По долго боледување, на 53-годишна возраст почина новинарката на МИА Ирена Радовановиќ, една од препознатливите фигури во македонското новинарство, особено во областа на внатрешната политика.

Новинарската кариера ја започна во неделникот „Фокус“ во 1991 година каде работела до 2001 година, по што продолжува во „Вечер“ како новинар во внатрешно-политичката рубрика. Во 2004 станува дел од редакцијата на „Нова Македонија“, а од 2006 и 2007 на дневниот весник „Македонија денес“ и неделникот „Денес“. Работела и во политичките неделници „Форум“, во весникот „Дневник“ и во Радио „Слободна Македонија“.

Дел од тимот на новинската агенција МИА станува во 2014 година како новинар во внатрешно-политичката редакција и новинар-аналитичар. Со нејзиното заминување, МИА и македонското новинарство загуби посветен професионалец, кој трајно ќе остане запаметен.

„Си замина нашата Ирена. Се боревме година и половина. Тешко, со болка, но и со надеж. Мала, но надеж. На крај, се предаде. Така, има години, месеци и денови кои се баш тешки. Овие се токму такви“ – напиша на Фејсбук директорот на МИА, Дарко Јаневски.

Погребот ќе биде утре на гробиштата во Радишани во 11:00 часот (капела во 10:30).

The post ПОЧИНА НОВИНАРКАТА ИРЕНА РАДОВАНОВИЌ Беше препознатлив професионалец во областа на внатрешната политика appeared first on plusinfo.mk.

По долго боледување почина новинарката и уредничка Гордана Дувњак, една од препознатливите фигури во македонското новинарство, особено во областа на политиката и правосудството.

Својата новинарска кариера Дувњак ја започна во 1988 година во Македонската радио-телевизија, каде работела две години. Од 1991 до 1999 година беше дел од редакцијата на „Нова Македонија“, по што следува долгогодишниот ангажман во „Утрински весник“, каде работеше како новинарка и уредничка во периодот од 1999 до 2017 година.

Професионалниот пат го продолжи во порталот „Макфакс“ во 2017 година, а една година подоцна стана дел од телевизијата „1ТВ“, каде исто така извршуваше уредничка функција. Од 2019 година работеше во неделникот „Фокус“.

Веста за нејзината смрт ја објави нејзиниот син Мартин Дувњак со емотивна порака, во која ја опишува како „жена борец, мајка каква што секое дете може само да посака и врвен професионалец“.

„Се одјави нашата мајка, жена, кралица Гордана Дувњак. Жена која што не ја сакаше и почитуваше само тој што ја немаше запознаено. Врвен професионалец и новинар кој беше пример за чесност, љубов кон професијата и став“, напиша тој.

Семејството истакнува дека таа била столб и поддршка, посветена мајка која „дала сè за да изведе луѓе на вистинскиот пат“.

Погребот ќе се одржи утре (среда) во 11 часот во капелата во Бутел, а во 12 часот на гробиштата во Бутел.

Со нејзиното заминување, македонското новинарство губи искусен и посветен професионалец, чиј придонес ќе остане трајно запаметен.

Дувњак не напушти на 61 година.

The post ПОЧИНА ИСТАКНАТАТА МАКЕДОНСКА НОВИНАРКА ГОРДАНА ДУВЊАК Беше посветен професионалец со големо искуство appeared first on plusinfo.mk.

На социјалните мрежи се појави видео од необичен погреб во провинцијата Лјаонинг, Кина, каде што починат човек бил закопан заедно со својот луксузен автомобил „мерцедес“.

На видеото се гледа како црн луксузен „мерцедес“ се спушта во гробот со помош на багер, а потоа заедно со покојникот бил закопан како дел од погребната церемонија.

Возилото, кое во Кина се продава по цена од најмалку 1,1 милион јуани (околу 137.000 евра), било ставено во гробот во речиси непроменета состојба. На автомобилот била врзана црвена лента, по што бил затрупан со земја заедно со починатиот.

Посебно внимание привлече регистарската табличка „8888“. Во Кина, бројот 8 се смета за симбол на богатство и среќа, а ваквите таблички скапо чинат.

Локалната јавност е поделена околу случајот. Дел од луѓето сметаат дека станува збор за искрен чин на почит кон починатиот, кој ја имал таа желба пред да умре. Други го критикуваат настанот како претерано покажување богатство и екстравагантна погребна култура. Некои коментираат дека вакви сцени би можеле да привлечат и кражби.

The post 🎥 КИНЕЗ ПОГРЕБАН ЗАЕДНО СО НЕГОВИОТ ЛУКСУЗЕН „МЕРЦЕДЕС“ Тоа му била последна желба appeared first on plusinfo.mk.

