Четириесет и двегодишен жител на Виница е приведен под сомнение дека физички ги нападнал својата сестра, внуката и таткото.

Инцидентот се случил вчера во семејниот дом, по што полицијата интервенирала и го привела осомничениот.

По целосното документирање на случајот против него ќе биде поднесена соодветна кривична пријава.

The post ГИ НАПАДНАЛ СЕСТРАТА, ВНУКАТА И ТАТКОТО Приведен 42-годишен жител на Виница appeared first on plusinfo.mk.

Маж кој се претставувал како вработен во државна институција вчера во две продавници во скопската населба Центар барал бесплатно да добие производи.

Според пријавата, кога вработените и сопствениците одбиле да му дадат стока без надомест, почнал да им упатува закани.

Полицијата работи на идентификување на лицето и на целосно расчистување на случајот.

The post ЛАЖНО СЕ ПРЕТСТАВУВАЛ КАКО ДРЖАВЕН СЛУЖБЕНИК Барал бесплатни производи од продавници appeared first on plusinfo.mk.

Дваесет и двегодишна жена од Гостивар пријавила дека подолг период била изложена на физичко и психичко насилство од нејзиниот партнер.

Според пријавата, пред три години тој ѝ нанел тешка телесна повреда, а пред една недела повторно физички ја нападнал и упатил закани кон неа и нејзин пријател.

По судска наредба, полицијата извршила претрес во домот на осомничениот, при што била пронајдена ловечка пушка што му припаѓала на неговиот починат татко.

Случајот се расчистува, а против осомничениот ќе бидат преземени соодветни законски мерки.

The post ГОСТИВАРКА ПРИЈАВИЛА ДОЛГОГОДИШНО НАСИЛСТВО Полицијата пронашла ловечка пушка во домот на осомничениот appeared first on plusinfo.mk.

Петмина членови на две семејства кои живеат во иста куќа во Тетово се приведени по меѓусебна физичка пресметка што избувнала синоќа. Според полицијата, расправијата започнала како вербален конфликт, а потоа прераснала во тепачка. Во еден момент, 42-годишен маж со метален предмет нападнал тројца свои роднини и им нанел повреди.

Приведените се задржани во полициска станица, а по целосното расчистување на случајот ќе следуваат соодветни пријави.

The post ДВЕ СЕМЕЈСТВА, ЕДНА КУЌА И ПЕТМИНА ПРИВЕДЕНИ ВО ТЕПАЧКА Роднинска расправија во Тетово прераснала во драма appeared first on plusinfo.mk.

Триесет и тригодишен државјанин на Чиле пријавил дека синоќа бил физички нападнат во скопската населба Центар.

Според неговата пријава, нападот се случил околу 23 часот, а го нападнале две лица, при што едното употребило тврд предмет.

Полицијата презема мерки за пронаоѓање на напаѓачите и за расчистување на случајот.

The post ДВАЈЦА НАТЕПАЛЕ ЧИЛЕАНЕЦ ВО ЦЕНТАРОТ НА СКОПЈЕ Едниот го удирал со тврд предмет appeared first on plusinfo.mk.

На градилиште на улицата Тодор Циповски Мерџан во Тетово, вчера попладне се уапсени 12 државјани на Република Бугарија, на возраст меѓу 34 и 66 години, кои работеле во зградата во изградба, соопшти тетовската полиција.

При проверките било утврдено дека лицата имале нерегулиран и непријавен престој на територијата на државата.

„Кај лицата е утврдено нерегуларно и непријавено дејствување на ова подрачје. Тие се приведени во Полициската станица Тетово за понатамошна постапка и против нив ќе бидат поднесени соодветни пријави согласно Законот за странци“, се вели во соопштението.

The post ПРИВЕДЕНИ 12 БУГАРСКИ ДРЖАВЈАНИ ВО ТЕТОВО Работеле без регулиран престој во Македонија appeared first on plusinfo.mk.

Поради сомнение дека се обидел да изврши кривично дело „измама“, 45-годишниот скопјанец Н.Д. бил лишен од слобода во Крива Паланка, соопштија денеска од Министерството за внатрешни работи.

– Претходно, едно лице ѝ се јавило телефонски на повозрасна жена од Крива Паланка. Се претставило како лекар од Италија. Ја известило дека нејзината ќерка паднала во Италија и се здобила со повеќе скршеници на нога и вилица и дека ќе треба да даде 35.000 евра за да ѝ биде направена операција. Бидејќи немала толку пари, се договорила со него да ги даде сите пари што ги има дома, но, во меѓувреме, се јавила на зет ѝ кој ја советувал да се јави на полиција, по што полициски службеници го затекнале лицето и го лишиле од слобода во близина на нејзиниот дом – информираа од МВР.

Скопјанецот бил задржан во полициска станица.

Од МВР додадоа дека по целосно документирање на случајот, против него ќе биде поднесена соодветна пријава.

The post УАПСЕН СКОПЈАНЕЦ ЗА ОБИД ЗА ИЗМАМА Се претставил како лекар од Италија appeared first on plusinfo.mk.

Наводно вербално дофрлање на улица било повод за жестока пресметка меѓу возач на комбе и случаен минувач во главниот град на Турција, јавуваат локалните медиуми. Во инцидентот, кој предизвикал паника меѓу присутните граѓани, биле употребени тврди предмети и оружје, а две лица се здобиле со повреди.

Инцидентот се случил во населбата Меркез, во близина на познатиот Вторнички пазар во општината Пурсаклар во Анкара.

Според првичните информации од истрагата, конфликтот започнал по кратка вербална расправија, која за неколку секунди прераснала во физичка пресметка.

