Министерот за здравство, Азир Алиу, изјави дека денеска ќе потпише решение за формирање стручна комисија која ќе треба да утврди од клинички аспект што точно се случило со 37-годишната пациентка со Кронова болест, која, според објавите во медиумите, починала пред осум дена откако била испишана од болница по две извршени операции на Клиниката за дигестивна хирургија.

Алиу посочи дека Државниот здравствен и санитарен инспекторат веќе е на терен и ги прибира сите потребни информации поврзани со случајот.

– Денеска ќе потпишам да се формира стручна комисија која ќе го испита случајот од клиничка гледна точка. Државниот здравствен и санитарен инспекторат веќе работи на терен – изјави министерот Али.

The post АЛИУ РЕАГИРА НА СЛУЧАЈОТ СО ПОЧИНАТАТА ПАЦИЕНТКА Ќе се формира стручна комисија за утврдување на одговорност appeared first on plusinfo.mk.

Министерството за здравство информира дека иницирало инспекциски надзор пред Државниот санитарен и здравствен инспекторат по повод смртта на 30-годишна пациентка во Инфективното одделение на Општата болница во Тетово.

„Јавноста ќе биде навремено известена по завршувањето на постапката за утврдување на фактичката состојба. Министерството за здравство останува посветено на транспарентноста, одговорноста и обезбедување на квалитетна здравствена заштита за сите граѓани“, се наведува во соопштението од МЗ.

Случајот во полиција го пријавил Ј.С. од село Копанце, тетовско, кој околу 03:20 часот утринава известил дека С.С. (30), член од неговото семејство, била хоспитализирана во болницата претходниот ден во 19:00 часот, а потоа починала.

Според пријавата, пациентката наводно не добила соодветна лекарска помош. Полициски службеници од СВР Тетово излегле на местото и формиран е тим кој ќе го води дежурен јавен обвинител во содејство со екипа од СВР Тетово.

The post 30-ГОДИШНА ПАЦИЕНТКА ПОЧИНА ПО ПРИЕМОТ Инспекција влегува во болницата во Тетово appeared first on plusinfo.mk.

Клиника вчера попладне го добила хистопатолошкиот наод за пациентката И.К. од Скопје, родена 1987 година, која почина на КАРИЛ на 9 мај 2021, а била примена на ГАК на 21 април 2021 година со голем тумор на матката и оперирана на 22 април со уреден оперативен тек

Наодот, како што наведуваат во соопштение, оди во прилог на автоимуно воспаление на крвните садови на тенкото црево и на вроден сегментен недостаток на мускулниот слој на тенкото црево што всушност е и причината која довела до постоперативна спонтана перфорација, што била причина за вториот оперативен третман на пациентката во присуство на дигестивен хирург.

Од ГАК истакнуваат дека оваа дијагноза е исклучително ретка и во голем број од случаите причината за нејзино појавување е непозната но најчесто е асоцирана кај пациенти кои имаат голем солиден тумор, лимфом, леукемија или некоја воспалителна болест. Системската форма на оваа болест, според достапната литература, е асоцирана со многу тешка клиничка слика чија дијагноза е невозможно да се постави предоперативно.

Од Клиниката напоменуваат дека пациентката има историја за претходни оперативни зафати, извадена слезинка пред пет години и пунктирани лимфни јазли пред три години кои веројатно се во склоп на системската болест што ја имала пациентката.

Во соопштението стои дека триесет и тригодишната пациентка шест дена се лекувала на ГАК и во стабилна состојба на 29 април е хоспитализирана на Клиниката за дигестивна хирургија.

The post Пациентката што почина на КАРИЛ имала автоимуно воспаление на тенкото црево appeared first on plusinfo.mk.

– Ќе го промениме својот пристап и својата политика. Со поддршка на нашите кинески пријатели, ќе преминеме на масовни тестирања. Очекувајте драстичното зголемување на масовните тестирања да почне за околу 48 часа. Имаме доволно тестови за првите неколку дена, во меѓувреме ќе добиеме и нови тестови – изјави Вучиќ.

