Пожар избувнал во близина на угостителски објект кај скопското село Батинци, откако засега непознат сторител запалил сува трева во соседен двор.

Според пријавата доставена до СВР Скопје, огнот бил подметнат во дворно место на куќа што се граничи со локалот, по што брзо се проширил низ целиот двор и стигнал до оградата на угостителскиот објект.

Сопственикот на локалот, 40-годишен жител на Студеничани, случајот го пријавил во полиција, наведувајќи дека пожарот се случил претходниот ден околу 11 часот.

Пожарот бил навреме изгаснат, а полицијата презема мерки за утврдување на околностите и пронаоѓање на сторителот.

The post ПАЛЕЛ СУВА ТРЕВА, ЌЕ МУ ЈА ЗАПАЛЕЛ КАФАНАТА НА СОСЕДОТ!? Играње со оган во Батинци appeared first on plusinfo.mk.

Македонскиот државјанин, С.Г. (46), е уапсен во белградската општина Вождовац под сомнение дека од одмазда ја запалил пицеријата во која до неодамна работел, а потоа им испраќал снимки од пожарот на своите поранешни работодавци.

Инцидентот се случил на 10 февруари, а според неофицијални информации од истрагата, мотивот бил неговото неодамнешно отпуштање од работа. Наводно, револтиран од одлуката на менаџментот, С.Г. дошол во објектот со шише бензин, ја истурил течноста низ ентериерот и го запалил локалот.

Она што дополнително ги шокирало истражителите е однесувањето на осомничениот по избувнувањето на пожарот. Наместо само да избега од местото, тој со мобилен телефон го снимал запалениот објект, фотографирал и потоа снимките ги испратил директно до сопствениците. Според правната квалификација, ваквото однесување се смета за директна закана по безбедноста.

Во моментот кога избувнал пожарот, во објектот имало вработени. Наместо паника, тие реагирале присебно и веднаш почнале да го гаснат огнот, спречувајќи тој да се прошири и да предизвика поголема материјална штета или да зафати соседни локали.

– Сè се случи за неколку минути. Работниците покажаа неверојатна смиреност и веднаш интервенираа. Со тоа спречија целиот објект да изгори, но и пожарот да се прошири понатаму – вели извор близок до истрагата.

Полицијата во Вождовац го идентификувала и лоцирала осомничениот кратко по инцидентот, по што бил уапсен. Тој се товари за предизвикување општа опасност и загрозување на безбедноста.

По налог на обвинителството, на С.Г. му е одредена мерка задржување до 48 часа, по што ќе биде изведен на сослушување со кривична пријава. Истражните органи ќе ги анализираат и пораките и видеата што ги испратил до сопствениците, кои ќе претставуваат клучен доказ во понатамошната постапка.

The post ЈА ЗАПАЛИЛ ПИЦЕРИЈАТА И ГО СНИМАЛ ПОЖАРОТ Македонец добил отказ и им се одмаздил на сопствениците appeared first on plusinfo.mk.

По неколкучасовно гаснење со специјална пена, скопските пожарникари успеаја целосно да го изгаснат огнот во депонијата кај Арачиново, иако на терен и денеска може да се забележи чадење од неколку места.

– Благодарение на навремената интервенција и пожртвуваноста на скопските пожарникари, успеавме да ја ставиме ситуацијата под контрола. Огнот е изгаснат, но чадот што и понатаму се издига од неколку делови на депонијата може да создаде непријатност кај жителите на пошироката околина – изјави директорот на Дирекцијата за заштита и спасување, Стојанче Ангелов.

Овој пожар следува откако вчера вечерта беше подметнат нов оган на истата депонија, лоцирана покрај стариот пат кон Куманово.

– Скопските пожарникари ја затекнаа вратата на депонијата отворена, иако таа има ограда и влезна врата. Во внатрешноста беше фрлена поголема количина на пакуван сончоглед кој гореше со силен пламен, а заедно со него изгореа и други горливи производи. Најверојатно намерно запалениот сончоглед го предизвика ширењето на пожарот – нагласи Ангелов.

 

View this post on Instagram

 

A post shared by Plusinfo.mk (@plusinfo.mk)

Поради насоката на струењето на воздухот, чадот и смрдеата од пожарот се почувствуваа во повеќе делови од Скопје. Гаснењето на огнот беше особено комплицирано поради големиот обем на зафатената површина, што го отежна гаснењето со вода и пена.

– Поради специфичните услови на терен, се прави проценка дали ќе биде неопходно затрупување на дел од депонијата за целосно да се спречи повторно разгорување. Депонијата е под надлежност на Општина Арачиново и неопходно е координирано делување – додаде Ангелов.

Со оваа интервенција пожарникарите ја спречија опасноста огнот да се прошири надвор од депонијата, но останува загриженоста поради честите намерни палења во овој регион.

The post 📽️ ПОЖАРНИКАРИТЕ СО ПЕНА ГО СОВЛАДАА ОГНОТ КАЈ АРАЧИНОВО Намерно запален сончоглед ја предизвика катастрофата, вели Ангелов appeared first on plusinfo.mk.

