Македонија во моментов не е подготвена да ги направи уставните измени што ги бара Бугарија, освен ако не добие цврсти гаранции од Европската Унија дека тоа ќе биде последното вакво барање, вели министерот за надворешни работи и надворешна трговија Тимчо Муцунски во интервју за политичкиот магазин Politico.

Говорејќи за процесот на европска интеграција, министерот прашува:

– Нашиот страв е: ако ги направиме уставните измени, што ќе се случи ако за шест месеци Бугарија повторно дојде со барања поврзани со историјата, идентитетот или јазикот?

Тој нагласи дека земјаа е подготвена и веќе работи на сите други неопходни реформи, бидејќи тие не се само барање на Унијата, туку и потреба на општеството.

– Ако утре земјите членки ни кажат дека треба да направиме повеќе во областа на владеењето на правото или доброто управување – тоа го разбираме. И не само што го разбираме, туку го чувствуваме како наша обврска – вели Муцунски.

Во интервјуто тој се осврнува и на геополитичкиот контекст, нагласувајќи дека иако ја разбира итноста за интеграција на Украина, тоа не смее да биде на сметка на Западен Балкан.

– Најбрзата, а веројатно и најевтината инвестиција во европската стабилност е ЕУ што побргу да ги отвори вратите за целиот регион. Не мислам дека селективното проширување е најдобрата опција – изјави Муцунски.

Тој потсетува дека земјава го започна европскиот пат заедно со Хрватска, но додека Хрватска денес е членка на Шенген и користи евро, нашата држава сè уште нема отпочнато преговори за членство.

Министерот изрази увереност дека проширувањето сè уште е возможно.

– Слушаме за скептицизам кон проширувањето. Но, Северна Македонија – културно, социјално и политички – е европско општество. Доколку ги направиме реформите како што треба, не верувам дека ќе има силен отпор за проширувањето на нашиот регион – рече Муцунски.

Муцунски зборува и за поддршката што земјава ја дава за Украина, придонесот во НАТО Алијансата, како и целосната усогласеност со Заедничката надворешна и безбедносна политика на ЕУ. Тој посочи и дека Северна Македонија беше првата земја од регионот што потпиша безбедносно-одбранбено партнерство со Европската Унија – дури пред Велика Британија и Канада.

The post МУЦУНСКИ ЗА „ПОЛИТИКО“ Подготвени сме да ги направиме сите неопходни реформи – не само поради ЕУ, туку поради посилно општество appeared first on plusinfo.mk.

НАТО нема да се откаже од помошта за Украина, а Хрватска е вреден и доверлив сојузник во тие напори, изјави заменичката генерален секретар на НАТО, Радмила Шекеринска, во интервју за хрватската агенција Хина.

Таа нагласи дека хрватската посветеност кон НАТО е „многу јасна“.

– По бруталната руска агресија врз Украина, Хрватска беше вистински сојузник кој ја поддржа Украина, не само финансиски и политички, туку и воено. Станува збор за 245 милиони евра директна хуманитарна и воена помош – рече таа.

Шекеринска викендов учествуваше на Дубровничкиот форум, каде повтори дека НАТО останува цврст во поддршката на Украина.

– Русија го поткопува меѓународниот поредок, европската безбедност и главната цел на Алијансата – безбедна евроатлантска зона. Затоа ја поддржуваме не само територијалната целовитост и суверенитет на Украина, туку и нејзиното право и способност за самоодбрана – истакна Шекеринска.

Само минатата година НАТО сојузниците ѝ испорачале на Украина повеќе воена помош од ветеното, над 50 милијарди евра. Во првите шест месеци од годинава, таа сума изнесува дополнителни 35 милијарди евра, додаде таа.

За поефикасна координација на помошта, НАТО воспостави посебна командна структура во Висбаден, Германија, како и заеднички центар со Украина во Полска. Овие капацитети имаат задача не само да обезбедат помош, туку и да извлечат поуки од украинското борбено искуство.

Дополнително, како што посочи Шекеринска, дел од сојузниците веќе разговараат за формирање „Коалиција на подготвени“ – група земји што ќе продолжат со поддршка и по евентуалното примирје, со цел осигурување праведен и одржлив мир.

Во врска со загриженоста во Европа за ставовите на актуелниот американски претседател Доналд Трамп кон НАТО, Шекеринска изјави дека нема простор за страв.

– Заклучоците од последниот Самит во Хаг потврдуваат единство на трансатлантскиот сојуз. САД се јасно и силно посветени на НАТО – рече таа.

Според неа, американската посветеност доаѓа со очекување дека европските сојузници и Канада ќе вложат повеќе за да се постигне праведна распределба на безбедносниот товар. На Самитот беше договорено сите членки да ги зголемат буџетските издвојувања за одбрана на 5 отсто од БДП.

– Сојузниците споделуваат исти проценки за најголемите закани и заедничка визија за тоа како да се соочат со нив – преку зголемени трошоци за одбрана и развој на поамбициозни капацитети – истакна Шекеринска.

