Пензионерите деновиве го очекуваат септемвриското усогласување на пензиите кое се врши според закон и не е линеарно, туку процентуално. Процентот на зголемувањето на пензиите законски се утврдува како збир од 50% од раст на трошоците на живот (инфлацијата) плус 50% од растот на просечната плата.

Oфицијалните пресметки се дека покачувањето на пензиите ќе изнесува 3% за сите пензионери.

Бидејќи моделот на усогласување на пензиите е процентуален, зголемувањето во денари не е еднакво за сите, туку зависи од висината на вашата сегашна пензија (повисока пензија носи поголем денарски износ)

Тоа ќе значи дека септемвриската пензија која досега изнесувала 20.000 денари ќе порасне околу 600 денари, односно пензијата би изнесувала околу 20.600 денари. Кај пензија од 30.000 денари, покачувањето би било околу 900 денари, додека пензија од 40.000 денари би пораснала за приближно 1.200 денари. Пензионерите кои примаат пензија од 50.000 денари би добиле околу 1.500 денари повеќе.

Сепак, точниот износ ќе зависи од официјалниот процент на усогласување кој треба да го соопшти владата.

Новото усогласување следува по претходниот циклус од 4 линеарни зголемувања на пензиите преку кои сите пензионери, без разлика на висината на нивната пензија, добија вкупно зголемување од 7.000 денари. Првите две линеарни покачувања беа од 2.500 денари, а се реализираа во септември 2024 година и март 2025 година. Третото беше во износ од 1.036 денари и се реализира во септември2025 година и последното линеарно покачување на пензиите беше од 1.000 денари и се реализира во март годинава.

Владата потоа одлучи да се врати на законското процентуално зголемување на пензиите поради иницијативите кои беа покренати пред Уставниот суд за проценка на линеарното зголемување на пензиите.

Сега повторно се применува процентуално усогласување, при што висината на покачувањето зависи од износот што го прима секој пензионер.

The post СТАСУВААТ ПОКАЧЕНИТЕ СЕПТЕМВРИСКИ ПЕНЗИИ Кој колку ќе добие? appeared first on plusinfo.mk.

Со линеарното зголемување на пензиите, не само што се намалува јазот, односно се зголемува правилната распределба на приходите, туку се намалува и стапката на сиромаштија, бидејќи пензионерите се најсиромашната група граѓани, вели премиерот Христијан Мицкоски, нагласувајќи дека со интервенцијата започната од ноември 2024 година, заклучно со април 2026 година ќе има линеарно зголемување на пензиите за 7.000 денари и нема да има пензија под 15.000 денари.

Цениме, рече Мицоски, одговарајќи на новинарски прашања по отворањето на нова детска градинка во Кочани, дека со ова уште повеќе ќе влијаеме позитивно во намалување на стапката на сиромаштија.

Не треба, нагласи тој, да заборавиме уште еден параметар, а тоа дека 150.000 пензионери пред да почне ова линеарно зголемување имаа пензии кои беа околу 10 до 12.000 денари.

– Од вкупно 330.000 пензионери, 150.000 беа во таа група. Што значи дека сега тие веќе со овие 7.000 денари линеарно зголемување немаат пензија под 15.000 денари, туку сите се движат од 17 до 19.000 денари. И како влада ќе продолжиме во таа насока – истакна Мицкоски.

Прашан дали Уставниот суд би можел да го спречи линеарното зголемување на пензиите, Мицкоски, рече дека не би ги коментирал одлуките на Уставниот суд, затоа што, како што наведе „воведовме таква пракса и тоа е правилното – да не се коментираат одлуките на Уставниот суд“.