Актерот Кирил Поп Христов – Кили, кој почина вчера, ќе биде погребан во јужноамериканската држава Еквадор, каде живееше околу 12 години, информираше неговото семејство.

„Кили ќе биде погребан во Еквадор. Ќе почива во Мангларалто, покрај океанот“ – објави на социјалните мрежи неговата сопруга Гордана Деан Поп Христова, кореографката и професорка по современ танц, основач на балетското студио Ребис.

Според неговата сопруга, Кирил Поп Христов – Кили починал мирно, во сон, од инфаркт.

Гордана и Кили, заедно со нивната ќерка Јоана, се преселија во Еквадор во 2014 година.

The post КИЛИ ЌЕ БИДЕ ПОГРЕБАН ВО ЕКВАДОР Починал мирно во сон, од инфаркт appeared first on plusinfo.mk.

Денес, на Новите гробишта во Белград, се собраа пријателите и семејството за да се збогуваат со југословенската дива Сенка Велетанлиќ. Во капелата, сочувства примаа нејзиниот син, музичарот Васил Хаџиманов и сестрата Бисера Велетанлиќ.

По напуштањето на капелата, Бисера ја придржуваше актерот, водител и музичар Бојан Ивковиќ, долгогодишен пријател и соработник на Васил.

На последното испраќање таа направи трогателен гест и ја отпеа песната „Мило моје“, а синот Васил Хаџиманов одржа говор, известуваат српските медиуми.

Урната со пепелта на Сенка ќе биде поставена во Алејата на заслужните граѓани.

Големата југословенска дива почина на 19 јануари 2026 година на 90-годишна возраст.

– Утрово, мајка ми Сенка Велетанлиќ нè напушти по тешка болест. Таа замина тивко, достоинствено, во сон, како дама, токму како што ѝ доликува. Те сакам, мамо. Ти благодарам, мамо – напиша тогаш Васил.

Фотографии од погребот можете да видите ТУКА.

The post ПОСЛЕДНО ЗБОГУМ ЗА СЕНКА Бисера Велетанлиќ ја отпеа песната „Мило моје“, синот Васил одржа говор appeared first on plusinfo.mk.

Погребот на Валентино Гаравани, еден од најголемите модни дизајнери на сите времиња, се одржа денес во Рим. Последното збогување со модната легенда се одржа во импозантната црква Санта Марија дели Анџели е деи Мартири, каде што се собраа бројни познати личности од светот на модата, филмот, политиката и јавниот живот за да му оддадат почит.

Меѓу првите што пристигнаа беше легендарната модна новинарка Ана Винтур, долгогодишна пријателка и поддржувачка на познатиот дизајнер. И Донатела Версаче, видливо потресена и облечена во црно, исто така присуствуваше на погребот, како и светски познатата манекенка Наталија Водијанова, која со години беше блиска со Валентино.

Во црквата беа видени и многу други гости, вклучувајќи го италијанскиот политичар Франческо Рутели, како и холивудската актерка Ен Хатавеј, која дојде на погребот со својот сопруг Адам Шулман. Многумина носеа црни, минималистички модни комбинации, во духот на естетиката по која беше познат Валентино.

Атмосферата во Рим беше достоинствена и емотивна, бидејќи стотици се собраа во тишина и со почит да се збогуваа со човекот кој со децении ја обликуваше светската мода.

Валентино Гаравани ќе биде запаметен како симбол на безвременска елеганција, црвената боја што го носеше неговото име и луксузот што ги надминуваше трендовите.
Неговото влијание врз модната индустрија ќе продолжи да живее преку креациите што ја обележаа историјата и жените кои гордо ги носат.

The post СВЕТОТ НА МОДАТА СЕ ЗБОГУВАШЕ ОД ВАЛЕНТИНО Познатиот дизајнер погребан во Рим во присуство на бројни познати лица appeared first on plusinfo.mk.

Погребот на мајката на поранешниот корзикански лидер Ален Орсони се претворил во сцена од мафијашки трилер. Орсони бил застрелан со истрел од далечина, додека стоел меѓу најблиските роднини во селото Веро, јавија француските медиуми.

Полицијата потврди дека убиецот користел оружје со долга цевка и дека истрелот бил прецизно насочен. Обвинителството отвори истрага за организирано убиство, а францускиот весник „Le Parisien“ објави дека нападот бил внимателно планиран.

Орсони, кој предводел националистички движења за независност на Корзика и бил поранешен претседател на фудбалскиот клуб АЦ Ајачо, веќе еднаш преживеал атентат во 2008 година. Неговиот брат Гај бил убиен во 1983 година.

