По повод Светскиот ден на органодонорството – 13 август, Министерството за здравство соопшти дека на 9 август е извршена нова трансплантација на органи од починат донор.

„Во процесот на трансплантација беа вклучени повеќе екипи од хируршки и интерни клиники од клинички блок ‘Мајка Тереза’. Им благодариме за посветеноста“, соопштија од Министерството.

Трансплантираните пациенти се во добра општа состојба и под постојан медицински надзор и нега.

Од Министерството им посакуваат на пациентите долг живот и добро здравје и му се заблагодаруваат на семејството кое во најтешките моменти одлучило да ги донира органите.

The post СПАСЕНИ ЖИВОТИ СО ПРЕСАДЕНИ ОРГАНИ ОД ПОЧИНАТ ДОНОР Пациентите се во добра состојба appeared first on plusinfo.mk.

The post 19-ГОДИШЕН ПАЦИЕНТ СО ЦЕРЕБРАЛНА ПАРАЛИЗА ЌЕ ГАЗИ ЦВРСТО Деформитетот на стапалото е корегиран со коска од починат донор appeared first on plusinfo.mk.

На Клиниката за ортопедија е извршена трансплантација на ахилова тетива од банката на ткива од починати донори.

„Интервенцијата е извршена кај 47-годишна пациентка, со стара повреда на ахилова тетива.  Пациентката е со уреден постоперативен тек. Трансплантацијата е извшена под водство на д-р Ерен Сејфула, заедно со д-р Александар Савевски и со д-р Бојан Будиќ, анестезиолог д-р Лилјана Ангелевска, во соработка со д-р Милена Богоевска, болнички координатор за ортопедија и одговорна за ткивна банка“, соопштија од Клиниката за ортопедија.

Огромна благодарност до сите здравствени работници вклучени во оваа трансплантација, како и до семејствата на донорите, се вели во соопштението.

ЖИВОТОТ ИМ ВИСИ НА КОНЕЦ НА СЀ ПОВЕЌЕ ЛУЃЕ, А НЕМА ОРГАНИ ЗА ТРАНСПЛАНТАЦИЈА Донор не може да биде пациент кој починал дома

The post ПАЦИЕНТКА ПОВТОРНО ЌЕ ЗАСТАНЕ НА НОЗЕ Извршена ѝ е трансплантација на ахилова тетива од починат донор appeared first on plusinfo.mk.

– Ова е многу важна тема бидејќи за тоа ретко се разговара, а сепак во медицината е многу важна. Има сѐ повеќе пациенти на кои им е потребна неопходна трансплантација на органи или за продолжување на животот или за подобрување на квалитетот на нивниот живот. Меѓутоа, она со што се соочува целиот свет е недостиг на органи што би можеле да се трансплантираат и затоа се воведува методата кадаверична трансплантација или трансплантација од починат донор – појаснува Кузмановска.

Според Кузмановска, пред сѐ е потребно да се зголемат свеста и здравствената едукација на населението што значи трансплантација од починат донор.

– Починат донор не може да биде секој човек кој починал во домашни услови, надвор од интензивна, во болнички услови. Починат донор може да биде само пациент кај кого е дијагностицирана мозочна смрт. Тоа значи дека во мозокот нема циркулација на крв, мозокот не се исхранува и практично е мртов, а се одржува на интензивна нега благодарение на респиратор и на лекови, значи сѐ уште по вештачки пат се одржуваат срцето, белите дробови и циркулацијата – појаснува Кузмановска.

Во интервјуто, Кузмановска говори и за тоа како стоиме по бројот на трансплантации во однос на регионот и пошироко, за соработката со хрватското здравство и со какви проблеми се соочува процесот на трансплантација и како тие да се надминат.

The post ЖИВОТОТ ИМ ВИСИ НА КОНЕЦ НА СЀ ПОВЕЌЕ ЛУЃЕ, А НЕМА ОРГАНИ ЗА ТРАНСПЛАНТАЦИЈА Донор не може да биде пациент кој починал дома appeared first on plusinfo.mk.

Во текот на вчерашниот ден на хируршките клиники e изведена уште една трансплантација на органи од починат донор.

„Благодарение на хуманиот чин, храброста и на емпатијата на едно семејство кое одлучи да даде согласност за донирање на органите од свој близок, двајца пациенти со ретка крвна група добија бубрег и ќе продолжат да живеат нормален живот, без потреба од дијализа“, соопшти Министерството за здравство.