Во врска со одлуката на Хрватска да воведе задолжителен воен рок од следната година, Шекеринска порача дека таквите политики се суверено право на секоја држава членка.

– Некои земји се фокусираат на професионална армија, други повторно го воведуваат воениот рок. НАТО го почитува изборот на секоја држава во согласност со нејзините околности – изјави таа.

Главниот фокус на Алијансата, според Шекеринска, е развој на воените капацитети и поддршка на усогласените оперативни планови.

The post НЕМА ПРОСТОР ЗА СТРАВ ОД СТАВОВИТЕ НА ТРАМП ЗА НАТО Украина ќе добива цврста поддршка за да се одбрани од Русија, вели Шекеринска appeared first on plusinfo.mk.

„Без слободна и мирна Украина, нема слободна и мирна Европа“, беше заклучокот од декларацијата на самитот.

Во декларацијата се потсетува дека поминаа речиси 1.000 дена од почетокот на руската воена инвазија на Украина.

„Најостро ја осудуваме оваа неиспровоцирана, неоправдана и незаконска руска освојувачка војна против Украина, злосторство против украинскиот народ, јасното кршење на меѓународното право… и големата закана за мирот и безбедноста на Југоисточна Европа , целиот европски континент и светот“, се вели во  документот.

Главната цел на средбата, која заеднички ја организираа украинскиот претседател Володимир Зеленски и хрватскиот премиер Андреј Пленковиќ, беше да се покаже поддршката на земјите од регионот на Украина.

На самитот, покрај Зеленски и Пленковиќ, учествуваа претставници на 12 земји од регионот, а во состав на македонската делегација, покрај премиерот Христијан Мицкоски учествуваше и министерот за надворешни работи и надворешна трговија Тимчо Муцунски.

Во текстот на декларацијата се нагласува дека поддршката на учесниците на состанокот за украинската независност, суверенитет и територијален интегритет во меѓународно признатите граници продолжува да е „апсолутна“. Учесниците ја потврдија својата поддршка за мировната формула на украинскиот претседател Володимир Зеленски, што ја сметаат за клучна рамка за враќање на мирот.

Во декларацијата се повикува меѓународната заедница да ја зголеми поддршката за Украина и „сите земји да не обезбедуваат материјална или друга помош за руската освојувачка војна“.

Учесниците ги осудија и ги оквалификуваа „обидите на Русија за насилно и незаконско анексија на територијата на Украина“ и изборите што Москва ги одржа во окупираните украински региони во март и септември, нарекувајќи ги „ништовни и неважечки“.

Декларацијата го поздравува отворањето на пристапните преговори меѓу ЕУ и Украина, како и фактот дека НАТО на самитот во Вашингтон „ја повтори посветеноста да ја поддржи Украина на нејзиниот неповратен пат кон целосна евроатланска интеграција, вклучително и членство во НАТО“.

„Ја повторуваме нашата цврста посветеност да ги изведеме пред лицето на правдата лицата одговорни за злосторството на агресијата, злосторствата против човештвото и воените злосторства извршени за време на руската освојувачка војна“, се вели во декларацијата.

Текстот ја нагласува клучната важност на енергетската безбедност на Украина, чии „електрани и енергетска мрежа трпат огромна штета поради руските систематски и намерни напади“.

„Нагласуваме дека секоја употреба на нуклеарна енергија и нуклеарни постројки мора да бидат безбедни, заштитени и прифатливи за животната средина. Во овој контекст, нагласуваме дека нуклеарната централа Запорожје мора да се врати под целосна суверена контрола на Украина и да работи безбедно“, наведува декларацијата.

Учесниците ја изразија својата посветеност да учествуваат во сегашната и повоената реконструкција на Украина „за да се обезбеди нејзината просперитетна иднина“.

Самитот во Дубровник е трет самит во таков формат. Првиот беше организиран во август 2022 година во Атина, а вториот во февруари годинава во Тирана. Главната цел е искажување на солидарност и поддршка на Украина.

The post БЕЗ СЛОБОДНА И МИРНА УКРАИНА НЕМА СЛОБОДНА И МИРНА ЕВРОПА Осуда за „неиспровоцираната руска освојувачка војна“ од Самитот Украина-Југоисточна Европа appeared first on plusinfo.mk.

Во соопштението објавено на веб-страницата на ЕУ, се прецизира дека со донесената одлука и регулатива се појаснуваат обврските на Централните регистри на хартии од вредност кои ги чуваат средствата и резервите на Централната банка на Русија (ЦБР), кои се „имобилизирани како резултат на рестриктивните мерки на ЕУ“.

Советот посебно одлучил дека Централните регистри што поседуваат повеќе од милион средства на ЦБР мораат одвоено да обработуваат вонредни готовински биланси што се акумулираат по рестриктивните мерки на ЕУ.

The post ЕУ ГИ ОДМРЗНУВА ЗАМРЗНАТИТЕ РУСКИ СРЕДСТВА Приходите од нив ќе бидат за поддршка на Украина appeared first on plusinfo.mk.