Пејачката Џејла Рамовиќ се огласи по инцидентот во Кичево, каде што беше приведена заедно со нејзиниот бенд поради наводен настап без работна дозвола, и објави дека веќе во петок се враќа во Скопје на нов настап.

Рамовиќ во својата изјава тврди дека целата документација за настапот била уредна и дека проблемот настанал по вина на организаторот, поради што полицијата ја прекинала вечерта неколку минути пред крајот. Таа им се извини на присутните што дошле да ја слушаат и нагласи дека ситуацијата била надвор од нејзина контрола.

– Сакам да нагласам дека од моја страна и од страна на мојот бенд, сите потребни документи и дозволи за настапот во Кичево беа правилно подготвени и доставени до организаторот, со целосната постапка што редовно ја следиме кога доаѓаме во Македонија – вели Рамовиќ.

Таа додава дека организаторот ја уверил дека ги добил сите преостанати дозволи и дејствувал согласно договорот.

– И покрај ова, настапот беше прекинат неколку минути пред крајот, наводно поради недостаток на работни дозволи, иако нашата документација беше целосно во ред. Жал ми е за непријатностите што ги доживеаја сите што дојдоа на мојот настап. Ситуацијата се појави од причини на кои не можев да влијаам на никаков начин, ниту пак е вина на мојот тим и мене – изјави пејачката.

Рамовиќ повтори дека инцидентот нема да влијае на нејзината врска со македонската публика.

– Македонија е земја што многу ја сакам и секогаш сакам да се враќам. Исто ќе биде и сега, бидејќи веќе се дружиме во петок во Скопје – порача таа.

Инцидентот се случил во ноќта меѓу 29 и 30 ноември, кога полициски службеници од ОВР Кичево и РЦГР Запад влегле во угостителски објект каде настапувала Рамовиќ. При контролата било утврдено дека таа и нејзиниот бенд настапуваат без потребната работна дозвола, по што биле приведени за натамошна постапка.

ПЕЈАЧКАТА ЏЕЈЛА РАМОВИЌ ПРИВЕДЕНА ВО КИЧЕВО Познатата ѕвезда од БиХ е фатена како настапува без работна дозвола

The post ЏЕЈЛА ПРОГОВОРИ ПО ДРАМАТА ВО КИЧЕВО Пејачката вели дека документите ѝ биле уредни и најави нов настап во Скопје appeared first on plusinfo.mk.

Десетгодишно девојче од Кичево утрово се здобило со тешки телесни повреди откако во него удрил автомобил на магистралниот пат Охрид–Кичево. Несреќата се случила околу 7:15 часот, кога малолетничката, според првичните информации, се обидувала да го премине патот во близина на населбата Другово.

Возилото марка Опел Астра со кичевски регистарски таблички го управувал 60-годишниот И.С. од село Другово, кој веднаш застанал по ударот и ја повикал службата за итна медицинска помош. Девојчето било пренесено во Медицинскиот центар во Кичево, каде што лекарите констатирале тешки телесни повреди, но таа е надвор од животна опасност.

Екипа на кичевската полиција извршила увид на местото на настанот за да се утврдат околностите под кои дошло до несреќата. Според информациите од ОВР Кичево, возачот бил задржан на разговор и се прават дополнителни проверки за тоа дали возел со дозволена брзина.

The post СТРАШНА НЕСРЕЌА ВО КИЧЕВО Автомобил удри во 10-годишно девојче, итно пренесено во болница appeared first on plusinfo.mk.

Едно лице е тешко повредено во тешка сообраќајна несреќа што се случила во саботата на магистралниот пат Гостивар – Кичево, во близина на влезот за селото Тајмиште, кичевско.

Според информациите од Секторот за внатрешни работи – Охрид, во несреќата учествувале вкупно четири возила и еден мотоцикл.

Со тешки телесни повреди се здобил 45-годишниот Д.Б. од село Љубојно, Ресенско, кој управувал мотоцикл со битолски регистарски ознаки. Повредите му биле констатирани во Медицинскиот центар Кичево.

Во судирот, освен мотоциклот, учествувале и три патнички и едно товарно возило: Товарно возило „Фолксваген“ со тетовски регистарски ознаки, управувано од В.Ј. (38) од село Раковец, општина Боговиње, патничко возило „Опел“ со германски национални ознаки, управувано од Љ.С. (40) од село Пршовце, општина Теарце и патничко возило „Фолксваген Артеон“ со скопски регистарски ознаки, управувано од Д.С. (39) од село Црешево, скопско.

Несреќата била пријавена на 3 август 2025 година во 13:00 часот во ОВР Кичево, а увид на самото место извршила увидна екипа од полицијата. Се преземаат мерки за целосно расветлување на случајот.

The post МОТОЦИКЛИСТ ПОВРЕДЕН ВО НЕСРЕЌА КАЈ ТАЈМИШТЕ Се судрија еден мотор и три возила appeared first on plusinfo.mk.

Б.К. (48) од Скопје е виновникот што денеска околу 14 часот предизвика паника кај возачите на патот Охрид–Кичево. Тој неконтролирано управувал со автомобилот марка „Тојота“ под дејство на огромна количина алкохол, дури 3,15 промили во крвта.

По итна дојава на 112 дека возило се движи опасно по патот, полицијата од Кичево веднаш реагирала и го запрела возилото пред да дојде до евентуална сообраќајна несреќа со трагични последици.

– При проверка на лицето Б.К., забележано е дека се наоѓа во полусвесна состојба, по што веднаш е повикан тим од Итната медицинска помош. Тој е пренесен во Медицинскиот центар во Кичево и откако неговата здравствена состојба се подобри, извршено е алкотестирање при што беше утврдено присуство од 3,15 промили алкохол – информираат од Министерството за внатрешни работи.

Б.К. е лишен од слобода на лице место, а по целосното документирање на случајот против него ќе биде поднесена кривична пријава за „безобѕирно управување со моторно возило“ по член 297-а од Кривичниот законик.

The post ВОЗЕЛ ЦИК-ЦАК СО 3,15 ПРОМИЛИ АЛКОХОЛ Пијан скопјанец запрен кај Кичево пред да предизвика масакр appeared first on plusinfo.mk.