Пролетта носи расцветани дрвја, но и нов бран алергии кои секоја година погодуваат сè поголем број луѓе. Поленот е главниот виновник, но еден помалку очигледен фактор ја зголемува агресивноста на поленот како алерген, а тоа е зголемениот број автомобили по улиците.

Озонот се создава како резултат на реакцијата на издувните гасови со УВ зраците на светлината, а самиот тој, во комбинација со поленот, директно ја засилува алергиската реакција кај луѓето, објаснува за Плусинфо д-р професор Дејан Докиќ, специјалист пулмоалерголог од Клиниката за пулмологија и алергологија.

Возењето автомобили ја влошува алергиската реакција на полен?

Озонот го засилува ефектот на поленот како алерген, правејќи го поагресивен, а истовремено ја влошува алергиската реакција при контакт со слукожата, што значи дека луѓето со кожни алергии можат да доживеат уште потешки симптоми

Професор доктор Дејан Докиќ специјалист пулмоалерголог од Клиниката за пулмологија и алергологија

Озонот ја засилува алергиската реакција на полен на два начина, објаснува д-р професор Докиќ.

– Озонот го засилува ефектот на поленот како алерген, правејќи го поагресивен, а истовремено ја влошува алергиската реакција при контакт со слукожата, што значи дека луѓето со кожни алергии можат да доживеат уште потешки симптоми – посочува тој.

Докиќ додава дека во неговото истражување се покажало дека луѓето кои се изложени на повеќе озон, имаат полоша алергиска реакција од оние кои се изложени на помалку озон.

Во пролетта, објаснува професорот, кога возењето автомобили е зачестено, нивото на озон во воздухот се зголемува.

– Алергиите се влошуваат поради цветањето на дрвјата, но честопати луѓето сами го зголемуваат нивото на озон во воздухот со возење автомобили – предупредува Докиќ.

Сè повеќе луѓе страдаат од алергии

Докиќ истакнува дека бројот на луѓе со алергии расте во последните децении.

– Во 1995 година, само 11,5% од популацијата во Македонија имала алергија на полен, додека, пак, во 2003 година таа бројка се зголеми на 23,1%. Иако оттогаш не се спроведени официјални истражувања во Македонија, светскиот тренд покажува дека бројот на алергични луѓе продолжува да расте насекаде низ светот – истакнува тој.

Професорот и специјалист пулмоалерголог објаснува дека алергиите во некоја мера се наследни, но, исто така, се и под силно влијание на надворешните фактори.

– Истражување од Оксфорд, објавено во реномираното списание „Нејчр“, покажува дека околината игра клучна улога во експресијата на гените. Ако земеме двајца еднојајчани близнаци – еден кој живее во загадена средина, има лоша исхрана и друго, и друг кој живее во чиста и здравствено оптимална средина – нивните гени нема да се експресираат на ист начин. Тоа значи дека загадувањето, исхраната и животните навики значително влијаат на шансата да развиеме алергии – објаснува Докиќ.

Симптомите кај некои луѓе драстично се влошуваат

Најчестите симптоми на алергијата од полен се течење на носот, надразнета и сува кашлица, кивање, печење и солзење на очите.

Овие симптоми можат да се контролираат доколку пациентите редовно ја примаат својата терапија, но се чини дека оваа година, многумина се жалат на влошени симптоми во споредба со лани.

– Оваа година симптомите ми се многу полоши од другите години, иако постојано си имам проблем со алергијата напролет. Секоја пролет ми е исто – штом почнат да цветаат дрвјата, веднаш почнувам да кивам, ми тече носот, а очите ми се црвени и солзат. Најтешко ми е кога треба да излезам надвор, особено во некој парк каде што има многу дрвја. Се трудам да ја земам терапијата навреме, но понекогаш и тоа не е доволно. Ако заборавам да ставам маска, веднаш чувствувам како ми се влошуваат симптомите. Искрено, пролетта можеби е најубавото годишно време, но за мене е и најтешко – вели Александра, 32-годишна скопјанка.

