Со низа настани, свечености, културни збиднувања во рамки на Манифестацијата „Прличеви беседи“ и оваа година Охрид ќе го чествува ликот и делото на великиот поет и преродбеник, охридскиот Хомер – Григор Прличев.

Со Манифестацијата „Прличеви Беседи“ се одбележува годишнината од смртта на Прличев кој се упокои на 6 февруари пред 131 година.

Оваа година чествувањата за Прличев започнуваат утре (сабота), со поетскиот караван: „Добри гости“- Серија книжевни гостувања низ Македонија, со почеток во 18 часот во кафе-барот „Шила“ во Охридската чаршија.

В понеделник на 5 февруари од 11:45 часот ќе биде поставена изложба на ликовни дела од колекцијата на НУЦК „Григор Прличев“ во изложбениот салон, додека од 12 часот ќе се одржи централната свеченост – посветена на поетот Славе Ѓорѓо Димоски кој е годинешниот лауреат на наградата за најдобра поема „Григор Прличев“. Во рамки на свеченоста ќе биде презентирана неговата наградена поема „Денес“, а ќе биде и врачена и Повелбата за најдобрата поема.

На 6 февруари, вторник, во 10 часот ќе биде положено цвеќе пред споменикот на Прличев во училишниот двор на општинското основно училиште што го носи неговото име, а од 10:30 часот предвидени се панихида и полагање цвеќе на гробот на поетот во близина на црквата „Св. Богородица – Перивлепта“.

Во 11 часот во Спомен куќата на Григор Прличев ќе се одржи настанот „Стихови и звуци за Прличев“ во чии рамки ќе се читаат нарадени литературни творби, а ќе биде промовирано и изданието „Охридски поети“ од Димитар Пандев и Славе Ѓорѓо Димоски. Во 12:30 часот предвидено е полагање лавров венец и свежо цвеќе пред спомен – бистата на Прличев пред НУ Библиотека „Григор Прличев“, со обраќање на Смиле Наумоски – член на Друштвото на писатели на Македонија.

Во 13 часот во охридската библиотека ќе се одржи „Охридска визита“ во рамки на која беседа за поетот и преродбеник Прличев ќе одржи Елизабета Шелева, по што ќе следи прогласување на добитникот на наградата за најдобра беседа во чест на Прличев за 2024.

Годинешната програма во чест на Прличев ќе биде заокружена со свечена приредба по повод Патрониот празник на ООУ „Григор Прличев“ во НУЦК „Григор Прличев“ до 19 часот.

„Григор Прличев е наша национална гордост и еден од најмаркантните литературни дејци, кој со своите творечки достигнувања е симбол на македонската култура и литература. Неговото име и неговиот животен пат оставаат силен печат во историјата на Охрид и заслужуваат огромна почит“, се вели во поканата на градоначалникот на Охрид, Кирил Пецаков, упатена до граѓаните повикувајќи да бидат дел од свеченостите во чест на големиот поет.

Носители на манифестацијата се Општина Охрид, НУЦК „Григор Прличев“ , Библиотеката „Григор Прличев“, ООУ „Григор Прличев“, НУ „Завод и музеј – Охрид“ и Друштвото на писатели на Македонија.

The post ОХРИД ДЕНОВИВЕ ДИШЕ ВО ДУХОТ НА ПРЛИЧЕВ Изложби, беседи, поетски читања во чест на големиот поет и преродбеник appeared first on plusinfo.mk.

Музичкиот дел ќе започне во 20 часот во салата за проекции во Кинотеката со концертни настапи во живо на двајца музичари од македонската електро-акустична и современа електронска музика: Axiotomic и Amplidyne Effect, како и настап на канадскиот музичар hundredmillionthousand. Концертните настани ќе бидат пропратени со проекции на македонски филмови во избор на филмолозите при Кинотеката.

Во холот, пак, на Кинотеката ќе бидат поставени две изложби. Македонскиот уметник Игор Манојловски – Калц ќе се претстави со колажни дела под името “Егзотика/Еротика”, а Денис Митјушев од Њујорк со цртежи и дела под името „Resistance to Form” и “Распад 97″.

Во галеријата на Кинотеката, со почеток во 23.30 часот, пет ди-џеи од современата македонска електронска сцена ќе настапат со ди-џеј сетови: Andreas Hz, DJ UX, Martina Peneva, Maggie, Martchin. Ди-џеј сет настапите ќе бидат проследени и збогатени со визуелизации, поточно, со ви-џеј сет ќе настапи мултимедијалниот македонски уметник Video Podgorec.

Влезот за сите настани е бесплатен.

