Од ноќеска се намалуваат малопродажните цени на бензините ЕУРОСУПЕР БС-95 и ЕУРОСУПЕР БС-98 за 0,50 денари/литар и на мазутот М-1 НС за 0,314 ден/кг и сега ќе изнесува 40,158 денари/литар, одлучи Регулаторната комисија за енергетика (РКЕ).

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.

Мотор-ен бензин ЕУРОСУПЕР БС – 95 ќе чини 75 денари/литар, моторен бензин ЕУРОСУПЕР БС – 98 ќе биде 77 денари/литар, дизел гориво ЕУРОДИЗЕЛ БС (Д-Е V) ќе чини 71,50 денари/литар, маслото за горење Екстра лесно 1 (ЕЛ-1) ќе чини 71 денари/литар и мазутот М-1 НС 40,158 денари/килограм, се наведува во соопштението од РКЕ.

Со Одлуката се врши намалување на малопродажните цени на нафтените деривати во просек за 0,42 отсто во однос на одлуката од 14.7.2025 година.

The post НАПОЛНЕТЕ БЕНЗИН ПО ПОЛНОЌ За половина денар поевтинуваат БС-95 и БС-98 appeared first on plusinfo.mk.

Новата малопродажна цена на ЕУРОСУПЕР БС – 95 ќе изнесува 75 денари за литар, а на ЕУРОСУПЕР БС – 98 ќе биде 77,5 денари за литар. ЕУРОДИЗЕЛ БС (Д-Е V) и понатаму ќе се продава за 72 денара за литар, Екстра лесното масло за горење (ЕЛ-1) 71,5 денари за литар, а мазутот М-1 НС за 43,501 денари за килограм.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 5,418 отсто, кај дизелот за 3,412, кај екстра лесното масло за 3,198 и кај мазутот за 1,854 отсто. Курсот на денарот во однос на доларот по кој беа формирани цените со претходната пресметка е понизок за 0,3912 отсто.

The post БЕНЗИНИТЕ ПОЕВТИНУВААТ ДО 2,5 ДЕНАРИ Цените на другите горива остануваат исти appeared first on plusinfo.mk.

Осигурителната индустрија чека да биде прашана доколку се носат некакви измени на законот.

Граѓаните веќе неколку години негодуваат дека плаќаат висок износ за зелениот картон кој сопствениците на возила треба да го имаат ако патуваат во странство со оглед дека дел од неговиот износ е содржан во осигурувањето за автоодговорност.

– Редно е и кај нас овој документ да поевтини или да се укине како што тоа е направено секаде. Јас би предложил и овој документ да се вади и за 3 или 6 месеци, бидејќи дел од граѓаните не одат во странство само на одмор, туку и поради други обврски – вели граѓанин кој го анкетиравме.

Друг пак, не се согласува зелениот картон да биде дел од задолжителното осигурување на возилата.

– Не е добро да се спојат зелениот картон и осигурувањето како што се предлагаше во минатото, бидејќи ќе поскапи осигурувањето, а ќе плаќаат зелен картон и оние кои никогаш не возат надвор од земјата, но намалување на цената на зелениот картон треба да има бидејќи осигурителните компании пресметуваат висока премија, а граѓаните како крајни потрошувачи секогаш плаќаат повеќе – вели тој.

И превозниците се за намалување на цената на зелениот картон.

– Тоа се директни трошоци во работењето на овие компании што пак влијае и на цената на транспортот и потоа на вкупните цени на увезените производи. Ако се знае дека голем број превозни компании поседуваат поголем број на камиони и приколки намалувањето на овој трошок би бил значителна заштеда за нив – вели Билјана Муратовска од „Макам транс“.

Според одделни пресметки цената на зелениот картон би можела да се намали за 15 до 20%, бидејќи дел е веќе платен во задолжителното осигурување од автоодговорност.

Неодамна опозициската СДСМ соопшти дека подготвува измени на законот со кои ќе се овозможи намалување на цената на зелениот картон, кои ќе ги достават во собранието. Од партијата меѓутоа не кажаа како се планира тоа да се постигне.

Според партијата 70% од сопствениците на возила во текот на една година вадат зелен картон, а трошокот кој граѓаните го плаќаат изнесува помеѓу 9 и 10 милиони евра.

„Ова ќе биде директна помош за сите кои користат автомобили, бидејќи тој трошок ќе се намали и тоа значително, а тие средства ќе останат во семејниот буџет за друга намена. Решението го има во речиси секоја држава од соседството. А што е најважно, цената на чинење се движи околу 20% од цената којашто е кај нас. Односно оној трошок за годишна зелена карта би се намалил за околу 80 отсто. При самата регистрација на возилото да го има овој трошок за сите кој сметаме дека е незначителен, и го добива секој корисник“, наведоа при најавата на законското решение од СДСМ.