– Јас само можам да ги коментирам податоците кои ги објави Државниот завод за статистика, односно социјалните показатели и параметри. Таму се анализирани два суштински, кои се битни за граѓаните. Едниот е стапката на сиромаштија, другиот е токму оној Џини-коефициент, односно правилната или неправилната распределба на доходите за која зборувавте. Точно е дека како држава сме лидери во регионот и сме над европскиот просек. А што се однесува до стапката на сиромаштија, во 2024 година таа е помала – 21,9%, споредено со 22,2% во 2023 година, а ако се спореди со 2021 година, тогаш беше 23% – појасни Мицкоски.

The post НЕМА ДА ИМА ПЕНЗИЈА ПОД 15.000 ДЕНАРИ Мицкоски најави покачување напролет appeared first on plusinfo.mk.

Ако линеарното зголемување од 1.000 денари кое што треба да го земат пензионерите за март е неуставно, како тогаш се уставни овие другиве линеарни зголемувања, праша денеска премиерот Христијан Мицкоски коментирајќи ги изјавите на уставната судијка Добрила Кацарска.

– Јас не сум правен експерт, не ни пледирам да бидам, ниту пак сум експерт по уставно право, но ако линеарното зголемување од илјада денари кое што треба да го земат пензионерите за март е неуставно, како тогаш се уставни овие другиве линеарни зголемувања? Нека ми објасни некој правен експерт како тоа ќе го толкува. Видете, со правна гимнастика ние видовме во минатото дека неправо станува право. Но, сега јас зборувам логично, ако овие 1.000 денари коишто се сега неуставни, како ќе бидат уставни претходните 1.000 и двапати по 2.000. Јас не велам дека тоа што е досега земено како вредност пензија ќе се врати, јас зборувам дека од тој момент кога тие ќе донесат ваква одлука пензиите на пензионерите ќе мора да се пресметуваат според процентите затоа што потоа може некој кривично да одговара за незаконско трошење на буџетски средства. А ако ги пресметаме пензиите според процентите односно условно кажано оној модел 50% трошоци на живот, 50% плата ќе дојдеме до 3 до 4.000 денари помали пензии од тие што денес ги земаат – рече премиерот.

Дали мене некој погрешно ме брифира, не ме брифира тргнете го тоа на страна, рече Мицкоски посочувајќи дека има правници во државата кои тоа ќе го толкуваат. За Кацарска рече дека таа е еден од судиите кои во минатото „неправото го направиле право“.

– Јас знам дека во минатото посебно овој уставен судија кога беше судија и посебно во случајот за 27 април знаеше неправото да го направи право, јасна ми е нејзината гимнастика. Тоа го видовме на дело, но еве баш би сакал ова некој да ми го толкува, како тоа би изгледало? И како ние ќе продолжиме да ги пресметуваме пензиите затоа што некој треба тоа да го потпише. Како јас ќе натерам некого тоа да го потпише? Како јас ќе натерам некој службеник да потпише пензија некому ако некој рече дека тоа е неуставно, ќе рече: кршам закон. Ќе одговарам кривично затоа што трошам пари од буџетот на граѓаните спротивно на устав и спротивно на закон. Така што не разбираат некои луѓе дека имаат и општествена одговорност. Не е само направи егзибиција на отворена сцена – рече Мицкоски кој денеска беше во посета на општина Аеродром.

The post АКО ЕДНО ЛИНЕАРНО ПОКАЧУВАЊЕ Е НЕУСТАВНО, КАКО ДРУГИТЕ СЕ УСТАВНИ? Ако пензиите се пресметуваат според моделот со проценти, ќе бидат пониски appeared first on plusinfo.mk.

Немој да сеете страв дека Пензискиот фонд бил пред колапс, дека немало да има пензии на 1 декември, сето тоа се лаги, пензиите ќе бидат исплатени и тоа скоро ќе се види, рече денеска заменик-министерот за социјална политика, демографија и млади Ѓоко Велковски во одговор на пратеничко прашање на Јованка Тренческа од СДСМ.

– Ќе бидат исплатени тие пензии и во 2026 и во 2027 година и понатаму и ќе има покачувања согласно законските прописи. Граѓаните нека бидат мирни – рече Велковски.