Градска библиотека „Браќа Миладиновци” – Скопје во рамки на годинешната скопска „Бела ноќ”, денеска напладне во библиотеката „Другарче” ќе одржи работилница за деца од три до седум години, која ќе ја водат писателките Ана Голејшка Џикова и Ангела Георгиевска.

Во исто време, како што е најавено, во „Паркот на поезијата” во Централната библиотека ќе се одржи Клубот на читатели за романот „Сфинга на гневот” од Жарко Кјунџиски.

„Насловот беше предлог-книга за месец септември, кога ја започнавме големата кампања „Читаме современи македонски автори”. Клубот на читатели ќе го води Денис Бојаров, а идејата е на неформален начин на едно место да се соберат оние кои ја прочитале „Сфингата”, но и оние кои планираат да го направат тоа и низ разговор да отворат интересни прашања за делото. „Клубот на читатели” е планирано да прерасне во традиционална средба со која ќе се заокружува секој месец од кампањата „Читаме современи македонски автори”, соопштија од градската библиотека.

Исто така, вечер во „Паркот на поезијата” следува поетско читање, на кое ќе настапат Владимир Лукаш, Катерина Гогова, Митко Апостолов, Д.А.Лори, Андреј Ал-Асади, Софија Тодоровска, Диме Данов. Модератор на настанот е поетесата Биљана Стојановска.

„Библиотеката е средиште на културата и меморијата, но и на актуелните случувања за кои ги отвораме своите врати“, истакнаа од тимот на Библиотеката.

The post „БЕЛА НОЌ“ ВО СКОПЈЕ Македонската електронска сцена на „Десонанз” appeared first on plusinfo.mk.

– Поради исклучително неповолната метеоролошка прогноза што предвидува поројни дождови во попладневните часови во Струга, в среда во термин кога на отворен простор, пред платото на Центарот за култура беше предвидено да се поставува масивна опрема за осветлување и озвучување и која може да претрпи оштетувања и прогнозата за поројни дождови, в четврток попладне, бевме принудени да донесеме одлука за промена на локацијата на свечното отворање за да го минимизираме ризикот од откажување на настанот – се наведува во соопштението на СВП.

Оттаму изразуваат надеж дека временската прогноза в недела ќе биде поволна и затворањето на Фестивалот ќе се одржи на традиционалната локација на Мостот на поезијата.

Фестивалот Струшки вечери на поезијата почнува на 25 август, а ќе трае до 29, и според дирекцијата, ќе ги задржи препознатливите програмски содржини. Најавено е присуство на 24 странски и триесетина домашни поети на главните поетски читања.

– Во програмата предвидено е меморијално чествување на доајенот на македонската поезија Радован Павловски, вечер на хрватска женска поезија и промоција на специјалниот тематски број на „Книжевно житие“, поетски портрет на Шунтаро Таникава, поетски омаж на лауреатот на СВП во 2020 година, Амир Ор, портрети на добитниците на наградите „Мостови на Струга“ и „Браќа Миладиновци“ за 2022 година, како и повеќе поетски читања на домашни и странски поети – информира СВП.

Годинашното издание ќе се одржува под мотото „Ритам на стихот, ритам на животот“ со кое се потенцира исконската врска меѓу ритмичките обрасци во поезијата како одраз на ритмичките обрасци во природата и севкупната стварност, но и врската меѓу поезијата и музиката.

The post ЛОШАТА ПРОГНОЗА ГИ ПРЕСЕЛИ СТРУШКИТЕ ВЕЧЕРИ Педесетина поети ќе рецитираат во хотел „Дрим“ appeared first on plusinfo.mk.

– Настанот ќе има натпреварувачки, но ферски карактер. Ние ќе ги избереме учесниците, а тие ќе си го одберат победникот што ќе отскокне до отворањето на второто издание на СПФ, на 30 септември во Младинскиот културен центар ‒ Скопје, и ќе чита заедно со другите учесници на фестивалот – соопштија од фестивалот.

Заинтересираните учесници треба да се на возраст од 16 до 25 години и да испратат свои две песни на мејлот contact@spf.mk најдоцна до 10-ти август.

Имињата на одбраните натпреварувачи ќе бидат објавени на фејсбук и инстаграм страниците на фестивалот, а читањето ќе се одржи во кафе книжарницата „Буква“ на 29 август, со почеток од 20 часот.

Фестивалот е поддржан од Град Скопје, од кафе-книжарница „Буква“ и од Младинскиот културен центар – Скопје.

The post МЛАДИ ПОЕТИ СПРЕМЕТЕ ГИ ПЕСНИТЕ! Пријавете се на конкурсот „Отскочна даска“ appeared first on plusinfo.mk.