Од Владата не добивме одговор дали се размислува за некакви измени на законот со кој ќе се намали цената на зелениот картон или целосно ќе се укине.

Од осигурителните компании засега не ги коментираат најавите за поевтинување на зелениот картон, но велат дека доколку има некакви законски измени очекуваат да бидат консултирани.

Според извештајот на Агенцијата за супервизија на осигурувањето во првите шест месеци од 2024 година, секое трето осигурено возило имало и зелен картон.

Во првите шест месеци сите 12 осигурителни компании издале повеќе од 117.000 зелени карти. Бројот на издадени зелени карти лани е за нијанса, односно за 2 отсто, помал од бројот на издадени зелени карти во истиот период од 2023 година.

Но од друга страна, вложувањата во зелена карта биле за 4,5% повисоки од 2023 година или 10,2 милиони евра за шест месеци.

Податоците на Националното биро за осигурување покажуваат дека бизнисот со осигурување од автомобилска одговорност во првата половина од 2024 година пораснал за 6% во споредба со истиот период 2023 година.

Сопствениците на возила во овој период вложиле 43,1 милиони евра во задолжително осигурување од автомобилска одговорност како и во зелена карта за речиси 351.000 возила (патнички и товарни возила, автобуси, мотоцикли, трактори, приколки и специјални возила).

Само за споредба граѓани, компаниите и институциите за цела 2023 година купиле вкупно 958.528 полиси за осигурување возила во земјава и во странство. Во осигурување од автомобилска одговорност (за возење во земјава и во странство) во 2023 година се вложени 86,7 милиони евра.

Во текот на 2023 година осигурителните компании издале 260.815 зелени карти.

Зелената карта е осигурување кое служи за обесштетување на трети лица доколку се случи сообраќајна незгода или несреќа во странство. Зелениот картон е еден вид проширување на важноста на задолжителното осигурување од автомобилска одговорност. Само на тој начин македонските возачи можат да ги покријат евентуалните штети во меѓународниот сообраќај, на ист начин како да сте во домицилната држава.

Доколку не се поседува ваква карта, штетата ја покриваат целосно и во услови кога не се виновни, оти така е по меѓународните правила.

Специфика на зелената карта е тоа што во некои земји нема утврдена максимална сума за човечки жртви во сообраќајна несреќа. Во таков случај осигурителната компанија што ја издала зелената карта ќе исплати износ без ограничување.

Според податоците на АМСМ ова осигурување може да се обезбеди за еден месец или за една година. Цената за патничко возило до 66 KW на годишно ниво е 3.690 денари, а за над 66 KW за една година е 5.536 денари. Цена, пак, за патничко возило до 66 KW за месечно ниво е 1.850 денари, а за возило над 66 KW e 3.075 денари. За влечните и специјалните возила, мотоциклите, приклучни и работни возила цената е 5.536 денари. За товарните возила и автобусите цената е 17.222 денари.

Важност на зелената карта е 12 месеци. Картата има важност само во рамки на времетраењето на регистрацијата.

Во најголемиот дел од земјите членки на Европската Унија, сопствениците на автомобили плаќаат единствена премија за осигурување, заедно со зелен картон. Слично е и во регионот, Србија, БиХ, Албанија, Словенија и Грција каде што веќе се споени овие два документа. Оваа идеја е актуелна и во земјава, иако има реакции од возачите кои не патуваат во странство и за нив, како што велат, тоа ќе биде непотребен трошок. Во Закон за задолжително осигурување во сообраќајот е наведено дека единствена премија кај нас ќе се применува кога Македонија ќе стане полноправна членка на ЕУ.

Поседувањето на зелен картон сега е задолжително при влез на територијата на Македонија, Русија, Белорусија, Украина, Турција, Израел, Иран, Тунис и на Мароко.

The post СЕ НАМАЛУВА ЦЕНАТА НА ЗЕЛЕНИОТ КАРТОН? Ако не може да се укине, барем ќе поевтини appeared first on plusinfo.mk.

-За нас е важно да ја запреме инфлацијата, тенденцијата е добра, но мораме да го забрзаме трендот. Со наша инвестиција од 3,2 милиони евра и со помош на пекарите ќе ја намалиме цената на лебот „сава“ од 500 грама од 57 на 54 динари, што е за околу 5 отсто пониска – рече Вучиќ. презентирање на новите мерки.