По неговата активна улога во Националниот ослободителен фронт на Корзика (FLNC), Орсони заминал во егзил во Флорида, Шпанија и Никарагва, каде работел во секторот за игри на среќа. Подоцна формирал свое политичко движење за самоопределување, кое дел од критичарите го нарекувале „движење за бизнис“.

По трагичниот настан, во болницата во Ајачо била обезбедена психолошка помош за околу педесет сведоци кои присуствувале на погребот. Островот, веќе оптоварен со мафијашки ликвидации и ривалства меѓу кланови, повторно се соочи со својата најтемна страна.

Орсони загина на 71. година.

The post ТРАГИЧЕН КРАЈ НА ПОРАНЕШНИОТ ШЕФ НА АЈАЧО Го снајде куршум среде погребот на неговата мајка appeared first on plusinfo.mk.

Погребот на француската филмска актерка и пејачка Брижит Бардо се одржа вчера (07.01.) во Сен Тропе.

Во интервјуто што нејзиниот сопруг Бернар д’Ормал (84) го даде за „Париз Меч“ пред погребот, тој ја откри причината за нејзината смрт. Бернар, кој беше во брак со Бардо 30 години, изјави за весникот дека неговата сопруга „преживеала две операции на кои морала да се подложи поради рак, од кој на крајот починала“.

Првото соопштение за смртта на контроверзната икона, кое стигна до новинската агенција АФП, гласеше:

– Со голема тага Фондацијата Брижит Бардо ја објавува смртта на нејзината основачка и претседателка, г-ѓа Брижит Бардо, светски позната актерка и пејачка која одлучи да ја напушти својата престижна кариера за да го посвети својот живот и енергија на благосостојбата на животните и нејзината фондација.

Во последните недели, кружеа повремени гласини за здравјето на славната актерка. Во октомври 2025 година, таа беше подложена на операција на југот на Франција. Се велеше дека станува збор само за „мала интервенција“, која поминала „добро“. Еден ден, беше објавена информација дека Брижит починала, но веста набрзо беше демантирана.

Актерката е родена во Париз во 1934 година и работела како модел и пејачка. Во 1950-тите, таа стана една од големите актерки со улоги како „И Бог ја создаде жената“ (1956). Се сметаше за една од најважните фигури на сексуалната револуција на нејзиното време. Зад неа остана нејзиниот син Николас-Жак Шарие (65), роден во нејзиниот брак со актерот Жак Шарие. Не беше познато дали тој ќе присуствува на погребот, но Никола-Жак дојде да се збогува со својата мајка.

Покрај нејзиниот глобален успех, таа беше и силен застапник за правата на животните. Така, во 70-тите години, ја напушти филмската индустрија – по 20-годишна кариера – за целосно да се посвети на благосостојбата на животните. Ја основа Фондацијата Брижит Бардо. Мисијата на организацијата е да ги поддржува засолништата за животни и да ги спасува уличните животни.

Покрај нејзината посветеност на животните, таа беше предмет на шокантни наслови. Неколку пати мораше да оди на суд под обвинение за расизам, а на крајот беше казнета со неколку илјади евра за поттикнување омраза. Таа сè повеќе даваше расистички изјави, што ја направи сè поконтроверзна личност. Покрај тоа, нејзиниот сопруг е активен во десничарските кругови и долго време е советник на десничарската популистичка партија Национален собир.

Градот воведе голем број мерки за да се осигури дека големиот број новинари и обожаватели на филмската легенда нема да предизвикуваат проблеми на улиците.

Градоначалничката Силви Сири издаде декрет за „гарантирање на почитување на размислувањето, достоинството на починатиот и мирот на семејството“, како и за спречување на ризикот од „нарушувања на јавниот ред“.

– Градоначалникот го задржува правото да го ограничи или привремено да го суспендира пристапот до гробиштата во случај на потреба од одржување на редот – се вели во наредбата од општината.

Сите во најголем дел ги почитувале донесените мерки.

The post ИЛЈАДНИЦИ Ѝ ОДДАДОА ПОЧИТ НА БРИЖИТ БАРДО Николас-Жак дојде да се збогува со својата мајка appeared first on plusinfo.mk.

Француската филмска икона Брижит Бардо, која почина во неделата на 91-годишна возраст, ќе биде погребана на крајбрежните гробишта во одморалиштето Сен Тропе на француската ривиера. Погребот ќе се одржи на 7 јануари во црквата Нотр Дам де л’Асомпсион.

