Маж од Флорида е уапсен под сомнение дека намерно предизвикал катастрофален пожар во Пацифик Палисејдс, Лос Анџелес, на почетокот на јануари. Пожарот одзеде 12 животи, уништи илјадници имоти и предизвика штета од 150 милијарди долари. Осомничениот се соочува со сериозни федерални обвиненија, вклучително и можност за смртна казна.

Случајот ја истакнува сериозноста на последиците од подметнувањето пожар, како во однос на човечки животи, така и во однос на материјална штета. Пожарот во Лос Анџелес изгоре над 23.000 хектари и уништи околу 6.000 имоти, оставајќи ја заедницата во урнатини.

Осомничениот се соочува со три федерални обвиненија поврзани со пожарот, по обемна истрага од страна на Бирото за алкохол, тутун, огнено оружје и експлозиви (ATF), Противпожарната служба на Лос Анџелес и Полициската служба на Лос Анџелес. Осомничениот е уапсен во Флорида и ќе биде префрлен во Калифорнија за да се соочи со судење.

Истрагата утврди дека пожарот првично започнал во близина на популарна планинарска патека во државен парк, а потоа брзо се проширил низ Пацифик Палисејдс, Топанга и Малибу, пред да биде изгаснат по 24 дена.

Федералните обвиненија за палење подметнуваат казни од пет до 20 години затвор, додека смртоносните случаи може да резултираат со доживотен затвор или дури и смртна казна. Случајот доаѓа во време кога американскиот претседател Доналд Трамп издаде извршна наредба за заострување на смртната казна за сериозни кривични дела.

The post МАЖ УАПСЕН ЗА ПОДМЕТНУВАЊЕ ПОЖАРИ ВО КАЛИФОРНИЈА Осомничениот се соочува со смртна казна за 12 мртви и штетата од 150 милијарди долари appeared first on plusinfo.mk.

Директорот на Дирекцијата за заштита и спасување (ДЗС) Стојанче Ангелов останува  на ставот дека негова перцепција е оти избувнувањето на пожарите не е случајност и оти се работи за хибриден напад на Владата.

– Од разговорот со сопствениците на „Ф Групација“ во чиј објект со електронски отпаден материјал во Трубарево вчера избува пожар беше укажано оти настанување на пожар во ваков обем бара сериозен напор. Самозапалувањето не почнува со толку силен интензитет. Вчера во исто време имавме два пожари. Еве да претпоставиме едниот случајно да избил, но два пожари во исто време веќе не верувам дека се случајност – рече Ангелов на денешната прес-конференција во Владата.

Како што рече, се започнало со Вардариште и кога тоа го средиле и престанала да гори дивата депонија, а чадењето било сведено на минимум и безмалку да го немало, се запалила Дрисла.

– Пред два три дена се запали и депонијата во Шутка, а вчера се запали овој отпад електронски отпад. Значи премногу случајности. Јас во нив не верувам. Имам право да се сомневам, но, морам да укажам дека е многу тешко да се докаже. Ако отидете на лице место, ако некој подметнал пожар трагите изгореле во него. Тоа е нашиот основен проблем. Тешко се докажува, бидејќи ако и некаде воопшто имало камери и тие изгореле. Затоа велам дека мојата перцепција е оти се работи за хибриден напад. За мотивите може да погодуваме, но во средина на септември да има вакви тешки пожари едноставно е неочекувано или невозможно – рече Ангелов.

Додаде дека и при пожарот во Дрисла кога луѓето дошле на лице место по неколку минути линијата на пожарот била подолга од 50 метри, потенцирајќи, оти било невозможно, кога би станувало збор за самозапалување, тој да има таков обем и динамика. Тоа, вели, се случило и вчера.

Нагласува дека и многу од пожарите што се случија летово биле подметнати, и оти во одредени случаи нашле запалени гуми или палети кои мирисале на безнин.