Важно е терапијата да се земе навреме

Лекарот по општа медицина во Итната медицинска помош во Штип, Томица Наков, претходно истакна дека поленот, кој во овој период е присутен во воздухот, најчесто предизвикува алергиски реакции кај пациентите.

Тие што веќе знаат дека се чувствителни на полен треба навремено да ја земаат својата терапија за да спречат алергиски реакции.

– Имаме пациенти кои се пречувствителни на полен и има појава на алергиски реакции. Тие пациенти не се нови, туку тие си знаат дека имаат проблеми од поленот. Првична симптомалогија кај нив е течење на нос, сува и надрзнителна кашлица, кивање, печење и солзење на очите. Но, оваа симптоматологија може лесно да се превенира доколку пацеинтите навремено си ја земаат терапијата. Луѓето, кои се алергични на полен, треба да избегнуваат места кои се пренаселени со дрва и со цветови – советува Наков.

Изложувањето на такви места ќе ги зголеми симптомите, додава тој.

– Доколку некои луѓе мора да се изложени на места со дрва и со цветови, (алергиската реакција) може да се превенира и со носење на заштитни маски – објаснува Наков.

The post ЧАДОТ ОД АУСПУХ ЈА ЗАСИЛУВА АЛЕРГИСКАТА РЕАКЦИЈА НА ПОЛЕН Од година во година расте бројот на алергични appeared first on plusinfo.mk.

Матичните лекари, но и лекарите од Итната медицинска помош, предупредуваат дека почнува сезоната на алергиите, со цветањето на дрвјата.

Лекарот по општа медицина во Итната медицинска помош во Штип, Томица Наков, вели дека најчесто пациентите се алергични на поленот, кој е застапен во воздухот овој периодот од годината. Пациентите, кои се алергични на полен знаат за тоа, и потребно е навремено да ја земаат својата терапија со цел да превенираат алергиска реакција.

– Имаме пациенти кои се преосетливи на полен и има појава на алергиски реакции. Тие пациенти не се нови, туку тие си знаат дека имаат проблеми од поленот. Првична симптомалогија кај нив е течење на нос, сува и надрзнителна кашлица, кивање, печење и солзење на очите. Но, оваа симптоматологија може лесно да се превенира доколку пацеинтите навремено си ја земаат терапијата – изјави Наков.

Тој апелира до пациените, кои се алергични на полен, да не се движат на места каде што има повеќе дрва или цветови, како на пример на пешачката патека во Штип. Доколку мораат, втогаш може да се заштитат со носење на маски.

– Да избегнуваат места кои се пренаселени со дрва и со цветови, како на пример пешачката патека покрај река Брегалница. Изложувањето на такви места ќе ги зголеми симптомите. Доколку некои луѓе мора да се изложени на места со дрва и со цветови, (алергиската реакција) може да се превенира и со носење на заштитни маски – рече Наков.

The post АЛЕРГИИТЕ СЕ ВО ПОЛН ЦУТ Амбулантите се полнат со пациенти чувствителни на полен appeared first on plusinfo.mk.

Пролетта е време кога многумина ги мачат алергиите на полен. Но, како што природата сè одлично уредила, така и тоа што пролетта е време и кога се берат младите коприви.

Дали знаевте дека ова растение кое, за жал, често се кине како обичен плевел, може да ве спаси од алергија на полен?

Бидејќи има силно антиинфламаторно дејство и е моќен природен антихистаминик, моментално ги ублажува сите непријатни симптоми на алергии, како што се: кивање, шмркање, синузитис, течење на носот, чешање на очите, оток.
Освен тоа, копривата е одличен природен лек за детоксикација на организмот, а може да помогне и при анемија, едем, акни и дијабетес.

Нејзините придобивки се навистина фантастични.

