Пиштол закочил во моментот кога 52-годишен маж се обидел да застрела сограѓанин во глава среде кафуле во Елбасан. Драмата ја снимиле безбедносните камери. Нападнатиот успеал да се спаси.

Инцидентот се случил околу 13 часот во кафулето „Арт Кофи Бистро“ во населбата „28 Нентори“(28  Ноември).

Според информациите на албанската полиција, осомничениот Поли Боричи седел во кафулето со сопругата. Кога 50-годишниот Ермир Кертези, познат и како Битоци, излегол на терасата за да разговара на телефон, Боричи тргнал по него.

Тој извадил пиштол од чантата и му го вперил во главата. Го повлекол чкрапецот, но оружјето закочило, пишуваат албанските медиуми.

Assassination attempts FAILS in Albania…

A 52-year-old man approached his target at a crowded cafe in Elbasan, pressed a pistol to his head, and pulled the trigger.

But the gun JAMMED and his target pushed him away and fled.

Poli Boriçi told investigators he sought…

— Mario Nawfal (@MarioNawfal) August 16, 2026

Кертези веднаш му ја турнал раката и почнал да бега. Осомничениот накратко го бркал по улицата, а потоа побегнал.

Полицијата ја активирала акцијата „Реакција“ и по неколку часа го уапсила 52-годишниот Боричи. Кај него бил пронајден и пиштолот.

Според неговата верзија, зад обидот за убиство стои крвна одмазда. Тој тврдел дека Кертези пред 15 години тешко го ранил неговиот брат и го оставил неподвижен.

Кертези, пак, дал поинаква верзија во исказот. Тој тврди дека односите меѓу семејствата одамна биле нормализирани и дека со години живееле во исто маало без конфликти.

The post 📽️ ФИЛМСКА СЦЕНА ВО КАФУЛЕ ВО ЕЛБАСАН, ПИШТОЛОТ ЗАКОЧИ Зад инцидентот наводно стои одмазда стара 15 години appeared first on plusinfo.mk.