– За повеќе пожари најдовме докази, иако тешко се обезбедуваат докази кои што би биле издржани на суд затоа што тие горат заедно со пожарот. Во една прилика кога објавив фотографија од 30-тина гуми автомобилски тие не беа ставен на куп да бидат запалени врз тревата, туку на повеќе места. Тоа е еден од методите, се премачкува гумата со бензин, се пали, се пушта да се тркала по удолница. Таа влегува во шумата удура во дрвата и по некое време некаде сопира и продолжува со горење – потенцира директорот на ДЗС.

Вчера посочи имало и пожари на отворено во Велес и Пробиштип. Порарот на Пониква, посочи, брзо го изгаснале пред да се прошири во шумата. И за него вели, има основано сомневање дека бил подметнат.

The post ПРЕМНОГУ ПОЖАРИ ЗА ДА БИДАТ СЛУЧАЈНОСТ Ангелов алармира за хибридни напади врз Владата appeared first on plusinfo.mk.

Под сомнение за подметнување пожари во Албанија се осомничени 125 лица, додека 22 се во притвор, изјави Ервин Хоџа, министер за внатрешни работи.

Од Грамш, каде состојбата е повеќе од критична тој упати апел до граѓаните да бидат посвесни бидејќи „казните ќе бидат ригорозни“.

Претходно, по драматичната ситуација со пожарите, премиерот Еди Рама, објави видео-снимка направена од турски дрон „Бајрактар“ на албанското воздухопловство, на која се гледа како лице подметнува пожар.

Намерното палење на отворен простор го нарече „предавство“ најавувајќи дека „потпалувањето ќе се израмнува со убиство“.

– Намерното палење не е само злосторство, туку и предавство на нашата земја и иднината на нашите деца. Еве видео од намерно палење снимено денес од беспилотни летала на воздухопловните сили. Државната полиција е на терен за да ги изведе пред лицето на правдата сите што си играат со пламен на заеднички имот – вели Рама.

Најавата на Рама ја поддржа министерот за одбрана Пиро Венгу велејќи дека „апсолутно е исправно од моментов, Кривичниот законик да ја одразува новата реалност“.

Инаку, според Европскиот информативен систем за шумски пожари (EFFIS) од почетокот на јули, во Албанија изгореле речиси 34.000 хектари.

The post 📽️ ПОДМЕТНУВАЊЕТО ПОЖАР ЌЕ СЕ КАЗНУВА КАКО УБИСТВО Еди Рама им објави „војна“ на потпалувачите, 22 лица во притвор appeared first on plusinfo.mk.

Спречен е уште еден обид за подметнување пожар, информираше директорот на Дирекцијата за заштита спасување Стојанче Ангелов. Шумочуварите од Национални Шуми на местото Алтн врв под Царев Врв нашле и отстранлиле повеќе од 30 нафрлани автомобилски гуми, картон за потпалување, внатрешни гуми и суви борови стебла и гранки.

Доколку не беше спречен, пожарот бргу би се проширил во блиската шума, вели директорот на ДЗС благодарејќи им на шумочуварите од Национални шуми за брзата реакција и апелирајќи до граѓаните да пријават вакви случаи доколку забележат сомнително однесување.

Местото Алтн Врв се наоѓа на Осоговските Планини под Царев Врв кој е на 2.000 метри надморска височина. Во областа безмалку и да нема движење на луѓе.

„Апелираме до сите граѓани, доколку забележат сомнително однесување кое укажува на намера за предизвикање пожар надвор од населено место како што се гуми, даски, дрвени палети, пластични шишиња или туби со течност која наликува на бензин, итно да се јават на бројот 112 или да пријават во најблиската полициска станица или на било кој припадник на полицијата или друга безбедносна служба“, соопшти раководителот на Главниот штаб за управување со кризи во ДЗС, Ангелов.

The post 📷 НЕКОЈ ПЛАНИРАЛ ДА ПАЛИ 30 ГУМИ ПОД ЦАРЕВ ВРВ Службите спречија уште еден обид за подметнување пожар appeared first on plusinfo.mk.

