сознанието дека осомничениот и жртвата биле во роднинска врска. Убиениот старец бил очув на таткото на 26-годишникот.

Мотивот за злосторството засега не е познат. Според медиумските извештаи, осомничениот по апсењето не давал објаснување за причините кои довеле до крвавиот напад.

Таткото на осомничениот изјавил дека неговиот син во последните денови се однесувал необично, но дека никој не можел да претпостави дека ќе се случи ваква трагедија.

Пред куќата и понатаму е присутен голем број полициски службеници, додека истражителите собираат докази и ги утврдуваат сите околности под кои се случило убиството.

Соседите велат дека се шокирани од настанот и не можат да поверуваат дека жртва на ваков напад станал немоќен старец кој не бил во состојба да се одбрани.

Истрагата е во тек, објавуваат српските медиуми.

The post 📽️ ГО УДИРАЛ СО СЕКИРА ПО ГЛАВА ДОДЕКА ЛЕЖЕЛ ВО КРЕВЕТ Морничаво признание по злосторството во Белград appeared first on plusinfo.mk.

Ужасен инцидент е снимен на мост во кинеската провинција Гуангдонг, каде што татко го зграпчил своето дете и го фрлил во река за време на расправија со сопругата, објавува „The Sun“.

Снимката прикажува маж и жена во жестока расправија, додека нивните две мали деца се во близина.

Одеднаш, мажот зграпчува едно од малите деца и го фрла преку оградата на мостот во водата. Детето веднаш исчезнува под површината.

Мајката останува замрзната во шок неколку секунди, потоа скока преку оградата и скока во реката, обидувајќи се да доплива до детето и да го спаси.

Сфаќајќи што направил, таткото исто така скока во водата. На мостот, друго дете вреска од страв додека ги гледа драматичните сцени што се одвиваат во негова близина.

Според локалните извештаи, двојката застанала на мостот кога нивната расправија почнала да излегува од контрола. Шокираните минувачи брзо побрзале да помогнат кога сфатиле што се случило.

Сведоците велат дека мајката, таткото и детето се бореле да останат на површина неколку минути пред некој да им фрли парче од трупец за да се фатат за него.

Тие биле безбедно извлечени на брегот, а сè уште не е познато дали полицијата ќе го истражи шокантниот инцидент.

A man in Chaozhou, Guangdong, threw his child into a river over a family dispute and has been detained by police. pic.twitter.com/eLwiv6He31

— 中華新聞 China News (@ZhonghuaNews_) February 23, 2026

The post 📽️ ТАТКО ВО БЕС ГО ФРЛИЛ ДЕТЕТО ОД МОСТ Шокантна сцена по семејна кавга appeared first on plusinfo.mk.

84-годишна жена од Битола останала без 9.600 евра откако била измамена од лице кое лажно се претставило како лекар и ја довело во заблуда дека нејзината ќерка е тешко повредена.

Како што информираат од СВР Битола, случајот бил пријавен на 25 февруари околу 16 часот. Според пријавата, измамникот телефонски ја контактирал жената и ѝ рекол дека нејзината ќерка има скршеници и итно ѝ е потребна операција, за која мора веднаш да се платат пари.

Во паника и страв за здравјето на ќерката, битолчанката ги предала парите на лице кое дошло пред нејзината зграда. Подоцна, кога се слушнала со ќерката, сфатила дека станува збор за измама и случајот го пријавила во полиција.

Од МВР велат дека се преземаат мерки за расчистување на случајот.

The post ЌЕРКА ВИ Е ТЕШКО ПОВРЕДЕНА, Ѝ РЕКОЛ ЛАЖНИОТ ЛЕКАР Пензионерка од Битола предала 9.600 евра на измамник appeared first on plusinfo.mk.

Бугарските власти истражуваат убиство на шест лица поврзани со еколошка невладина организација, а полицијата соопшти дека истражува неколку верзии за настаните, вклучувајќи ја и можноста убиствата да биле поврзани со култ.

На почетокот на февруари, полицијата пријави убиство на три лица во планинска куќа во сопственост на невладина организација, која се наоѓа во близина на превојот Петрохан, објавија бугарските медиуми.

Во тоа време, беше издадена потерница за тројца осомничени, вклучувајќи го директорот на организацијата и сопственикот на куќата, Ивајло Калушев, кој, според полицијата, избегал од местото на злосторството.

Според бугарските медиуми денеска, Калушев, 15-годишно момче, и 22-годишен маж биле пронајдени убиени во камп приколка во шумата, а случајно биле откриени од овчар.

На местото на настанот моментално се во тек истражни дејствија, а полицијата го опколила подрачјето.

Претходно, вршителот на должноста главен обвинител на Бугарија, Борислав Сарафов, ги презентираше деталите од истрагата за инцидентот во „колибата на ужасите“, споредувајќи го со американската ТВ серија „Твин Пикс“.

– Работам како истражител и обвинител 31 година и видов многу, но она што го гледам сега дефинитивно ме шокира. Покрај тоа, бев шокиран не само од убиството, туку и од активностите на невладина организација која, очигледно, се обидела да ја преземе работата на државните органи, но дејствувала во свои интереси – рече претходно Сарафов.

Тој нагласи дека не можел да претпостави дека нешто вакво постои.

На 4 февруари, полицијата потврди дека три тела со прострелни рани се пронајдени во близина на колибата во близина на Петрохан. Според податоците од обдукцијата, се претпоставува дека поминале помеѓу 12 и 18 часа помеѓу убиството и откривањето на телата на трите жртви.

Голем број огнено оружје е пронајдено во колибата, која е речиси целосно изгорена. Колибата инаку била силно обезбедена – огради, бариери, безбедносни камери и опрема за надзор, вклучувајќи дронови.

Мажите што живееле таму тврделе дека „ја штитат шумата и животната средина“, честопати ги запирале туристите и локалното население, барајќи лична карта и ограничувајќи го пристапот до областа.

Истражителите се сомневаат дека еколошката невладина организација што ја поседувала колибата е поврзана со култ во кој се вклучени тинејџери и деца.

The post СЕКТА, КОЛИБА И 6 ТЕЛА Бугарија во хорор-истрага што ги шокира обвинителите appeared first on plusinfo.mk.