Министерството за правда на САД синоќа објави огромна количина документи поврзани со осудениот финансиер и сексуален престапник Џефри Епштајн, вклучувајќи повеќе од три милиони документи и фотографии, како и нова, помала транша записи.

Најновата објава, означена како „Сет податоци 12“, содржи нешто повеќе од 150 документи, главно повеќестранични, од кои голем дел се преписки преку мејлови, пренесува Си-Би-Ес.

Објавувањето следи откако претходно истиот ден Министерството за правда на САД ја направи достапна големата архива материјали во согласност со Законот за транспарентност на досиејата за Епштајн.

Меѓу објавените документи се наоѓа и нацрт-обвинение од 56 страници кои сојузните обвинители на Флорида го подготвиле во средината на 2000-тите, а со кои Епштајн требало да биде обвинет по вкупно 30 кривични точки, вклучувајќи трговија со луѓе со цел сексуална експлоатација, подведување малолетници, завера и други кривични дела.

Во документите се наведува дека во поединечни случаи жртвите биле плаќани, како и дека биле поттикнувани да регрутираат други малолетнички. Обвинението никогаш не беше подигнато, а случајот заврши со контроверзен договор од 2007 година, кој на Епштајн му овозможи да избегне сојузно гонење.

Документите, исто така, содржат мејлови кои укажуваат на контакти на Епштајн со бројни влијателни поединци. Објавената преписка покажува дека американскиот министер за трговија Хауард Лутник и неговото семејство престојувале на приватниот остров на Епштајн во 2012 година, иако Лутник претходно тврдеше дека ги прекинал односите со Епштајн уште во 2005 година. Неговиот портпарол наведе дека Лутник никогаш не бил обвинет за незаконско однесување.

Мејлови од 2018 и 2019 година покажуваат дека Епштајн им подарил „Хермес“ и Епл часовници на поранешниот советник на Трамп, Стив Бенон и на неговиот син, како и дека Бенон учествувал во неуспешниот обид на Епштајн да го поправи својот јавен имиџ преку планиран документарен филм.

Посебна преписка открива дека Епштајн поврзувал жени со косопственикот на американскиот фудбалски тим Њујорк Џајантс, Стив Тиш, со детални и експлицитни коментари за нив. Тиш во изјавата наведе дека жали поради контактот со Епстин и дека никогаш не го посетил неговиот остров.

Меѓу објавените имејлови е и пораката од 2015 година во која тогашната советничка на Белата куќа, Кетрин Румлер напишала дека го „обожава“ Епстин. Румлер подоцна јавно изјави дека жали што некогаш го запознала.

Новообјавените судски документи покажаа и дека американскиот милијардер Илон Маск имал пообемна и поблиска комуникација со Епстин отколку што е познато и дека тие разменувале пријателски мејлови.

Документите покажуваат и дека поранешниот британски принц Ендрју Маунтбатен-Виндзор присуствувал, заедно со други познати личности, на интимна вечера со Епстин, неколку месеци откако тој бил пуштен од затвор.

Министерството за правда на САД соопшти дека при објавувањето на документите поврзани со Епстин не оштетило ниту едно лице, вклучувајќи го и американскиот претседател Доналд Трамп. Министерството наведе дека објавувањето на документите ќе продолжи во согласност со законот, со затемнување на чувствителните податоци, посебно оние кои се однесуваат на жртвите.

Новиот материјал е објавен откако Министерството за правда го проби рокот за доставување на сите документи предвидени со Законот за транспарентност на досиејата на Епстин, кој е потпишан на 19 ноември и со кој на државната обвинителка на САД, Пем Бонди ѝ е даден рок од 30 дена да ја објави комплетната архива на тоа министерство во врска со Епстин.

The post НОВИ ДОКУМЕНТИ НА ЕПШТАЈН ОТКРИВААТ ЗАБОШОТЕНА ИСТРАГА ОД 2000 ГОДИНА Со обвинителите на Флорида била постигната контроверзна вонсудска спогодба appeared first on plusinfo.mk.

Аферата започна во понеделникот кога потпретседателката на Партијата за слобода и правда (ССП), Мариника Тепиќ, на прес-конференција покажа видео за кое изјави дека е сведоштво на лице од Јагодина, кое наводно присуствувало на подведување на девојчиња и жени во тој град.

-Денеска знам дека подведувањето жени и девојчиња е секојдневна работа во Јагодина, каде владее Драган Марковиќ Палма – изјави Тепиќ додавајќи „ова трае веќе 10 години, но никој досега не смееше да зборува“.

Порталот Нова.рс објави видео во кое поранешен вработен во хотел во Кончарево, кој сакаше да остане анонимен, зборува за подведување во Јагодина на жени и малолетни девојчиња на возраст од 15 години.

Обвинителството во Јагодина, на иницијатива на Драган Марковиќ Палма и давањето изјава за овие обвинувања, вчера поведе постапка во случајот на подведување на малолетни лица и на полицијата и наложи да ги испита сите лица споменати во овој контекст, по што обвинителството ќе преземе следни чекори.

Дебата за овој случај се отвори и во српското Собрание, во кое Драган Марковиќ Палма најави дека 400 жени од Јагодина ќе ја тужат Мариника Тепиќ за изнесување лаги.

Мариника Тепиќ денеска на телевизијата „Н1“ изјави дека е подготвена заедно со лидерот на ССП, Драган Ѓилас, да одговара доколку наводите за подведување на малолетнички на забавите на Палма во Јагодина не се точни, но дека се е вистина и дека има повеќе сведоци во земјата и странство кои можат тоа да го потврдат.

– Шемата е секогаш иста. Прослава на нешто со естрадни личности како Цеца, Лукас, Ѓани, бидејќи тие се мамка за студентите и помладите. После тоа, околу полноќ, на сцената настапуваат анимир дамите. Тие патуваат со таа делегација, некои се од Јагодина, а некои работат и во јавни претпријатија. Има и некои од околните села, и тие се координирани од секретарките на Палма – е изјава на сведок што го прочита Тепиќ, кој кажа дека ова е училишен пример за елитна проституција.

Денеска реагирше и лидерот на Демократската партија (ДС), Зоран Лутовац кој оцени дека случајот со наводното подведување на малолетни лица од страна на претседателот на Единствена Србија, Драган Марковиќ Палма, не треба да остане без епилог.

Тој оцени дека Србија е „тенџере што врие“ и дека се поставува прашањето што ќе доведе до тоа кога од садот ќе почне да се прелива.

– Подведувањето малолетни лица е еден од скандалите што може тоа да го предизвикаат. Некои работи едноставно не можат да се простат. И тоа воопшто не е прашање на политичка ориентација и партиска припадност – изјави Лутовац за “Данас”.

The post Нова афера во Србија: На концерти на Цеца и на Лукас подведувале малолетнички appeared first on plusinfo.mk.