Полициски службеници од ОВР Прилеп вчера во 15.20 часот на ул. Осоговска во Прилеп го лишиле од слобода П.К.(51) од Прилеп осомничен дека претходно, околу 14.30 часот, на повеќе места на различни ниви во близина на Прилеп запалил сува трева.

Притоа се запалиле и изгореле дрва, бандера во сопственост на ЕВН и сува трева во непосредна близина на куќите.

Министерството за внатрешни работи соопшти дека пожарот бил изгаснат од Територијалната противпожарна единица Прилеп.

Полициски службеници од ОВР Ресен, пак, вчера во 13.20 часот во Ресен ја лишиле од слобода Г.М.(60) од Ресен поради основи на сомнение дека истиот ден во 12.35 часот кај место викано „Бараки” запалила ѓубре, но огнот се проширил и зафатил простор со сува трева. Пожарот бил изгаснат од Територијалната противпожарна единица Ресен.

МВР наведува дека по документирање на случаите, ќе бидат поднесени соодветни поднесоци.

The post ПРИВЕДЕНИ ЛИЦА ЗА ПОДМЕТНУВАЊЕ ПОЖАРИ Пожарникарите бргу реагирале во Прилеп и во Ресен appeared first on plusinfo.mk.

Од МВР денеска соопштија дека од страна на Територијалната противпожарна единица Струга пожарот бил изгаснат.

По целосно документирање на случајот ќе следува соодветен поднесок.

The post ПОДМЕТНАЛ ПОЖАР И ЗАВРШИЛ ЗАД РЕШЕТКИ Жител на Велешта ќе добие кривична appeared first on plusinfo.mk.

„На 24.08.2024 во 18.56 часот во СВР Охрид е пријавено дека настанал пожар во близина на аеродромот во Охрид. Полициски службеници од СВР Охрид излегоа на местото на настанот каде претходно биле две лица во близина на патничко возило „тојота“ кои потоа веднаш се дале во бегство со друго возило. Од страна на Територијалната противпожарна единица-Охрид пожарот бил изгаснат“, информираат од МВР.

Оттаму додаваат дека на местото пристигнал и Р.Р.(23) од Струга, кој кажал дека нивата била негова сопственост и дека со негови роднини вршеле средување на нивата. Како што кажал пожарот настанал поради негово невнимание односно додека извршувале работи, истиот фрлил неизгаснат отпушок од цигара од што настанал пожарот кој не успеале да го стават под контрола.

„На местото на настанот пронајдено е и патничкото возило „тојота“ и две канти со бензин. Во полициска станица  повикан е Р.Р а известен е Јавен обвинител. Се преземаат мерки за расчистување на случајот“, додаваат од МВР.

The post ПРЕДИЗВИКАЛЕ ПОЖАР ВО БЛИЗИНА НА ОХРИДСКИОТ АЕРОДРОМ Демек случајно, а кантите со бензин? appeared first on plusinfo.mk.

Вчера имало и повеќе пожари на територија на градот Скопје.

– Се работи за сезона на тешки пожари и за жал, не се само на наша територија. Повеќе од 150 пожари има и на територија на Србија, па оттаму го повлекуваат нивниот хеликоптер и не можеме да сметаме на нивна поддршка. Пожари има и во Грција и насекаде во регионот. Апелирам до сите граѓани да бидат екстремно внимателни. Тешко објасниво е појава на 40 нови пожари во еден ден. На дневна основа имаме појава на 35-40 стихии. Се сомневам дека добар дел се подметнати бидејќи не е нормално во еден ден да имаме 35-40 пожари. Или се работи за тотална неодговорност на одредени поединци или за некаква намера – рече Ангелов во видео-обраќањето од пожарот над викенд-населбата Брезница на Козјак.

Oвој пожар е сѐ уште активен и по 19 дена, но со поддршка на локалните пожарникари и со поддршка на унгарскиот тим пожарникари, пожарот го заокружи селото Брезница и не навлезе во селските куќи.