Тој најави дека не се планира зголемување на цената на струјата.

-Ќе бараме ММФ да ни дозволи да не ја зголемуваме цената на струјата, што се обврзавме да го направиме во септември или октомври, бидејќи сметаме дека немаме проблем со финансиите, мислиме дека е поважно тоа да не влијае зголемувањето на другите цени за да може побрзо. Инфлацијата паѓа кон целта од осум отсто, за следната година да ја спуштиме на 3,5 и 4,0 отсто – рече Вучиќ.

The post ПОЕВТИНУВА ЛЕБОТ ВО СРБИЈА Од петок лебот „сава“ ќе чини 54 динари appeared first on plusinfo.mk.

Одлуката производителите на храна да добијат поевтина струја, според проценките на Владата, треба да резултира со намалување на цените на млекото и млечните производи кои во изминатиот период забележаа голем раст. Друг аргумент за намалување на цената на млекото, како што вели министерот за економија, е новиот Закон за заштита на потрошувачите кој предивидува спречување на т.н. нечесни и измамнички трговски практики, односно работење со нереално високи маржи на трговските ланци.

– Во делот на млекото и млечните производи очекувам да има намалување на цените веднаш, особено сега, со новиот Закон за заштита на потрошувачите. Веќе побарав од секторот за трговија да извадат податоци за цените на стоки кои се увезени, затоа што летово донесовме одлуки со кои ги укинавме сите давачки на одредени млечните производи, вклучувакќи го и суровото млеко кое треба да се преработува во државава. Во моментот кога ќе стапи на сила одлуката, од 1 декември, треба да има дополнително намалување во делот на млектото и млечните производи. Мислам дека во оваа сфера има големи маржи што е спротивно на одлуките на Владата… Државниот пазарен инспекторат (ДПИ) веќе има насоки да влезе, да направи соодветни контроли, но се чекаше да помине Законот за заштита на потрошувачите. Овој закон помина во Собранието и ДПИ веднаш ќе почне да постапува при што ќе има и соодветни санкции – изјави Бектеши во „360 степени“ во која се зборуваше за цените на прехранбените производи.

The post МЛЕЧНИТЕ ПРОИЗВОДИ ДА ПОЕВТИНАТ ВЕДНАШ Бектеши очекува од 1 декември пак да се намалат appeared first on plusinfo.mk.

Според новиот Ценовник на услуги на јавното претпријатие „Градски паркинг“, намалувањето се однесува на паркирање за еден час во зоните и тоа зона А0 цената од 100 денари се намалува на 75 денари, во зона А од 50 денари се намалува на 40 денари, во зона Б од 40 се намалува на 30 денари, во зона Ц и Д се намалува на 25 денари.

Ваквата одлука за поевтинување на паркирањето во Скопје влезе во сила на 24 февруари, со добивањето согласност од Советот на Град Скопје, односно по изгласувањето на претходно донесената одлука на седница на Управниот одбор на ЈП „Градски паркинг“ за намалување на цените за зонско паркирање во градот

The post ОД ДЕНЕСКА ПОЕВТИН ПАРКИНГ Се намалија цените на зонското паркирање appeared first on plusinfo.mk.

Тој посочи дека согласно одлуката за измена на ценовникот на услуги на Јавното претпријатие Градски паркинг, намалувањето се однесува на час паркирање во следните зони: Зона А0 паркирањето од 100 денари, се намалува на 75 денари, во зона А од 50 денари, се намалува на 40 денари, во зона Б од 40 денари, износот за паркирањето се намалува на 30 денари и во зона Ц и Д, цената за еден час паркирање од 30 денари се намалува на 25 денари.

Ваквата одлука за поевтинување на паркирањето во Скопје влегува во сила по добивање согласност од Советот на Град Скопје, а ќе се применува од 1 март.

Христовски потенцираше дека со усвојување на оваа одлука, а сред економска криза, кога цените растат, Јавното претпријатие Градски паркинг им излезе во пресрет на барањата на граѓаните за поевтин паркинг во градот и го реализира она кое е ветено пред скопјани.

Тој најави нови катни и монтажни паркиралишта во Чаир, Аеродром, Центар и во Кисела Вода, со што, како што рече, ќе се овозможи паркирањето во Скопје не само да биде поевтино, туку да биде и подостапно за граѓаните.

The post ОД 5 ДО 30 ДЕНАРИ Поевтинува паркирањето на местата на Градски паркинг appeared first on plusinfo.mk.