На снимките што се појавија на социјалните мрежи се гледа како возачот на комбето држи пиштол и се расправа со друг маж на улица.

Ситуацијата дополнително ескалирала кога возачот влегол во возилото, по што другиот учесник успеал да му го одземе пиштолот. Возачот потоа зел предмет што наликува на бејзбол палка и почнал да удира.

Во обид да се одбрани, другиот маж испукал неколку истрели од непосредна близина кон возачот. И покрај тоа, физичката пресметка продолжила, а двајцата размениле повеќе удари.

Полицијата брзо интервенирала и ја ставила ситуацијата под контрола. Според првичните информации, оружјето што било употребено било сигнален пиштол, поради што немало смртни последици. Од полицијата не споделија информација кој е сопственикот на оружјето.

Двајцата учесници во инцидентот се здобиле со телесни повреди, им била укажана медицинска помош и потоа биле приведени.

Обвинителството во Анкара отвори истрага за нарушување на јавниот ред и мир и за нанесување телесни повреди.

 

View this post on Instagram

 

A post shared by Plusinfo.mk (@plusinfo.mk)

The post 📽️ ХАОС НА УЛИЦИТЕ НА АНКАРА Вербална расправија заврши со пукотници и крв на улица appeared first on plusinfo.mk.

Скопјанец удрил во мотоциклист, а откако тој паднал од моторот удирал во неговиот мотор неколку пати, соопшти полицијата.

Како што е наведено во полицискиот билтен, на 23.06.2026 во 18:20 часот во СВР Скопје е пријавено дека на улицата Рилски конгрес во Скопје, по претходно недоразбирање во сообраќајот, едно лице кое управувало патничко возило „пежо“ со скопски регистарски ознаки удрило во мотоцикл управуван од Г.Н.(29) од Скопско.

Од ударот тој паднал, а откако се подигнал, според пријавеното, возачот на „пежото“ го придвижил возилото и неколку пати удрил во мотоциклот, како и во патничко возило „цитроен“ со скопски регистарски ознаки, сопственост на В.О.(44). Потоа, Г.Н. се фатил за предната врата на „пежото“, но тоа продолжило да се движи и да го влече неколку метри, по што Г.Н. паднал, а лицето со возилото го напуштило местото на настанот.

Г.Н. бил пренесен во Комплексот клиники Мајка Тереза за укажување на лекарска помош.

The post ГО ВЛЕЧЕЛ СО ВОЗИЛО НЕКОЛКУ МЕТРИ И ИЗБЕГАЛ Моторџијата паднал, возачот на „пежото“ удирал во моторот appeared first on plusinfo.mk.

Министерот за внатрешни работи, Панче Тошковски, од собраниската говорница одговори на интерпелацијата за неговата работа поднесена од политичката партија „Левица“. Тој истакна дека во изминатите две години е континуирано напаѓан од коалиција меѓу ДУИ, Левица и СДСМ.

– Не се напаѓа оној што не работи, не се троши толкава енергија за оној што не менува, туку само за оној што менува нешто, а токму тоа и најмногу ве боли. Најбитно од сѐ, вас ве боли тоа што македонските граѓани конечно гледаат надеж дека во Македонија конечно нешто може да се смени на подобро – рече Тошковски пред пратениците.

Тошковски на почетокот од своето обраќање ги повика пратениците во салата да оддадат почит со едноминутно молчење за починатиот градоначалник Јовица Илиевски. Во продолжение, тој подвлече дека ова е трета интерпелација против него и ја нарече историска за период од само две години власт.

– Ова е трета интерпелација за период од две години што е побарана од мене. Мислам дека е историска, не верувам дека досега имало три интерпелации, особено не за две години власт и сакам јавно да истакнам дека тоа е демократско право на опозицијата и го почитувам и лично ќе одговорам на се она што ценам дека сум должен. И кога ќе се прочита интерпелацијата може да се заклучи дека напишанто и кажаното е контрадикторно само по себе. Зборевте за се, само не за тоа што јас го работам денеска и тоа за што треба да одговорам пред македонските граѓани – зборевте за адвокатура, студии, членови на мое семејство, ама не кажавте ништи за она што се бројки и факти, македонска реалност, имплементирани проекти, чувство на безбедност кај македонските граѓани и се она што значит подобрување на животот на македонските граѓани“, истакна министерот.

Реплицирајќи му директно на лидерот на Левица, Димитар Апасиев, Тошковски посоче дека тој поголем дел од своето време го искористил за лични напади.

– Слушнав многу манипулации, лаги, клевети, нечовечки напади. За еден велешанец, навистина под секое ниво, но тоа е ваш избор и за тоа нека судат македонските граѓани – порача министерот.

Според Тошковски, поднесената интерпелација е само евтин политички обид да се закочи процесот на расчистување со криминалот и корупцијата, нагласувајќи дека МВР за првпат покажува оти законите важат еднакво за сите.

– Удирајќи по мене удирате во институција којашто за првпат по 30 години покажа дека законот важи еднкаво за сите и особено стигна до оние што мислеа дека се недопирливи, а тоа е поранешната власт на ДУИ и СДСМ, оние што грабаа и оставија пустош зад себе… Затоа оваа интерпелација не ја доживувам како суд за мојата работа, туку како уште еден очаен обид за собирање на некој евтин политички поен“, заклучи Тошковски.

The post ТОШКОВСКИ ЖЕСТОКО КОН ПОДНОСИТЕЛИТЕ НА ИНТЕРПЕЛАЦИЈАТА „Ве боли кога гледате дека граѓаните конечно имаат надеж дека нешто може да се смени на подобро“ appeared first on plusinfo.mk.