Врвниот српски епидемиолог Предраг Кон објасни дека зголеменото тестирање ќе помогне да се откријат поблагите случаи и да се изолираат. Се врши обука на медицински сестри по здравствените домови за тестирање. Секој што ќе сака да излезе од изолација ќе мора да има двоен негативен тест. Кон објасни дека ќе се употребуваат и т.н. брзи тестови.

Како што објави Плусинфо рано утринава, бугарскиот претседател Бојко Борисов и кризниот штаб во Софија вчера најавија дека во април и мај ќе почне масовно тестирање на луѓето во таа земја за Ковид-19, при што ќе се користат три вида тестови. Бугарија планира да набави 3 милиони тестови, а расходите за месечно тестирање ќе бидат околу 21 милион левови, односно околу 12 милиони евра.

Борисов ги реши дилемите дали да се остане на најсигурниот, но бавен и скап ПЦР тест, или да набави брзи тестови, кои исто така се сигурни. Дилемата е решена едноставно – наместо „или“, прифатен е пристапот „и“. Борисов ќе набави 3 милиони тетсови, од три вида.

Кај нас, брзи тестови прават приватните болници, а јавното здравство засега ги прима и одново ги тестира лицата кои се позитивни. Дел од медиумите, пак, приватните болници ги обвинуваат за „профитерство“. Засега, од нејасни причини, остануваме без одлука за масовно тестирање, иако има такви иницијативи.

Случајот на починатата 66-годишна пациентка од околината на Струга најдобро покажува зошто е важно да се тестира, како со најпрецизниот ПЦР тест, така и со брзите тестови. Таа и нејзиниот сопруг биле дијагностицирани позитивни на коронавирус во текот на вчерашниот ден. Пациентката имала срцева болест, хронична белодробна болест и покачен крвен притисок.

Но, кога се јавиле првите симптоми кај сега починатата, таа уште на 24 март закажала тестирање на коронавирус преку својот матичен лекар. Материјал за тестирање е земен дури на 26 март, а резултатите пристигнале во текот на вчерашниот ден, на 27 март. Поради нагло влошената состојба на пациентката, матичниот лекар уште веднаш препорачал хоспитализација на Инфективното одделение во охридската болница, но до добивањето на резултатите ое тестирањето вчера, пациентката не е примена во болница. Дали ваков исход би се случил ако пациентката била тестирана веднаш кога побарала? Тоа никој не може да го каже, но секако дека е пропуст што тестирањето задоцнило.

До кога Македонија ќе се колеба да ја промени својата стратегија и конечно да пристапи кон масовно и брзо тестирање?

The post По Бугарија и Србија најави масовни тестирања – а што чекаме ние? appeared first on plusinfo.mk.

Пациентката од Куманово на прв преглед се јавила на 16 март, била со висока температура, но без кашлица и други симптоми. Во епидемиолошката анкета одговорила дека не патувала во странство и немала контакти со заразени лица. Дадена ѝ е терапија е пуштена е дома.

Веќе следниот ден дошла со синот, а дошле и на 16 март. Повторно со истиот симптом, но немале кашлица. Но, на 19 март пациентката веќе имала наод пневмонија. Таа и нејзиниот син биле сместени во болница и започнува нивното лекување.

Тогаш им се земени брисеви, но и на ден подоцна, на 20 март. Резултатите биле негативни. На 21 март состојбата на пациентката се влошува, доаѓа до компликации, направени се обиди за реанимација но без успех – таа починала.

Посмртно бил земен материјал и тестот сега бил позитивен на корона вирус. Двата претходно земени материјали пак се тестирани и пак биле негативни. Филипче објасни дека консултирале литература во врска со ова и дошле до сознание дека тестот не е стопроцентно сензитивен. Засега тоа е единственото објаснување на овој случај.

The post Сензитивноста на тестовите не е стопроцентна – објаснување за тоа зошто дури посмртниот тест на починатата пациентка бил позитивен appeared first on plusinfo.mk.