– Во тек на изминатото деноноќие извршивме трансплантација од починат донор. Му изразувам посебна благодарност на семеството на донорот, кое во најболен момент на лична загуба, реши да ги донира органите, покажувајќи силна емпатија и човекољубие кон пациентите кои чекаат трансплантација. Пациентите кои примија органи се со уреден постоперативен тек. Им посакувам брзо закрепнување и долг живот. Им изразувам благодарност и на медицинските тимови од сите клиники кои беа вклучени во процесот на трансплантација – изјави националниот координатор за трансплантација, проф. д-р Билјана Кузмановска.

„За жал, поради ретката крвна група, овој пат на националните листи немаше реципиенти за другите органи. Трансплантацијата за најголем дел од пациентите е единствена шанса за живот. За други, пак, е можност за поквалитетен живот. Но, таа не може да се случи доколку не постои актот на органодарување. Само благодарение на храброста, несебичноста и на емпатијата на семејствата на донорите, трансплантацијата е возможна. Да се подари органи, значи да се подари некому втора шанса за живот“, се наведува во соопштението.

The post ДВАЈЦА ПАЦИЕНТИ ДОБИЈА БУБРЕЗИ ОД ПОЧИНАТ ДОНОР Извршена е уште една трансплантација на хируршките клиники appeared first on plusinfo.mk.

На Клиниката за ортопедски болести при ТОАРИЛУЦ минатата недела е изведен комплициран оперативен зафат – реконструкција на горен екстермитет на 44-годишен маж кој бил повреден со огнено оружје. Како што соопшти Клиниката, направена е трансплантација на подлактица со коскено ткиво од донор.

– Се работи за склопетарна повреда настаната како последица на истрел од огнено оружје во март 2023 година. Притоа е оштетена една од коските на подлактицата со голем дефект од осум сантиметри. За премостување на дефектот, користена е фибула од починат донор и е фиксирана со плочки и шрафови – објаснува д-р Александар Трајановски, директор на Клиниката за ТОРИЛУЦ и еден од хирурзите кој, заедно со д-р Александар Савески, учествуваше во транспланатацијата.

Клиниката соопшти дека пациентот по операцијата се чувствува добро и дека го очекува период на рехабилитација и целосно враќање на функцијата на раката.

„Ова е трета транспланатција на коскено ткиво од починат донор годинава и 22-ра во последниве три години откако на Клиниката за ортопедија почна да се работи експлантација и трансплнтација на коскени ткива од починат донор“, се наведува во соопштението.

The post СО КУРШУМ МУ БИЛА ОШТЕТЕНА ПОДЛАКТИЦАТА Клиниката за ортопедски болести изврши трансплантација со коскено ткиво од починат донор appeared first on plusinfo.mk.

– Среќен сум што сум денес овде со вас и со моите колеги со кои ја направивме првата трансплантација на црн дроб во земјава и еве по три недели го испративме пациентот дома во добра здравствена состојба со функционален орган и со шанса да има нормален и квалитетен живот. Морам да признаам дека не беше лесно да се дојде до ова. Работевме многу, вложивме многу и еве успеавме сите заедно да отвориме едно ново поглавје не само во полето на дигестивната хирургија туку и во македонското здравство. Горд сум на мојот тим лекари и медицински сестри како и на соработката која ја имавме со останатите тимови вклучени во трансплантацијата, на соработката со Националниот координатор за трансплантација и со Министерството за здравство. На крајот сакам јавно да се заблагодарам на семејството на донорот. Без нивната хуманост немаше да имаме здрав пациент кој денес заминува дома и да го направиме овој успех во здравството – вели проф. д-р Зоран Караџов, директор на Клиниката за Дигестивна хирургија и координатор за трансплантација на оваа клиника.

Првата трансплантација на црн дроб се случи на 24 ноември кога семејството на жена кај која беше дијагностицирана и потврдена мозочна смрт даде согласност да се донираат органите и приотоа да се спасат неколку животи. Покрај црн дроб се трансплантираа и два бубрега.

– Пациентот кој го прими органот е 60 годишен пациент со напредната болест на црниот дроб за кој практично не постоеше друг начин да му се спаси животот. Денес истиот тој пациент заминува дома со нов орган и нова шанса за живот и тоа е убавината на трансплантацијата и на органодонорството. За мене како хирург и за моите колеги, беше предизвик да се започне оваа приказна. Двонеделниот престој во центарот за трансплантација во КБЦ Меркур во Загреб, соработката со тимот на Клиниката за дигестивна хирургија и со сите останати тимови, амбицијата и желбата да се влезе во оваа приказна и да се биде дел од Програмата за трансплантација, беше тоа што не водеше кон овој успех – вели проф. д-р Светозар Антовиќ, кој е дел од тимот кој ја направи првата трансплантација и воедно шеф на катедрата по хирургија при УКИМ.

