Интензивно се работи на реализацијата на еден од најголемите капитални проекти во Скопје, булеварот „Македонија”, со кој за првпат во државата се гради и пушта во употреба првата подземна сообраќајница, објави на Фејсбук градоначалникот Орце Ѓорѓиевски.

Според Ѓорѓиевски, станува збор за стратешки проект што значително ќе го подобри сообраќајниот проток и ќе донесе ново, модерно решение за урбана мобилност во главниот град.

– Со неговата реализација, метежот и сообраќајниот хаос во Скопје ќе се намалат за најмалку 33%, што претставува огромен чекот кон пофункционален, поуреден и поефикасен град. Најдоброто, доаѓа! – изјави градоначалникот.

The post ЗА ТРЕТИНА ЌЕ СЕ НАМАЛИ МЕТЕЖОТ ВО СКОПЈЕ Интензивно се работи на булеварот „Македонија“, вели Ѓорѓиевски appeared first on plusinfo.mk.

Градоначалникот на Град Скопје, Орце Ѓорѓиевски објави видео од булеварот „Македонија“ чија изградба почна вчера и се очекува првата фаза да биде реализирана во рок од 90 дена.

„Градот Скопје со визија и посветена работа ги испишува нивите страници на една убава, достоинствена и горда историја“, пишува Ѓорѓиевски.

Градоначалникот најави дека ваа недела треба да биде распишана и тендерската постапка за втората фаза, а дека очекува целата сообраќајница, којашто е околу два километра, да биде завршена до крајот на неговиот мандат.

– Рокот на изведба е 90 дена, а од следната недела ќе ја почнеме тендерската постапка за втората фаза која ќе подрзабира два нови кружни текови и влез во подземната сообраќајница. За да не го губиме времето, ќе ја почнеме тендерската постапка наредните 10 дена и верувам дека веднаш по завршување на првата фаза, ќе започнеме со реализација на втората фаза. Оваа фаза опфаќа проширување на дел од сообраќајниците тука и уредување на целиот простор. Опфаќа нова атмосферска канализација и 60 нови шахти, што значи дека и атмосферските води ги средуваме во овој дел од нашиот главен град. Опфаќа на улицата Пролет, приклучување и нов крак кон улицата Борис Трајковски и уште едно проширување и нов крак на улицата 11 Октомври – изјави вчера Ѓорѓиевски.

The post 📽️ ВАКА ЌЕ ИЗГЛЕДА ПРВАТА ФАЗА ОД БУЛЕВАРОТ МАКЕДОНИЈА Треба да биде реализирана во рок од 90 дена appeared first on plusinfo.mk.

Кандидатот за градоначалник на Град Скопје од ВМРО-ДПМНЕ Орце Ѓорѓиевски денеска најави проект кој, како што рече, ќе ја промени сообраќајната иднина на градот, првата фаза од булеварот Македонија и улицата Даме Груев да прерасне во булевар.

– Овој проект не е само дел од мојата програма, туку вистински пресврт за централното градско подрачје. Се работи за клучен проект што ќе го растовари целосно метежот во центарот на Скопје. Новиот кружен тек кај „Нова Македонија“ и двата кружни тека кај булеварот Кочо Рацин и улицата Железничка ќе донесат побезбеден проток и паметни сообраќајни решенија според европските стандарди – изјави Ѓорѓиевски.

Со пуштањето во употреба на подземната сообраќајница под „Лимак“, Скопје ќе ја добие првата подземна сообраќајница.

– Таа ќе има шест ленти, четири за двосмерен сообраќај на автомобили, две за автобуси и дополнителни тротоари. Со оваа подземна сообраќајница под „Лимак“, сообраќајот ќе тече, би рекол, сосема непречено, а центарот ќе доживее значително растоварување, што ќе го направи движењето низ целиот град многу покомфорно и побезбедно. Мислам дека ќе успееме да постигнеме и целосно ослободување од метежот во центарот – изјави Ѓорѓиевски.

Се предвидува уште едно капитално решение, а тоа е улицата Даме Груев да премине во булеварско решение.

– Иако постојат предизвици со зградата на „Макотекс“, имаме јасен план за правно и техничко решение. Со реализацијата на овој проект, централното градско подрачје ќе биде речиси целосно растоварено, создавајќи современ, урбан и проточен простор кој ќе го трансформира секојдневното движење на граѓаните – Ѓорѓиевски.

Во однос на паркирањето, кандидатот за градоначалник на Скопје најави дека тоа значително ќе се подобри со изградбата на современа катна гаража од европски тип на местото од дотраените бараки и постојниот монтажен паркинг во Буњаковец. Преку монтажни паркинзи во Капиштец и под Кале ќе им се овозможи на жителите и многу поудобен пристап до паркинг.

