Шеснаесетгодишен малолетник бил физички нападнат додека седел во паркирано возило во Битола, а случајот во полиција го пријавил заедно со неговата мајка.

Според информациите, инцидентот се случил доцна синоќа на улицата Филип Втори Македонски, каде што малолетникот се наоѓал во патничко возило „Фолксваген бора“ со битолски регистарски таблички. Во еден момент, на возачкото седиште влегол 53-годишен битолчанец со иницијали В.С. за да го помести автомобилот, по што, според пријавата, го нападнал малолетникот.

Случајот бил пријавен во СВР Битола, од каде информираат дека се преземаат мерки за целосно расчистување на настанот.

Полицијата работи на утврдување на сите околности поврзани со инцидентот.

The post 53-ГОДИШНИК НАПАДНАЛ 16-ГОДИШНИК Влегол во паркиран автомобил па го удирал малолетникот appeared first on plusinfo.mk.

Жена вработена на факултет во Битола пријавила дека била физички нападната од студент, потврди битолската полиција.

Според информациите од СВР Битола, 38-годишната И.Ш.Л. од Битола пријавила дека инцидентот се случил на нејзиното работно место, кога била нападната од 58-годишниот К.Н. од Ресен, кој е студент на истиот факултет.

Полицијата презема мерки за целосно расчистување на настанот и утврдување на сите околности под кои дошло до нападот. Засега не се соопштени детали за мотивите и за степенот на повредите на нападнатата жена.

The post ШОК ВО АКАДЕМСКИОТ СВЕТ Жена пријавила дека студент ја нападнал на работното место во Битола appeared first on plusinfo.mk.