Починат 57-годишен маж од Куманово бил пронајден во патничко возило на паркингот на Општата болница Куманово.

Случајот бил пријавен вчера во 19:46 часот во СВР Куманово од страна на Општата болница.

Според информациите од полицијата, во возилото со кумановски регистарски ознаки бил пронајден Б.В.(57) од Куманово.

На местото извршила увид екипа од СВР Куманово.

По наредба на јавен обвинител, телото на починатиот било предадено на обдукција, по која треба да се утврдат околностите и причината за смртта.

Од полицијата засега не соопштуваат дополнителни детали за случајот.

Истрагата продолжува со цел целосно расчистување и документирање на настанот.

The post ПОЧИНАТ 57-ГОДИШЕН КУМАНОВЕЦ ПРОНАЈДЕН ВО АВТОМОБИЛ Телото било на паркингот кај Општата болница appeared first on plusinfo.mk.