Орце Ѓорѓиевски побара граѓаните да го поддржат кандидатот за градоначалник на Општина Центар од Движењето ЗНАМ – За наша Македонија, Мирослав Лабудовиќ.

– Некои од проектите Орце ги кажа. Максимална поддршка ќе има општината, со максимална заемна координација и соработка, ќе го направиме градот многу подобро место за живеење. Граѓаните на Центар и на Скопје очекуваат и ќе добијат промени, како организиран јавен превоз, повеќе паркинг места, смарт паркинг системи. Зборуваме за ред и да се тргне хаосот што ни се случува во овој момент – рече Лабудовиќ.

Тој додаде дека работат на проекти за нова општинска зграда, за нови градинки и основни училишта и за вклучување на младите во спортот и во културата.

The post ПОДЗЕМНИОТ БУЛЕВАР ПОД „ЛИМАК“ И ДВАТА НОВИ КРУЖНИ ТЕКА ЌЕ ГО ОЛЕСНАТ СООБРАЌАЈОТ Ѓорѓиевски и Лабудовиќ ветија соработка за Скопје да биде подобро место за живеење appeared first on plusinfo.mk.

Во мојот мандат ќе се реализира првата подземна сообраќајница во Скопје, вели кандидат на ВМРО-ДПМНЕ за градоначалник на Град Скопје, Орце Ѓорѓиевски.

– Првата јавна набавка која што ќе биде распишана, а е поврзана со големи проекти е Лимак, има неколку фази, два кружни тека имаме кон Кисела Вода и еден е елипсоиден кружен тек од страната кај „Нова Македонија“.  Веднаш штом ќе влезам во Град Скопје ќе бидат отпочнати процеси за распишување на тендерска постапка за реализација на Лимак – рече Ѓорѓиевски во гостување на ТВ21.

Тој додава дека бил во посета на оваа сообраќајница и тоа што е направено под објектите на Лимак, како што кажа, е навистина за секоја чест.

– Тоа е нешто несвојствено за државата, затоа ми е сериозен предизвик. Јас ќе бидам првиот кој ќе ја изгради првата подземна сообраќајница во Градот Скопје, а тоа е Лимак и таму тоа што е изградено од сопствениците на Лимак е пресериозна работа, дури и несвојствено за Скопје. Останато е да се доасфалтира. Има 8 ленти, по три од страните има за двосмерен сообраќај на автомобилите, и во средината уште две има за автобуси, и тротоари дополнително – рече Ѓорѓиевски.

Тој кажа дека овој проект ќе биде нешто по што ќе го паметат во градот.

– Јас еден ден нема да бидам политичар. Треба да оставиме нешто по кое што ќе нè паметат. Мене во овој дел од Скопје помеѓу Кисела Вода и Центар ќе ме паметат по Лимак. Јас ќе бидам човекот што ќе ја изгради првата подземна сообраќајница. Верувам дека до втората половина од мојот мандат ќе биден ставена во функција, имајќи предвид дека детално беа прегледани проектите од мојот тим – вели Ѓорѓиевски.

Во врска со бараките во кои е сместена градската администрација, Ѓорѓиевски вели дека мора да се иселат бидејќи условите се супстандардни за вработените.

– Јас сакам и морам да имам ефикасна администрација. Што се однесува до Градот Скопје и просторните услови таму, веќе разговаравме со претседателот на Владата Христијан Мицкоски и со директорот на СОЗР Ивица Томовски, разгледуваме две опции што ќе можеме да ги прмениме откако би ја преземал власта во Градот Скопје. Не можам подетално да одоговорам денеска, но дека ќе создадеме подобри просторни услови и за странките, но и за вработените, ќе создадеме. Конечно бараките ќе се дислоцираат од Градскиот парк – рече Ѓорѓиевски посочувајќи дека таму нема да се градат ни згради, ниту хотели.

За останатите кандидати кои се во трката за градоначалници на Скопје, вели дека секоја нивна идеја која ќе придонесе за поквалитетен живот ќе биде земена предвид и применета.

– Горан Марковски ќе биде вклучен после изборите како дел од моите советници доколку би прифатил таква работа да помогне во однос на сите овие проекти кои што треба да ги реализираме. Каја Шукова, мислам самата се понуди за директор на „Комунална хигиена“. Може ќе спроведеме постапка – интервју. Ако се покаже дека е најдобар кандидат можеби ќе биде поставена за директор… Така што, апсолутно јас сум растоварен од тоа кој од каде доаѓа – истакна Ѓорѓиевски.

The post ЌЕ МЕ ПОМНАТ ПО ПРВАТА ПОДЗЕМНА СООБРАЌАЈНИЦА Шукова може да биде директорка на „Комунална“, Марковски ќе го поканам во тимот, вели Ѓоргиевски appeared first on plusinfo.mk.