Нема повредени во силниот пожар што се случи синоќа (среда, 24 септември) околу 23 часот, меѓу зградите на скопски Зелен пазар, откако бил запален паркиран хибриден автомобил „БМВ Х3“.

На огнот му претходела експлозија што ја слушнале станарите на зградите. Оштетено е уште едно возило „Цитроен Ц4“, а пожарот зафатил и покрив на маркет на пазарот.

Пожарникарите брзо пристигнаа и околу полноќ го локализираа пожарот и ја продолжија битката со огнените јазици. Местото на настанот го обезбедуваа полициски единици.

Во очекување на официјална информација за настанот, се шират претпоставки дека и овој пожар е подметнат.

The post ЗАПАЛЕН АВТОМОБИЛ „БМВ Х3“ КАЈ СКОПСКИ ЗЕЛЕН ПАЗАР Повредени нема, расте немирот на скопјани – уште еден подметнат пожар? appeared first on plusinfo.mk.

Имаме целосна контрола врз пожарот над селото Батинци, општина Студеничани, изјави денеска директорот на Дирекцијата за заштита и спасување (ДЗС) Стојанче Ангелов.

Ангелов информира дека пожарот избил денеска околу 13 часот. Додаде оти се работи за силен пожар.

Тој рече дека има индиции дека е намерно подметнат бидејќи одеднаш се разви поголема линија во долот.

– Поради ветерот кој дуваше, пожарот се ширеше со голема брзина. Скопската противпожарна бригада итно излезе на терен со неколку возила, а и помогнаа два пинцгауери на ДЗС, управувани од полицајци од ЕБР. Но, поради опасноста да биде зафатено и селото Батинци, бидејќи пожарот се движеше во насока на Батинци, по барање на директорот на ЦУК, Муахмед Али испративме и еден хеликоптер на МВР, како и два „ер трактори“ на Дирекцијата, кои помогнаа во брзо воспоставување контрола над овој пожар. Имаме целосна контрола врз пожарот. Има горење уште во долот зад мене, но продолжуваат со дејство „ер тракторите“ и хеликоптерот. Верувам дека набргу ќе биде ставен под апсолутна контрола, а набргу потоа и целосно изгаснат – изјави од терен директорот на ДЗС Стојанче Ангелов.

Тој истакна дека се работи за надмерно подметнат пожар, кој предизвикал паника кај населението дека потвторно е запалена депонијата „Дрисла“.

The post 📷 И ПОЖАРОТ КАЈ БАТИНЦИ НАЈВЕРОЈАТНО Е ПОДМЕТНАТ Огнот се движеше кон селото, ставен е под контрола appeared first on plusinfo.mk.

Вчера (29.08.) во 19:00 часот, полициски службеници од ОВР Кавадарци, по преземени оперативни мерки и активности ги лишиле од слобода З.К.(33) Бегниште, кавадаречко и И.И.(19) од Кавадарци, а поради сомнение дека тие предизвикале пожар на сува трева, трња и ниско стеблеста шума кај месноста викана Блато на Тиквешко Езеро, во атарот на село Куманичево, Кавадаречко.

„Повредени лица нема, а пожарот бил изгасен со вклучување на авиони од Дирекција за заштита и спасување, возила на интервентна пожарна бригада при ДЗС и територијална противпожарна единица Кавадарци. Увид извршила увидна екипа од ОВР Кавадарци, и се работи на целосно расчистување на случајот“, се вели во соопштението.

The post СВЕСНО ПРЕДИЗВИКАЛЕ ПОЖАР КАЈ ТИКВЕШКОТО ЕЗЕРО Полицијата приведе две лица appeared first on plusinfo.mk.

Подметнати пожари зафатија тешко достапни локации на Тиквешко езеро. Се прави се што е во наша моќ за истите целосно да се изгаснат, соопшти градоначалникот на општина Кавадарци, Митко Јанчев.

Во акцијата за гаснење се вклучени 3 возила БТР, 1 хермелин, 5 возила „пинцгауер“, 3 противпожарни возила, 1 камион на шумско стопанство. На терен се 30 лица, како и 2 авиона за гаснење пожари.

– Се соочуваме со два сериозни пожари на непристапни и ризични терени, кои се предизвикани од човечка рака. Се апелира за совесност и одговорност, бидејќи подметнувањето пожари претставува директна закана за природата, луѓето и материјалните добра – рече Јанчев.

The post ЗАПАЛЕН НЕПРИСТАПЕН ТЕРЕН ПОКРАЈ ТИКВЕШКО ЕЗЕРО Се гасне со 2 авиона и со повеќе возила appeared first on plusinfo.mk.

Пожар изби синоќа во Нова Битола, каде гореше сува трева и паркова површина, кои се во непосредна близина на станбените објекти.