– Едниот крак од пожарот се движи во насока на викенд населбата на Езерото Козјак. Затоа овие два дена ги фокусиравме пожарникарите кои дојдоа за помош од Унгарија да изработат противпожарен појас над оваа викенд населба. За жал еден крај од овој појас успеа да влезе во ловиштето Јасен иако претходно повеќе од 15 дена не дозволуваа овој пожар да навлезе на теренот на ловиштето. Гаснењето ќе продолжи и денеска, наша основна цел е заштита на објектите, пред сѐ, на викенд населбата на Езерото Козјак, но и да го стопираме неговото движење во насока на ловиштето Јасен – информира Ангелов.

Вчера избил уште еден тежок шумски пожар над селото Косоврасти, Дебарско, на исклучително стрмен терен.

Пожарот во атарот на селото Негорци што бил ставен под контрола, вчера повторно се разгорел.

The post ОВА НЕ Е НОРМАЛНО, СЕКОЈ ДЕН ИМА НОВИ 40 ПОЖАРИ! Ангелов е убеден дека пожарите се подметнуваат appeared first on plusinfo.mk.

Кривичната истрага утврдила дека 35-годишен маж запалил оган на две места со намера да запалил пожар со запалка во четвртокот околу 18:55 часот во Шегет Врањица и предизвикал пожар кој зафатил осум хектари борова шума. Мажот подметнал пожар во борова шума, од чија источна страна има станбен комплекс и хотел во кој биле сместени околу 2.500 гости, а од западната страна има авто-камп во кој биле сместени околу 1.900 гости.

Тој е обвинет за загрозување на животи на луѓе и имот во поголеми размери.

Додека пожарникарите го гаснеле пожарот, полициски службеници на терен започнале увид во врска со постоење на индиции дека пожарот е подметнат пожар. Сомнежот за подметнување пожар го потврди и истрагата спроведена вчера, при што е утврдено дека пожарот бил намерно предизвикан.

По прибраните сознанија, идентитетот на мажот е утврден и утрово околу шест часот бил пронајден и приведен од страна на полициски службеници на Специјалната и интервентната полициска единица и полициската станица Трогир. Во акцијата за апсење, полициските службеници го пресретнале автобусот во кој бил осомничениот, а потоа го совладале и го привеле. Полицијата сподели видео од акцијата во која била упасен осомичениот.

Uhićenje piromama koji je kod Trogira izazvao veliki požar. pic.twitter.com/nbNl1byOdQ

— Tomislav Radnić (@TRadnic) July 20, 2024

The post 📽️ УАПСЕН ПИРОМАНОТ КОЈ ГО ПОДМЕТНА ПОЖАРОТ КАЈ ТРОГИР Погледнете како специјалците го вадат осомничениот од автобус appeared first on plusinfo.mk.

Полицијата приведе 79 лица во Грција под сомнение дека ги подметнале пожарите кои ја пустошат земјата.

Пожарите во Грција, во кои загинаа најмалку 20 лица, беснеат веќе една недела. Грчките пожарникари сè уште се борат против неколку пожари, но и против силните ветрови и топлиот и сув воздух, во неколкудневно ширење на пожарот на североистокот на Грција и на периферијата на главниот град Атина.

Василис Кикилијас, министерот за цивилна заштита, рече дека имало неколку обиди за подметнување пожар на планината Паринта, северозападно од Атина.

– Вие правите злосторство против сопствената земја. Олоши и пиромани подметнуваат пожари кои им се закануваат на шумите, имотот и, пред сè, на човечките животи – изјави Кикилијас, пренесува новинската агенција АФП.

Министерот за цивилна заштита истакна дека никој нема да се извлече и дека одговорните ќе бидат изведени пред лицето на правдата.

Во пожарите минатата недела загинаа 20 лица, меѓу кои и две момчиња на возраст од 10 до 15 години, а властите веруваат дека жртви се бегалци кои дошле од Турција.

The post ГРЦИЈА УАПСИ 79 ОСОМНИЧЕНИ ЗА ПОДМЕТНУВАЊЕ ПОЖАРИ Министерот ги нарече „олоши“ и „пиромани“ appeared first on plusinfo.mk.