Заменик министерот потсети дека владите на СДСМ не работеле на зголемување на пензиите, а дека пензиите што изнесувале 14.000 денари, сега се 20.000 денари, а тие што имале 20.000 сега имаат 26.000 и имаат достоинствен живот.

Тренческа рече дека во буџетот на Министерството за социјална политика немало пари за трансфер до Фондот за пензиско за исплаќање на пензиите во декември и праша од каде ќе бидат обезбедени потребните средства.

Во врска со линеарното покачување на пензиите, Велковски рече дека пензиите се усогласуваат по две компоненти – инфлацијата и трошоците на живот.

– Многу добро треба да знаете дека пензиите се усогласуваат по две компоненти – инфлацијата и трошоците на живот во Македонија. Не во Франција, не во Швајцарија, не во Австралија, туку во Македонија – рече Велковски, додавајќи дека треба да се запраша колку време трае проверката на пензиите на пример од Франција, за да добијат минимално покачување.

Крајната цел е, потенцира Велковски, и така е направен и законот, дека тие што се тука во земјава треба да добијат покачување на нивните пензии.

– Ние се грижиме за сите граѓани, но оние што се тука во Македонија треба да добијат покачување на нивните пензии. Се грижиме за сите граѓани, но оние што се тука во Македонија се приоритетни, а секој еден од нив придонесува за ова општество, и ние треба да се грижиме за секој еден од нас – рече заменик министерот.

За тоа дека дали ќе ја почитуваат одлуката на Комисијата за спречување на дискриминација во однос на тужбите, рече дека секоја одлука на судот Министерството ќе ја почитува максимално.

Тренчевска праша и за зголемување на посебниот додаток за лицата со попреченост, на што Велковски рече дека се грижат за овие лица и дека животот за нив ќе биде многу подобар во периодот што следува.

The post ПЕНЗИИТЕ ЌЕ СЕ КАЧУВААТ СПОРЕД ЗАКОНОТ Ќе биде подобро и за лицата со попреченост, ѝ одговори Велковски на Тренчевска appeared first on plusinfo.mk.

Добрила Кацарска беше наградена во уставен судија поради понизноста и послушноста кон СДСM, потсетува ВМРО-ДПМНЕ во соопштение.

„Кацарска како послушничка и извршителка на Заев беше наградена за предметот за 27 април, каде предметот го обликуваа во обвинителен акт и за истиот пресуди драконски затворски казни од над 200 години во нехумана и нефер судска постапка, изживувајќи се врз луѓето со рочишта кои траеја и по 12 часа. Кацарска е дел од оние во правосудството, кои на очиглед на целата јавност правеа бројни прекршувања на постапките, процедурите и на законите и кои се причина за доверба од 2 проценти во правосудството“, соопшти ВМРО-ДПМНЕ.

СДСМ молчи додека нивната маша во Уставниот суд, Кацарска, бара зголемување на нејзината плата од околу 100.000 денари, а укинување на зголемувањето на пензиите од 7.000 денари, додава партијата.

„Токму поради тоа, неопходни се реформи во правосудството. За да се обезбеди поефикасен и праведен систем неопходно е да се врати довербата на граѓаните во институциите. Граѓаните заслужуваат транспарентно, независно и ефикасно правосудство, ослободено од партиските стеги и какви било партиски интервенции. Владата предводена од ВМРО-ДПМНЕ ќе продолжи да работи во интерес на сите граѓани за раст на пензиите, платите и за подобар животен стандард на сите граѓани“, соопшти ВМРО-ДПМНЕ.

The post СДСМ МОЛЧИ ДОДЕКА НЕГОВАТА ПОСЛУШНИЧКА КАЦАРСКА БАРА НАМАЛУВАЊЕ НА ПЕНЗИИТЕ Таа е дел од оние поради кои граѓаните немаат доверба во судството, порача ВМРО-ДПМНЕ appeared first on plusinfo.mk.