Во изјава за МИА, командирот на Територијалната против пожарна единица-Битола, Христијан Тодоровски, истакна дека веднаш по дојавата од локалното население, пожарникарите излегле на терен.

– Гори сува трева која е во непосредна близина на станбените згради, познати кај битолчани како „социјални згради“ што се наоѓаат над улицата Игњат Атанасовски. На терен се две екипи кои гаснат и го контролираат теренот бидејќи во моментов огнот е распламтен од силниот ветер што вечерва дува во Битола. Нема сомнеж дека пожарот и подметнат – изјави Тодоровски.

Пожарот којшто беше видлив од повеќе локации на градот предизвика вознемиреност кај граѓаните од Нова Битола.

The post ПОЖАР ВО НОВА БИТОЛА ВО НЕПОСРЕДНА БЛИЗИНА НА „СОЦИЈАЛНИТЕ ЗГРАДИ“ Граѓаните се вознемирија appeared first on plusinfo.mk.

Пожарот што синоќа ја зафати околината на Смилковското Езеро и Железара не е случаен, туку подметнат – обвинија јавно градоначалниците на Гази Баба и Бутел, како и министерот за внатрешни работи. Институциите потврдуваат: има фотографии, изјави од очевидци и сомнителен образец на појава на пожарите.

Градоначалникот на Гази Баба, Бобан Стефковски, кој беше на теренот додека пожарникарите се бореа со огнената стихија, јавно објави докази – меѓу нив и фотографии од изгорени ракавици и остатоци од гуми, кои биле пронајдени токму во жариштето.

„Еве ги доказите: Остатоци од изгорена гума и ракавици се пронајдени на Смилковското Езеро. Сѐ е јасно, пожарот е подметнат. Жалосно е ако некој мисли дека на овој начин ќе добие политички поени“, напиша Стефковски на Фејсбук, објавувајќи фотографии од теренот.

И неговиот колега, градоначалникот на Бутел Дарко Костовски, на социјалните мрежи порача дека има многу очевидци кои веќе дале изјави во МВР и потврдуваат дека пожарот бил подметнат.

Дополнително, министерот за внатрешни работи Панче Тошковски синоќа по итниот состанок на Kризниот штаб во Владата рече дека сите вчерашни пожари биле подметнати.

– Имаме доволно индиции. Не е случајност – додека се гаснеше еден пожар, почнуваше друг, па трет… Сѐ е многу симптоматично. Не можам да откривам детали за да не ја загрозам предистрагата – изјави Тошковски.

Пожарот зафатил широка територија, а благодарение на брзата реакција на службите, бил спречен да стигне до населените места и до фабриките во Железара, потврди Стефковски. На терен се интервенирало со сите расположливи сили, меѓу кои Противпожарната бригада, екипи од „Комунална хигиена“ и МВР.

The post 📷 НАЈДЕНИ ИЗГОРЕНИ ГУМИ И РАКАВИЦИ КАЈ СМИЛКОВСКО Стефковски објави докази дека пожарот кај езерото е подметнат appeared first on plusinfo.mk.

Директорот на Дирекцијата за заштита и спасување, Стојанче Ангелов, денеска алармираше дека има сериозни индиции дека пожарот во околината на Чучер Сандево е подметнат, со намера да се предизвика штета и паника меѓу жителите.

– Веднаш ми беше јасно дека не станува збор за случаен пожар од отпушок. Кога стигнавме на местото, 15-20 минути по избувнувањето, огнената линија беше предолго широка, што предизвика сомнеш за подметнување – изјави Ангелов.

Но најшокантното откритие дошло утрово. Додека пожарникарите се обидувале да го догаснат она што останало од пожарот, кој сега е ставен под контрола, биле пронајдени палети премачкани со бензин, фрлени во густите смреки.

– Некој утрово намерно се обидел повторно да го запали теренот. Тоа е директна закана за целиот регион. Апелирам до сите граѓани доколку забележите сомнителни лица кои пренесуваат палети со возила или во раце, веднаш јавете се на 112 – додаде Ангелов.

Тој истовремено ги демантираше гласините дека биле зафатени верски објекти или изгореле викенд-куќи во регионот на Чучер.

– Благодарение на скопските пожарникари, пилотите од полицијата и армијата, како и несебичната помош од жителите – не дозволивме да изгори ниту една куќа – рече тој.

Надлежните сега ќе ги истражуваат трагите и доказите со цел да се утврди дали навистина станува збор за подметнување на пожар – дело кое може да има сериозни последици и кривична одговорност.

Денеска, од самите утрински часови, два хеликоптери од Хеликоптерската единица за полициски намени при МВР, Бел 412 и Агуста бел 212 интензивно учествуваат гасење на пожарот кај Чучер- Сандево. Досега се исфрлени преку 70 тони вода.

The post 📽️ 📷 НЕКОЈ САКАЛ ПАК ДА ГО АКТИВИРА ПОЖАРОТ Најдени палети со бензин фрлени во смреки кај Чучер appeared first on plusinfo.mk.