Инаку, во тимот кој ја направи првата трансплантација покрај проф. д-р Зоран Караџов и проф. д-р Светозар Антовиќ учествуваа и науч. сор. д-р Љубомир Огњеновиќ, асс. д-р Ќемаљ Рушити од Клиниката за дигестивна хирургија, како и нивните колеги лекари, клиничкиот фармацевт и медицинските сестри. Тимот анестезиолози од КАРИЛ, кои го водеа реципиентот, предводени од прим. д-р Татјана Спировска. Потоа екипите од Клиниката за гастроентерохепатологија, предводени од проф. д-р Бети Тодоровска, науч. сор. д-р Елена Цуракова Ристевска, кои го подготвија донорот. Да не ги заборавиме и другите екипи кои учествуваа во трансплантацијата, а тоа се екипите од Клиниката за урологија, Клиниката за нефрологија, Клиниката за трансфузиологија, и секако, болничките координатори, кои го процесираат пациентот во мозочна смрт, предводени од доц. д-р Маја Мојсова Мијовска, д-р Билјана Андоновска, како и медицинските сестри, инструментарки, вработените во лабораториите и сите вклучени, кои со заеднички заложби го постигнаа овој огромен успех.

– Со задоволство денес сум тука на Клиниката за дигестивна хирургија, заедно со тимот кој успешно ја изврши првата трансплантација на црн дроб од починат донор во земјава. Ова е историски чекор за македонското здравство, со кој се вброивме меѓу врвните здравствени системи кои успешно работат трансплантација на црн дроб. Честитки до целиот тим кој учествуваше во оваа најкомплексна хируршка интервенција и благодарение на врвниот стручен придонес на комплетниот тим – 60 годишниот пациент денес си заминува дома во добра здравствена состојба – вели министерот д-р Беким Сали.

Ова е шеста трансплантацаија од починат донор од почетокот на годината и прва на црн дроб во историјата на македонското здравство. Заедничката и тимска работа на преку 100 лекари, медицински сестри и админстративен персонал, резултираше, годинава, да се трансплантираат 10 бубрега од починат донор, 2 срца кај тешки пациенти и извршени 10 инплантации на коскени ткива. За последниве две години тоа се вкупно 8 срца, 30 бубрези, 20 коскени ткива и еве сега и првиот црн дроб.

– За мене нема посреќен момент од тој кога пациентот ќе си оди дома. Тогаш сите ја гледаат смислата на органодарителството. Повторно би сакала да се заблагодарам на сите досегашни семејства кои донирале и успеале да спасат живот – вели д-р Маја Мојсова Мијовска, Национален координатор за транспланатција на органи и ткива.

The post СО НОВ ОРГАН ЗАМИНУВА ДОМА Првиот пациент со пресаден црн дроб ја напушти болницата appeared first on plusinfo.mk.

На фејсбук-профилот од Министерството соопштија дека и двајца млади пациенти на дијализа ќе добијат бубрези од починат донатор чие семејство вчера попладне дало согласност да ги донира органите. Дополнително, во наредните денови ќе следуваат трансплантации на коскени ткива кај пациенти кои се лекуваат на Клиниката за Ортопедија, информира Министерството за здравство.

– Благодарност до семејството на пациентката, особено до нејзината млада храбра ќерка чија храброст, хуманост и добрина ни донесоа ден полн надеж и живот за најмалку двајца пациенти. Уште еднаш големо сочувство за нивната загуба и благодарност за нивната хуманост – велат од Министерството за здравство.

The post ДОНИРАНИ ОРГАНИ ОД ПОЧИНАТА ПАЦИЕНТКА Во тек се трансплантации appeared first on plusinfo.mk.

Од МЗ наведоа дека еден млад пациент добил срце, а кај двајца пациенти на дијализа веќе се трансплантираат бубрезите. Уште неколку пациенти, како што додадоа, во наредните денови ќе можат да добијат коскени ткива.

The post ПОДАРЕН ЖИВОТ НА НАЈМАЛКУ ТРОЈЦА ПАЦИЕНТИ Храбро семејство одлучи да ги донира органите на својот близок appeared first on plusinfo.mk.