Иако сите детали за погребот сè уште се чуваат во тајност, потврдено е дека ќе биде погребана на крајбрежните гробишта во јужниот француски град и покрај нејзината последна желба која, според нејзината минатогодишна изјава за „Paris Match“ била – скромен погреб во нејзината градина, со едноставен дрвен крст како обележје на нејзиниот гроб.

Според „Ројтерс“, нејзиното барање за приватен погреб не е формално потврдено, што значи дека церемонијата ќе мора да биде во согласност со стандардите на локалните власти.

Гробиштата каде што ќе биде погребана Бардо се наоѓаат покрај морето, симболично одразувајќи ја поврзаноста на актерката со Сен Тропе и природата што толку многу ја сакаше.

Откако се пензионираше од светот на филмот, еден ден пред нејзиниот 40-ти роденден, Брижит се посвети на животните и животот на својот имот во Сен Тропе. Нејзините соседи ја паметат како блиска пријателка и љубителка на животни.

Еден од нив изјавил за Ројтерс: „Беше прекрасна, прекрасна, нема други зборови. Да, навистина ќе ни недостига. Ја познавав 30 години и ја гледав како ги шета кучињата на плажа. Еднаш падна во вода со своето куче. Морав да ја извлечам.

Со децении, Бардо живееше опкружена со своите омилени животни – кучиња, мачки, коњи, а нејзината посветеност на животните беше потврдена и во нејзиниот тестамент, откако го остави своето богатство на нејзината Фондација.

Денот по нејзината смрт, Сен Тропе беше преплавен со цвеќе и пораки од обожаватели. Фондацијата што го носи нејзиното име отвори книга на сочувство, додека бројни обожаватели и познати личности му оддадоа почит на нејзиниот живот и дело.

Брижит Бардо не беше само филмска икона, туку и симбол на Сен Тропе и глобалната култура. Нејзината посветеност на животните, нејзиното влијание врз модата и филмот и харизмата што ја зрачеше, остануваат трајна инспирација за генерациите.

The post БРИЖИТ БАРДО ЌЕ ПОЧИВА ПОКРАЈ МОРЕ Со децении, глумицата живееше во Сен Тропе, опкружена со своите омилени животни appeared first on plusinfo.mk.

На 17 ноември, Алис и Елен Кеслер го напуштија овој свет заедно во нивната вила во Гринвалд во близина на Минхен. Легендарните близначки одлучија да извршат асистирано самоубиство, држејќи се за раце, како што правеа целиот свој живот.

22 дена подоцна, светски познатите танчерки биле погребани на гробиштата во шумата Гринвалд. Како што објавува Билд, церемонијата била тивка – дури ни нивните најблиски пријатели не биле таму.

Поранешните ѕвезди претходно внимателно го испланирале своето заедничко збогување.

Кога наутро на 17 ноември засекогаш ги затвориле очите, биле присутни само лекар и адвокат. Во деновите пред тоа, тие ги завршувале своите последни работи: откажувале претплати, испраќале мали сувенири до блиски и доверливи луѓе.

– Не бидете тажни. Ќе се видиме повторно на седмото небо – напишале неразделните сестри во прошталните писма до своите најблиски пријатели – објавува Билд.

Сепак, нивната најголема желба не можела да се исполни.

Во својот тестамент, сестрите Кеслер навеле дека нивната пепел ќе почива заедно со пепелта на нивното сакано куче Јела во една урна – обединети за вечноста, исто како што биле во животот.

Но, германскиот закон за погреби не прави исклучоци, дури ни за најголемата љубов.

– Мешањето или комбинирањето на пепелта на неколку починати лица во урна е генерално забрането – изјавил за „Еуроњуз“ Антје Биспинг, адвокатка на Федералната асоцијација на германски погребници.

Сепак, заедничко погребување во ист гроб со посебни урни може да се дозволи, освен ако прописите на гробиштата и државниот закон не го забрануваат тоа.

Многу гробишта дозволуваат повеќе урни во еден гроб, па така, близначките Кеслер можеле да го најдат своето последно почивалиште заедно – само не во истата урна.

Наместо тоа, Алис и Елен биле погребани во посебни урни во гробот на нивната мајка Елза, која починала во 1977 година.

Погребувањето со нивното сакано куче Јела било исто така комплицирано: во некои федерални држави како Хамбург или Бремен, можно е да се сподели гроб со животно – но само со посебни урни по одделни кремации.

Според „Еуроњуз“, оваа желба на неразделните сестри останува неостварена.

The post 22 ДЕНА ПО СМРТТА ПОГРЕБАНИ СЕ СЕСТРИТЕ КЕСЛЕР Последната желба на близначките не можела да биде исполнета appeared first on plusinfo.mk.