Копривата, меѓу другото, содржи витамини А, Б1, Б2, Б8, К, Ц и Е, многу антиоксиданти, каротеноиди, хлорофил, флавоноиди и танини.

Богата е и со минерали како што се калциум, магнезиум, манган, железо, цинк, бакар и хром.

Јадете ја варена и сигурно ќе го зајакнете имунитетот и ќе го снабдите организмот со се што му е потребно за борба против алергиите.

Повеќе за ова на порталот „Арт кујна“.

The post АКО ИМАТЕ АЛЕРГИЈА НА ПОЛЕН, ПОБАРАЈТЕ ПОМОШ ВО КОПРИВИТЕ Како може да помогне копривата при сезонски алергии? appeared first on plusinfo.mk.

Поленот и надворешните алергени како прашината можат да го направат вашиот живот неподнослив ако правите грешки за кои, всушност, не сте ни свесни дека ги правите.

Иако некои може да почувствуваат благи или потешки симптоми на алергија, важно е да знаете дека можете да си помогнете ако ги избегнувате следниве грешки:

1. Оставате отворен прозорец

Воведете правило во сезоната на алергии – прозорецот да не го оставате  отворен. Дури и ако не сте дома, прозорецот не го оставајте отворен, бидејќи поленските зрна ќе влезат внатре без разлика дали вие сте дома или не. Особено немојте да отворате прозорецот доколку надвор е сончево и ветровито.

2. Го вклучувате клима-уредот

Иако пролетните денови се топли и можат да бидат непосдносливи, особено за луѓето со астма или алергии, немојте да го вклучувате клима уредот. Клима уредите се штетни за луѓето со проблеми, посебно затоа што при нивното чистење се користат разни хемиски средства.

Иако температурите можат да бидат неподносливи за сите луѓе во текот на летните денови, лицата кои страдаат од алергии или имаат астма не треба да го вклучуваат клима-уредот. Овој апарат е штетен, а особено за астматичарите кога при чистењето на клима-уредот користиме силни хемиски средства. Воедно, наглите промени во температурата се штетни за овие луѓе. Клима-уредите во секој случај не се најдоброто решение за лицата со алергии, затоа што тие се почувствителни. Како алтернативно решение, се препорачува да се инсталираат филтри за полен во системот за вентилација. Во автомобилот вклучете го клима-уредот само ако имате филтри за полен.

3. Вежбате во погрешно време

Ако сакате да вежбате на отворено, внимавајте на временските услови и периодот од денот. Избегнувајте излегување од дома рано наутро или попладне, бидејќи тогаш има најголема концентрација на полен во воздухот. Колку што е потопло и поветровито, дотолку е полошо. Излезете надвор доцна попладне или навечер, бидејќи тогаш обично е намалена количината на полен.

4. Го одложувате користењето на лекови

Треба да избегнувате користење на лекови со „задоцнување“,  кога веќе практично не сте во состојба да дишете. Кога знаете дека доаѓа сезоната на алергии, погрижете се за вашето здравје навреме. Превенцијата е најдобриот лек. Ако пиете таблети за алергија, започнете да ги користите веќе две недели пред да се појави поленот во воздухот. Доволно е само да земете една таблета на ден. Тоа има ефект, велат алерголозите, кои истакнуваат дека е голема заблуда дека алергијата не може да се излекува. Со имунотерапија, алергиите можат да се излекуваат. Луѓето кои страдаат од алергија одат во Словенија, која од 2005 година спроведува ваков вид на лекување.

5. Дома имате кадифени играчки

Кадифените играчки се слатки и меки, но, за жал, тие најчесто само лежат на полиците или креветот и собираат прашина, која е најчестиот поттикнувач на алергијата. Ако вашето дете или кој било друг домашен член има алергија, најдобро е да ги отстраните кадифените играчки. Евентуално можете да му дадете на детето да си одбере една или две кадифени играчки кои ќе ги перете одвреме-навреме.

The post Пет грешки што ги правите кога имате алергија appeared first on plusinfo.mk.